لماذا لا ينحاز الجيش للشعب ؟؟؟

إنّ أكبر مُهمة للجيش هي الدفاع عن أرض الوطن في حالة الإعتداء
عليه من دولة خارجيّة، و وآجب المواطن في هذه الحالة هي الوقوف
جنباً إلي جنب مع الجيش، ودعمه بكل ما يملك.
أقول وآجب المواطن، وهذا وآجب يعني ما مشحودين عليهو.

طيّب ... إذا أتفقنا كلنا علي انّ وآجب المواطن تجاه الجيش أن يدعمه
بكل ما يملك، فالسؤال المطروح هو لماذا لا ينحاز الجيش للموآطن
في حالة يقع ظلم علي الموآطن من الدآخل ؟؟؟

إرتفعت أصوات مطالبة بالوقوف مع الجيش في الهجوم الآخير علي هجليج،
ونحن نقول هذا واجبنا ونعتبر هذه الأصوات إنطلقت للذكرى التي تنفع المؤمنين،
وفي نفس الوقت نطالب الجيش بالإنحياز للشعب في محنته ومحاولة تخليصه من
غول المؤتمر الجاثم علي صدره طوآل هذه السنين العجاف.

حكومة المؤتمر الوطني جاءت من عمق الجيش، ومهمتها التي قامت من أجلها
كانت وآضحة من إسمها (ثورة الإنقاذ). أي الثورة التي هبّت من داخل سكنات
الجيش كي تنحاز للشعب الذي رأت في ذلك الزمن انّ الظلم أحاط به إحاطة
السوار بالمعصم.
إذاً السبب الذي دعى الجيش إلي السيطرة علي مقاليد الحكم في البلآد هو ظلم
وقع علي الشعب من الدآخل. هذه الوسيلة إن لم تكن قد إستنتها الإنقاذ فقد
سبقها إليها آخرون. يبقى بقدر ما يُطالب الموآطن بمساندة الجيش، يكون من
الوآجب علي الجيش مساندة الموآطن في محنته، والهم الأوّل والآخير في
كِلى الحالتين هو المواطن والبلد...

ياحبيب (الجيش ) ياتو ..الجيش بقى (مهجن ومأدلج)

والحكومة باسطاهو آخر بسطة (بتصرف عليه 75% من الموازنة)

ينحاز للشعب لى شنو !!!!!!!!!!!!!

(الجياشى) لمن يصل رتبت عميد بكون عندو خمسة عربات

فى بيتو واحدة ليهو (كلو كلو) بتكون ملكو وبيغيروها

ليه بموديل جديد كل سنة واحدة يتمشور بيها

وواحدة للمدام (ده إذاكان عندو فرد واحدة)

وواحدة للعيال وواحدة للخضار...يقيف مع الشعب بيلقى منو شنو!!!!

الجيش ده داير كنس كلو (إقتلاع من الجذور)

إنتفاضة شعب من غير جيش هى الحل .\


بس وين نحن نلقاها مع

شلاقة سلفاكير

كل ما اقول قربته ليك تلقانى بادى من الالف


ودى

Quote: ياحبيب (الجيش ) ياتو ..الجيش بقى (مهجن ومأدلج) والحكومة باسطاهو آخر بسطة (بتصرف عليه 75% من الموازنة) ينحاز للشعب لى شنو !!!!!!!!!!!!! (الجياشى) لمن يصل رتبت عميد بكون عندو خمسة عربات فى بيتو واحدة ليهو (كلو كلو) بتكون ملكو وبيغيروها ليه بموديل جديد كل سنة واحدة يتمشور بيها وواحدة للمدام (ده إذاكان عندو فرد واحدة) وواحدة للعيال وواحدة للخضار...يقيف مع الشعب بيلقى منو شنو!!!! الجيش ده داير كنس كلو (إقتلاع من الجذور) إنتفاضة شعب من غير جيش هى الحل .\ بس وين نحن نلقاها مع شلاقة سلفاكير كل ما اقول قربته ليك تلقانى بادى من الالف ودى

سلآمات يا معتصم.

إذا الحكاية كدا. يبقى ما فيش فايدة من الجيش زي ما قلت، وبكدا
يكون الجيش بيحمي المؤسسة العسكرية والحكومة ومن تبعهم بتخريب
ودمار ونفاق إلي يوم الدين. عليه، يجب علي الشعب أن يرفع إيدوا من
الجيش وما يقيف معاهو تاني إلي أن يقضي الله أمراً كان مفعولا. لكن
كان التغيير بقى علي الشعب نقول منو العوض، وعليهو العوض.

نبادلك المودة...