فيديو أحمد هارون في قناة الجزيرة .. وفقاعة الجنائية

ذكر اللواء المتحدث أن أحمد هارون مطلوب في الجنائية الدولية

ما هي هذه الجنائية الدولية ؟
هل تتوفر في الجنائية الدولية ادنى معايير العدل؟
طيب لو افترضنا أن احمد هارون هو مجرم حرب .... ما هو الشيء الذي فعله احمد هارون ، احمد هارون نفذ التوجيهات الصادرة له بحفظ الامن في دارفور بتوفير الحماية للمدنيين من هجمات المتمردين ،، في دولته وهو يقوم بأداء واجبه في العمل الموكل له ... هل هذه جريمة أن يقوم شخص بأداء عمله بكل تفان واقتدار هل هذه جريمة ؟؟؟

طيب اوكي افترضنا أنها جريمة ،،،،،،،،، (( اتفقنا أنها جريمة ويعاقب عليها القانون الدولي ومحكمة الجنايات))

قولوا لي بربكم _ يا اصحاب العقول والمنطق_ قولوا لي ماذا يكون فعل بوش في العراق وهو يقطع هذه القارات ويأتي الى العراق ويقتل اكثر من 3 الف عراقي ماذا تسمون هذه في قواميسكم ؟؟ أليست هذه جريمة واضحة وضوح الشمس ؟؟ وان بوش هذه قد خرق اجماع مجلس الامن بعدم إجتاح العراق ، ماذا تقولون في هذا اليس قتل الابرياء والفتك بهم وابادتهم خرق لمواثيق الامم المتحدة ؟؟

وماذا تسمون قتل اكثر من الف لبناني بيد قوات اليهود في جنوب لبنان على يد يهود اولمرت ماذا تسمون فعل يهود اولمرت هذا اليست جريمة ينبغي على الجنائية ان تطالبه بالمثول امامها ويصبح مطارد من الجنائية مثله مثل أحمد هارون ؟؟؟
وألم يكن قتل الفلسطينيين في غزة والفتك بهم بطائرات اف 16 جريمة يعاقب عليها القانون ؟
لماذا لم تجرم محكمة الجنايات الدولية بوش الابن ويهود اولمرت ويهود باراك وجريمتهم اوضح من ضوء الشمس بينما جريمة أحمد هارون يختلف فيها حتى الاعداء انفسهم إذ أن احمد هارون لم يتعدى على دولة أخرى بل كل ما عمله هو حماية الابراء والزود عنهم من هجمات المتمردين ودفع الاعداء عنهم
أم أنها سياسة الكيل بمكيالين وسياسة المعايير المذدوجة ؟؟ ألم اقل لكم أن الجنائية هذه لا عدل فيها ؟ ألم أقل لكم أن محكمة الجنايات الدولية هذه انشئت خصيصا للتنكيل بالرؤساء الذين يناصبون اسرائيل العداء؟؟

نعم محكمة الجنايات الدولية هذه إن كان فيها وعدل وتكيل بعيار واحد فلتجرم اليهود وبوش الابن وغيره
ولكن سياتي اليوم الذي يندم فيه كل من مد يده وعاون هؤلاء اليهود ومن لف لفهم

الأخ المكاشفى السلام عليكم

بصرف النظر عما فعله بوش وغيره . ما قاله أحمد هارون منافى لكل الأعراف

والشرع والدين وكل ما هو إنسانى . أخى الكريم دعنا لانربط ما يفعله والآخرون

بما هو حاصل لدينا. نحن أمام كلمات أطلقها هذا الرجل وهى قطعا مدانة بكل مافى

الإدانة من معانى. على الحكومة أن توقف هذا الرجل عند حده وتقيله بل وتحاكمه على هذا

الكلام الذى لايصدر عن رجل سوى . بل هى حماقة كبرى لو ترك فى منصبه.

دفاع الحرامى امام القاضى إنو فى ناس كتار غيرو سـرقوا وما فى بوليس مسكهم..!!
بالله يا المكاشفى دا منطق تجيبو؟ بالعكس فهذا المنطق يثبت التهمة لأن صاحبها لا يدافع عما لا يستطيع الدفاع عنه.. فقال
(فى حرامية كتار فى البلد ايش معنى انا)!!!

Quote: ما هو الشيء الذي فعله احمد هارون

قال ما تجيبو حي
ويكفى هذا

Quote: ما هو الشيء الذي فعله احمد هارون

قال ما عايز اسرى لانهم حيكونوا عبئ إدارى علينا (حراسة واكل وترحيل ومحاكمات وصداع) أكلوهم نيئ.
زول قائد يأمر جنوده على رؤوس الاشهاد أن يجهزوا على الاسرى، دايرو يعمل شنو اكتر من كدا؟

قالوا إتنين مساطيل، زبطوا راسم تمااام. واحد قال للتاني: يا زول قوم أجري .... الكشة جات.
صاحبو قال ليهو .... سيبك منهم ... ما حيقدروا يعملوا لينا حاجة ... أنا لا معترف بي بوليسهم ولا محكمتهم.

تحية طيبة للجميع

رغم موقف هذة الحكومة الدنئ من كل ما هو بشرى و انسانى

لكن البت فى مثل هذة الامور لن ينفع من اهل الشعر و الادب و الفن !

عايزين عسكرى من اهل هذا المنبر يدينا رآيو فى الموضوع ده

لانو كلمة (ما تجيبو لينا حى) عبارة معروفة فى الجيش و مرادفه للانجليزية

Hit to Kill

هو ما قال اكتلو الاسرى ، قال ما تجيبو لينا زول حى و فى فرق بين العبارتين

و اذا انتهجنا هذا المنهج فسوف نلوم كل قادة الجيوش فى العالم و الذى يصدرون

هذة الاوامر، حتى فى التسجيل المشهور لقرنق و الذى يصرخ فيه

Kill Muhamadyen

لاحظو انها

Kill

ما

Hit

على العموم ننتظر رآى خبير ، لانو الحاصل اسه مجرد ترديد مدفوع

بالعاطفة ، ممكن يرفض من المحكمة فى اول جلسة اذا لم ترتب القضية

قانونيا بشكل جيد

محمد الامين، سلام

Quote: هو ما قال اكتلو الاسرى ، قال ما تجيبو لينا زول حى و فى فرق بين العبارتين

اقراها كلها.. قال

Quote:  ما تجيبو لينا حى.. ما تعملوا لينا عبئ إدارى.

 والعبئ الإدارى هو الاسيـر، واللا شنو رايك؟
بعدين اساسا قال ما تجيبو لينا حى، دى معناها شنو؟ يعنى ما تجيبوا اسير. والزول لما يكون فى استطاعة الجندى يجيبو حى معناها اسير

Quote: عايزين عسكرى من اهل هذا المنبر يدينا رآيو فى الموضوع ده لانو كلمة (ما تجيبو لينا حى) عبارة معروفة فى الجيش و مرادفه للانجليزية Hit to Kill

ههههههههههه

تحية طيبة للجميع

العزيز ابو الريش ، انا هنا ليس للدفاع عنه ، انا بس قلت الفهمتو ! و احتمال الغلط وارد

و اهو دينق موجود و مبسوط ، بس يا ريت يوضح لينا حبه دام هو فى سلك العسكر

و هل عبارة Hit to Kill يحاسب عليها فى الدول الاخرى و لا هى عبارة غلط ولا شنو ؟

Quote: و هل عبارة Hit to Kill يحاسب عليها فى الدول الاخرى و لا هى عبارة غلط ولا شنو ؟

محمد
الجيش اساسا طالع ليحارب والحرب موت وقتل.. لكنهم مدربون وممنوعون عن قتل الأعزل والمدنيين والأسرى، وقادتهم يشددون عليهم فى ذلك، فوق ما درسوه..
وفى حالتنا دى القادة يأمرونهم بقتل الاسرى. دا لو اتفرضنا جدلا ان هارون قائد عسكرى، ولكنه مدنى وكمان كان قاضى مسؤول عن القانون.. فتأمل. hit and kill لا تشمل الاسرى

الاخ دكتور المكاشفي

تحياتي


وارجو الا تضيع وقتك مع المرجفين والمخذلين والعملاء



لان هذا الموضوع الذي تولي كبره بداية هم اما من دولة الجنوب او من عملاءها من منسوبي تحالف المتمردين الذي ترعاه



وارادوا به صرف الانظار عن اعتداء الجنوب علي هجليج


ومعروف ان احمد هارون لم يذكر الاسري بل كان يحرض جنودنا علي القتال وعلي قتل كل جيش العدو وابادته

وهم يعلمون ذلك ولكنهم يريدون دعما لقواتهم المنهارة ومعنوياتهم المأزومة والمهزومة


وارمي قدام

والله اكبر والعزة للسودان

Quote: اقراها كلها.. قال Quote: ما تجيبو لينا حى.. ما تعملوا لينا عبئ إدارى. والعبئ الإدارى هو الاسيـر، واللا شنو رايك؟ بعدين اساسا قال ما تجيبو لينا حى، دى معناها شنو؟ يعنى ما تجيبوا اسير. والزول لما يكون فى استطاعة الجندى يجيبو حى معناها اسير

شكرا اخى ابوالريش

من يحاول تجميل القبح لن يفلح وكل هذا باسم الوطنية !
الوطنية التى تتجاوز الانسان وحقوقه , بالفم المليان نقول ليها ط ززززززززززززززززز فيك

كلكم شايتين بره العارضة




غايتو ما اسمع واحد فيكم يتكلم عن الجنائية تاني
لانو ظهر في الشريط لواء يتحدث عن الجنائية

انا استغرب انو في ناس لسة مؤمنيين بالجنائية

Quote: انا استغرب انو في ناس لسة مؤمنيين بالجنائية

وانت الصادق في كتار مؤمنين بحتمية العدالة وان طال الزمن
بس اوعك تقول اين هي العدالة في فلسطين وبغداد وبوش وكلينتون
لانه ببساطة لا يمكن ابطال العدالة في اي منطقة بحجة ان لا عدالة في منطقة اخرى
وبعدين حديث القانوني احمد هارون عن القتل بالصورة التي وردت في تقرير الجزيرة مرفوض بغض النظر عن من هو احمد هارون هذا