عندما صُدمت في القاهرة ... هذه بعض من صورتنا

ظلت المعلومة عنا في بعض البلدان المجاورة لنا غائبة او مغبشةوالكل سمع شلاقة وجلافة راغب علامة عن بناتنا الذين قال فيهم ود الرضي
الجسم المثل ناعم الحرير الهندى
بى دم الصبا وروح الملاحة بيندى
وجوز رمانك الكاتلابو كل أفندى
الرسول غتيهو يابت القادة فرسان شندى


لكن القصة التي صدمتي هو انني كنت يوما ما قبل الثورة في العام 2006م
وتحديدا اول ايام عيد الفطر المبارك _(هذا الشهر الذي صمته 31يوما بالكمال والتمام وفق رؤية الفقهاء ..... دا موضوع تاني ) _
كنت ازور أحد معارفي في العبور ووانتهي بي الميترو في اخر محطته تماما في المرج ، ولابد من اكمال الرحلة بالبصات
وقبل الركوب في البص اجريت بعض الاتصالات التلفونية وفي اثناء حديثي في التلفون تحلق حولي صبية مصريون في منظر
ينبئ بامر هام وجلل ولفتتهم طريقة حديث السودانية وفور انتهاء المكالمة بادروني بانت مش مصري (لوني يشبه الصعايدة اي لون بعض اهل السودان )
فاجبتهم من السودان فصاحوا كلهم باعلي صوت القرووود .... انتم السودانيين بتاكلو القرود وكمان الناس وانتم علي راسكم قرون ويقتربون مني احيانا ويحاولون لمسي
واخفتهم باني ساتغدي باحدهم ففروا هولاء الصبية .........................ز
من في عمرهم عندنا يحدثك عن كل شي ولكن هذا قدر فرض علينا او استكنا معه



ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لذا ليس في الامر عجب لو تطاول صاحب قناة الفراعين او غيره
*** ملحوظة انا احب مصر جدا واتمني لها العمار كما اتمناه لوطني

.

حبابك يا ود الطندب ومرحب بيك في حوش بكري وسهلته الألكترونية
المشكلة مافي الناس الجاهلة تاريخ السودان
المشكلة فينا نحن وفي بلدنا الهامل الما عنده لا إعلام لا حكومة بتهتم بي ثقافات بلدها ولا ناسها
عشان كده نحن ما نلوم الناس البتطاول علينا ونشمر ايادينا والسنتنا عشان نرد عيهم بعدم فهم وعدم ادلة و موضوعية
واحيانا تكون بعض الشائعات هي سبب صدام وعنصرية لا داعي لها من الأصل
للآن لم يثبت صحة الكلام الذي قيل أنه بدر من الفنان راغب علامة , والذي نفاه بنفسه امام الإعلام
في حين إنه الصحفي الذي كتب هذا الكلام وشن هجوم على راغب علامة للحظة لم يثبت صحة مقاله ضد علامة !!!!
ولم يقدم أي ادلة تدين علامة ولو جماهيريا ,
اما فيما يخص بالشباب أو الصبية الإتهمونا بالقرود وفي رأسنا قرون ,,,
افتكر هؤلاء الصبية جاهلين تماما حضارة السودان وتراثه وفنه وإرثه
في رأي باصدفة يكون شاهدوا إحدي رقصات جنوبنا الحبيب أو غربه بالزي الشعبي الذي يعبر عن بعض العادات
واعتقد هؤلاء ان لشعب السودان قرون كما شاهدوها , وده جهل في حد زاته

لك التحية اخي في طرحك وحبابك من تاني

Quote: المشكلة مافي الناس الجاهلة تاريخ السودان المشكلة فينا نحن وفي بلدنا الهامل الما عنده لا إعلام لا حكومة بتهتم بي ثقافات بلدها ولا ناسها عشان كده نحن ما نلوم الناس البتطاول علينا ونشمر ايادينا والسنتنا عشان نرد عيهم بعدم فهم وعدم ادلة و موضوعية واحيانا تكون بعض الشائعات هي سبب صدام وعنصرية لا داعي لها من الأصل

الشعب المصرى لا يعرف شئ عن السودان بما فيهم المتعلمين
فى الماضى ونحنوا فى الثانوى فى مصر جاء طالب جديد من السودان فقام البعض بسؤله هل عندكم عربات وهل عندكم عمارات
وهذا وإن يدل على جهل المصرين ولكن أيصا يدل قصورا من الإعلام السودانى .
لكن المصرين من أقل الشعوب التى تمارس العنصرية

Quote: وهذا وإن يدل على جهل المصرين ولكن أيصا يدل قصورا من الإعلام السودانى . لكن المصرين من أقل الشعوب التى تمارس العنصرية

نبيل عبدالرحيم
تسلم

اوافقك الرأي بقوة

شكرا حبيب نورة


علي المرور والمشاركة

تسلمي يا بنت الجنيد

وانا بيني وبينك حكومتنا مشغولة بحكاية مفاوضة ناس سلفاكير في امر البراميل


لكن حال بلدنا بقت زي عير ابو طالب لمن استولي عليها ابرهة وقال ابوطالب قولته الشهيرة للكعبة رب يحميها


للسودان رب يحميه

المشكلةمافى الاعلام السودانى المشكلة فى الشعب مصرى

نجد الشعب السودانى لديه معلومات عن كل الدول العربية

والافريقية.. مثلا هل عرفنامعلومات تشاد من الاعلام التشادى ؟

حتى المتعلم المصرى بيقول نحن كنا حاكمين السودان وقصدى

ال محمد على باشا مع انو محمد على باشا البانى

Quote: المشكلةمافى الاعلام السودانى المشكلة فى الشعب مصرى

ناصر المحسي تسلم

لا اتفق معك بل المشكلة في الاعلام السوداني
فنجد كاميرا التلفزيون عندما تذهب في استطلاع
الي السوق مثلا لا تتخير افضل الاماكن بل تصور
ونعطي العالم صورة حدث ولا حرج شاهدت مرة
تلفزيوننا العزيز يقوم باستطلاع في سوق الخضر والفاكهة
فابرزت الكاميرا المنقة بايظة والذباب يتطاير فهذا المصور هو من اذلنا



دعونا نلاحظ هذه الصورة وكيف تبدو لنا جميلة وجذابة

Quote: فنجد كاميرا التلفزيون عندما تذهب في استطلاع الي السوق مثلا لا تتخير افضل الاماكن بل تصور ونعطي العالم صورة حدث ولا حرج

whaatttt!!!

Quote: whaatttt!!!

ماذا تريد ان تقول لنا يا ابن عوف


فطريقة لاتقربوا الصلاة هذه ليست طريقة مجدية في النقاش

Quote: whaatttt!!!

ماذا تريد ان تقول لنا يا ابن عوف


فطريقة لاتقربوا الصلاة هذه ليست طريقة مجدية في النقاش

ما رايك في هذه الصورة عادي ..........ما نتخير الصور؟؟؟؟؟؟؟

الاخ العزيز وغالي
محمد التحيات المباركة ونحن في ايام المولد النبوي الشريف
وليك تسلم حكاية المعرفة بالشعوب وعدم معرفة حقيقتهم
ليست حكرا على المصريين بل على كل الشعوب المقهورة والمقفولة على نفسها
ماذا يعرف اهلي في السودان عن الصينيين ولا اهل جاوا وكيف نفرق بين الكوري والياباني
الشعوب المغلقة دائما ما تعتمد على اساطير وخرافات سمعوا بها
فبعض المصريين يعرفوا عن السودان انه بلاد الواق واق ومنهم كتاب مثل الابراشي في كتابه بحيرة القمر كتاب للأطفال
كتب فيه عن السودان ان اهله لايعرفون التماسيح والدكتولر المصري جاء ليعلمهم فنون القتال ضد التماسيح ( طبعا صورة مقلوبة
بعض المصريين بفتكروا انهم ليهم حق علينا لانو سمحوا لينا بالموية نشرب منها لانو مصر هبة النيل وممكن يقفلوا مننا الموية على اساس النيل جاي من عندهم
تخيل لو قلت ليك كان معانا في الدراسات العليا من يصدق هذه الحكاية ان النيل يأتي من مصر ليصب في افريقيا
عندي صديق عزيز سافر الى منطقة نائية في ايران فتبعه كل اطفال الحلة وحينما وقف ليرى اخرهم ما كان من اكبرهم ان مسح يده ليتأكد من ان لونه طبيعي لان هذه الحلة الايرانية لم تشاهد احدا اسمر طول حياتهم
هذا نمط تفكير خلقه الاعلام العالمي ان ذوي البشرة السمراء اكلة لحوم البشر من خلال مجلات المصورة والافلام
ولكن هناك المعرفة الحقيقية للمصريين بالسودان من بداية حكم الفراعين السود وحتى الان منهم من حارب معنا وحاربنا معهم في كل الغزوات قديما الى ان حررنا بجانبهم سينا في معركة العبور يعرفون هذا
هناك المعرفة الحقة بكتابنا وقدرهم الابداعي وعلاقة العقاد ومحبته لمعاوية نور لاتخفى على احد
كتابات عرفات وكل مثقفي الثلاثينات في المجلات المصرية
وكتابة رجاء النقاش عن الطيب صالح
اساتذة المدارس العربية ومنهم من استوطن السودان وبقي فيه
والنضال المشترك خلق علائق وحدوية قوية بين السياسين والمثقفين
انتشار الفنون والموسيقى والتبادل بين الدولتين بصورة راتبة حتى الستينات وبصورة متقطعة في السبعينات
يعرفوننا معرفة حقيقية
اتذكر اول مرة ازور مصر وجهت لنا الفنانة المصرية منال سلامة دعوة لزيارتها في بهتيم ضاحية جنوب غرب القاهرة واول ما وصلنا اتلمت فينا اطفال الحي
وكان مثار دهشتهم لون سنوني والله يا محمد
القضية هي فينا وليست قضية الاعلام
نحن مجتمعات احادية الانسجام ننغلق على انفسنا نسافر الى جهة في الكون الفسيح نعيش في دائرة المجتمع الخاص بنا وفي معارفنا اولاد منطقتنا وفي اولاد منطقتنا القريبين مننا لانحاول ان ان نندمج في المجتمعات الثانية ونعرف عنها ونعرفهم عننا
نحن ناس حكي
ـــــــــــــــــــــــــــــــــــ اتوسل اليك شيل الصورة الفي بروفايلك دي بتدي معاني تانية ما محتاجين ليها
مودتي ومحبتي ــــــ
صديق لي كان لافي في القاهرة وبسال في المصريين فين شارع ال ج ع ب ا ت وكل مصري يدلو على شارع لمن وصل العتبة وهو بسال طلع مصري من شباك احدى الباصات امشي يا قليل الأدب ان كنت في جبل الأولياء وصديقي عصر ضنبو وانسحب في هدوء ـــــــــــــــــــــــــــــــــــ
وقال ليهو

.
.

Quote: اتوسل اليك شيل الصورة الفي بروفايلك دي بتدي معاني تانية ما محتاجين ليها

أتفق مع الأستاذ / محمدالسنى
فلتبدأ أنت بعكس ماهو جميل من ثقافتنا
وموروثاتنا الإجتماعيه الجميله ، فالجلد
بالسوط من أسوأها.....
.
.
مع تحياتى لك أخى الطندب وللأستاذ / محمد السنى
.
.
.

الشهر الفات كنت فى القاهرة فى كورس عن مواصفات الخزانات البترولية فى الدلتا (هذا ان صحت الترجمة)
المهم انو كل الحضور كانوا جيولوجيين .. أيييييي والله جيولوجيين !!!
فوجئت بأسئلة غريبة جداً للمثال ليس الحصر..

تعال شوف منظر النيل عامل ازاى حاقة مش ممكن تتخيلها أبداً.. مع العلم انو انا ساكن فى اب روف وبيتنا فاتح على البحر!!
هو انتو عندكو نيل؟
هو النيل الأبيض لونو أبيض .. و الأزرأ لونو أزرأ؟
طب لو قيت السودان هنزل فين؟؟ انتو عندكو فنادئ؟ و شوارع ظلط و عربيات و ..

والله صحى ..

السلام أولاً و أخيراً ..

طبعا انا عندي فضول اهل الجغرافيا والتاريخ وشاطر فيهم قرد عدييل
بحب اي بلد انزل فيهو بعرف تفاصيلوا كاملة
هل تتخيلوا في القاهرة دي وفي ضواحيها
في ناس ما شافو ابوالهول ولا الاهرامات
هل تتخيل في ناس كتير من المصريين مفتكرين اسوان في السودان
بالرغم من حقيقة اسوان هي السودان
هل تعلم ان حكاية سيوة وسانت كاترين بسيط من يعرف انها تبع مصر
وتخيلوا
محبتي

Quote: واخفتهم باني ساتغدي باحدهم

ليتك فعلتها ياودالطندب حتى تساهم عمليا فى تقليل اعداد الجهلاء والبلهاء فى الكرة الأرضية.

قلقو



اذا تعري الانسان من عقله يمكنه ان يصدق كل شئ

ليتك فعلتها ياودالطندب حتى تساهم عمليا فى تقليل اعداد الجهلاء والبلهاء فى الكرة الأرضية.
المؤشرات الان في مصر قد تسير في مسارمعرفة كل شئ عن السودان

لك الود

حسام تسلم

حتي بعد الثورة بعض اهل مصر يجهلون نا بذات الشكل هو انتو عندكو نيل؟ هو النيل الأبيض لونو أبيض ..
و الأزرأ لونو أزرأ؟ طب لو قيت السودان هنزل فين؟؟ انتو عندكو فنادئ؟ و شوارع ظلط و عربيات و ..انا لا الوم هولاء بل العيب فينا نحن

بشير تسلم


ساورد لكم افضل النماذج واشرقها باذن الله

استاذ محمد السني لك كامل الود وخالصه وخاصته

Quote: هذا نمط تفكير خلقه الاعلام العالمي ان ذوي البشرة السمراء اكلة لحوم البشر من خلال مجلات المصورة والافلام

لابد لنا من تميز صلاتنا بالعالم الخارجي وان ما نُقل عنا من صور سالبة وصراعات توجد في العقل الانساني الموروث قديما منذ الحقب الاستعمارية وان السودان بلد متخلف نجد انفسنا ساهمنا فيه بصورة كبيرة ، فهنا عندنا الدولة سبقت المجتمع في التكوين والهوية السودانية لم ياتي الاتفاق حولها الي الان لان لم يصاحب ذلك ارادة شعبية كافية لبلورة الاشواق فنحن احيانا طيش العرب واحيانا اوائل الافارقة (خاصة مع ابداعات بشة وكاريكا هذه الايام ) فشخصية السوداني تقوم علي خصوصيات روحية وثقافية وهل نحن كمجتمع واحد وكبير نستميت دفاعا عن هذه الخصوصيات المتعددة والكثيرة لا اظن ذلك والادلة كثيرة

اخى محمد ،،
تحياتى

كيف تكون صورتنا فى نظر الاخرين يكاد يكون لايد لنا فيه.. وهو تحد كبير فى ان نجتهد بان ينظر الناس الينا كما نحب .. وقد تاتى هذه الصورة من خلال ما تتيحه وسائل المعرفة لهؤلاء وبطبيعة الحال هم لا يجتهدون فى معرفة هذه الصورة دقيقة ام لا بعكس ما نحنى نتمنى ... فالاجدر بنا العمل كما ذكر كثيرون ان نّعرف الاخرين من نحن ومن نكون بدلا من القاء اللوم عليهم .. وهذه بجانب تحميل العبء على اعلامنا وحكوماتنا تحتاج ايضا منا نحن الشعب ان نعمل على عكس افضل سلوكياتنا فى بلاد الغير



ثانيا سبقنى كثير من المتداخلين بان الصورة اعلاه و التى على بروفايلك واحدة من الحاجات البنفهمها نحن وغيرنا يحتاج الى الاف المحاضارات لفهمها ولشرحها لهم ..الصورة مع احترامنا لما تراه فيها.. مقززة جدا ؟ فهلا بدأنا بانفسنا..!!

فائق التقدير،،

وهذه بجانب تحميل العبء على اعلامنا وحكوماتنا تحتاج ايضا منا نحن الشعب ان نعمل على عكس افضل سلوكياتنا فى بلاد الغير
هذا ما عنيته وما اهدف له في نقاشي اتفق معك حول صورة البطان
ولكنها وُضعت في سياق محدد اكرر نحن من يقع عليه مسئولية التعريف بانفسنا بالصورة الواقعية والصحيحة


علي محمد تسلم فيما ذهبيت اليه ولك الود

ــــــــــ اتوسل اليك شيل الصورة الفي بروفايلك دي بتدي معاني تانية ما محتاجين ليها

استاذ السني ها انا استجيب لتوسلاتك واضع صورة محببة لدي ولدي قطاع كبير

النضم دا كلو من المرا دي:-





ستونا مجروس......

العزيز وغالي
سي جي مان
التحية والمعزة
اتمنى ان لاتكون قاصد سوى الدعابة
ستونه مجروس واحده من الذين نشروا الثقافة السودانية بفهمها البسيط
وتعتز بسودانيتهاومحبوبة في الوسط الاجتماعي المصري
واصبحت لها الان فرقة موسيقية وفرقة راقصة وبص خاص به به اعلاناتها
وتقيم حفلات عالمية وحفلات خاصة في الاعراس بالصورة الفرعونية والسودانية والافريقية
ولها جماهير تعشقها وتحترمها ولم نسمع يوما ان الجمهور هرب من امامها
لك اخي محبتي ومودتي
ــــــــــــــــــــــــــــــــــــــــــــــ في مولد المحبة محبتي ابدية ــــــــــــــــــــــــــــــــــــــ

سجيمان



النضم دا كلو من المرا دي:-

هي فقط تريد ان تبرز دور حسب فهمها وثقافتها

سلام اخي محمدالطندب
تحياتي

Quote: ماذا تريد ان تقول لنا يا ابن عوف فطريقة لاتقربوا الصلاة هذه ليست طريقة مجدية في النقاش

بل ماذا تريد ان تقول انت؟؟
يعني شنو ننقل صور جميلة عشان الناس تاخد فكرة كويسة عننا؟؟
ما اثارني في كلامك هي نفس محاولات القنوات الفضائية السودانية في ان من النساء مقدمات البرامج
يجب ان تكون بيضاء، بمقاسنا طبعا

او محاولات شركات الدعاية والاعلان في انها تصور اي دعاية بتاعت شاي صابون رز في فلل لا يسكنها
الا اقل من 1% من الشعب السوداني

اللهو غير الواقع تماما، الواقع البشوفهو الناس عبر اعلامهم الما مزيف هي مناظر الاطفال ال######انيين الجعانيين
المغبرين المسجمين المرمدين في دارفور وجنوب كردفان او اقاصي الشمالية او في خرطوم السجم دي زاتا
او مئات النساء الواقفات في طابور المساعدات الانسانية او في احسن الفروض بشربوا من حفير واحد مع الحيوانات

عشان كده الناس بتاخد فكرة سيئة عنك وعني،

ثم بعدين احنا تعبنا مع المصريين ديل، من سنة 1821 وهم قاعدين في السودان وحاموهو اكتر من اي سوداني
ولسه محتاجين نعرفهم بالسودان؟؟

زول كان محتل بلدك من من سنة 1821 كعسكري وكحاكم ومعلم وموظف ولسه محتاجين نشرح ليهم من هو السوداني وما هو السودان؟؟

نعمل شنو عشان نشرح ليهم، بالقوة كده نجيب المنهج الدراسي بتاعهم ونضيف فضل عن السودان، جغرافيته وتاريخة وشعبة.. الخ

ما ياهو احنا لينا اربعين سنة في الخليج، اسأل اي سوداني، ما عاش في الخليج ولا يوم واحد ولا جاهو عمرة زاتو، ممكن بالتفصيل
يتكلم ليك عن تاريخ آل سعود وآل نهيان ولمن اتشاكلو من آل فلان، قاموا القطريين سوا، واساسا آل صباح وآل سالم بتبدلوا الحكم
في الكويت، ويسترسل في الوضع الاقتصادي واسعار عملاتها ومستوى المرتبات، آآي قطر مرتباتها عاليه لكن مافيها توفير
والسعودية احسن حتة ممكن توفر فيها، ولو داير حاجة من جدة، بوريك الدكان تلقاهو وين زاتو في باب شريف وللا جخنون تاني

دا انا بقول ليك سوداني ما شاف الخليج ممكن يقول ليك الكلام الفوق دا بصمتو، خليك من السودانيين العاشو فيهو

وبالمقابل، لانو مافي حاجة بالمجان، شعب الخليج رد معروف تعريف اهلنا بهم بانهم يعرفوا حاجات كتيرة عن السودان والسودانيين
وبالذات كبار السن فيهم، بعرفوا دنقلا وبعرفوا كسلا، وامدرمان، وبعرفوا الكسرة ولاملاح، وبعرفوا اخلاق السوداني، البزعلو شنو
والبفرحوا شنو، وبتين ما تهظر معاهو، وبعر فوا بتين بنخدم وبتين بنضرب، وبعرفوا الصادق المهدي ونميري والترابي، وبعرفوا
عن امكانياتنا الزراعية والبشرية وخبرة متعلمننا

دا حالتو عرفوا السودان هم برضو ليهم 40 سنة فقط، موش 190 سنة زي المصريين

Quote: بل ماذا تريد ان تقول انت؟؟ يعني شنو ننقل صور جميلة عشان الناس تاخد فكرة كويسة عننا؟؟ ما اثارني في كلامك هي نفس محاولات القنوات الفضائية السودانية في ان من النساء مقدمات البرامج يجب ان تكون بيضاء، بمقاسنا طبعا او محاولات شركات الدعاية والاعلان في انها تصور اي دعاية بتاعت شاي صابون رز في فلل لا يسكنها الا اقل من 1% من الشعب السوداني اللهو غير الواقع تماما، الواقع البشوفهو الناس عبر اعلامهم الما مزيف هي مناظر الاطفال ال######انيين الجعانيين المغبرين المسجمين المرمدين في دارفور وجنوب كردفان او اقاصي الشمالية او في خرطوم السجم دي زاتا او مئات النساء الواقفات في طابور المساعدات الانسانية او في احسن الفروض بشربوا من حفير واحد مع الحيوانات عشان كده الناس بتاخد فكرة سيئة عنك وعني،

الاخ الفاضل ابن عوف

لك الود والتحية
انااتفق معك في بعض ما جاء خلال حديثك

اما صورة السودان يجب ان تتجمل ولا نتركها لتلفزيون السودان الذي لا يعرف ان يرسل اي شي عن البلد
لكن ليس حسب قولك نعم ننقل صورة جيدة وننقل افضل النماذج الموجودة في بلادنا فلو تحدثنا عن التكافل في بيوت البكاء لكفانا وغيره صور كبيرة وكثيرة

وانت في الخليج والكل يعرف السودان امانة (جدعنة ) اما بقية حديثك فيذكرني
قول الشاعر
وأحياناً عَلَى بكر أخينا إذا ما لم نجد إلا أخانا
نريد ان نجمل صورتنا في الخارج ولا نريد ان نمارس جلد ذات

في السودان اشكال والوان

up

عزيزى الفاضل
هذا أمر معتاد من قبل الأخوة المصريين لكن السؤال المفروض يتم توجيهه مثلا للسفارة وتحديدا
المستشارية الثقافية والأعلامية
مع ملاحظة بسيطة يجب مراعاتها أن أى مسئول سودانى فى مصر لايجد الأحترام الذى يجده الآخرين خصوا فى الفترة الماضية لأن معظم السادة المسئوليين وممثلى البعثة الدبلوماسية تشغلهم خصوصياتهم وأعمالهم التجارية أكثر من أى شىء أخر وهم فى واقع الأمر يمثلون بالسودان ولايمثلونه ولك أن تتصور أن حرم المستشار الأقتصادى السابق تمعل فى تجارة الشنطة وجميع من فى المطار يعرف أنه زوجة المسئول وذلك للخدمة التى تقدم لها من قبل سودانير التى دمروها ونموا مصر للطيران بدلا عنها!!
هذا كثير من قليلhttp://www.sudaneseonline.com/2008-05-19-17-39-36/3...-23-17-14-50.htmlوده مثال بسيط أخر :ـ
المعلوم ان دور السفارات هو تمثيل وتشريف اوطانها فى اى مكان وجدت فيه خصوصا اذا تعلق الامر بمشاركات الفعاليات الاقليمية...
وما اود ان اشير اليه هنا المهرجان الافريقى الذى نظم مساء امس بقصر محمد على وقد شاركت فيه معظم الدول الافريقية
وقد كان السودان من ضمن اربع دول اتيحت لها الفرصة للمشاركة باعمال فنية... وتم تمثيله بواسطة الفنانة اسيا مدنى وفرقتها كما اشترطت دار الاوبرا الشريك فى التنظيم مع الاتحاد الافريقى ووزارة الثقافة المصرية بمخاطبتها للمستشارية الثقافية بالسفارة السودانية بالقاهرة اما ان يحضروا مشاركين من السودان او مشاركة الفنانة اسيا مدنى والتى تشارك فى مثل تلك الفعاليات باسم السودان دوما خصوصا الفعاليات التى تنظمها دار الاوبرا المصرية ووزارة الثقافة المصرية،، وكما هو متوقع وافقت المستشارية الثقافية على مشاركة الفنانة اسيا مدنى وهو الامر الاسهل بالنسية لها،،وقد اجتهدت الفنانة اسيا مدنى فى عمل بروفات مكثفة لفرقتها المشاركة فى هذا اليوم استمرت لعدة ايام بل وقامت بشراء الملابس التى يرتديها افراد الفرقة التى تصحبها لتمثيل السودان فى هذا اليوم ،والذى تتبارى الدول فيه من اجل المشاركة والظهور بصورة طيبة اذا استقدمت كل من غانا والجابون فرقا من بلادها واستضاقتها فى فنادف خمس نجوم وصرفت عليها ببذخ من اجل تشريف بلادهم فى يوم افريقيا
لكن المدهش هو ان السفارة السودانية متمثله فى مساشلريتها الثقافية خصصت للفنانة اسيا مدنى والتى تمثل هى وفرقتها مبلغ (2000) جنيه مصرى فقط اى والله مبلغ (2000) جتيه مصرى فقط مع العلم ان الفنانة اسيا كانت تدفع لكل عضو فى الفرقة من موسيقيين واستعراضيين للبروفه الواحدة مبلغ (20) جنيه مصرى،هذا غير شراءها للملابس وترحيل افراد الفرقة واجرهم وخلافه،، هل يصدق عاقل هذا الامر؟؟
مع العلم ان جمهورية مصر المضيقة خصصت مبلغ (50000) جنيه مصرى للفرقة التى مثلت مصر فى هذا اليوم
هذه مقارنة بسيطة
ثم ناتى لامر الدعوات والتى من المفترض ان تقوم بتوجيهيها المستشارية الثقافية لان هذا اليوم يرعى بواسطة السفارات الا ان السفارة وللاسف لم توجه اى دعوات او ربما قد تكون اراحت بالها من وجع الراس ومسالة طبع الدعوات...
واتفرج
62 مايو 2009

يا ود الطندب

تحية وتقدير

يا أخوى انت ماشى لى لوم المصريين البعيدين ديل واللة بلدك نفسو اهلو يجهلوا عنو أشياء أساسية وكثير من السودانيين من اهل الشمال حدهم جنوبا الخرطوم وعمرهم ماشافوا الكنار الممتد من سنار للحزام الاخضر وعرفوهوة فى كتب الجغرافيا ونسوهو بانتهاء العام الدراسى.

وكثير من ابناء الوسط والغرب حدهم شمالا بحرى وعمرهم ماشافو السبلوقة ولاسمعوا بيها ومعظمهم لايدرى اى شئ عن اهرامات البجراوية.والعجب الشرق غير بورتسودان وكسلا زول جايب ليهو خبر مافى وليهم اللة .
ولاتبعد بعيد كثير من ابناء الجزيرة القريبة ( يعنى غرب رفاعة) ما حصل وصلوتمبول ولاتشرفوا برؤية خريف البطانة .ويجهلون ان هنالك طرق للقربة وحلفا وكسلا من رفاعة وتمبول .
وكثير وكثير جدا من ابناء الوسط والشمال والشرق عمرهم ماشافوا غرب كوستى ولا حتى غرب امدرمان اوغرب دنقلا ويجهلوا أشياء اساسية وحقائق عن كردفان ودارفور والنيل الازرق اقول ليك خليها مستورة أحسن .

Quote: ماشى لى لوم المصريين البعيدين ديل واللة بلدك نفسو اهلو يجهلوا عنو أشياء أساسية

محمد احمد سعيد

وتلك طامة كبري والشكية لبيدا قوية