Post: #1 Title: فى زمن الحزن الكبير اهداء لصديق الموج Author: خالد المحرب Date: 03-31-2012, 12:42 PM Parent: #0
Post: #2 Title: Re: فى زمن الحزن الكبير اهداء لصديق الموج Author: ABUHUSSEIN Date: 03-31-2012, 12:44 PM
ما عندك شغلة ساااااااااااااااااااااي....
Post: #3 Title: Re: فى زمن الحزن الكبير اهداء لصديق الموج Author: على زين العابدين Date: 03-31-2012, 12:53 PM Parent: #2
يا سلام عليك يا زول يا جميل.... ولك صديقي خالد المحرب ولصديق الموج كل الود يا سودانيين (جد).
Post: #4 Title: Re: فى زمن الحزن الكبير اهداء لصديق الموج Author: خالد المحرب Date: 03-31-2012, 12:57 PM Parent: #3
Quote: ما عندك شغلة ساااااااااااااااااااااي....
والله يا بوحسين فعلا الليله ما شغال شكرا يا جميل
Post: #5 Title: Re: فى زمن الحزن الكبير اهداء لصديق الموج Author: خالد المحرب Date: 03-31-2012, 01:12 PM Parent: #3
Quote: يا سلام عليك يا زول يا جميل.... ولك صديقي خالد المحرب ولصديق الموج كل الود يا سودانيين (جد).
الله يديك العافيه وانا سعيد ان تصفنى بأنى سودانى واحب كل السودانيين من نمولى لى حلفا بدون اى تفاصيل
Post: #6 Title: Re: فى زمن الحزن الكبير اهداء لصديق الموج Author: خالد المحرب Date: 03-31-2012, 02:41 PM Parent: #5
علي كل حال شكلك بديع غضبك جميل زي بسمتك ... حكم الغرام بتذللي الغرام بتذللك ... الإبتسام و الانسجام و الحزن لا ... الإشتياق و الاإحتراق و الوعد لي ... عجبا تكون قاسي ووديع شكلك بديع غضبك جميل زي بسمتك ... نظرة عيون في محنتي سحر الجمال في بهجتك ... خايف خدودك تنجرح ... من نظرتي خايف فؤادي يدوب حنان ... من نظرتك ... لمته و جفيت و جفاك بريد يا ايه من معني بديع ... كيف الخلاااااااااااااااااااااااااااااااااااص كيف الخلاص يا دنيتي ما بين صدودك و جبرتك اراك قريب لكن بعيد عن رؤيتي من بعد ما اوقعتني في فتنتك
Post: #7 Title: Re: فى زمن الحزن الكبير اهداء لصديق الموج Author: صديق الموج Date: 03-31-2012, 08:19 PM Parent: #6
خالد..........سلام اشكرك شكراً جميلاً وانت تحاول انتزاع لحظة فرح ونحن فى هذا السرادق الكبير دخلت المنبر كالعادة وجدت اسمى واهداءك الانيق ولكن عنوان لبوست اخر سرق منى لحظة الفرح المنتزعة من وادى عبقر السودان .. اذ غيب الموت صديقى الفنان والانسان الزين كلس واحد من الذين فتحوا بصرى وبصيرتى للغناء العذب المترع عليه الرحمة.. جدير ان نقول ان هذه الاغنية من كلمات حميدة ابو عشر نجار حنتوب وكما قال احدهم: اذا كان نجار حنتوب يقول غضبك جميل زى بسمتك ،و وداعاً روضتى الغنا فماذا يكون حين ينطق طلبتها واساتذتها؟؟ خالد اكرر شكرى رعاك الله من نسمة لطيفة. حاشية: سأعود لتصحيح بعض ماورد من اخطاء طباعية فى بعض كلمات الاغنية للتوثيق،،،
Post: #8 Title: Re: فى زمن الحزن الكبير اهداء لصديق الموج Author: Abdlaziz Eisa Date: 04-01-2012, 04:34 AM Parent: #7
Quote: الإشتياق و الاإحتراق و الوعد لي ... عجبا تكون قاسي ووديع شكلك بديع غضبك جميل زي بسمتك ... نظرة عيون في محنتي سحر الجمال في بهجتك
فى زمن الحزن الكبير اهداء لصديق الموج
العزيز/ شيخ العرب سلام
الموج موج وموج البحر الدافر والكرم الوافر الموج وكفى بنا موج ذاخر
تحياتي
Post: #9 Title: Re: فى زمن الحزن الكبير اهداء لصديق الموج Author: خالد المحرب Date: 04-04-2012, 00:11 AM Parent: #8
Quote: الموج موج وموج البحر الدافر والكرم الوافر الموج وكفى بنا موج ذاخر
تحياتي
والله يا عبد العزيز جنس نضمك ممكن ينفض الغبار من ناس بقو يسمعوا اغنية المصير للفنان الذرى ويتريقوا بها
Post: #10 Title: Re: فى زمن الحزن الكبير اهداء لصديق الموج Author: خالد المحرب Date: 04-04-2012, 01:06 AM Parent: #7
Quote: حاشية: سأعود لتصحيح بعض ماورد من اخطاء طباعية فى بعض كلمات الاغنية للتوثيق،،،
اعتبروا شرك وتانى كلام فيه شى الاستفزاز بدون قصد عشان تجى راجع ما شفت بادى بزعل كيف عندما يتغنى بعض الشباب اوغير الشباب بأ غانى الحقيبه عندما يغير نطقها وبالبطبع تغيير النطق يقلب المعنى اب سايد داون
Post: #11 Title: Re: فى زمن الحزن الكبير اهداء لصديق الموج Author: صديق الموج Date: 04-04-2012, 05:05 AM Parent: #10
علي كل حال شكلك بديع غضبك جميل زي بسمتك ... حكم الغرام بتذللي الغرام بتذللك ... الإبتسام و الانسجام و الحزن لا ... الإشتياق و الاإحتراق و الوعد لي ... عجبا تكون قاسي ووديع شكلك بديع غضبك جميل زي بسمتك ... نظرة عيون في محنتي سحر الجمال في بهجتك ... خايف خدودك تنجرح ... من نظرتي خايف فؤادي يدوب حنان ... من نظرتك ... لمته و جفيت و جفاك بريد يا ايه من معني بديع ... كيف الخلاااااااااااااااااااااااااااااااااااص كيف الخلاص يا دنيتي ما بين صدودك و جبرتك اراك قريب لكن بعيد عن رؤيتي من بعد ما اوقعتني في فتنتك
طبعاً هى اخطاء طباعه لكن زى ما قلت بتغير المعنى هاك التصحيح: حكم الغرام بتذللى وحكم الغرام بتدللك شفت الفراق فى النقطه اللعينه دى عمل شنو؟
الابتسام والانسجام والحسن لك والاحتراق والاشتياق والوجد لى برضو الفرق بين حرف الزاى والسين عمل بلوة فى الحزن وبرضة الوجد بدل الوعد حرف الجيم مش؟
جرت وجفيت وجفاك مريع يا اية المعنى الرفيع
اراك قريب لكن بعيد عن بغيتى خالد كتر خيرك وانت تحاول ان تجلب الينا الفرح كعادتك تسلم،،،
Post: #12 Title: Re: فى زمن الحزن الكبير اهداء لصديق الموج Author: حمزاوي Date: 04-04-2012, 08:11 AM Parent: #11