إغتصاب زوجة أما زوجها بمدينة الامل بالكلاكلة.

تهجم ثلاثة أشخاص علي رجل وزوجته وقاموا بتقييد الرجل وتناوب الثلاثة علي اغتصاب زوجته اما عينيه ثم أوسعوه ضرباً.
الرجل المتزوج حديثاً يقيم مع زوجته بمدينةالامل بالكلاكلة .
تم فتح بلاغ بالواقعة.
نسأل الله السلامة ..
ولا حول ولا قوة إلا بالله.

لا حول ولا قوة الا بالله

عادات غريبة دخلت بلادنا

يعني شنو ربطوه وإغتصبوا زوجته قدامه بالتناوب؟؟؟؟؟

الكلام ده أصله ما قادر أهضمه

يا أحمد إبن عوف ،، نرجو التكرم بحذف مداخلتك هذه فإنها أكبر من هذه الجريمة النكراء نفسها .

نسأل الله السلامة ونتمنى أن تأخذ العدالة مجراها ويعاقبوا بأشد العقوبات لا تقل عن الصلب من خلاف .

عزيزي أحمد ابنعوف

Quote: جرائم زي دي اسألوا منها عواليق دارفور

الكتابة دي ما بتشبهك , خانك التعبير ام خاني الفهم ,

مالك داير تخلينا نجلي كتابتك مثل بقية العنصريين ,

نسأل الله السلامة لاعراضنا من هكذا اخلاق ...



ــــــــــــــــــــ
اقروا كلام ابن عوف تاني ..وماتمشوا بعيد فهو ليس كذلك ...

عزيزي ود القاضي

Quote: اقروا كلام ابن عوف تاني ..وماتمشوا بعيد فهو ليس كذلك ...

فعلا كتابة لا تشبه ولايشبهها ,, لذا قلت ربما خانه التعبير او خانني الفهم ,

بحاول ارسل لي في الخاص , لكن ماداير تمشي الرسالة ,,

الغريبة مدينة الامل ماهولة وين الجيران
مدينة الامل تقع حنوب مايو مباشرة , معقل الاجرام
مافى زول يجينى ناطى ارجعو لاحصاءات الشرطة

Quote: الكتابة دي ما بتشبهك , خانك التعبير ام خاني الفهم , مالك داير تخلينا نجلي كتابتك مثل بقية العنصريين ,

Quote: جرائم زي دي اسألوا منها عواليق دارفور

كامل الجملة مردودة ليك كسؤال ؟؟؟ بدون اى حزف لمفردة عواليق
ما الذى يمنع من ان تسأل انت ايضا عن هذه الجريمة ؟؟؟؟
هل انت نبى ؟؟؟ ام شخص عادى كغيرك من بنى البشر ؟؟؟
وليه اساسا طوالى جارى لعواليق دارفور كما ورد فى مداخلتك ؟؟؟؟
وليه ؟؟؟ وليه ... مليون ليه ؟؟؟؟
ارجو اجابة مقنعة ؟؟؟؟


قاسم المهداوى
هامش
كل ما نتمكن من الذهاب الى الامام خطوة يعود بنا البعض من الاخوة فى المواطنة خطوات
لاعماق بالغة السوء وليس للخلف فقط اذ ان الخلف يظل مهضوما الى حد ما فى مثل هذه الحالات
ولكن ؟؟؟؟؟؟؟؟؟؟؟؟؟؟؟؟

مكرر العزر لصاحب البوست
احيانا قد يُعمى البصر غضبا
فاتنى ان ادون كامل ادانتى لهذه الجريمة البشعة
وكامل تضامنى مع الضحايا ،، الزوجة والزوج وباقى افراد الاسرة






قاسم المهداوى

اعتقد و الله أعلم - ثم أحمد بالطبع - أن قصد أحمد بن عوف من العبارة
هي ان اهل دارفور - الذين تراهم الحكومة عواليق - هم من خبروا هذا النوع من الجرائم وهم من تعرّضت نساؤهم للإغتصاب أمام رجالهم

نسأل الله السلامة
جريمة بشعة يجب ان يعاقب فاعلوها بالعقاب الشرعي الذي يزجر أمثالهم ، هذه حرابة مقننة.
\

Quote: جرائم زي دي اسألوا منها عواليق دارفور

أخي كاتب الإقتباس ، أيا كان مقصودك فربما إبتعد المكتوب عن المقصود وإستعصى فهمه علينا وطاشت سهامك لتؤجج نار العنصرية .
ارجو ان يكون مقصودك غير ما نفهم فهلا بادرت بتوضيح ما تقصد وتعديل المداخلة.
أهل دارفور ليسوا عواليق بل هم منا ونحن منهم ، حفاظ كتاب الله وأهل جهاد ونخوة عمار ارض الحج ورحم الله علي دينار الذي صارت أبيار علي التى حفرها من مواقيت الحج المكانية فرفع الله بهذا العمل إسمه.
تحياتي لصاحب البوست ونسأل الله ان يخفف من مصاب أخينا المعتدى عليه(حسب الرواية التى لم تشر لمصدر رسمي)

Quote: Quote: جرائم زي دي اسألوا منها عواليق دارفور من هم عواليق دارفور يا ابن عوف فلاداعي للعنصرية والعنترية في هذا الاسفير المنبري فانت اسفه من العوالق ولا داعي لسفافس الامور ولا داعي ان نحكي تاريخ اصالتنا وكرماء اجدادنا الذين ةدافعو باسم السودان فدارفور تاريخيا دولة قائمة بذاتها وبل اشرف بقعة في السودان في كسوة الكعبة الشريفة حتى اسيادك في مدرسة العنصرية يعلمون بل اسيادك ديدنهم البغض والكراهية في تفكيك النسيج السوداني الشمالي الغربي الجنوبي الشرقي وقد نجحو في زرع الفتنة حتى داخل البيت الواحد صين لسانك قبل ان نأتي بالتاريخ فابحث عن محاسن خلق الله فاذا بحثنا عنك قد نكتشف صفات اقبح من الابليس مع خالص احترامي ذواليد سليمان ولاية دارفور الكبرى

السلام عليكم

اشكر كل من احسن الظن بي وما اساء الظن ايضا، فمن اساء الظن فقد عبر عن غيرته لاهله بدارفور

من الآخر كده

من هم عواليق دارفور؟؟

الجنجويد، ليس غيرهم، ذلك الوحش وتلك الذئاب البشرية التي سمح لها نظام الانقاذ ان تمارس
كل الشذوذ الانساني في انسان دارفور قتلا وتعذيبا وحرقا بالنار واغتصابا للنساء والاطفال

الموضوع دا كتبت عنه من قبل، وسألت سؤال منطقي جدا، اين هم الجنجويد اليوم؟؟
وتناقشت مع صديقي الدارفوري ابو دينار في منبر الاخت تراجي، وعرفت منه ان تعداد مليشيا الجنجويد
تقريبا بين عشرين الف وتلاتين الف

هل سأل السودانيون انفسهم، ماذا يعمل ثلاثون الف مريض بالقتل والاغتصاب اليوم؟؟

هل التحقوا بسلك التعليم لتكملة الدراسات العليا؟؟ ام اصبحوا وزراء كالدباب سوار

انهم اليوم اما سايقين ركشات وسط اهلنا واطفالنا في مدني وللا الخرطوم او نيالا
تلقاهم ببيعوا في خدار وللا متكلين في الحيط راجين الفيها النصيب
حايمين واحتمال يكونوا مسلحين كمان

كل ما يجي خبر مصيبة اي زول يتلفت ويقول جرائم دخيلة

هي ليست جرائم دخيلة، هي من صنع البشر السودانيين، في زول بقدر بنكر انو الجنجويد ما سودانيين؟؟
في زول بقدر ينكر انو الجنجويد هم من اهل دارفور؟؟

كسوداني وبفكر بشكل طبيعي جدا، لازم اشيل هم على اطفالي واهلي اذا قدر لهم ان يعيشوا في دولة بها 30,000 مجرم
مطلوقين في السهلة ساكت، مستعدين يغتصبوك ويقتلوك ويرموك في النار بعدها

مجرمين حرقوا 3,000 قرية

مجرمين استطاعوا ان يجبروا 5,000,000 دارفوري على النزوح من منازلهم

وبقال الدارفوري ورئيس المصنفات او شنو طده الاعلام بدارفور والبشرف على اصدار 16 صحيفة في دارفور
امكن ما كلف نفسه ينزل الشارع الدارفوري ويسأل السؤال دا

اين اختفى الجنجويد وماذا يعملون الآن؟؟

هل بين من بين اعضاء البورد طبيب نفسي؟؟

دا سؤال عشان نستشيره استشارة طبيه ويجاوب لينا على سؤال عن انسان كان يمارس القتل والتعذيب والاغتصاب لمدة
8 سنوات وفجأة بقى لا شغل لا مشغله؟؟ ومطلوق وسط البني آدمين

هل تعلمون ان الجندي عندما يعود من مناطق العمليات (الضباط بالمنبر ممكن يساعدوا ويؤكدوا المعلومة دي)
هل تلعمون انه حين تنتهي مهمته في مناطق العمليات ويمنح اجازة لا يسمح له بالعودة مباشرة لاهله
قالوا لنا لانه يعود بنفسيه قد لا تعتبر سوية 100% ، فالمؤسسة العسكرية تتخوف ان يصول ويجول بين المدنيين
وهو يحمل في ذهنه عقلية الصراع والقتل، فيتم حبسهم لمدة تتراوح بين 3 الى 6 شهور في معسكر جيش عادي
ويخضع لنوع معين من تمارين الضبط والربط العسكرية، يعني يوزنو ليهو البلوفه بتاعتو

30,000 جنجويدي ديل الوزن ليهم بلوفتهم منو؟؟

سلام يا احمد بن عوف
وجرى العرف ان نبدا خطابنا بالسلام و كان لزاما على ان اقول سلاام
مع ملاحظة غياب مفردة الاخ التى ايضا هى من البديهيات فى الشراكة المواطنية
ولكن ولعدم احساسى بها ايضا كان لزاما على ان احزفها من قاموس مفرداتى
فى مخاطبتك .
بشكل لا يقبل الجدل والفزلكة اللغوية هنالك فرق بين مخاطبة فئة محددة من الناس
وبين الجمع و كافة الناس ،،، جملة (عواليق دارفور) لا تقتصر على فئة محددة من الناس
بل تشمل الكل فى دارفور هكذا يفهم السياق الكامل والكلى للمفردة وما تستصحبه من توصيف
معيب ومخل وخارج نطاق الادب والزوق العام لكل البشر فى او بدارفور .

Quote: فمن اساء الظن فقد عبر عن غيرته لاهله بدارفور

المسالة ليس غيرة بل ليس من الطبيعى ان تهان وبهذا الشكل الكلى ولا تحرك ساكنا ،فتوضيحك الاخير
لشريحة الجنجويد التى تقصد كما بينت لاحقا كان الاجدى بك والانفع لنا ان تاتى بهم فى ومداخلة غضبتك الاولى
(اذ ان عواليق دارفور) هذى مفردة او شبه جملة مطاطة لا تقف عند حد شريحة محددة الاسماء والافعال وليتنا لو نسمى
الناس والاشياء بمسمياتها المعرفه بها وتعاملى معك من خلال المفردة والسرد وليس البحث فى ما تخفى الصدور
هذا ما يهمنى من توضيحك الاخير
قاسم المهداوى

عزيزي قاسم المهداوي

indeed
كنت اعلم

Quote: هذا ما يهمنى من توضيحك الاخير

فقط

عشان كده بالضبط لا شرحت لا طولت في البداية، لانو الموضوع انا عارفو، اي زول بزوغ منو، وبالذات لو كان دارفوري
كتبت ما كتبت لانو في اخوه نحترمهم طالبوني بذلك.

خلينا في الموضوع الاساسي، جنجويد دا مشى وين؟؟

عارف يا قاسم، في بوست امكن تلقى فيهو اجابة، بالذات حتة الجدل وفزلكة اللغة دي
اسمه اييه كده تقاطعات ديكارت مع شارع هيوم ورا الردمية طوالي الجنب ميدان كانط

Quote: ثلاثة مجهولين يغتصبون زوجة أمام أعين زوجها بالكلاكلة التيار أقدم ثلاثة مجهولين على ارتكاب جريمة دخيلة على المجتمع عندما داهموا رجلاً متزوجا حديثا داخل منزله بالكلاكلة (الأمل) فى الثانية من صباح الأمس وقاموا بتقييده والتناوب على اغتصاب زوجته أمام عينيه قبل أن يبرحوه ضرباً ويستولوا على مبلغ نقدى بسيط وهاتف نقال ويلوذون بالفرار. وأوضح الزوج لـ(التيار) أن المعتدين داهموهما بعد أن خلدا للنوم وقاما بتقييده وبعد أن فرغا من اغتصاب الزوجة أقدموا على ضربه لمدة ساعتين لافتاً الى أن الضرب تركز على الرأس. مؤكدا أنه قام بتدوين بلاغ بالواقعة لدى قسم شرطة الكلاكلة وتم نقله للمستشفى التركي.

لا حول ولا قوة الا بالله طيب الحكومة قاعدة وين لما المجرم وصلت بيه الجرأة علي تحدي القانون وارهاب المواطن الأعزل ذي دا
لو السلطة عجزت حتي عن توفير الامن شن فايدتا
قلبي مع المجني عليهم واتمني ان يتم القبض علي هؤلاء المجرمين في اقرب وقت

نسال الله السلامة

دا شنو تار ولا انتقام من العريس ؟؟؟؟

لا حول ولا قوة الا بالله
واضح ان الجريمه لم تكن صدفه
نرجو ان يثمر بحث الشرطه بالقبض علي هؤلاء المجرمين

متى نعود إلى الشعور بالأمن والطمأنينة في حياتنا؟؟؟

جريمة بشعة
نتمنى ان تجري العدالة مجراها
وعذرا ابنعوف لقد أسأت لاهل دارفور
لا أدري إن كان ذلك خطأ ام مقصود
لان تبريرك جاء متأخرا
ولا تنسى أن هؤلاء الجنجويد هم أيضا ضحايا الانقاذ
التي اعتدت عليهم ولجهلهم ارتكبو الجرائم البشعة
فعذر أخي ابنعوف

لا حولة ولا قوة إلا بالله العلي العظيم .. هل وصل الحال بنا إلي هذا الدرك الاسفل ،، جريمه دخيله على مجتمعنا وهذه ليست اخلاقنا فمن أين اتى هؤلاء ؟؟؟
كامل تضامني مع المعتدى عليهم واسال الله ان يخفف عنهم هذه المصيبة .. أين الامن والأمان في بلدي يا ناس ؟؟

ياسر العيلفون

لا حول ولاقوة إلا باالله

اشياء غريبة لك الله يا بلدى

الجنجويدي حافظ انقابو

بالله ادينا مرافعة تانية في حق هؤلاء المجرمين الضحايا

Quote: ولا تنسى أن هؤلاء الجنجويد هم أيضا ضحايا الانقاذ

ما قلت ليكم يا اولاد دارفور، ح تفلسو واحد ورا التاني بسبب مداخلتي

Quote: لا حول ولا قوة الا بالله طيب الحكومة قاعدة وين لما المجرم وصلت بيه الجرأة علي تحدي القانون وارهاب المواطن الأعزل ذي دا لو السلطة عجزت حتي عن توفير الامن شن فايدتا قلبي مع المجني عليهم واتمني ان يتم القبض علي هؤلاء المجرمين في اقرب وقت

الحكومة رفعت يدها من التعليم بقت المدارس الخاصة في كل ملف رفعت يدها من العلاج بقت العيادات في كل ملف والان ترفع يدها عن حفظ الامن

هل نتوقع ان يشتري كل مواطن سلاح عشان يحمي نفسو وعرضو؟


يجب الا تدفع اي ضرائب لهذه الحكومة..

وربنا يكون في عون الزوجين ديل,,
واذا تم القبض عليهم يحاكموا بحد الحرابة ويقتلوا ويصلبوا عشان الما بختشي يخاف.

القصة وراها سر غير معروف
لانو ماسمعت بحرامية انتهكوا حرمات البيوت بهذه الطريقة على الاطلاق
اتمنى انوا تجدهم الشرطة وينالوا العقاب الرادع جراء هذه الجريمة النكراء

حسبنا الله ونعم الوكيل

لاحول ولا قوة إلا بالله..

كان الله في عون الزوجين..

جريمة بشعة.. يجب القبض على هؤلاء الذئاب البشرية والقصاص منهم..

يا زولة

Quote: لانو ماسمعت بحرامية انتهكوا حرمات البيوت بهذه الطريقة على الاطلاق

انتو دارفور دي القايم بيها اوكامبو ليل ونهار قاعدة في قارة تانية وللا شنو

دي جريمة سودانية عادية جدا، تكررت بنفس السناريو عشرات وربما مئات المرات

وبعدين
الم يأتك نبأ صفية!!

وبرضو تناوب على اغتصابها ثلاثة رجال امام كل ضباط جهاز الامن والمخابرات الوطني

ارفع راسك .. انت سوداني

Quote: الجنجويدي حافظ انقابو

الاخ ابنعوف
أرجو شاكراً ان تتكرم
بتقديم أدلة ودفوعات
هذا الاتهام الخطير
في اقرب وقت ممكن



------------------
في الانتظار
وبيينا القانون

انقابو نصير الجنجويد

Quote: الاخ ابنعوف أرجو شاكراً ان تتكرم بتقديم أدلة ودفوعات هذا الاتهام الخطير في اقرب وقت ممكن

مجرد تصريحك انو الجنجويد هم من ضحايا الانقاذ يكفي

Quote: ------------------ في الانتظار وبيينا القانون

يا زول طوالي، هي جنجويد كمان بقو يودوا ليها القانون، حتى وان ثبتت التهمة
الكلام دا بكون في صالحك، الكيزان بدوك جائزة طوالي ويعملوا ليك حفلة في السلام روتانا

بالله مجرمين كانوا بياخدوا حرق القرى مقاولة عديل كده، كاش داون، يقال ان اتعاب الفرد
كانت تترواح بين مليون واتنين جنية للفرد، تجي بلا خجلة تقول لي ضحية وداير تودين القانون
كمان

داير تقول شنو في محضر التحري يا انقابو، الزول دا قال لي انت جنجويد؟؟ ياها دي تهمتك

انت المفروض تشرح لينا كيف الجنجويد ديل ضحايا، امكن في حاجة فايتانا