حقا وصدقا وحبا ..... المنبر بيتا نداء الى بكري والبورداب

حقا وصدقا وحبا لقد صار المنبر لنا بيتا وواجب علينا ان نستميت من اجله وان ندفع عنه كل ما يسئ لنا جميعا فمن فينا يحب ان يدخل بيته فاحش القول ومن منا يسكت على اعراض اهله وحرماته الف لا لما يحاك لنا جميعا لا نتهم احدا فكلنا احباب واخوان واصدقاء يجمعنا الهم الوطني المشترك
لا نريد لهذا المنبر ان يكون مصدر شقاق وخلاف بل نريده مراة حقيقة لسودان الغد الواعد بحدوده الحالية سودان ترفع فيه كل المرارات القديمة سودان عادل متسامح ينعم اهله بالرخاء والامن والرفاهية
بالمنبر افزاز اعلام تازوا كثيرا بسبب بعض الاختراقات ولربما الهفوات من بعض اخواننا سامحهم الله كان من الممكن ان يسهموا بجهدهم وفكرهم وعلمهم بما يكشف لنا ظلامات الراهن والمستقبل


اتمنى من امين الموقع المهندس بكري ابوبكر واركان حربه ان يعملوا على فرض الاسماء الحقيقة لكل المشتركين بالمنبر اضافة لصورهم وان يكون ذلك شرطا للانتساب لعضوية المنبر نعم قد يجد اقتراحي عنتا ورفضا من بعض الاخوة ولكن ايجابياته افضل بكثير من ما يحدث احيانا بفعل التخفي وراء الاسماء المستعارة ارجوا ان يفكر الجميع واعرف ان الحكمة ضالتنا جميعا واتمنى ان يتوقف نزيف المنبر املا في غد افضل
وخالص تقديري وحبي لكم جميعا

اطالب باسماء البورداب الحقيقة وصورهم

up

رغم بعدى برسل سلامى

ياخ انا اسمى هشام شيخ الدين وكل البورداب بيعرفونى بالاسم ، وانت بالذات معاى فى الحزب وفى المملكة وزرتنا فى البيت وحضرت ندوتنا مع خالد عويس ،

ياخ انا عاجبنى اسم يازول يازول لأن فيه دلالات هى التى توحى لى بالكتابة ، فلو كتبت مثلا باسم هشام شيخ الدين ، تتقمصنى أولا شخصية شيخ الدين أمد الله فى ايامه ، اما يازول فتعبر عنى شخصيا فلماذا تريد تحجيمى؟؟؟؟؟

أظن من حق أى شخص أن يكتب بالاسم العاجبو البيوحى ليه بالكتابة ذاتها ، ولا شنو؟؟؟؟؟

القلب النابض شكرا على رفع البوست


الحبيب هشام شيخ الدين جبريل

Quote: أولا شخصية شيخ الدين أمد الله فى ايامه

ربنا يحفظ الوالد ويديهو الصحة والعافية

لكن تصدق يا هشام ما دا الانا قاصدوا زاتو انو اي زول لمن ينزل باسمو ويشوف اسم ابوهو مع اسمو مستحيل يخرمج زي ما بيعملوا ناس ...( بعد ما كتبت اسماءهم مسحتهم تصدق ؟ بس عشان ما اقرن اسمك باسمهم في بوست واحد )
لكن عندما يكونوا متخفيين ممكن يعربدوا ويمسوا اخلاق واعراض الناس زي ما بيحصل هنا من مرة لاخرى خاصة انوا المنبر بقت تدخلوا معظم وغالبية الاسر السودانية عشان كدا عاوزينوا يكون نظيف من الاختراقات السالبة دا كل الهم يا هشام
بعدين مسالة الاسم والايحاء دي ممكن تتعود عليها بالايام والمبدع فطرة مبدع وانت بطبعك مبدع ما هو تماضر اسمها الحقيقي ومبدعه وفايته البداعة بي هناك
ولمن نتقابل نتم الباقي

للرفع ..والدوافع غاية في المنطق ، لكن الصور لازمتها شنو ..
تقبل تحياتي .

عارف يا استاذ محمدلو الناس كلهم بقو بصورهم واسماءهم الحقيقة الناس كلها بتحس بالامان وبي يكون المنبرفعلا منبرا متميزا عن كل المواقع والمانبر الالكترونية بالشبكة
عموما هي فكرة اتمنى نجاحها لكن كل انسان في النهاية عندو حرية وحق الاختيار
مع خالص تحياتي
واسف للتاخير

كلام عقل يا عمدة ... بس ما اظنو حيتنفذ ....

و بعدين المشكلة الكبيرة في الناس ابان اسمين و تلاتة السجلوهم ايام الرخا؛ ديل
يعملوا شنو .....

و بعدين الداير يخفي نفسو حيخفيها .... و ممكن يدعي لنفسو اي اسم وهمي ...


الفكرة مثالية و جميلة ... بس للا سف ما اظنها قابلة للتطبيق

الأخ الفاضل/ محمد حسن العمدة
اقتراح اشهار الاسم الحقيقي في المنبر اقتراح جيد وأوافق عليه بدون تحفظ ولكن لا أرى ضرورة لمسألة الصورة دي .. فالحرية دائما تتبعها مسئولية ومن باب المسئولية أن تنسب الافكار والآراء لأصحابها الحقيقيين لا لأي اسم مستعار يمكن تغييره بسهولة متى ما أراد صاحبه الهروب من مسئوليته .. ومسألة التخفي وراء الأسماء المستعارة مثلها مثل العمل في الظلام تشجع على الفوضى .. أرجو الا يفهم من حديثي هذا أن كل من استعمل اسما مستعارا هنا جنح الى الفوضى أو أن كل من استعمل اسما حقيقيا ابداء التزاما ومسئولية اكثر من غيره ولكن مظنة تبني الفوضى في استعمال الاسماء المستعارة لا شك أكثر منه في اشهار الأسماء الحقيقية ..
عمر

الاخوان حسين ملاسي وعمر عبد الله
الف شكر ليكم على التثنية واراءكم ممكن مناقشتها اذا اتيحت اراء بقية اعضاء المنبر
ولكن حلمي ان يكون المنبر مؤسسة مدنية تفيد البلاد والعباد بما يملكه من تنوع وتفرد بعض الاعضاء ومواضيعهم الثرة المفيدة
في انتظار بقية اراء الاعضاء

محمد والحضور الكريم...
اخوكم محمد عثمان عبد الله...من كسلا
طعبا اسمي موجود بالبروفايل ... وانا معجب باسم تولوس .. وهو اسم لاحد جبال التاكا واضافة لرمزيته الابداعية والثقافية في كسلا... طبعا انارجل صوفي واحب التصوف وايضا من بيت انصاري وختمي كبير ... {شوف المفارقة العجيبة} لكني لااتبع اي حزب من احزاب السياسة السودانية ...

الاخ العمدة
كلامك جميل ذكرنى بمناقشة حصلت فى الثمانيات فى امريكا
عن الاسلحة وحيازتها.. وكان التساؤل هل يقتل السلاح ام الشخص الذى يحمله.. فهل يشتم الشخص ام اسمه..
كما قال لك ود الخالة ملاسى
هناك اكثر من شخص لديه عدد من الاسماء فيأتى الشخص باسمه شاهرا صورة تبدو عليها الطيبة.. وبالاسم الاخر يصفى حساباته
ظاهرة البعاعيت..

اذا غيرنا الى الاسماء الحقيقية هذا لا يغير سلوكنا ولا يعدله
لان لا يشتم الاسم بل الشخص الذى يحمل الاسم..
وشكرا لك