Post: #1 Title: يابا مع السلامة و شوك الشوق للشوفة آآآخي والحزن المطير Author: Inaam Saad Date: 03-23-2012, 04:05 AM Parent: #0
Quote: يابا مع السلامة مع السلامة يا سكة سلامة فى الحزن المطير يا كالنخلة هامة قامة واستقامة هيبة مع البساطة واصدق مل يكون راحة ايديك تماما مثل الضفتين بى نفس البساطة والهمس الحنون تدخل يا حبيبى من باب الحياة لى باب المنون روحك كالحمامة بترفرف هناك كم سيرة وسريرة من حولك ضراك والناس الذين خليتم وراك وعيونم حزينة بتبلل ثراك ابواب المدينة بتسلم عليك والشارع يتاوق يتنفس هواك
Post: #2 Title: Re: يابا مع السلامة و شوك الشوق للشوفة آآآخي والحزن المطير Author: Inaam Saad Date: 03-23-2012, 04:14 AM Parent: #1
والحزن الحزن الحزن
Post: #3 Title: Re: يابا مع السلامة و شوك الشوق للشوفة آآآخي والحزن المطير Author: Inaam Saad Date: 03-23-2012, 04:17 AM Parent: #2
Quote: تجمع لم تفرق بين الناس تساوى نارك ما بتحرق ما بتشد تلاوى ما بتحب تفرق من جيبك تداوى الحلم الجماعى والعدل اجتماعى والروح السماوى والحب الكبير
Post: #4 Title: Re: يابا مع السلامة و شوك الشوق للشوفة آآآخي والحزن المطير Author: Sabri Elshareef Date: 03-23-2012, 04:58 AM Parent: #3
الناس الذين خليتم وراك وعيونم حزينة بتبلل ثراك
Post: #5 Title: Re: يابا مع السلامة و شوك الشوق للشوفة آآآخي والحزن المطير Author: elsawi Date: 03-23-2012, 05:05 AM Parent: #4
البركة فيكم يا انعام لا ادري متى سيحمل الحزن حقائبه ويغادر متى؟
يا لتلك الأيام يا صبري وانتظار الميدان في محطة الحجر شارع سنكات جبرونا و يالفقدنا المتزايد يوما بعد يوم امس القريب دا...."حميد أخوي" كان ببكي مصطفى والليلة طال البكا ما أقسى الرحيل ومااوسع الجرح
"شوك الشوق للشوفة آآخي صارب غصن النسج الحي شوك الشّوق .. لي الشّوفه آ خي ضارب غصن النسج الحي يا مُنقاشو أحزاني إنشرّت .. وادي الفرح إتمدّدْ صيْ يا راحلين عِنْ دُغُش اللّيل .. ما لاقيتو جناياً زي تكية نخل الفجر الجاسر .. فوق لي المترة عراجين ضيْ يا رعّاوة العرب الرُّحّل .. ما لاقاكم في المطراني في كاويق الجرف الأمحلْ بين أسراب الرهو الرّاحل .. ساند أكتاف اللّيل الميّلْ عِنْ ساساق الغيمة عليكم بين رقراق الخيمة معاكم .. ما أديتوهو شوي بي حَرْجَلْ آ رطانة الليلهم ليّلْ ما لاقاكم في ونساتكم بين الشّادي وبين كاساتكم في صلواتكم .. عِنْ دعواتكم أو دقساتكم عِزْ خلواتكم زول زول الله إن ِمحِن آ بسألْ
الهبّاد لي غُلْب اخواتو الفرّاح عوّان الحلِّي الفدّار لي الليل ظلماتو آ نجمات شِقّيشْ قولِنلِّي ما لاقاك طالع مندَلِّي المطعوم من طيبة أمّاتو كالفَجّاج الندّ نباتو موج البحر الأحمر هوجتو وعِرْق العَرَق اللاّوي ثباتو جانا الشُّدَر الأخضر منو ونار الشُّدر الأخضر جاتو راح شقيش أب قولاً واحدْ ليش ما يرجع من غُرباتو طوّل .. طول ما طلّ علينا وقاطع مننا جواباتو الغابات جات تنشد منّو العُربان راجين جيّاتو أديناهم عَلَقو وعَرَقُو وصورتو يقلِّب في كتباتو ضُل رشّاشُو .. ركيزة زولو ساعات سِلْمو ويوم حوباتو سِنْ طوريتو .. ولون أبرولو وحِسْ طمبورو البي نغماتو لهلب عشق النّاس الفُقَرا وبرّد جوفِن .. بغنواتو .. الدّخَلت فينا .. تمرق جينا على جلاّتو وجيداً جينا .. طلقنا وشينا .. ووش أطفالنا الليلة حلاتو غني معانا غُنانا هويتو غني العالم غني حياتو لا ساومنا عليها قضيتو ولا فكّينا من إيدنا وصاتو ألف شليل يا نورا يفوتو شان ما يجيكي شليلك ذاتو"
Post: #11 Title: Re: يابا مع السلامة و شوك الشوق للشوفة آآآخي والحزن المطير Author: معاوية عبيد الصائم Date: 03-23-2012, 11:25 PM Parent: #10
ودر القلم والشوك محكر فى الحلوق ضهبان ياغيم يامدد
مع السلامة ياحميد للقاء..بعد قليل وداعا يا زول الضهارى
البركة فى شعبنا ....والرحمة للقائد نقد
ويستمر النضال لاخيار
البركة فى شعبنا يا انعام
Post: #12 Title: Re: يابا مع السلامة و شوك الشوق للشوفة آآآخي والحزن المطير Author: حبيب نورة Date: 03-24-2012, 01:11 AM Parent: #11
سكة سلامة أبوي نقد
Post: #13 Title: Re: يابا مع السلامة و شوك الشوق للشوفة آآآخي والحزن المطير Author: Inaam Saad Date: 03-24-2012, 07:18 AM Parent: #9
الاخوةالافاضل
بحزن عميق وإحساس بالفقد الكبير والمصاب الجلل نلتقى غدا السبت الساعة السابعة مساءا نعزي انفسنا وننعي لبعضنا البعض رجلا برحيله فقد السودان عقلاً نيراً وموجهاً حكيماً في ليل البحث عن سودان أفضل يسع الجميع صادق العزاء للشعب السوداني وللشيوعيين السودانيين وللحالمين بوطن تسوده قيم الخير والعدل والسلم في فقيدنا وفقيدالوطن الاستاذ محمد ابراهيم نقد سيكون اللقاء بمنزلنا
Post: #14 Title: Re: يابا مع السلامة و شوك الشوق للشوفة آآآخي والحزن المطير Author: mansur ali Date: 03-24-2012, 08:10 AM Parent: #13
موج البحر الأحمر هوجتو وعِرْق العَرَق اللاّوي ثباتو جانا الشُّدَر الأخضر منو ونار الشُّدر الأخضر جاتو راح شقيش أب قولاً واحدْ ليش ما يرجع من غُرباتو طوّل .. طول ما طلّ علينا وقاطع مننا جواباتو الغابات جات تنشد منّو العُربان راجين جيّاتو أديناهم عَلَقو وعَرَقُو وصورتو يقلِّب في كتباتو ضُل رشّاشُو .. ركيزة زولو ساعات سِلْمو ويوم حوباتو سِنْ طوريتو .. ولون أبرولو وحِسْ طمبورو البي نغماتو لهلب عشق النّاس الفُقَرا وبرّد جوفِن .. بغنواتو .. الدّخَلت فينا .. تمرق جينا على جلاّتو وجيداً جينا .. طلقنا وشينا .. ووش أطفالنا الليلة حلاتو غني معانا غُنانا هويتو غني العالم غني حياتو لا ساومنا عليها قضيتو ولا فكّينا من إيدنا وصاتو ألف شليل يا نورا يفوتو شان ما يجيكي شليلك ذاتو" ... ً اذكر يا أنعام قبل عشر سنوات (بكافتيريا العلوم الانسانية بالجامعة الاسلامية بماليزيا ) سالتكِ عن شريط لمصطفى يحوي هذه الاغنية . الان فى البعيد أتذكر حميد ومصطفى معاً و يتجدّد الإلحاح فى البحث عن الاغنية .
Post: #15 Title: Re: يابا مع السلامة و شوك الشوق للشوفة آآآخي والحزن المطير Author: mansur ali Date: 03-24-2012, 08:44 AM Parent: #14
أتذكر الصديق هشام عبد الدافع ( الاغبش ، الحفيان،) في كل نهاية اسبوع يُهرّب لنا شريط لممصطفى او وردي من جامعة الملايو . خالص التعازي له و لجميع الأصدقاء ولك يا انعام.
آلاف التعازي لكل الأصدقاء أينما انتهى بهم الشتات أشياء لا تنسى يا منصور وجراح تقدم ولكن لا موت وجراح تنفتح عميقة ما أعظم فقدك يا وطني "يا بلدي يا فردة جناحي التاني وكت الناس تطير لي عالما "
"النخلة في الليل المهول .. وحيدا في عز الرياح فارس يدارق في الرماح .. الجايا من كل إتجاه رغم الجراح .. شح إلمي .. الزاد والسلاح راكز يصول .. لا أنّ ولا حنى للجباه لا خان بصيرتو الإنتباه"
Post: #24 Title: Re: يابا مع السلامة و شوك الشوق للشوفة آآآخي والحزن المطير Author: أبو ساندرا Date: 03-27-2012, 10:52 AM Parent: #22
من كرامات نقد انه جعل من موته ميلاد جديد للحزب الشيوعي موت/ ميلاد .. اليست هي جدلية الحياة ؟