لان الجميع مدعو لانجاح الافطار الجماعي والذي تقيمه الجالية يوم الاحد من كل اسبوع في العنوان التالي:
South Common Community Centre at 2233 South Millway, Mississauga, ON L5L 3H7.
the close intersection is
BURNHAMTHORPE ROAD AND ERIN MILLS
وستكون هناك لجنة برئاسة شخصي الضعيف لاعتقال المتخلفين عن الحضور والعقوبة في حالة التخلف عن الحضور هو اطعام 40 شخص من عذابة ميسيسساغا عصيدة بملاح روب يوميا حتي حلول عيد الاضحى ولا عذز لمن أنذر وكدي المرة فيكم والله راجل ما يجي ههههههه
وطبعا دي المناسبة الوحيدة حأخليها من غير توقيت لانو رئيس الجالية نسي يقول لي الساعة كم
يا سلام يا شمس الدين هذا أجمل شيء تقدموا عليه في هذا الشهر المبارك وياريت باقي الجاليات تفعل مثلكم.. على الأقل الناس تلاقي بعض وتتذكر الأيام الجميلة في السودان أيام الناس تفطر في الشوارع ويدعوا كل شخص يمر بجنبهم ليشاركهم وجبة الإفطار. رمضان كريم.. الله يتقبل منا ومنكم صالح الأعمال. وتصوموا وتفطروا على خير.
العام الماضي مررت بسيارتي على منطقة ميسيساغا ولاحظت وجود محلات تجارية عربية كثيرة على طول الطريق عرفت أن المنطقة يقطنها العرب. إن شاء الله المرة القادمة سأتصل بك أنت والنصري أمين وحيدر وأقابلكم أتعرف عليكم.
08-13-2010, 04:09 PM
Shams eldin Alsanosi Shams eldin Alsanosi
تاريخ التسجيل: 12-18-2003
مجموع المشاركات: 2135
Quote: الزعيم شمس الدين السنوسي رمضان كريم وكل سنه وانت والميساساقاب وجميع أهلنا بكندا بألف خير، هكذا عهدناك وستظل.
محمد المرتضي حامد طبعا كتبت الاسم كامل خوفا من كتابته ود المرتضي حتى لا اشتبك مع صديقي الاستاذ ميرغني خليل والذي يصر انك ابن حامد هههه صديقي الجميل حتي هذه اللحظة لا أكاد اهضم فكرة انك لن تكون معنا تزين لقاءتنا بوجودك المريح وعزاؤنا اننا سنراك في أكرم , امجد وايمن وفي بت الزين التي تزين مسساغا بهالتها فكن بخير يا صديقي وحتما العيد البجيب الناس حيجيبك لينا
08-14-2010, 12:09 PM
Mohamed Doudi Mohamed Doudi
تاريخ التسجيل: 01-27-2005
مجموع المشاركات: 3899
Quote: يا سلام يا شمس الدين هذا أجمل شيء تقدموا عليه في هذا الشهر المبارك وياريت باقي الجاليات تفعل مثلكم.. على الأقل الناس تلاقي بعض وتتذكر الأيام الجميلة في السودان أيام الناس تفطر في الشوارع ويدعوا كل شخص يمر بجنبهم ليشاركهم وجبة الإفطار
. عزيز عيسي شكرا كتير علي مرورك من هنا هو تقليد قديم متجدد وتحاول الجالية الاستفادة من الشهر الكريم في مد جسور التواصل وبالله المرة الجاية لامن تجي ماري بجاي أدينا خبر .. علي الاقل نحجزك يومين على زمة التشريف ورمضان كريم
08-15-2010, 02:31 PM
Shams eldin Alsanosi Shams eldin Alsanosi
تاريخ التسجيل: 12-18-2003
مجموع المشاركات: 2135
العزيز شمس الدين السنوسي رمضان كريم والتحايا ليك ولي جاليتا في تورنتو ومسيساغا تصوموا جميعا وتفطرا على خير .. دايما محتشدين بالجديد وبالترابط والمحبه يا رب دايما مجتمعين على الخير تحياتي ـــــــــــــــــ ايمن تابر
08-15-2010, 08:48 PM
Shams eldin Alsanosi Shams eldin Alsanosi
تاريخ التسجيل: 12-18-2003
مجموع المشاركات: 2135
Quote: والتحايا ليك ولي جاليتا في تورنتو ومسيساغا تصوموا جميعا وتفطرا على خير .. دايما محتشدين بالجديد وبالترابط والمحبه يا رب دايما مجتمعين على الخير تحياتي ـــــــــــــــــ ايمن تابر
العزيز ايمن رمضان كريم وتحايا لجالية وينذر
قربت تضللني بـ التاج الفي راسك دا وقدرما حاولت ابت تمسح تابر بالمناسبة في تورنتو في شارع (Taber Avenue) كلما اجي مار فيهو بتخيل ألاقيك .. وقلت اقترح عليك تجي تشتري بيت فيهو قايه رايك؟ شكرا علي المرور ايها الصديق
08-21-2010, 11:21 PM
Moneim Malik Moneim Malik
تاريخ التسجيل: 12-12-2004
مجموع المشاركات: 454
الاكرم شمس الدين سلامات ورمضان كريم تصوموا وتفطروا على خير.. والله حاسدكم عديل كده.. ولو كنت في كندا كنت فطرت معاكم يوم احد مع الاسره..بس عليك الله تسلم لينا على كل الحبايب هناك وخاصه اخونا صديق واسرته والاخت تهاني واسرتها..
Quote: ميسيساغا .. ياخ معقولة دي حتة الواحد يقعد فيها هسي!
والله ياود الصايم اريتها مكان قعادك..لانها تعتبر من احدث المدن الكنديه وايضا انظف مدينه في كندا.
ولكم مودتي
08-22-2010, 04:33 PM
Shams eldin Alsanosi Shams eldin Alsanosi
تاريخ التسجيل: 12-18-2003
مجموع المشاركات: 2135
Quote: ميسيساغا .. ياخ معقولة دي حتة الواحد يقعد فيها هسي
مش اخير من سكن الخور (مع اعتذاري لصديق القاعد بعيد) هههههه يا الصايم ود الصايم رمضان كريم طبعا بخصوص الاسم الغريب دا حأحاول أمرر معلومة صغيرونة لكن مهمة وعميقة انو مجرد ما لقيت اسم غريب ما قدرت تنطقو فتأكد ان خلف الكلمة دلالة رمزية او معني عميق في لغة السكان الاوائل والذي تعارفنا علي تسميتهم بالهنود الحمر وهو يفضلون تسمية (Aboriginal) والتي تشمل الاسكيموس , First Nation , الميتيس وهذه الاخيرة أي الميتس هم الناتج من تزاوج الـ الاوبورجينال مع الاوربيين الاوائل ومسيساغا هي مجموعة تنتمي لمجموعة القبائل الستة وتحديدا الـ Huron وهم من علموا الرجل الابيض كيفية مقاومة عوامل الطبيعة القاسية بكندا بل لهم الفضل في كثير من نجاحات الرجل الابيض لتطويع الطبيعة لصالحة ولميسسيساقا معني في لغة الـ Huron حيث تعني النهر ذات الافرع الكثيرة يعني لامن تنطق مقرن النيلين بكل فخر واعتزاز حيرد عليك المسيساقاب بـ بالله what an strange name هههههه
08-29-2010, 03:51 PM
Shams eldin Alsanosi Shams eldin Alsanosi
تاريخ التسجيل: 12-18-2003
مجموع المشاركات: 2135
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Shams eldin Alsanosi
محمد المرتضى حامد
عزيز عيسى
Mohamed Doudi
Mahjob Abdalla
ايمن التاج
هاشم نوريت
محمد عبد الماجد الصايم
HAYDER GASIM
Moneim Malik
عزالدين محمد عثمان
فيس بوك
تويتر
انستقرام
يوتيوب
بنتيريست