Post: #1
Title: مجموعة "أغنيات للحب و الوطن" . .. ... .... ..... (Lyrics)
Author: Abuzar Omer
Date: 11-15-2011, 03:45 AM
Parent: #0
أغنياتٌ للحب و الوطن كلمات تتطلع لتنسم رائحة الوطن الحقيقية، هروباً من واقع حزين..
تَحْتَرِقُ..
في مَسيرِكَ نَحْوَ الشَّمْسْ ،
مَسْرُوقٌ مِنْكَ الْوَقْتْ ،
وَمَدينَتُكَ مَسْرُوقَـةٌ مِنْ صَفَحَاتِ التَّاريخِ...
أبوذر عمر
...............................................................................................................................
ما بننكسر!!
ما بتنكسر شوكة وطن
فى عز المحن
بتظهر عزيمة شعبنا..
حتى لو طال الظلم
و غابت تباشير الفرح
و ضاع الهنا..
. .. ما بننكسر!!
و طال الصبر
فات الحدود الممكنة
. .. ما بننكسر!!
و النيل حزن
فارق ضفتة
خارت قواهو انحنى
. .. ما بننكسر!!
و الأرض لبست جفاف
بلا غيمة حداد
تغسل شقاءها و تحضنا
. .. ما بننكسر!!
و نرجاك يا سيد الشعوب
تحطم قيودك
و بكرة بيك ترحل دموع
و تحلق سحابات المنى
والبرق القبلى
يعرض بالطرب
تضحك بنيات الحقول
و تتفجر نوافير الغنا
يزهر وطن
فوق الجحافل
و التوابيت
و الطواغيت و الضنى
ما تنكسر
و أمرق فرح
عز الهجير
أزرع جروفك يا جنى ..
بكرة أمنياتنا بتكتمل
و يضوى تاريخنا
ظلام الأزمنة ..
|
Post: #2
Title: Re: مجموعة "أغنيات للحب و الوطن" . .. ... .... ..... (Lyrics
Author: Abuzar Omer
Date: 11-15-2011, 03:52 AM
Parent: #1
على مشارف نور
أنا للوطن..
و أنا منك يا شمس
واعدتك أن نحيا صنوان
نحيا للحب
واعدتك أنلا يفرقنا خطب..
و منذك
كان الحلم
عيد لقاء ..
بينى و الغد
مسافة صبر
صلوات و دعاء ..
يعبرنى صخب الكون
كخيط البرق
دون بقاء ..
العمر شتاء
أتراح تتناسل
صمود يتداعى
إبحار شقاء ..
و أنا
مشدود لحسن الفأل
بخيط رجاء
أن أولد أزهاراً
من رحم العشق
أحرق تأريخى
كبخور ممهور بالدعوات
لسعد آت ..
يخرج من ليل السنوات ..
لويلات الصمت
أحلامى أبداً
تصلب فى الترحال
وغيابى
يرهق قرص الشمس
فى الرحلة
ما بين الشفقين
تتوغل فى البطء الخفقات ..
تتفتت روحى
لطرق عقارب
ساعات الحرمان ..
و هواك الجارف
يملكنى
يعتقنى
من سجن الأحزان
يجدد ميلادى
يملأ ذاكرتى
باللا نسيان ..
يسرج روحى أمنيةً
بين العقل
و غرف القلب
يتمدد فى أوردتى
فى كل مسام رحب
يفسر بالصمت
معجزة الحب ..
يصور أطفالاً
من أبنوس
يجملون فضاء الأيام
بخليط من ألوان الطيف
تتدرج من ما فوق الطين
الى ما تحت الثلج
تروض شبق الإبصار ..
يصرعنى الشوق
و يشقينى حد الموت
مقامى فى مملكة الأسفار ..
سأعود إليك
إسراءً من ظلمة لحظاتى
لألق الفجر
من عوز الغربة
و وجع البين
و طعم الصبر ..
بيقين هواك
سنفجر وهج الغد
و نخرج أجيالاً
تتدفق نوراً
حين تغنى للحب
بكل لغات الأرض ..
نحلق كأوراق
هجرت أشجار الحزن
لسطوة ريح الحب ..
نشدو لحناً عذب
الى أن يغفو القلب ..
|
Post: #3
Title: Re: مجموعة "أغنيات للحب و الوطن" . .. ... .... ..... (Lyrics
Author: Abuzar Omer
Date: 11-15-2011, 03:54 AM
Parent: #2
ما بتنفصل جوة الضلوع
مكتوبة بى غبار الحوافر قصتك
راحل وحيد
ممزوجة بى برد الفواصل وحدتك
ملهوف على بنيات التضحيات
راحن بعيد
صعبت عليهن حدتك
براك فريد
و كتين تقع ما ليك صديق
و كتين تقوم
تخرج على الظلم الفظيع
كوامن عزتك
مليان شراعك بالغضب
خابر متاهات سكتك
ما بتنتهى الدمعات عليك
ساعة تسوقك للبعيد ريح شدتك
.....
العشق قلبين
و القلب فيهو الإتجاهات الأربعة
و الدم البيصنع مع النيل الحياة
ما بنفصل
نازف من جوانحك جرح سنين
و ما بتنفصل
زادت قساوة الصراع
و جفت شجيرات الحنين
ما بتنفصل
فى جوف غفارك
تنطفئ الجراحات و الأنين
و ما بتنفصل
عزة و صبر
بسمة و أمل
لمة أهل و رباط متين..
|
Post: #4
Title: Re: مجموعة "أغنيات للحب و الوطن" . .. ... .... ..... (Lyrics
Author: Abuzar Omer
Date: 11-15-2011, 03:56 AM
Parent: #3
سبتينى فى نص الطريق
سبتينى
فى نص الطريق
مجروح وحيد
لا سكة.. لا زاد.. لا رفيق
مصلوب على جمر الدموع
مكتوب على قلبى الحريق
سبتينى لى فرقة و حزن
للغربة كيف بعدك أطيق
سبتينى فى نص الطريق
لا سكة.. لا زاد.. لا رفيق
سبتينى لى جرح السؤال
ينهش عقاب قلبى الرقيق
أنا، إمكن أكون قصرت فيك؟؟
وكتين مليت عليك الكون رحيق!!
و إمكن عشان قلبى الكبير
فضيتو ليك حسيتى ضيق!!!
و إمكن عشان
كلمات هواى
خلاف عينيك ما عرفت عشيق!!
أخترت المحال
و فضلت فى عينيك غريق
عينيى ما شافت
بعدعينيك بريق..
ليه سبتينى فى نص الطريق
لا بسمة.. لا نور.. لا رفيق
|
Post: #5
Title: Re: مجموعة "أغنيات للحب و الوطن" . .. ... .... ..... (Lyrics
Author: Abuzar Omer
Date: 11-15-2011, 03:58 AM
Parent: #4
علامة على الطريق
خليت علامة على الطريق
و ثبته رسمك فى القلب
زاهى و مرح..
رحلت بى حلمى الجريح
و عارف هواك جواى
كبير ما بنجرح
مسكون بى عشقك
متيمم مشيت و لوحت ليك
مبهورة العيون بحرير السفر
و أنا بالى فيك
شهّدت النيل و التراب وصلاتى ليك
وعداً على أمشى و أجيك..
ما تحزنى
بكرة ابتسامتك تعود
تملأ المشارق بالبريق
ما بخاف عليك و أنا فى الغياب
التراب الفيكِ من معدن صمود
ما بفنى، بس بفنى الحريق
و تفضل علامة على الطريق
تضوى الغربة لى خطوات
ساهيات بعيد، شان يرجعن
و مسارات الصبر تفرهد طرب
و تضج بالرحيق..
و ينزل من مسامك بلسماً
يروى الأرض و يطيب الجرح العميق
مكتوب نعود
نبنيك ذى ما بتحلمى
تمضى الدموع
و يرفرف الفرح الرشيق..
أصلوا العلامة على الطريق
وطن عزيز ساقيهو نيل
و تبقى العلامة على الطريق
عزة و شرف و أصل نبيل
و تبقى العلامة على الطريق
جنة بى أطفال سمر
راجيهم مستقبل جميل..
|
Post: #6
Title: Re: مجموعة "أغنيات للحب و الوطن" . .. ... .... ..... (Lyrics
Author: Abuzar Omer
Date: 11-15-2011, 04:00 AM
Parent: #5
الليلة عيدنــا
الليلة عيدنا
الفرحة أشرقت
طوقت جِيد الزمان ..
هلّ هوانــا
و إكتمــل
عطّر براحات
المــكان ..
دوزن وتر
نثر الطرب
و زغردت
فى نشوة
أماتنا الحُنان ..
الليلة عيدنا
صِفت القلوب
بالأمنيات
وفاض حسنك
بهر بى روعتو
كل الحِسان ..
و نورت
كل الوجود
بسماتنا ..
فاح حُبنا
و إختال شعاع
من بهجتو
حرك رحيق
الأغنيات ..
و الدنيا عيد
رقص الصغار
حولنا
و عاود
بريق الأمسيات
و صحت
على الحلم الجميل
دعواتنا
و إزدهر
شباب الأمنيات ..
الليلة عيدنا
|
Post: #7
Title: Re: مجموعة "أغنيات للحب و الوطن" . .. ... .... ..... (Lyrics
Author: Abuzar Omer
Date: 11-15-2011, 04:02 AM
العــفاف
وين العفاف وين راح
المدن و القرى نامت بدون أفراح
تاه الوطن فارق طريقو الصـاح
و المرض العضال أيديهو لاقية سراح
يحصد فى الشباب و يزيد جراحنا جراح
وين العفاف وين راح
ضيعنا القيم اتبدلن نساء و رجال
و الشاب الأصيل باعوهو بحفنة مال
يا فات إغترب، يا محزون و ما شغال
حياتنا اتبدلت، إختلت الحرام بحلال
و الزيف إنتشر صبح الجمال محتال
وين العفاف وين راح
يا ست البنات أمسكى طريق الدين
و يا الشاب الوسيم بوصيك بالشرف خليك عليهو أمين
و يا الوالد الكريم عالج الأمور باللين
و يا أم البنات مايهمك قرش يكفى الطبع لو زين
محتاج الوطن يلقى الجميع سالمين
يسلم للوطن شباب عفيف و رزين
|
Post: #8
Title: Re: مجموعة "أغنيات للحب و الوطن" . .. ... .... ..... (Lyrics
Author: Abuzar Omer
Date: 11-16-2011, 06:49 PM
Parent: #7
يـا نديـّة
جيت أصافحك يا ندية
و أفتح معاك
صفحة ناصعة و شاعرية
يا ندية
يا مسافة لى نجمة غامضة
أخاذة أسرارها القصية
جيتك تسامحى
و أشكى ليـك
بغيير عليكـ!!
بغيير عليك لما الحروف
تتنادى لى عيد الألق
تحضن عيونك و تصطفيك..
تخجل رموشك
يدلى تيه
و يشرق من جمالك
ألف طيف..
و أشتهيك!!
كلمات ترش الإلفة
فى الزمن العنيد..
بعتز بيك!!
و أفتح قليب
يحضن إيديك
و أمشى بيك
لى بكرة فى موكب فرح
تتلاشى فيه
دموع عينيك..
و أحكى بيك
لى السحابة
و الليل الوحيد
و أتحدى بيك
غربة و حزن
و احباط عريض
أبقى ليك
شلال مودة
يغسل مواجعك
و يحتويك
و أتقوى بيك
يا نـدية ..
|
Post: #9
Title: Re: مجموعة "أغنيات للحب و الوطن" . .. ... .... ..... (Lyrics
Author: Abuzar Omer
Date: 11-16-2011, 07:16 PM
Parent: #8
أشتاقكـِ
إلى الحبيبة أمدرمان فى منفاها الحزين..
هل بى إليكِ!!
أشتاقُكِ!!!
أجوب الدروب
ألملم الذكرى
من رماد الأمسيات
العمر عدّى
ما أينعت
حقول الأمنيات
خيمت غيوم الذكريات
عادت بالحروف الباكيات
أشتاقكِ!!
أشتاق الجمال
و الأرض التى تهب النضال
فيُهزم عند الملتقى
حزنٌ و ظلمٌ و محال..
أشتاقكِ الآن حد الاحتمال..
أشتاقكـِ!!
أشتاقكِ
نسيماً فى هجير الغربةِ
يمنحنى الحياة..
أشتاقك
لقاءً و غناءً
دعاءً و صلاة..
أشتاقك
زهراً يبلله النّدى
يدثره دفء الضياء..
أشتاقكِ
وطناً فى حضن النيلِ
تباركه السماء..
أشتاقكـِ
|
Post: #10
Title: Re: مجموعة "أغنيات للحب و الوطن" . .. ... .... ..... (Lyrics
Author: Abuzar Omer
Date: 11-18-2011, 07:47 AM
Parent: #9
الحـب أقـدار
نلقاكـ يا حبيب
و نصابح العيـد
نحكى ليك بى شوق
فى كل لحظة يزيد
نلقاك و تغمرنا
نداوة الريــد ..
بعد الأسفار
يحضنا نهـار
تشرق شمسك
و تضحك أقمار
ترحل فرقـة
و يبقى الابهار..
ماالعمر مشوار
مسقوف بالنـور
مليان أسرار ..
فيهو الأحزان
أنهار و بحار
و فيهو الأفراح
حديقة أزهار ..
مكتوب نسبح
عكس التيار
قصة قلبين
سكة و إصرار ..
موجة تعاند
صبر البحار
ما هواك سلطان
و الحب أقدار ..
|
Post: #11
Title: Re: مجموعة "أغنيات للحب و الوطن" . .. ... .... ..... (Lyrics
Author: Mahmoud Mustafa Mahmoud
Date: 11-18-2011, 09:59 AM
Parent: #10
الجميل أبو ذر عمر...
أقراك من وين يا شقي؟؟
أمرق أمرق أمرق...
شكلك قاعد ليك فوق كنز....
جاييك بي رواقة إن شاء الله...
جمعتك مباركة وكل سنة وإنت طيب...
محمود...
..
|
Post: #12
Title: Re: مجموعة "أغنيات للحب و الوطن" . .. ... .... ..... (Lyrics
Author: Abuzar Omer
Date: 11-18-2011, 06:31 PM
Parent: #11
الراقى محمود مصطفى
جمعتك سعيدة، و جمعتنا كمان سعيدة بمرورك..
شكراً على حسن الظن، و ياخ ده بعض مما عندكم..
مودتى الأكيدة
|
Post: #13
Title: Re: مجموعة "أغنيات للحب و الوطن" . .. ... .... ..... (Lyrics
Author: Abuzar Omer
Date: 11-18-2011, 06:44 PM
Parent: #12
عزيمــة شعب
الوطـن عزيمة
فى الحزن بشارة
صامدة بتقيف
ذى أعظم منارة..
وكتين تنحجب
ما بطول انتظارها
بتشرق تسُــود
تصميم و جسارة..
عزيمة بتفتح مسامها
ينور للشعب الطريق
ما تنكسر!!
أخضر طريقك
مفتون بى خُطاك
ما تنتظر!!
و سير لى قِـدام
ذى ضوء الشمس
فج الغيوم و حقق زمانك
مااك الضعيف
المسجون فى أمس
ما تبتئس!!
مبدية بيك ريحة الدعاش
غناوى الحصاد
و نواح الظلم النجس
راجيك مستقبل عريض
شيّد حضارتك
و أنشر عدالتك
ما تخلى وراك مظلوم فى حبس
و يبدأ السلام منك و بيك
من حكمتك تجى قوتـك
أسرج خيولك للأمام
ما تنتكس!!
|
Post: #14
Title: Re: مجموعة "أغنيات للحب و الوطن" . .. ... .... ..... (Lyrics
Author: Abuzar Omer
Date: 11-19-2011, 07:10 PM
Parent: #13
مـلامح الغريب
أنسيهو يا عينىّ
و زيدى هيامـك
فى النجـوم
كان توصلى
و أوهبى
ديميعاتك للغيوم
و أرحلى
أرحلى من حلم مخادع
لى حلم
فيهو نضارك و بسمتك
ينزل على جفنك
سـلام
أنسى التباريح و الأسى
الليلة لو بنفع أسف
كان البحر
أصبح مداد
ينزف على الأرض الملام
جفاك حبيبك و بهجتك
و الحنان الغطى جفنك
بالألق
غادر بعيد
ساب لهفتك تتملى
فى ملامح الغريب
بيروح حبيب
يشرق حزن و فرح يغيب
إلا البيغدر يا عيون
ما بستحق دمعة و نحيب
أنسيهو يا عينىّ
و أفتحى شراعك للحياة
راجيك فى باقى الطريق
فرحاً بتاوق من سماا
دى القلوب بيبرق فيها نور
و تعيش على أمل اللقاء
|
Post: #15
Title: Re: مجموعة "أغنيات للحب و الوطن" . .. ... .... ..... (Lyrics
Author: Abuzar Omer
Date: 12-11-2011, 10:53 PM
Parent: #14
نداوة الميعاد
من أحزانى
بمرق بيك على الدنيا
تنورى فينى
تسيل إيديك
حنان و مودة
أرحل ليك
ألاقى هواك
طريق إتمدة
أمشى عليك
تعود البسمة
الهجرت مدة..
تضوى خطاى
مشاويرك
يلوح لى حسن الفال
و يفتح لى
ضى عينيك
شرفة للنيل
و الجمال
أتوسد معاك
الليل
و أحلم بى الصباح
أعياد
ما إنت الفرحة
و الميلاد
و إنت النور
و إنت نداوة الميعاد..
|
|