و طائر هواك ادخل على الناس و الحصار افتح الابواب نهار و ادخل على الصنه البتتململ حيرانه فوق صاج السكون اعرف يكون مفتاحه لي سهلة النضمى الحميمه والشجون
Post: #5 Title: Re: واحشنى Author: عبدالله شمس الدين مصطفى Date: 01-04-2008, 05:20 PM Parent: #3
بختكم بيه يا خطّاب ، وأهو العام سيبدأ بدفء صوته الذى سيذيب ثلج الغربة الهائلة فى قلوب الكثيرين . هو رائحة الزمن الجميل ، الزمن الفلانى الذى لم نقوى على تسميته فيما مضى ، والذى لم يقوى على تسميتنا له الان . هنيئاً لكم "واحشنى" و "أضحكى" ، علّكم تضحكون ، علّكم تبتسمون فى وجه الغربة ، والتغريبة المحيطة بنا .
عام سعيد ، بلا خيبة ولا خذلان ، ولامكابدة يا خطاب .
واحشنى يا الخليت ملامحك فى حياتى ، واحشنى يا الرسيت مراسيك جوة ذاتى ، الا باكر لما ترجع ، أنا بحكى ليك عن الحصل ، وعن بعد المسافة وقربها ولمن يفارق زول عيون غاليات عليهو كتير خلاص وبحبها والله أحكام يا قدر والله أحكام يا مسافة ويا سفر
وانت لما بتسيبنى وتسافر خت فى إعتبارك ، انو دنياى فى مدارك وجد- لفافات الصبر دخنتها وكل المقاطع فى غناى طوعتها وغريبة غنت ، فرحة . لا . لا غربة ..لا..لا تقصد شنو ما عرفتها وأهى تجربة خطيرة – جد – وأجتزتها ولسة واحشنى
Araki , as an exceptional orderly artist , I believe .. even the time -difference is not going to affect his tempo by a single Quasihemidemisemiquaver ________
فى ليالى انجمينا فى النصف الآخر من ثمانينات القرن الماضى ... انا ومجموعة من الاصدقاء نستمع الى الفنان ابوعركى البخيت من شريط كاسيت وكلهم مندمجون فى صوت ابو عركى العذب.. فجأة يقول الاديب الراحل الدبلوماسى عبدالهادى الصديق... " انتو بتستمتعوا بغناه لكين ان استمتعت بغناه وصداقته.. قلت له: هسه كلنا فى الهوا سوا... والآن وبعد مرور حوالى ربع قرن من الزمان جئتنا يا ابوعركى بلحمك وشحمك ودمك وحق علينا ان نستمتع بغنائك فى حضورك والغنا حلو من خشم سيدو...لن نتركك حتى تبلل ارواح المنفيين التى صدئت واصابها كلس الإغتراب وصار الوطن كبسولة نتناولهاعند اللزوم فى اشرطة كاسيت وفيديو وDVD وبعض الذكريات...
الكل يرحبون بك كما لم يرحبوا باحد من قبل... احبوك لانك التزمت جانبهم وغنيت لهم ولامالهم وطموحاتهم.. واصل ابداعك فمحبيك كثر... على امتداد العالم من ام درمان الى واشنطن..
نورالدين منان
Post: #20 Title: Re: واحشنى Author: محمد سنى دفع الله Date: 01-04-2008, 09:09 PM Parent: #19
واحشني يا تووشي واحشني جد كنت خايف عليك من الحنين والحزن الطاويك تحت جناحو الأيام الفاتت .. لكن اهو جاك الفرح قدر اعوامك الجايات والراحن منك خاسب على اصابعك لسه ابوعركي طفل كبير مليان محنة حيقالدك ويبكي فرقتكم وغربتكم القسى ويغني ليكم ويعزف عود مدوزن من عصب همو يحلق بأخلامكم لي دنيا بعيدة سلم عليهو وابكي معاه خليل وقول ليه خليل راقد نايم بين الخليل والكاشف غرحان مع الملايكه ياملاك النيل واحشني ياخطاب واحشني
Post: #32 Title: Re: واحشنى Author: nazar hussien Date: 01-05-2008, 06:16 AM Parent: #31
وحشة..وضمة وفرحة لمة
تقالد بعض
ارواح تنجما
من التعب القرّب وغرّب من اليأس الفاض واتسرّب
من الخوف الماهو مجرّب
بي
ضحكة ودمعة بنغسل حزن النيل والشمعة نداوي جراح الناس مجتمعة
نغني غنانا الما في البال وتقوم النخلة تشيل شبال
وان شاء الله ايامكم كلها وحتما ستكون يا خطاب...حلوة كحلاوة ابوعركي
ونحن يا دوب انعدلنا للوحشة الجد...تحياتي لكم و له...بلا حدود...
ويبدو لي انك ستقول شعرا ما قلته من قبل...
Post: #33 Title: Re: واحشنى Author: سلمى الشيخ سلامة Date: 01-05-2008, 08:44 AM Parent: #32
وجد لفافات الصبر انا دخنتها وحتى المقاطع فى غناى طوعتها وغريبة غنت فرحة لا لا مش فرحة
دى فرحة واكبر منها سماع صوتك صوتك يرد الروح التاهت نست يا حبيبنا بركة الجيت تسالمنا وتكالمنا قبل ما نفوت يا ولدا محنن برويحة الناس مغسل بدموع الشوق مرتب جوه فى الوجدان دولاب مستف بالغنا وفايض وبلدا تموج بيك يا حبيب بلدا روحك النازلة على كل ديم فيها تدفيها بكلمة حب وضحكة تغسل الوجدان وابتسامة الزول بتنبع من شعوره والبقابلك ببتسم ليك من ضميره وانت اصلك بتسمح للابتسام يعبر ما انت روح الابتسام سيد الغنا وسيد الكلام كلام حنين يدخل مسام الروح يغسل كل ادران الزمن ويدفى كل اللكان بردان بريدك الا بس كلمة بريدك باقية صعبة على اللسان عم الزين محكر فى قطار الهم وطائر الشفق الغريب وما تنسى الحراز والمطر ياحرازتنا ويا ضلنا الطويل ممتد وياهمنا الشلتو من كم سنه وما قت تعب القلب ياهو قلبك هو البيفتح لجداول الناس تسيل وتنملى الدنيا بجمالك يا جميل يا جميل يا نيل يا بلد يا زول جميل انا قلت ليك انك نبيل؟ واكتر من النبل العديل ياعديل لما امى تجيها داخل تفتح الباب وتسالم يا ابونا يا اخونا يا طيبتنا يا غنوتنا يا بهجتنا يا ابوعركى البخيت وعديل يا زول بطول النيل وموية النيل تجيك طالبة الرواء ويجيك النيل ويقول ليك فصل التيبان مرايل لطفل قاسى العيون وتفصل التيبان تغطى للعريان وتكسى يا ولد يا نبيل يا ابوعركى البخيت الطيب والعديل ليك الحب بعدد ذرات الموية الفى الدنيا بعدد ما قام زرعا اخضر بعدد اطفال الكون الكانوا والجايين بعدد ما يكون يا اجمل كون واجمل انسان عرفناه يا نبل النبل يا ابوعركى اقعد عافية لقمة دافية تدى الجيعان معنى الشبع وللعريان معنى الكسوة يوم العيد يا عيدنا بيك وهنانا بيك يا انبل نبيل وما بوفيك لو كلمت الشجر الطير البحر البر لو قلت الكلم القول ليك ما بحوق لانك اقوى من الكلمات اكبر من كل الاحرف اعظم انسان ياعركى الطيب وعديل
استاذ/ خطاب لك كل الاشياء الحلوه والجميلة بروعة وقامة ابوعركي .... اخر حفله حضرتها ليه كانت في دار الاطبه والحضور كان بيطالب بامونة.. وهوبياجل فيها ... اخر الحفل وبعد اصرار الحضور الكبير وافق علي امونه بس اشترط بدون اقلام والله يا بخت اللي بيحضرو ليه حفلاته في رحلته الي امريكا
Quote: صبحت نفسي ساعة الكتمه من ضيق الزمن والناس وألقي دمي يفور تمد إيدينا تمسح في العصب والراس أمانه كلاما كان رفرف وكت ساعة الدرس ياخوي يطير قلمي ويزغرد سنـّو في الكراس
Post: #44 Title: Re: واحشنى Author: Badr Edinn Abdul Rahman Date: 01-06-2008, 11:44 AM Parent: #1
الاستاذ خطاب حسن أحمد كل عام وأنت بخير، فلتهنأبصديقك الجميل أبوعركي البخيت، وليهنئك معك الموسيقار الموصلي، فقط ما خطر في البال: فجرتي فيني خطوط الماس أشعلت فيني حريق بليغ الله يديكم العافية
)..