عفاف أبو حريرة ... أم وأغنية

منو البقْسم معاي تعبي وصنوف الوجعة يا يمّة
يمِد ماعونو مليان ريد سحاباً وابلو داب تمّ
بعاني براي وحايح الآه دواهي الوِردة والحمّي
مدردر من شقاوة الحال متين يا ستي أنجمّ

ــــــــــــــــ

كلمات محمد يوسف موسي
صلاح بن البادية
وسمح الغنا فوق خشم سيدو

إهداء خاص

خالد المحرب ومن لفّ لفّه يمتنعون :)

سلام يا حبيب الكل

Quote: عفاف أبو حريرة ... أم وأغنية

ما قلت الا الحق يا حبيب

بت ابو حريرة مدرسة كاملة الدسم

ام رائعة

زوجة مخلصة ووفية

اخت وصديقة وحبيبة

واخت رجال وست حارة

وكريمة كرم حتى حاتم الطائي يستحي من كرمها

وعلى قول اخوتنا المصريين جدعة

بتحب الناس بي صورة عجيبة هي واسرتها

بس انت جرب وامشي بيتهم والله لو عليك ما تطلع ابدا

لما تجده من حفاوة وكرم وحب

بالجد معرفتهم ومصادقتهم لي شرف كبير جدا لي

ربنا يدوم المحبة والخوة البينا وربنا يجعل دارهم دائما عامرة ومليئة بالحب والصدق



شكرا يا حبيب على إفتراع هذا الخيط لتمنحنا فرصة ان نخرج ما بداخلنا من حب وإحترام لهذه السيدة العظيمة

وفي رحاب عفاف أبو حريرة معاك نغني للأم المدرسة يا حبيب نورا
بس بتبالغ لكن في ال "كلمة" توارد خواطر ولا منو الـ شفَ من منو يا ود يا طاقة حروف انت :)

Quote: وفي رحاب عفاف أبو حريرة معاك نغني للأم المدرسة يا حبيب نورا بس بتبالغ لكن في ال "كلمة" توارد خواطر ولا منو الـ شفَ من منو يا ود يا طاقة حروف انت :)

عزيزتي رمانة

وفي رحابها تضيق الكلمات كلما أتسع الإحتفاء

كلمة صلاح ابن البادية من أجمل ما سمعت وهي من عيون الغناء السوداني

أتشرف بإهداءها لأم أحمد

وللجميع

شكرن كتيرن !

Quote: ما قلت الا الحق يا حبيب بت ابو حريرة مدرسة كاملة الدسم ام رائعة زوجة مخلصة ووفية اخت وصديقة وحبيبة واخت رجال وست حارة وكريمة كرم حتى حاتم الطائي يستحي من كرمها وعلى قول اخوتنا المصريين جدعة بتحب الناس بي صورة عجيبة هي واسرتها بس انت جرب وامشي بيتهم والله لو عليك ما تطلع ابدا لما تجده من حفاوة وكرم وحب بالجد معرفتهم ومصادقتهم لي شرف كبير جدا لي ربنا يدوم المحبة والخوة البينا وربنا يجعل دارهم دائما عامرة ومليئة بالحب والصدق

سامية أحمد
هذه الكلمات تنوء بما تحمل من محبة ومودة وإحترام
في الحقيقة من الأجدر أن لا أعقب عليك؛ بل نترك ما كتبتِ ليجمّل هذا البوست ويعبّر عني وعن الجميع
والحب في ذاتو مبرّر كافٍ

ربنا يديم المحبة ويخلي لينا أم أحمد ويديها الصحة والعافية

شكرن كتيرن !

حبيب نورة.........سلام

أمانة ما ذكرت مره وامانه ما جاءت سيرة ماجدة
الله اشهد مره والحريم وراء
ام احمد عفيت منها ..
ان جئتها زائرا فسترى منها عجباً
كرم فائت حد الرواشة لا غادى، والله زادها بتوطوه الضيوف
ترحيب و فرحة بالناس وتهليل بالضيوف لم اشاهده الا عند قلائل ..
من نوع النساء الكريمات اللواتى لولا العرف لسبقت قداحتها سلامها..
تقابلك بببسمة نابعة من قلب ابيض تشبعك وترويك وتلتزمك حتى تظن انك تعرفها قبل الف سنه
او انها احد اخواتك اوبنات عماتك .او بنات خالاتك
توقير للكبار وعطف على الصغار نادر فى هذه الايام الكوالح والزمن القبيح سريع الاستدارة..
اهتمام ببيتها وزوجها وابنائها تتمناه فى كل اسرة ..
والله ما قابلت بنت ابوحريرة تلك الا وشدتنى لزمناً مو ده..حتى اخال انها جاءت الى الدنيا من عصور
سالفة بحضارة وتحضر بنات الالفينات لدرجة اكاد اعرض و اتب فى حضرتها..
ارى فيها مهيرة بت عبود وشمة ام على وشغبة جدة المرغوماب ورقية بت امام شقيقة ود حبوبة..
جرئية فى قول الحق حتى تكاد تهتف امام حديثها..
واثقة من نفسها معتدة باصلها وفصلها ونسبها وحسبها دون تعصب مخل ..
تعجبها المكارم حيث هى مكارم وتزغرد امام كل اصيل ونبيل وجميل..
ام احمد بستان فى هئية امرأة وردة كرم وزهرة حنية و نفحة ترحاب ونوارة عفة وصفقة حشمة وثمرة وقار..
ياحبيب نورة والله لم ارى وداعاً للضيوف يمتد لساعات غير عند عفاف،
بعد ان تستفك كرم وجود و حديث رزين لطيف تودعك باليمنى وتستحثك باليسرى دون صنعة او تكلف
ان تبيت.. لا ان تقعد شوية كما يفعل الناس عادة وان كانت جئتك لشاى صباح ...
بت ابو حريرة لا املك لك الا دعوات صادقات من القلب كما قالت فاطنة بتت خير لابنها:
انت بالعافية التخصك فى المصارين تبقالك هدم قرقاب و نعلين
ومن كان منكم داعياً لابنه فليدعوا بمثل هذا او فليصمت..
فهل هنالك مثل العافية التى تسربل الانسان من شعر راسه الى اخمص قدميه؟
يفنى الكلام ولا يحيط بفضلها، ايحيط ما يفنى بما لايفند؟
حبيب نورة شكراً ان منحتنا هذا لنعبر لعفاف عن ما نكن لها من ود فهى التى يؤذيها الحديث عنها
ويخجلها ان يأتى شكرها امامها مع انها حقيقة بكل تمجيد وشكر..
رعاها الله من نسمة لطيفة ام احمد،،،

Quote: حبيب نورة.........سلام أمانة ما ذكرت مره وامانه ما جاءت سيرة ماجدة الله اشهد مره والحريم وراء ام احمد عفيت منها .. ان جئتها زائرا فسترى منها عجباً كرم فائت حد الرواشة لا غادى، والله زادها بتوطوه الضيوف ترحيب و فرحة بالناس وتهليل بالضيوف لم اشاهده الا عند قلائل .. من نوع النساء الكريمات اللواتى لولا العرف لسبقت قداحتها سلامها.. تقابلك بببسمة نابعة من قلب ابيض تشبعك وترويك وتلتزمك حتى تظن انك تعرفها قبل الف سنه او انها احد اخواتك اوبنات عماتك .او بنات خالاتك توقير للكبار وعطف على الصغار نادر فى هذه الايام الكوالح والزمن القبيح سريع الاستدارة.. اهتمام ببيتها وزوجها وابنائها تتمناه فى كل اسرة .. والله ما قابلت بنت ابوحريرة تلك الا وشدتنى لزمناً مو ده..حتى اخال انها جاءت الى الدنيا من عصور سالفة بحضارة وتحضر بنات الالفينات لدرجة اكاد اعرض و اتب فى حضرتها.. ارى فيها مهيرة بت عبود وشمة ام على وشغبة جدة المرغوماب ورقية بت امام شقيقة ود حبوبة.. جرئية فى قول الحق حتى تكاد تهتف امام حديثها.. واثقة من نفسها معتدة باصلها وفصلها ونسبها وحسبها دون تعصب مخل .. تعجبها المكارم حيث هى مكارم وتزغرد امام كل اصيل ونبيل وجميل.. ام احمد بستان فى هئية امرأة وردة كرم وزهرة حنية و نفحة ترحاب ونوارة عفة وصفقة حشمة وثمرة وقار.. ياحبيب نورة والله لم ارى وداعاً للضيوف يمتد لساعات غير عند عفاف، بعد ان تستفك كرم وجود و حديث رزين لطيف تودعك باليمنى وتستحثك باليسرى دون صنعة او تكلف ان تبيت.. لا ان تقعد شوية كما يفعل الناس عادة وان كانت جئتك لشاى صباح ... بت ابو حريرة لا املك لك الا دعوات صادقات من القلب كما قالت فاطنة بتت خير لابنها: انت بالعافية التخصك فى المصارين تبقالك هدم قرقاب و نعلين ومن كان منكم داعياً لابنه فليدعوا بمثل هذا او فليصمت.. فهل هنالك مثل العافية التى تسربل الانسان من شعر راسه الى اخمص قدميه؟ يفنى الكلام ولا يحيط بفضلها، ايحيط ما يفنى بما لايفند؟ حبيب نورة شكراً ان منحتنا هذا لنعبر لعفاف عن ما نكن لها من ود فهى التى يؤذيها الحديث عنها ويخجلها ان يأتى شكرها امامها مع انها حقيقة بكل تمجيد وشكر.. رعاها الله من نسمة لطيفة ام احمد،،،

هسه يا الموج فضلت شنو تاني ؟؟؟
كده أنت شطّبت البوست وما خليت لي زول حاجة يقولها !!!!
إنا لله

والحب في ذاتو مبرّر كافٍ

سأعود بي مهلة

http://www6.0zz0.com/2012/03/19/11/551910294.jpg

رغم اني لم اشاهدها الا في ليلة الجنقو مسامير الارض الا انني عجزت عن تعبير يناسبها في قوة رايها ونالت تصفيقا حاراً عندما قالت ((
أكثر الممتهنين في هذه الرواية هي المرأة مجرد صانعة خمور وسلعة للتلهي ))

قال ود الموج ابن ام صديق الموج

Quote: ام احمد بستان فى هئية امرأة وردة كرم وزهرة حنية و نفحة ترحاب ونوارة عفة وصفقة حشمة وثمرة وقار..

انا لو كنت زوجا لهذه العفاف لاطلقت عليك طلقة نارية من كلاشنكوف في منتصف راسك وفي شارع غبيرا العام عند الذروة ..

Quote: انا لو كنت زوجا لهذه العفاف لاطلقت عليك طلقة نارية من كلاشنكوف في منتصف راسك وفي شارع غبيرا العام عند الذروة ..

ههههههههههههه
زمراوي الولي

طلقتك مردودة للعدو في مسمّاها :)


أشكرك يا جميل

Quote: خالد المحرب ومن لفّ لفّه يمتنعون :

اشبع بيها يالحفيان
حبيب نوره الزمن دا كلو اشيل واكتب ابننا حبيب نوره ..غلطان انا
المكبر روحى دى ساهى فى الفاضى مالى ما بستاهل شوية ابوه منك
الفيك اتعرفت

عفاف ام احمد
وكفى
أنها درة نساء وطني
عزيزة وغالية
كنداكة

ودالمحرب وام احمد ... الله يحفظكم ويسعدكم ويعمر بيتكم

Quote: عفاف ام احمد وكفى أنها درة نساء وطني عزيزة وغالية كنداكة ودالمحرب وام احمد ... الله يحفظكم ويسعدكم ويعمر بيتكم

تسلم يا حمزاوي ياخ

بالله كلم شيخ العرب ده خليه يحافظ علي الدرّة دي وما يتعبنا معاه ساعي :)

شكرن كتيرن !

يا يس
والله ال المحرب ديل شهادتي فيهم مجروحة ولا يعتد بها
الكرم والجود والطيبة والبشاشة وراثة عند ال ابوحريرة وال الشيخ طلحة "الشغلة شغلة جينات"
ام احمد تستحق كل ما قيل فيها وزيادة
وراء كل امراة عظيمة اب احمد عظيم
تحياتي لال المحرب صغيرهم وكبيرهم
ود فرصة كويسة انه الواحد يجدد مطالبته لابواحمد بتنفيذ وعده بزيارة جدة.

Quote: هسه يا الموج فضلت شنو تاني ؟؟؟ كده أنت شطّبت البوست وما خليت لي زول حاجة يقولها !!!! إنا لله

لاتقصموا ظهرها, هى وقلائل من نساء بلادى الفضلن ..ربنا يحفظها ويخليها لأسرتها ويمتعهم بالصحة والعافية.

لك التحية يا حبيب نورة والمتداخلين.

المتفرجخ سلام عليك
اصلو الليلة ولا بقول شهادتي معوقة ولا بقول عجزت الحروف ولا حاجة
وكانت عجزت امام عفاف تاني داير بيها شنو
والله لاكتبن عنها شهادة من يسأل منها يوم القيامة حرف حرف .......
عفاف ابو حريرة زولة الله .... كرم الله وجود الله وخادم الله
الكرم السوداني معروف وبنعرفوا طب
لكن الشفتو عند عفاف دا أسمو كرم أم احمد
قبل كدا ما شفتو ولا سمعت بيهو
وانا من اقرب الناس لهذه الاسرة التي اسرتني وكبلتني تكبيلا
بجي داخل البيت دا زي العنز
ترحاب ام احمد بسبق نقرة الجرس التانية بشاشة واريحية
بيتها يدخله الوزير والسفير والغفير والفنان ومادح الرسول
وسط زحمة اكرامهم واستمتاعها بكرمهم
يدخل عليها اسلام البنغالي حاملا انبوبة الغاز
فتحسب انه نسيبها ولو ما اتكلم اشيل شك انو ولدا عديل كدا
عفاف بتتصل على اولادي في السودان اكثر مني للاطمئنان عليهم
وصرت اسالها عن احوالهم فقد صارت امهم بعد ان ارضعتهم الاخلاق قبل الكرم
هذه العفاف قل ان يجود الزمان بمثلها فلم ارى قبلها ولن ارى بعدها ........
أبو أحمد سلام ..... الطيبات للطيبين .... طبت بها وطابت بك وطبتم لنا

امرأة وطن ..فيها كل صفات الام والاخت المثالية
طيبة ووعي واخلاق وكرم حاتمي . سودانية 100%
هي وابو خالد ... واسرتهم لهم المحبة والتحية

يعني الكلام دا كوووووووووووووووووووووولو في بت أبو حريرة .......


يعني أب شنب دا طلع أي كلام و لا كيف ....؟؟؟؟؟

أبو أحمد بالله لو إحتجت لي أي مساعدة أخوك جاااااااااااااااااهز.....

و الله ياهو الفضل كمان دا تحريض باااااااااااااااااااااين.....

التحية لام احمد و صنوها ابو احمد

Quote: التحية لام احمد و صنوها ابو احمد

تسلم أستاذي الصادق خليفة

وفي النهاية نقول

الحب في ذاتو مبرّر كافٍ جداً

الغنية دي هدية لي أبو أحمد كنوع من تكسير التلج بي فهم كده

لكن الزول ده كان صوقر ومسكتو الهاشمية أنا خالي مسؤولية تماماً

ولا عذر لمن أنذر



هيعععع

خراب بلللل

Quote: الغنية دي هدية لي أبو أحمد كنوع من تكسير التلج بي فهم كده

g,

لوغسلتنى بالماء والثلج والبرد برضو مش حا ارضا
لاوش ضا حك ولا هم يحزنون

Quote: لوغسلتنى بالماء والثلج والبرد برضو مش حا ارضا لاوش ضا حك ولا هم يحزنون

يا شيخ العرب

المهلة بس

المرة دي جاييك من الآخر كده وخليني أنشوووووف آخرتا :)

Quote: يعني الكلام دا كوووووووووووووووووووووولو في بت أبو حريرة .......

أها نعل ما عندك إعتراض يا أبو حسين ؟ هههههههههههههه غايتو حسادةً تولدك البنيات :)

Quote: و الله ياهو الفضل كمان دا تحريض باااااااااااااااااااااين.....

عليك الله في تحريض أكتر من كلامك ده يا أبو حسين ؟؟؟ المسائل كلها باينة بينونة كبري وصراحة كده ما دايرين أيّتُها شخشخة في هذا البوست
خصوصاً من شلّة أبو أحمد ومن لف لفهم :) ههههههههههههههه
فينيش :)

Quote: امرأة وطن ..فيها كل صفات الام والاخت المثالية طيبة ووعي واخلاق وكرم حاتمي . سودانية 100%

مشكوووووور يا كونت علي اللطافة والظرافة والذوق وأي حاجة

Quote: هي وابو خالد ... واسرتهم لهم المحبة والتحية

ولكن رجاءاً الإلتزام بموضوع البوست :) نحن محتفلين بأم أحمد

أبو أحمد غايب في الركايب :) ههههههههههههههه

Quote: المتفرجخ سلام عليك اصلو الليلة ولا بقول شهادتي معوقة ولا بقول عجزت الحروف ولا حاجة وكانت عجزت امام عفاف تاني داير بيها شنو والله لاكتبن عنها شهادة من يسأل منها يوم القيامة حرف حرف ....... عفاف ابو حريرة زولة الله .... كرم الله وجود الله وخادم الله الكرم السوداني معروف وبنعرفوا طب لكن الشفتو عند عفاف دا أسمو كرم أم احمد قبل كدا ما شفتو ولا سمعت بيهو وانا من اقرب الناس لهذه الاسرة التي اسرتني وكبلتني تكبيلا بجي داخل البيت دا زي العنز ترحاب ام احمد بسبق نقرة الجرس التانية بشاشة واريحية بيتها يدخله الوزير والسفير والغفير والفنان ومادح الرسول وسط زحمة اكرامهم واستمتاعها بكرمهم يدخل عليها اسلام البنغالي حاملا انبوبة الغاز فتحسب انه نسيبها ولو ما اتكلم اشيل شك انو ولدا عديل كدا عفاف بتتصل على اولادي في السودان اكثر مني للاطمئنان عليهم وصرت اسالها عن احوالهم فقد صارت امهم بعد ان ارضعتهم الاخلاق قبل الكرم هذه العفاف قل ان يجود الزمان بمثلها فلم ارى قبلها ولن ارى بعدها ........ أبو أحمد سلام ..... الطيبات للطيبين .... طبت بها وطابت بك وطبتم لنا

ود البوش
وحاتك أوفيت وما قصّرت
وده جنس الكلام البجيب العبرة وبخنق حرف القول
لا تعليق
والحب في ذاتو مبرّر كافٍ

Quote: لاتقصموا ظهرها, هى وقلائل من نساء بلادى الفضلن ..ربنا يحفظها ويخليها لأسرتها ويمتعهم بالصحة والعافية.

وحاتك شيّالة تقيلة يا إسماعيل عباس

وعشان شيخ العرب ما يزعل عشاء البايتات ومقنع الكاشفات كمان :)

Quote: يا يس والله ال المحرب ديل شهادتي فيهم مجروحة ولا يعتد بها الكرم والجود والطيبة والبشاشة وراثة عند ال ابوحريرة وال الشيخ طلحة "الشغلة شغلة جينات" ام احمد تستحق كل ما قيل فيها وزيادة وراء كل امراة عظيمة اب احمد عظيم تحياتي لال المحرب صغيرهم وكبيرهم ود فرصة كويسة انه الواحد يجدد مطالبته لابواحمد بتنفيذ وعده بزيارة جدة.

محمد عمر الفكي
ياخي ده كلام زي السكر
تخيّل أنا فكرة البوست كانت مجرد أغنية كإهداء لإنسانة عظيمة لها مكانة عظيمة في وجداني ودواخل آخرين
ولكن بحمد الله الموضوع أصبح أكبر؛ وها نحن نحتفي بها؛ فهنيئاً لنا بها .
وفي النهاية نحن أخوان في الإنسانية
ولمن نحب بنحب فوق الله ساهي

الله يغتيكم دايماً رافعين رأسي

Quote: اشبع بيها يالحفيان حبيب نوره الزمن دا كلو اشيل واكتب ابننا حبيب نوره ..غلطان انا المكبر روحى دى ساهى فى الفاضى مالى ما بستاهل شوية ابوه منك الفيك اتعرفت

يا شيخ العرب ياخ ما تلخبِت ههههههههههه ده براهو وده براهو
وكل زول نحن بندي في ماعون براه ؛ إنت ماك حافظ سورة الماعون ؟؟؟
وبعدين من منظور ديني قالوا الجنة تحت أقدام الأمهات ياخ

ف ما تتضايق يا شيخ العرب

Quote: منو البقْسم معاي تعبي وصنوف الوجعة يا يمّة يمِد ماعونو مليان ريد سحاباً وابلو داب تمّ بعاني براي وحايح الآه دواهي الوِردة والحمّي مدردر من شقاوة الحال متين يا ستي أنجمّ

يس أخوي بالأثير ..
قبل ما تعمل حركه زي دي كان تكلّمنا ياخ
بشتنت أمّنا بشتنه ما عاديّة ... كل شوية تقعد قدام الكومبيوتر و تخت أصابعها في الكيبورد إستعداداً للكتابه
و لكن الصدق جوّاها بيقرّر بدكتاتورية إنّه الحروف ما تطلع منها
عيونها مليانه إمتنان ما بتحمله الحروف
بالنسبه لي ,هي تستاهل ده و أكتر, ربّنا يخلّيها لينا و ليكم و يطول عمرها
أمّا بالنسبه ليها فمش ح أقولك بقى .. حالتها بطاله بطريقه جميله جدّاً
فبصفتي "بت بطنها" زي ما بتقول هي ح أحشر نفسي في النص و بشكرك وسع السماء و الأرض
قد تقول: " أنا ما بستاهل الكلام ده, و شيّلتوني مسؤوليه كبيره " لكن هي أحلى من كل كلام إتقال و ح يتقال

أنا ممتنه للجمال و الشفافيه الفيك و "شكـــــــــــراً" كبيره ,ما إتعرفت قبل كده و لا إتحسّت, منها هي
حتى و لو ما قالتها أنا بتمنّى إنّك تحس بيها و يتّسع ليها صدرك


سارقة الــpassword و بالنيابه عن أمنا :
لينه خالد المحرب

التحايا لآل المحرب والأخ خالد والأخت عفاف.
مع اطيب أمنياتي لهم بدوام الصحة والعافية.

محبتي لك وللفنجرية نوره.

Quote: التحايا لآل المحرب والأخ خالد والأخت عفاف. مع اطيب أمنياتي لهم بدوام الصحة والعافية. محبتي لك وللفنجرية نوره.

الفاتح ميرغني

التحيات النواضر لك في المشارق والمغارب من طوكيو وحتي عروس الرمال

أما شوق

بعدك غياب !!!

انا مافي معلوم حقيقة يا حبيب لكن طالما الناس قالت كدة مافي كلام غير كدة.... المهم مناسبة في رمضان سابق جلست جنب اب شنب ولا اظنه كان يعرفني لكن جذبتني العصيدة ولا اظن ان اب شنب عمل العصيدة .

لك ولهم التحية

Quote: المهم مناسبة في رمضان سابق جلست جنب اب شنب ولا اظنه كان يعرفني لكن جذبتني العصيدة ولا اظن ان اب شنب عمل العصيدة .

أب شنب القصيدة ما سوّاها لكن قطِع شك ما بكون فضّل فوقها حاجة :)


تسلم يا أبو عمر شديد

انت لسه هناك يا سارقة الــpassword ؟


متابع البوست من اوله
والحصل على عفاف حصل لي انا برضو
افتح عشان ارد
اتسمر امام الرد
وتمتلي الشاشة قدامي بعبارة
"انتبه !! شهاداتك مجروحة خالص خالص.."
اقفل الشاشة وانصرف لاداء اعمال اخرى اقل اهمية..

بالمناسبة باسويردي مبذول لاي واحدة فيكن ،
شرط ان لا يقل ردها على "حبيب نوره وودالموج وودالبوش" ابداعا عما كتبت..
سمح؟

الله يخليكم ويعليكم

حبيب النوار الكاسي ديارنا خدار
يعلم الله من يوم شوفتك متفن قت الجنا ده مو جنا نصاح تــــب
ياهو الملان حنية وياهو الصافي النية واياهو المترع بحب الغير لله في الله
لكن وقت جيت عند العفاف ,, لون الضفاف ،، اسكت عاد اقيف
شن نسو يا يابا وشن نقول
في الممدوة خصالها بالعرض والطول
عفاف عفيفة ونضيفة
سمحة من البداية وكريمة لآآآآ النهاية
حبيبة قلبي وحبيبة قسايا هي وسيد بيتها بفقدوني في الغربة القساية
ربي يحفظها هي وود عمي الكلس ضهر البنيات لا حدهن ويحفظ وليداتهم إن شاء الله
ويحفظك إت يا الحبيب حبيب نورا بي سماحتها وعطورا
أم أحمد يوم شكرك ما يجي يا الغالية

Quote: اشبع بيها يالحفيان حبيب نوره الزمن دا كلو اشيل واكتب ابننا حبيب نوره ..غلطان انا المكبر روحى دى ساهى فى الفاضى مالى ما بستاهل شوية ابوه منك الفيك اتعرفت

لووووووووووووووووووولز عجبتني الحفيان دي بالحيل . والله صحي
إت صحي يا يسين عرفناك متفن ، الحفا لزومو شنو ؟ كع كع كع
لكن ود عمي المحرب لامن يحمبك اختااااه تــــــــــــب
هيع أنا خيتك يا الكلس بدوروا الجماعة ديل يطفروك لا غادي
علا إت ما ياكا الزول البطفروه . والله صحي
يا الحبيب يا حبيب نورتنا
إن جيت انا وفريت طرف توبي للنضمي عن أب أحمد
وقت كدي بديت اعدد في الكلام عن ود أعمي ده
علا تجيبوا البطان والصيطان وتركزوا كلكم من طرف لي قدام
خسوسا ناس ود البوش وود الموج ومن لف عمتهم ... والله صحي
أب أحمد يوم شكرك ما يجي يا يابا يا ضل السحابا
الله يحفظكم جميعا إن شاء الله

Quote: حبيب النوار الكاسي ديارنا خدار يعلم الله من يوم شوفتك متفن قت الجنا ده مو جنا نصاح تــــب ياهو الملان حنية وياهو الصافي النية واياهو المترع بحب الغير لله في الله لكن وقت جيت عند العفاف ,, لون الضفاف ،، اسكت عاد اقيف شن نسو يا يابا وشن نقول في الممدوة خصالها بالعرض والطول عفاف عفيفة ونضيفة سمحة من البداية وكريمة لآآآآ النهاية حبيبة قلبي وحبيبة قسايا هي وسيد بيتها بفقدوني في الغربة القساية ربي يحفظها هي وود عمي الكلس ضهر البنيات لا حدهن ويحفظ وليداتهم إن شاء الله ويحفظك إت يا الحبيب حبيب نورا بي سماحتها وعطورا أم أحمد يوم شكرك ما يجي يا الغالية

سومة ؟؟؟؟؟؟
هسه ده شنو وده جنسو شنو ؟؟؟ وإنتي الجابك هنا شنو أصلاً
عاااااارفك ح تجوطي لي حساباتي كلها
بعرفك بتنشلي الدمعة من جُب العيون الغرقانة أصلاً إنتظار
يا اللللله .. بالله عليك تاني ما تكتبي لي جنس نضمك ده .. تعالي سلمي وأبقي مارقة
والله صحي :)

Quote: إن جيت انا وفريت طرف توبي للنضمي عن أب أحمد وقت كدي بديت اعدد في الكلام عن ود أعمي ده علا تجيبوا البطان والصيطان وتركزوا كلكم من طرف لي قدام خسوسا ناس ود البوش وود الموج ومن لف عمتهم ... والله صحي أب أحمد يوم شكرك ما يجي يا يابا يا ضل السحابا

وبعدين يا سومة مالك عصاية قايمة وعصاية نايمة ؟؟؟
أركزي ياخ وما تخليك إيد في المركب وإيد في الطوف ههههههههههههههههههههههههه

أب أحمد خارج موضوعنا

الرجاء الإلتزام بموضوع البوست وشكرن كتيرن

والحب في ذاتو مبرّر كافي

Quote: متابع البوست من اوله والحصل على عفاف حصل لي انا برضو افتح عشان ارد اتسمر امام الرد وتمتلي الشاشة قدامي بعبارة "انتبه !! شهاداتك مجروحة خالص خالص.." اقفل الشاشة وانصرف لاداء اعمال اخرى اقل اهمية..

أبو حريرة

يازول تكتب شنو واللا تقول شنو ؟؟
هو في زول كتب واللا قال حاجة؟؟ وكيلك الله كلنا هنا فراجة

سلام كتير ومودة

والحب في ذاتو مبرر كافي

Quote: يس أخوي بالأثير .. قبل ما تعمل حركه زي دي كان تكلّمنا ياخ

الله ؟؟؟
يعني إنتي كلمتيني مثلاً ؟ لا حولا لا حولا :)

Quote: سارقة الــpassword و بالنيابه عن أمنا : لينه خالد المحرب

بنت أبي وأمي يا لينا

سرقتك للباص ويرد دي محللة من فوق سبع سماواتٍ طباقا
طالما جابت لينا ريحة الغالية و ( لينة ) الغالية :)

أنا وحاة الليل الأمسي والأوقات الخمسة غالبني البقولو

لكن كنايةً في شيخ العرب برجع ليك مخصوص
أعدم باص ويردي ده القدرت عليه :)


ويا أم أحمد

الحب في ذاتو مبرّر كافٍ جداً جداً

Quote: أب أحمد يوم شكرك ما يجي يا يابا يا ضل السحابا الله يحفظكم جميعا إن شاء الله

تسلمى بنت عمى تسلمى كلامك كبار كبار بخلى الزول يكون ممتاز دايما

Quote: حبيب النوار الكاسي ديارنا خدار يعلم الله من يوم شوفتك متفن قت الجنا ده مو جنا نصاح تــــب ياهو الملان حنية وياهو الصافي النية واياهو المترع بحب الغير لله في الله لكن وقت جيت عند العفاف ,, لون الضفاف ،، اسكت عاد اقيف شن نسو يا يابا وشن نقول في الممدوة خصالها بالعرض والطول عفاف عفيفة ونضيفة سمحة من البداية وكريمة لآآآآ النهاية حبيبة قلبي وحبيبة قسايا هي وسيد بيتها بفقدوني في الغربة القساية ربي يحفظها هي وود عمي الكلس ضهر البنيات لا حدهن ويحفظ وليداتهم إن شاء الله ويحفظك إت يا الحبيب حبيب نورا بي سماحتها وعطورا أم أحمد يوم شكرك ما يجي يا الغالية

شكرا بت عمى
يا هو ده الكلام
و بعدك منو البقدر يزيد
ديل ال ً المحرب ً و بالتضامن مع ال ًابو حريرة ً و بالعكس
و اسال الله ان يحفظكم جميعا
ال ً الجنيد و المحرب و ابو حريرة ً

ا

Quote: تسلمى بنت عمى تسلمى كلامك كبار كبار بخلى الزول يكون ممتاز دايما

حبيب نورة .....سلام

بالله الجماعة البحرفوا مسار البوست ودايرين يودوهو الخور ديل وقفهم عن حدهم ام دقنوس
كان ابوشنب كان تلك التى تقبع نواحى اللندرة الردوا عليها يمتنعون
البوست ده ONE WAY STREET
جننا جن تداخل الاختساسات..
وكما قال احد الاختساسيييييييييييييييييين:
BEER WITH WHISKY IS VERY RISKY
الا تضطرونا نشرح بالعربى الفصيح يعنى؟ ده شنو ده
قال ابو شنب قال !! البيت بى سته
الشعب يريد اسقاط ا................. حتى عمها قال كده
لوووووووووول،،،

Quote: بالله الجماعة البحرفوا مسار البوست ودايرين يودوهو الخور ديل وقفهم عن حدهم ام دقنوس كان ابوشنب كان تلك التى تقبع نواحى اللندرة الردوا عليها يمتنعون البوست ده ONE WAY STREET جننا جن تداخل الاختساسات.. وكما قال احد الاختساسيييييييييييييييييين: BEER WITH WHISKY IS VERY RISKY الا تضطرونا نشرح بالعربى الفصيح يعنى؟ ده شنو ده قال ابو شنب قال !! البيت بى سته الشعب يريد اسقاط ا................. حتى عمها قال كده لوووووووووول،،،

هاهاهاهاهاهاهاها غايتو يا صديق الموج أمورك واضحة شديد
وبعدين هسه أنا بقيت في مفترق طرق وأب شنب ما بنرضي فيه
لكن في نفس الوقت أنا كلامي واااااضح وإنت كمان توجيهاتك فوق راسي هههههههههههههههههههههه

ولا عذر لمن أنذر :)

يا شيخ العرب
الظاهر إنو البوست ده فيه حضرة كان ما أخاف الكضب عشان قعد يتوارا لي وأنا بين صاحي كالنعسان ومرة في عز المنام .
آل أبو حريرة يلحقونا ويفزعونا وينجدونا . والله صحي

Quote: يس أخوي بالأثير .. قبل ما تعمل حركه زي دي كان تكلّمنا ياخ بشتنت أمّنا بشتنه ما عاديّة ... كل شوية تقعد قدام الكومبيوتر و تخت أصابعها في الكيبورد إستعداداً للكتابه و لكن الصدق جوّاها بيقرّر بدكتاتورية إنّه الحروف ما تطلع منها عيونها مليانه إمتنان ما بتحمله الحروف بالنسبه لي ,هي تستاهل ده و أكتر, ربّنا يخلّيها لينا و ليكم و يطول عمرها أمّا بالنسبه ليها فمش ح أقولك بقى .. حالتها بطاله بطريقه جميله جدّاً فبصفتي "بت بطنها" زي ما بتقول هي ح أحشر نفسي في النص و بشكرك وسع السماء و الأرض قد تقول: " أنا ما بستاهل الكلام ده, و شيّلتوني مسؤوليه كبيره " لكن هي أحلى من كل كلام إتقال و ح يتقال أنا ممتنه للجمال و الشفافيه الفيك و "شكـــــــــــراً" كبيره ,ما إتعرفت قبل كده و لا إتحسّت, منها هي حتى و لو ما قالتها أنا بتمنّى إنّك تحس بيها و يتّسع ليها صدرك

يا شيخ العرب إتصالك الهاتفي في وقت الحضرة كان سبب مباشر في تدهور صحة المربع الجاي ده
لكن برضو لازم نقولوا ليكم لاحقاً :)

الكلام عن اسرة خالد المحرب
وخصوصا عفاف ابو حريرة ست الدار صعب خلاص
لانه الواحد بخاف يوفيها حقها
او تتصاغر الكلمات وتتقزم امامها

عموما عند زيارتك لهم تستقبلك عفاف باريحيه وابتسامه وطيبة وحنية اهلنا
وتصلك رساله على الفور بالاتياح والانيداح وانو البيت بيتك وتاخد راحتك
وهذا هو الذي يحدث بالضبط وتحس وتشعر انك احد افراد البيت
وهم طبعا اهل الكرم والجود
واتاكدته من الموضوع ده تماما عند زيارتنا للسودان انا والاخ العزيز خالد المحرب
وطبعا نزلنا في بيت ناس عفاف وحلتهم بالحاج يوسف المايقوما

اقسم بالله ودي اول مرة تحصل لي في حياتي
عند زيارتك ليهم طوالي يقدموا ليك
المويه م العصير ثم القهوة
والله قبل تكمل القهوة تجيك المراره دافيه من خروف
عموما انا شهادتي مجروحه
لما تربطني انا واسرتي من علاقه حميمه بهذه الاسرة الطيبه الكريمة
وهذا غيض من فيض
تحياتي يا حبيب الكل يا رائع

اخى حبيب نوره انها العفاف سلامها امل حديثها درر دارهم وطن وعاش ابو احمد

يا حبيب الكل سلام مربع
اين انت
اظهلر وبان عليك الامان
عشان نواصل اندياح في هذا البوست
وبوح عميق مع اهلي البطاحيين
وتحديدا عائلة ابوحريرة