¸,¤؛°`°؛°•.♥.•°¤ نــَــادي الطـمْبُـور¤°•.♥.•°؛°`°؛¤,¸

بوست قديم في ثوب جديد
و مُتواصِل بإذن الله
أولى محطّاتنا
طارِق العوض في أُغنية يا سحابة للشاعر عُثمان ضِرار
و لمّن الطّمبور يِرِنْ يِخلِّي قلب الكافِر يِحِنْ

ونادي الطّمبور رنّة سِلِك و حرِف نضير

الشّاعر الجّميل/ مُحمّد سفلة
و سفلة هلي لقب العائلة بحسب محمد نفسه و شرحها
سُكناهم و العائلة في منزلهم "زمان" في مِنطقة عالي واطي
و كان منزلهم في المنكقة المُنخفضة (لسُفلى)
و مُحمّد سفلة هو من شكّل وِجدان مُحمّد النّصري ود مروي شرِق
وكُنت من المُعاصرين لمُحمّد النّصري وأنامله تتلمّس أوتار الطمبور في بداياته مُنذ كان طِفلاً

هسي يا قريبي ان باريت الدليب دة موش احسن ليك من ناس المؤتمر الوطني ديل

Quote: ¸,¤؛°`°؛°•.♥.•°¤ نــَــادي الطـمْبُـور¤°•.♥.•°؛°`°؛¤,¸

قرط على كدة.....



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: هسي يا قريبي ان باريت الدليب دة موش احسن ليك من ناس المؤتمر الوطني ديل

بوست (مشلخ) بي مزااااااج

Quote: بوست (مشلخ) بي مزااااااج

بوست عاوز حراس خاصه من الاجانب يا جنابو

ياخي احب الطمبور واموت وانا في حالة طمبرة ...


اوصي المؤتمر الوطني بنقل علاء الدين من وحدة الامن الالكتروني الى وحدة الطمبور الالكتروني ...

تسلم ياحبيب ..

فايز باشا ابو ودان 1882-1919

سلامات يا شباب
و مرحب بمروركم الجّميل
البوست دة من باب التّرويح عن النّفس و استكشاف دُرر الطمبور التي نكون في حضرتها كما المُتصوِّفة
وهي مُواصلة لبوست سابق كان يغلب عليه النّص
لكن في هذا البوست سنُركِّز على الصّوت و الفيديو

و يا ود جبريل وود القّاضي الفيديو الجّاي دة ينسف ما ذهبتما إليه و يُثبت أن وِعاءنا جاااامع


جنابو عُمر عُثمان
تاني ما أظِن في غير المشلّخات دي نِتلاقى
ما كَدِي!؟

فيصل الرّشيد الكوز
أهديك أُغنية بلادي بلادي أهلاً رائعة الرّاحل إسماعيل حسن
ألحان وأداء ميرغني النّجار و عبود تبوري - جعفر السقيد - محمد كرم الله - عثمان عبد العظيم
و كان بين الحُضور رئيس الجُمهورية عُمر البشير
هذه الأُغنية التي لو خيّروني لاخترتها نشيداً وطنيّاً ولا أروع

و مرّة أُخرى مع المُبدِع طارق العوض
يا وفا ليه .. ليه بتردي الموية
تصميم فلاشي جميل بيد أخ فنّان إسمه في المنتديات (النوار)
فقط قُمت بتحويله إلى صيغة wmv
لأنو الفلاش في أجهزة ناس كتيرة ما بيشتغل
فله العُتبى و منه الإذن بالطّبع

علاء سلام
عنوان بوستك ده كان عنوان برنامج في تلفزيون عطبرة منتصف الثمانينات
قدمته مذيعتنا الكبيرة بت الدابي
مرة نقلوه على الهواء في التلفزيون القومي
تخيَل كم شاعر وفنان طمبور كان بيستضيفهم البرنامج ده
خاصة وان عطبرة مهبط غناء الطمبور
سقى الله تلك الايام بماء السقيا

_
وينك ياخ

Quote: جنابو عُمر عُثمان تاني ما أظِن في غير المشلّخات دي نِتلاقى ما كَدِي!؟

هههههههههه ......

وين ليك بنتلاقي يا جيناكم يا جيتونا ...

في إنتظاركم يا جنابو
نحن ما بنمشي لي ناس ما بجونا


والله يا جنابو نحن طالما مشاعرنا البتتنقرش فوق وترالطمبور دي في قلوبنا
حاجة بتفرِّقنا ماف

Quote: أولى محطّاتنا طارِق العوض في أُغنية يا سحابة للشاعر عُثمان ضِرار

الأخ علاء الدين
لك التحية
ولزامًا علي أقول ليك شكرًا
هذا البوست كأنما أعادني إلى الوطن
فالسطر الصغير المقتبس أعلاه فتح مغلق أبواب الذاكرة .. أعاد أحلى الذكريات
مع صديق العمر ورفيق سنوات الدراسة الطويلة
الحبيب عثمان عوض عثمان ضرار ابن أرقي ومدني وحلة عباس
سنوات الصبا الباكر والشباب اليافع وعنفوان الجامعة كلها تنبعث في لحظة واحدة
على رنة طمبور ..
شكرا لك مرة ثانية وثالثة

الأخ الكريم طه
مرحب بيك
قصدت من هذا البوست أن يكون واحة للتّسامح و الجّمال و النّاس الحُنان
و يُسعدني أن وجدت فيه مُتّكأ و مِساحة تستريح فيها من وعثاء السّفر

Quote: فيصل الرّشيد أهديك أُغنية بلادي بلادي أهلاً رائعة الرّاحل إسماعيل حسن ألحان وأداء ميرغني النّجار و عبود تبوري - جعفر السقيد - محمد كرم الله - عثمان عبد العظيم و كان بين الحُضور رئيس الجُمهورية عُمر البشير هذه الأُغنية التي لو خيّروني لاخترتها نشيداً وطنيّاً ولا أروع

علاء الدين ...
ياخي اشكرك علي هذا الابداع المعطون في جداول المحنه ..
اعدتنا مئات الكيلومترات .. الي هناك الي حيث ننتمي .. حيث اهلنا الصابرين الطيبين ..


اليك قواسيب و لواري محبتي ..

فيصل الرشيد يا حبيبنا
البوست دة ان شاء الله
أخليك تشم فيهو ريحة الجروف ومنظر اللوبي وجدول الباجوري وقيفة الساموري وجريد التمر
والحاحاية والتقا و التقنت والنوريق والمترة والقفيز وحش التمر
وارجعك لي زمن صابر جرا واولاد ود مكي وسفريات زهرة الشمال
والمساعد والصاجة وخور ابو ضلوع وقهوة ام الحسن ووادي جبل الحوش
وقطر كريمة والسندة وشاي المحطة وقراصة التمر والزوادة والتسطيحة والممشى والسلم والرصيف

Quote: أخليك تشم فيهو ريحة الجروف ومنظر اللوبي وجدول الباجوري وقيفة الساموري وجريد التمر والحاحاية والتقا و التقنت والنوريق والمترة والقفيز وحش التمر وارجعك لي زمن صابر جرا واولاد ود مكي وسفريات زهرة الشمال والمساعد والصاجة وخور ابو ضلوع وقهوة ام الحسن ووادي جبل الحوش وقطر كريمة والسندة وشاي المحطة وقراصة التمر والزوادة والتسطيحة والممشى والسلم والرصيف

يا علاء ..
اثرت في شجون واشواق ..
وكأني في حوشنا الكبير استلقي علي عنقريبي مستقبلا السماء ورائحة الجروف تملأ انفي ..
ويأتيني مع النسيم اصوات طنابير (بطان الحله ) .. تتلاشي و تعود .. وصوت الباجور ووووووووو

ياخ طلعته زيتنا والله ..

شكلي كدي بقوم انزل البلد

الله عليك يا ود اليمني ياخ
و أهدي الغُنية دي لي ود الصّايم

سأُحاول في هذا لبوست قدر المُستطاع إنزال الأُغنيات التي لم يتم تحميلها على الإنترنت
أو لم تُحمّل بجودة صوت و صورة عالية فنعيد تحميلها في تسجيل جديد و حديث إن تحصّلنا عليه
وتحت يدي الآن مجموعة تسجيلات رائعة لأُغنيات جديدة و أُخرى في ثوب جديد
بس الله يدِّينا الوقت

تسجيل جديد للرّائع عبد القيّوم الشّريف
يا عُشّاق واشوقي

علاء يوسف ما هو انت انت زول كويس وجميل
قرط على كدة وبلاش من الكلمات اياها

متابع البوست من يوم ما نزل واليوم فقط عرفت البوست موجود في هذا الربع
وفهمت انو البوست عمرو طويل وخير ما عملت لانو بالبوست دة بس حنذكر محاسنك

كل عام وانت بالف خير والف شكر على نقل هذا الابداع

علاء صلاح من فيتنام !!!!!!!!!!!

هلا يا مَطرْطَشْ
كُل عام و أنت بخير
و أُهديك إحدى زهرات الرّائع ميرغني النجّار

علاء الدين

عيدك مبارك الان بس


داير اسعل سؤال:

الفرق شنو بين الطمبور والطنبور ؟؟؟




..................اسمع كلام ود جبرين دا احسن لك...........حجر.

امي البتصحا من الفجر تندلى لا طرف الجرف وتجينا لا عند العصر


اقولو يا سجم السجم انا زي قرايتك ما قريت لكن عويناتي بيفرزن الوريقة البيضة من لون القلم