Post: #1 Title: يجب على جميع السودانيين الاصطفاف خلف الجيش السوداني في هذا الوقت Author: محمد جلال عبدالله Date: 03-27-2012, 05:13 AM
Quote: أعلن رئيس جنوب السودان؛ سلفاكير ميارديت، دخول الجيش الشعبي منطقة هجليج, وجاء حديث سلفاكير أمام اجتماع مجلس تحرير الحركة الذي انعقد بمدينة جوبا، عاصمة جنوب السودان، بينما وصف الجيش السوداني الاشتباكات بالمحدودة.
عاجل: سلفاكير يعلن دخول منطقة (هجليج) المسألة أصبحت واضحة .. لم تعد قضية حكومة ومعارضة ولا مؤتمر أو أحزاب أخرى المسألة مسألة وطن .. كرامة وطن .. والحقارة بناباها والله بناباها بالله عليكم رجالة ساي كدي .. سودانية ساي كدي جيش دولة الجنوب الحقيرة يهاجم ويحتل - كما زعموا - منطقة سودانية ونحنا نقف مكتوفي الأيدي .. ومنا من يفرح ويهلل ويشمت في جيش بلده بالله عليكم في سوداني أصيل يفرح عشان جزء من أرضه تم احتلاله؟ بالله عليكم في سوداني أصيل يفرح عشان جيش بلاده هزم - إن كان ذلك صحيحا - ؟
يجب علينا جميعا - كسودانيين - الوقوف خلف الجيش القومي السوداني الذي يذود ويدافع عن حدود وحياض الوطن ويجب على هذه الحكومة - والتي هي من أسباب أذايا الشعب السودان - أن تثبت ما دايرين تفاوض مع هؤلاء الأوغاد الذين بدأوا الحرب دايرين حل عسكري حسم عسكري تنضيف كل الجيوب وكلنا خلف الجيش السوداني بالمال والعتاد والنفس لو اقتضى الأمر الجنوبيين ديل زي اليهود .. كلما تديهم حاجة يطمعوا في حاجة أكتر
الجيش السوداني جيش وطني وقومي .. يحارب منذ أكثر من خمسين عاما أتحفظ على دوره في الحياة السياسية ولكني أحترم دوره المهني جدا
كسرة: يا ربي هجليج دي مافيها مدنيين؟ حواليها مافي مدنيين؟ مافي مدنيين كده هجرهم وشردهم هجوم جيش الجنوب؟؟؟ عشان بعدين لمن الجيش السوداني يكنس أوساخ جيش الجنوب - بإذن الله - ما نسمع الولولة البارعين فيها بعض الناس وتباكيهم على المدنيين سبحان الله لمن الجيش السوداني يكون متقدم يجيبوا سيرة المدنيين والصور تشتغل والتوثيق ولمن جيش الجنوب أو الحشرة الشعبية يتقدم مافي سيرة للمدنيين اتمدنوا يرحمكم الله!!!
Post: #2 Title: Re: يجب على جميع السودانيين الاصطفاف خلف الجيش السوداني في هذا الوقت Author: محمد جلال عبدالله Date: 03-27-2012, 05:16 AM Parent: #1
وعشان برضو ما أنسى ما دايرين حريات أربع ولا قرف دي ذاتها لو كان حصلت لكانت سببا كافيا لإسقاط هذه الحكومة المنبطحة بالله تدوهم الجنوب بكاملو وتطلعوا ليهم البترول وتسلموهم دولة كاملة تسليم مفتاح وبعد ده تاني يجوا يشاركونا في الشمال إن شاء الله ده يكون درس لي حكومة السجم والرماد دي قال حريات أربع قال!!
Post: #3 Title: Re: يجب على جميع السودانيين الاصطفاف خلف الجيش السوداني في هذا الوقت Author: محمد جلال عبدالله Date: 03-27-2012, 05:23 AM Parent: #2
Post: #4 Title: Re: يجب على جميع السودانيين الاصطفاف خلف الجيش السوداني في هذا الوقت Author: ود الباوقة Date: 03-27-2012, 05:27 AM Parent: #1
Quote: المسألة أصبحت واضحة .. لم تعد قضية حكومة ومعارضة ولا مؤتمر أو أحزاب أخرى المسألة مسألة وطن .. كرامة وطن .. والحقارة بناباها والله بناباها
Quote: يجب علينا جميعا - كسودانيين - الوقوف خلف الجيش القومي السوداني الذي يذود ويدافع عن حدود وحياض الوطن
Quote: سبحان الله لمن الجيش السوداني يكون متقدم يجيبوا سيرة المدنيين والصور تشتغل والتوثيق ولمن جيش الجنوب أو الحشرة الشعبية يتقدم مافي سيرة للمدنيين اتمدنوا يرحمكم الله!!!
قضي الامر
بارك الله فيك اخي محمد
اردم
Post: #5 Title: Re: يجب على جميع السودانيين الاصطفاف خلف الجيش السوداني في هذا الوقت Author: محمد الزبير محمود Date: 03-27-2012, 06:06 AM Parent: #4
Quote: المسألة أصبحت واضحة .. لم تعد قضية حكومة ومعارضة ولا مؤتمر أو أحزاب أخرى المسألة مسألة وطن .. كرامة وطن .. والحقارة بناباها والله بناباها بالله عليكم رجالة ساي كدي .. سودانية ساي كدي جيش دولة الجنوب الحقيرة يهاجم ويحتل - كما زعموا - منطقة سودانية ونحنا نقف مكتوفي الأيدي .. ومنا من يفرح ويهلل ويشمت في جيش بلده بالله عليكم في سوداني أصيل يفرح عشان جزء من أرضه تم احتلاله؟ بالله عليكم في سوداني أصيل يفرح عشان جيش بلاده هزم - إن كان ذلك صحيحا - ؟
يجب علينا جميعا - كسودانيين - الوقوف خلف الجيش القومي السوداني الذي يذود ويدافع عن حدود وحياض الوطن ويجب على هذه الحكومة - والتي هي من أسباب أذايا الشعب السودان - أن تثبت ما دايرين تفاوض مع هؤلاء الأوغاد الذين بدأوا الحرب دايرين حل عسكري حسم عسكري تنضيف كل الجيوب وكلنا خلف الجيش السوداني بالمال والعتاد والنفس لو اقتضى الأمر الجنوبيين ديل زي اليهود .. كلما تديهم حاجة يطمعوا في حاجة أكتر
الجيش السوداني جيش وطني وقومي .. يحارب منذ أكثر من خمسين عاما أتحفظ على دوره في الحياة السياسية ولكني أحترم دوره المهني جدا
كسرة: يا ربي هجليج دي مافيها مدنيين؟ حواليها مافي مدنيين؟ مافي مدنيين كده هجرهم وشردهم هجوم جيش الجنوب؟؟؟ عشان بعدين لمن الجيش السوداني يكنس أوساخ جيش الجنوب - بإذن الله - ما نسمع الولولة البارعين فيها بعض الناس وتباكيهم على المدنيين سبحان الله لمن الجيش السوداني يكون متقدم يجيبوا سيرة المدنيين والصور تشتغل والتوثيق ولمن جيش الجنوب أو الحشرة الشعبية يتقدم مافي سيرة للمدنيين اتمدنوا يرحمكم الله!!!
تسلم ود جلال ، معارضتنا غير ناضحة !!! لا تفرق بين العدو والصديق وهم من صنعوا قرنق ودعموه وقدموه للعالم لمحاربة النميري وعندما تقوى عليهم هرعوا يرشفون الأسى وما زالوا في نفس الدرب يسيرون. تحياتي
Post: #6 Title: Re: يجب على جميع السودانيين الاصطفاف خلف الجيش السوداني في هذا الوقت Author: خضر الطيب Date: 03-27-2012, 06:17 AM Parent: #5
يجب على كل السودانين عدم الاصطفاف خلف قوات النظام الحاكم فى الخرطوم
Post: #7 Title: Re: يجب على جميع السودانيين الاصطفاف خلف الجيش السوداني في هذا الوقت Author: Yassir Tayfour Date: 03-27-2012, 06:51 AM Parent: #6
حروبات المؤتمر الوطني لن تنتهي، ولن نكون جزءاً منها..
Post: #8 Title: Re: يجب على جميع السودانيين الاصطفاف خلف الجيش السوداني في هذا الوقت Author: النذير حجازي Date: 03-27-2012, 07:15 AM Parent: #7
كتب المفكر السوداني الكبير ياسر طيفور:
Quote: حروبات المؤتمر الوطني لن تنتهي، ولن نكون جزءاً منها..
يا جماعة أمسكوا في كلام المفكر السوداني الكبير ياسر طيفور دا
Post: #9 Title: Re: يجب على جميع السودانيين الاصطفاف خلف الجيش السوداني في هذا الوقت Author: عمر دفع الله Date: 03-27-2012, 07:55 AM Parent: #8
Quote: المسألة أصبحت واضحة .. لم تعد قضية حكومة ومعارضة ولا مؤتمر أو أحزاب أخرى المسألة مسألة وطن .. كرامة وطن .. والحقارة بناباها والله بناباها بالله عليكم رجالة ساي كدي .. سودانية ساي كدي
كلامك صحيح يا محمد جلال ... بس امشوا انتو قدامنا حاربوا مع ناس الجيش ضد الجنوبيين ونحنا بنلحقكم مع الرئيس بعدما يخلص من شهر العسل .
وفوق دا عندنا شرط اساسى ماعايزين عرس شهيد ولا عرس شهيدة وبعد نهاية الحرب مع الجنوبيين وطردهم من اراضينا الفضلت نمشى بى وشنا على حلايب .
صدقنى ما اشبه الليلة بالبارحة فهذا الوضع الذى فيه البشير اليوم اشبه بحملة ودالنجومى لمصر في ايام حكم الخليفة عبدالله .
Post: #10 Title: Re: يجب على جميع السودانيين الاصطفاف خلف الجيش السوداني في هذا الوقت Author: محمد جلال عبدالله Date: 03-27-2012, 08:42 AM Parent: #9
ليس بالضرورة أن ينفر كل الناس للحرب المسألة مسألة تخصص الطبيب في مكانه والمزارع والمدرس والمهندس وكذلك الجندي في ميدان القتال لا ينفر المؤمنون كافة إلا في حالة كان الوضع يستحق والآن بحمد الله الوضع لا يستحق والجيش السوداني مكفي وموفي ولكن بإذن الله لو استدعت الضرورة سنكون في الصفوف الأولى
أنت يا عمر كمواطن سوداني تنتمي لهذا البلد المسمى السودان ما موقفك من دولة أجنبية تبدأ بلدك بالعداوة وتحتل جزء من أراضيك؟ السودان ليس الإنقاذ ولا المؤتمر الوطني عن نفسي من أشد الكارهين لهذا الحكومة والمؤتمر ولكني لن أبيع الوطن بسبب أن من يحكمه هو الكيزان
Post: #11 Title: Re: يجب على جميع السودانيين الاصطفاف خلف الجيش السوداني في هذا الوقت Author: عمر دفع الله Date: 03-27-2012, 01:04 PM Parent: #10
Quote: أنت يا عمر كمواطن سوداني تنتمي لهذا البلد المسمى السودان ما موقفك من دولة أجنبية تبدأ بلدك بالعداوة وتحتل جزء من أراضيك؟
الليلة الجنوب دولة اجنبية وبكرا دارفور دولة اجنبية وبعد بكرا جنوب كردفان دولة اجنبية والغريق لى قدام .....السودان كان دولة موحدة منذ القرن الثامن عشر وعلى يد الحركة الاسلامية تفتت في عقدين من الزمان تحت شعارات مضللة ومشاريع وهمية
Quote: والآن بحمد الله الوضع لا يستحق والجيش السوداني مكفي وموفي ولكن بإذن الله لو استدعت الضرورة سنكون في الصفوف الأولى
قشا ما تعتر ليك ياهو داك الجنوب وديك هجليج العايز يمشى يحارب يمشى لكن نحنا من الصباح قمنا اتصلنا بأهلنا في السودان عشان لو القصة بقا فيها دفارات زى ايام الجهاد زمان يمنعوا الاولاد ويحموهم عشان الكيزان المره دى إلا يمشوا يجيبو اولادهم من مانشستر ولندن وماليزيا يحاربوا بيهم ... اما انت يا صاحبى فأنت حر فى حياتك . لكن نحنا حياتنا وحياة اولاد اهلنا واصحابنا اغلى من ان ندفعها بالمجان لاصحاب السلطات الواسعة والثروات الضخمة المنهوبة من عرق اهلنا الجياع .
مساكين اهل حلايب عشان ما عندهم بترول ولا القصة مع مصر ( الاجنبية ) اكبر من البترول ؟ لسع المشاريع الاممية ماشا ولا انتهت ؟ والله دى حكاية تجنن الغنماية ...
