Post: #1
Title: من هي هذه المحامية التي أعتدت عليها قوات الشرطة؟
Author: Deng
Date: 03-23-2012, 03:39 PM
Parent: #0
رفع ملف قضية اعتداء على محامية لوزارتي العدل والداخلية
الخرطوم: آثار كامل
تحقق نقابة المحامين في حادثة اعتداء نظاميين على محامية بمنطقة الكلاكلة. وعلمت (الرأي العام) أن النظاميين انهالوا على المحامية بالضرب واتهموها بممارسة أفعال فاضحة واقتادوها إلى القسم وفتحوا (5) بلاغات ضدها منها استعمال القوة الجنائية. وذكر مصدر أن النظاميين تربصوا بالمحامية عند ذهابها مع أحد موكليها لاستئجار منزل من أحد الأشخاص بعقد إيجار حرّرته هي وذهبت لتحصل على توقيع المستأجر وانهالوا عليها فجأةً بالضرب وحملوها بعربة نصف نقل إلى القسم. من جانبها، أكدت نقابة المحامين أنها شكّلت لجنة للتحقيق في الأمر وقفت على تفاصيل الاعتداء ورفع الأمر إلى وزارتي العدل والداخلية لاتخاذ الإجراءات اللازمة.
_______________________________________________________
منقول من صحيفة الأري العام:
http://www.rayaam.info/News_view.aspx?pid=1282&id=106383
|
Post: #2
Title: Re: من هي هذه المحامية التي أعتدت عليها قوات الشرطة؟
Author: الشفيع وراق عبد الرحمن
Date: 03-23-2012, 05:26 PM
Parent: #1
دينق سلام
انا لا امانع نهائياً خوضك في الشأن السوداني (الشمالي)، وتحاورت معك كثيراً
ولكن الاحظ ان جميع مواضيعك تخص الشمال
هل لا توجد احداث ومواضيع تخص الجنوب؟
ام تناقشها في اماكن اخرى؟
ما ممكن الجنوب وبي مشاكلها المتلتلة دي ولا تجد حظها عندك من مناقشتها هنا
ام انك ما تزال ترى ان هناك (امل) في الوحدة
بخصوص سؤالك:
طالما التهمة اعمال فاضحة فيستحسن ان لا يُعرف من هي، بغض النظر عن براءتها او ادانتها
|
Post: #3
Title: Re: من هي هذه المحامية التي أعتدت عليها قوات الشرطة؟
Author: Deng
Date: 03-23-2012, 11:46 PM
Parent: #2
Quote: دينق سلام
انا لا امانع نهائياً خوضك في الشأن السوداني (الشمالي)، وتحاورت معك كثيراً
ولكن الاحظ ان جميع مواضيعك تخص الشمال
هل لا توجد احداث ومواضيع تخص الجنوب؟
ام تناقشها في اماكن اخرى؟
ما ممكن الجنوب وبي مشاكلها المتلتلة دي ولا تجد حظها عندك من مناقشتها هنا
ام انك ما تزال ترى ان هناك (امل) في الوحدة
بخصوص سؤالك:
طالما التهمة اعمال فاضحة فيستحسن ان لا يُعرف من هي، بغض النظر عن براءتها او ادانتها |
الشفيع وراق.
سلام.
أخبار دولة جنوب السودان متروكة لكم فجماعتك غير مقصرين.
الوحدة الحقيقية لن تحدث في هذا الجيل ولا في الجيل القادم ولكنها سوف تحدث في نهاية الأمر.
واضح جدا بأن التهمة غير حقيقية وملفقة كمان. حتى لو كانت هذه التهمة حقيقية. هل ضرب مواطنة بمثل هذه الطريقة
يعتبر قانوني؟
|
Post: #4
Title: Re: من هي هذه المحامية التي أعتدت عليها قوات الشرطة؟
Author: Tragie Mustafa
Date: 03-23-2012, 11:51 PM
Parent: #3
شكرا دينق
يا الشفيع وراق منو القال لك دينق ما متابع شىؤن الجنوب وما بتكتب مع اهله.
بس انت ما بترعفه بيكتب وين فدي مشكلتك.
هنا طبيعي يناقش معنا ما يهم الغالبيه شفته التهذيب ده كيف؟!
|
Post: #5
Title: Re: من هي هذه المحامية التي أعتدت عليها قوات الشرطة؟
Author: محمد المسلمي
Date: 03-23-2012, 11:57 PM
Parent: #4
تراجي مصطفي ودينق المورلي كبف
ـــــــــــــــــــــــــــــــــ
دينق اختشي
|
Post: #6
Title: Re: من هي هذه المحامية التي أعتدت عليها قوات الشرطة؟
Author: عبدالحافظ سعد الطيب
Date: 03-24-2012, 05:38 AM
Parent: #5
لانشكرك دينق على واجبك السودانى الأصيل
ولانؤمن بغير وطن واحد مساحتة مليون عشق
خالى من الباعوض والذباب والذئاب والعسعس والقمل والطفابيع
لانمنيك بباطل ولكنا نناضل
نبلع أحزاننا لنحقق آمال الذين رحلوا وآحلام القادمون
|
Post: #7
Title: Re: من هي هذه المحامية التي أعتدت عليها قوات الشرطة؟
Author: Alshafea Ibrahim
Date: 03-24-2012, 09:25 AM
Parent: #6
تحياتي يادينق
ألم يأتيك حديث حرمة تعظيم رجال الأمن عن شيخ البرلمان عظم الله سره ؟
البوليس في حكومة الكيزان له حرمة وتعظيم وتنعيم وحصانة لا يتمتع الأطباء بل والقضاة والمحامين ...
ممكن جدا تكون المحامية دي استخدمت القوة المفرطة مع هؤلاء الأفراد واعتدت عليهم بالضرب هم مساكين ما عندهم أي شرور ، وكويس ما أطلقوا النار في الهواء والمحامية دي طارت واصابتها طلقة طائشة طائرة ... وتلحق الشهيدة الفقيدة عوضية .. محظوظة المحامية وصلت القسم حية
الشفيع
|
Post: #8
Title: Re: من هي هذه المحامية التي أعتدت عليها قوات الشرطة؟
Author: Kabar
Date: 03-24-2012, 09:29 AM
Parent: #6
المهندس الشفيع كتب يقول:
(طالما التهمة هي اعمال فاضحة فيستحسن ان لا يعرف من هي ، بغض النظر عن براءتها و ادانتها)..
صديقي المهندس الشفيع وراق عبد الرحمن..حبابك
ياخي داير انصحك لوجه الله و رسولو..لو بتقبل النصيحة الحقة..و نختلف أو نتفق في السياسة.. لكن يا اخو اخلاقنا السودانية العادية تب ما ظني تكون محل خلاف..و الدخلني هنا يا الشفيع..حسرة على ضياعنا و تشتتنا..غيبوبتنا السرمدية المفروضة علينا ( و انت تجسد الحال بصورة لاتحسد عليها)..و اسألك بكل وضوح: انت جنيت يا الشفيع ولا صابتك غيبوبة حتى بت لا تدري ماهية افعالك و اقوالك؟..و نفسي افهم (لأنو امرك بيهمني كتير).. شنو الوجعة الماسكاها عليك الجبهة الإسلامية و نظام حكمها حتى تغدو في حكم الزول الغايب العقل و حسن التصرف ؟(باقيهم ما عندي بيهم شغلة فهم يا اما جهلاء مدجنين و يا اما مهوسين لحد الغيب..و طالما هو خيارهم فهم احرار..و ما بننصحهم لأنو المهوس ما بتنفع فيهو نصيحة)..!!
غض النظر عن اختلافك مع اخونا دينق أو اتفاقك معاهو..لكن يا الشفيع كلمتك القلتها في حق المحامية دي عيب عدييل يا اخوي ..لو بتعرف العيب و بتحراهو..فالمحامية دي سودانية متلك..ممكن تكون اختك.. أو بت عمتك.. او زميلتك.. الخ.. نختلف في السياسة يا قريبي..لكن ما بنغيـّب و ننتهك عروض الغير مهما كان الأمر..
انت يا الشفيع قلت (طالما التهمة هي اعمال فاضحة)..و ده قذف (بمفهومه الشرعي) في حق ناس لا تعرفهم ولا تعرف طريقة تربيتهم لأبنائهم و بناتهم..و هذا عيب اربأ بك ان تلغ فيه بمثل هذه الكيفية و السهولة..
و لو راجعت نفسك و قريت الكلام كويس ما كان يمكن أن تجزم بمثل هذا الجزم (طالما يا الشفيع تفيد الجزم..و الجزم يفيد القطعية..و القطعية ترجيح حكم شرعي)..اول بالتبادي يا الشفيع كان تسأل نفسك منو القام بالتحقيق؟..التحقيق في الخبر قامت بيهو نقابة المحاميين..و دي ماسكنها ناس الجبهة الإسلامية..و طالما النقابة هي القامت بالتحقيق فهذا يعني وقوفها الى جانب المحامية..و دفاعها عنها و ايقانها التام بظلم هذه المحامية من قبل السلطات المعنية..!
تاني التبادي.. الخبر قال ناس الشرطة اتهموا المحامية بالقوة الجنائية..و لو كنت مكانك اول حاجة كان اتوقفت في حكاية القوة الجنائية دي.. أو على الأقل كان سالت ناس القانون عن معناها؟!!!..
و عارفك ح تسمع كلامي و تصدقني..مافي حاجة في القانون الجنائي السوداني اسمها قوة جنائية ممكن تنطبق على حالة المحامية..و عشان اكون معاك اكتر وضوحا.. المقاومة الجنائية المذكورة في القانون الجنائي السوداني ممكن تنطبق على عقار و الحلو و مني اركو مناي..و عشان الصورة تتضح ليك..مفهوم القوة الجنائية ذكر مرة واحدة في القانون الجنائي و في المادة (63) و اسمها الفتنة..و بتذهب لفكرة انو من يدعو أو ينشر دعوة لمقاومة السلطة عن طريق القوة الجنائية..و دي ياهو مفهوم المعارضة المسلحة ضد السلطة.. فهل محامية مشت عشان تمضى ليها عقد بيع أو معاملة قانونية مع موكلها.. باقي ليك ممكن تستخدم قوة جنائية و تعمل على تقويض السلطة عن طريق استخدام القوة الجنائية؟..مافي حاجة اسمها استخدام قوة جنائية في هذه الحالة..حتى لو ثبت انو المحامية كان عندها صاروخ توما هوك او كروز..او كلاشنكوف.. لأن القوة الجنائية المقصودة في القانون محددة و مفهومة و تنطبق على المعارضة المسلحة للسلطة القائمة (يعني جريمة سياسية)..و دي ما حصلت في قصة المحامية دي..و هذا خطأ من الشرطة التي وجهت التهمة (لأنها شرطة ما عندها ادني معرفة بالقانون الذي تطبق و تحتج به على الناس..و دايرة تعمل ليها عواء فارغ..!!)..
ثالت التبادي..حكاية الأفعال الفاضحة..و التي جزمت على حدوثها بحكاية (طالما التهمة هي الأفعال الفاضحة)..هل سألت نفسك ماهي الأفعال الفاضحة التي يحاكم عليها القانون الجنائي السوداني؟..
اها يا الشفيع القانون الجنائي السوداني بيقول في المادة 152 (دي الحاكموا بيها لبنى حسين)..من يأتي في مكان عام فعلا أو سلوكا فاضحا أو مخلا بالآداب العامة...اها القانون اشترط المكان العام؟..باقي ليك محامية مشت مع موكلها عشان تمضى عقد و في مكان الموكل..هل ده مكان عام؟..ثم ما هو الفعل أو السلوك الفاضح و المخل بالآداب العامة؟..القانون السوداني مقصر في الحتة دي..و ما عندو قائمة بنماذج مثل هذه الأفعال..عشان كده المادة دي بقت سيف مسلط على رقاب العامة ..يعني انا و انت ممكن تكون عندنا مصافحة المرأة للرجل حاجة عادية و غير مخلة بالآداب العامة.. لكن في واحد تاني مهوس و معقد ممكن يعتبرها اخلال بالآداب العامة (ياخي افترض انصار سنة مشوكش في دينـو و عندو عقدة تجاه اي حاجة تسويها المرأة)..و عشان نوضح ليك اكتر يا الشفيع.. القبلة (البوسة) في موقف البصات أو نص السوق (كليهما مكان عام).. ممكن تشكل فعل مخل بالآداب العامة..اها في ذمتك يا الشفيع في سودانية في الكلاكلة ممكن تبوس ليها راجل في مكان عام حتى نقدر نقول عليها ارتكبت فعل فاضح و مخل بالآداب العامة؟..ناهيك عن كونها محامية و العلاقة بينها و بين موكلها وفق النظم و الذوق و الأتيكيت و القانون؟..
اها الجانب التاني من الأفعال الفاضحة هو الزي الفاضح..و دي مدخلة السودان كلو في حيص بيص..و عشان اوضح ليك اكتر المحامية السودانية عشان تمارس عملها اليومي و الرسمي بتكون لابسة توب أو لابسة بلوزة باكمام طويلة و اسكيرت لغاية الرسغ..هل ده زي فاضح؟..هل ده ممكن يشكل فعل مخل بالآداب العامة؟ ( لاحظ الخبر اصلا ما ذكر انو المحامية دي تم القبض عليها في وقتها الخاص و خارج اطار العمل الرسمي..يعني حتى جريدة الراي العام قالت انو البوليس اتربص بيها..و التربص يعادل المابيك في الضلام يحدر ليك..)..
ياخي انا ما كوز يا الشفيع..و عمري لن اكون..و ما متفق مع الحكومة الحالية دي..و لو وضعت القمر عن يميني و الشمس عن شمالي ما بتفق معاها تب..لكن انت وكت الحكاية شايفها موضوع اجانب و غيرو..مش كان ممكن تقول لدينق..كتر خيرك.. لكن افهم انو عندنا مؤسسات..و البوليس الغلطان ..ممكن نقابة المحاميين تتدخل و تقول ليهو عيينك في راسك؟..غالبك تقول لدينق الأجنبي (كما تتعامل معه)..المحامية مظلومة لكن في مؤسسات ممكن ترد ليها حقها و تحميها؟..ولا ناس الشرطة قاسمين معاك عشان كده بتصدقهم و تتحامل على الأبرياء المغلوبين؟..
هذه المحامية لا اعرفها..وا حلف ليك على المصحف انو لا فعلت قوة جنائية ولا فعل فاضح..و انما قضيتها تشكل الخزي الأخلاقي ووحل السقوط الذي ادمنا الغوص فيها ..سواءا كنا ندري أولا ندري..و لو مكضبني هسع ده راجع انو ليه اي مشكلة طرفها البوليس لازم يكون فيها عرقي و شرمــــطة و افعال فاضحة؟.. لأنو بؤس البوليس يسول له استجداء التعاطف عبر قيم يعرف جيدا أن الشعب السوداني ممكن يتعاطف معاها.. و هذا هو العــهر الحقيقي..!
مافي محامية سودانية بترتكب فعل فاضح كما حدده القانون الجنائي السوداني..لكن الشرطة هي التى فقدت الأخلاق و القيم و التربية..و اصبحت تتربص بالبسطاء و الضعفاء..!
اتمنى ان تكون صادقا و شجاعا و تعتذر لهذه المحامية و اسرتها الكريمة..!
و دمت..
كبر
|
Post: #9
Title: Re: من هي هذه المحامية التي أعتدت عليها قوات الشرطة؟
Author: عماد موسى محمد
Date: 03-24-2012, 09:47 AM
Parent: #8
Quote: واضح جدا بأن التهمة غير حقيقية وملفقة كمان. حتى لو كانت هذه التهمة حقيقية. هل ضرب مواطنة بمثل هذه الطريقة
يعتبر قانوني؟ |
بغض النظر عن الموضوع واسبابه..بس للتنوير
http://www.google.com.qa/url?sa=t&rct=j&q=%D9...YVlincU7UrMXIY5eqxRg
ثم على عادل/دينق أن يفكر معنا
في أسباب ميل كثييير من أفراد الشرطة الأمريكية
وبعض السودانية للعنف والتصرفات العنيفة
هل القضية قضية تحضّر أم "طبيعة"..? أي إنسان يعيش في أمريكا
ويرى تصرفات كثير من الشباب وأفراد المجتمع سيعرف أن المجتمع الأمريكي
ملغّم بالعنف..هذا انعكس على شرطته..فلنبحث عن أسباب الخلل في الشرطة السودانية حتى لا نُخدع برسالة دينق بأن السبب هو على ما يهواه الأمريكي..الآن أمش لأقرب "قوقل
واكتب The US Police Brutality
تلقى مآسي تشيب لها الأطفال
"عادل" ...متى ستستمر تكتب بهذا الDeng ?
والتساؤل لبكري أبوبكر لمتابعة الAllegation !
|
Post: #10
Title: Re: من هي هذه المحامية التي أعتدت عليها قوات الشرطة؟
Author: الشفيع وراق عبد الرحمن
Date: 03-24-2012, 04:14 PM
Parent: #8
حووولاااا
دهـ شنو يا كبر؟؟؟؟؟؟
كبيت الكلام دهـ كوووله على الكلمتين الانت فهمتهم خطأ؟؟؟
مداخلتي كانت واااضحة دفاع عن المحامية المتهمة، ولو فهمت غير كدهـ تكون انت غلطان أو انا ما قدرت اعبر من خلف الكيبورد
الخبر قال:
| Quote: واتهموها بممارسة أفعال فاضحة |
يعني الاتهام حصل وانتهى
هل في داعي يتم نشر اسمها على الملأ؟
حتى ولو تمت تبرأتها وثبت انه التهمة ملفقة، حتماً سيصبها (رشاش)، والبنت عندنا في السودان (سمعة) وسيظل.
| Quote: التي جزمت على حدوثها بحكاية (طالما التهمة هي الأفعال الفاضحة) |
وين جذمت يا كبر على حدوثها؟؟؟؟؟
ما قلته واود ان أؤكده انه بمجرد الاتهام الشنيع دهـ، يجب عدم ذكر الاسم
انت وانا نعرف ان التهمة سترتبط بالاسم، ولن تزيلها اي قوة على وجه الارض، لذا يجب منع الارتباط ابتداءاً
هل كلامي هنا خطأ؟؟؟؟
وللمعلومية انا مثلك لا اعرفها ولم اسمع بالموضوع الا من بوست اخونا دينق، وسبب دخولي هو ما اوردته في صدر المداخلة.
وشخصياً لا يمكن ان اتعاطف مع رجال الشرطة نهائياً في مثل هكذا حالات، لأنهم في اغلب الاحيان بكونوا غلطانين
| Quote: اتمنى ان تكون صادقا و شجاعا و تعتذر لهذه المحامية و اسرتها الكريمة..! |
اتقدم بخالص اعتذاري لكل من فهم كلامي على غير ما أوردته
شايفك طرشت كلام كتير، ربما اعود له لاحقاً
------
سؤال لمن يمر على البوست
هل فهمت مثل ما فهم كبر؟
تحياتي
|
Post: #11
Title: Re: من هي هذه المحامية التي أعتدت عليها قوات الشرطة؟
Author: Rawia
Date: 03-24-2012, 05:21 PM
Parent: #10
Quote: سؤال لمن يمر على البوست
هل فهمت مثل ما فهم كبر؟ |
لا
_____________
واول مرة الاحظ وجود إتنين (شفيع)
واحد كويس وواحد وحش
|
Post: #14
Title: Re: من هي هذه المحامية التي أعتدت عليها قوات الشرطة؟
Author: Hassan Makkawi
Date: 03-24-2012, 07:13 PM
Parent: #3
Quote: الوحدة الحقيقية لن تحدث في هذا الجيل ولا في الجيل القادم ولكنها سوف تحدث في نهاية الأمر.
|
Deng
طلع بتاع وحدة ( فى نهاية الأمر )!!!!
طيب ما تقول من زمان ياخ؟؟
|
Post: #12
Title: Re: من هي هذه المحامية التي أعتدت عليها قوات الشرطة؟
Author: mayada kamal
Date: 03-24-2012, 05:43 PM
Parent: #1
دينق يا وغد مشتااااااقين
شايفة مصدرك صحيفة(الرأي العام)
مصداقيتها عندك وين !!!!!!!!!
ماياها نفس صحف النظام
ولا انتو تشيلو تغرفوا في البعجبكم بس؟؟؟؟
|
Post: #13
Title: Re: من هي هذه المحامية التي أعتدت عليها قوات الشرطة؟
Author: ABDALLAH ABDALLAH
Date: 03-24-2012, 07:04 PM
عماد موسى
فى بوستك الذى أشرت إليه قرأت لك الآتى :-
ثم
Quote:
شكراً Deng على المرور والتعليق
قزلك: |
وكذلك
لكننى فى هذا البوست قرأت لك :-
Quote: ثم على عادل/دينق أن يفكر معنا
في أسباب ميل كثييير من أفراد الشرطة الأمريكية
وبعض السودانية للعنف والتصرفات العنيفة
هل القضية قضية تحضّر أم "طبيعة"..? أي إنسان يعيش في أمريكا
ويرى تصرفات كثير من الشباب وأفراد المجتمع سيعرف أن المجتمع الأمريكي
ملغّم بالعنف..هذا انعكس على شرطته..فلنبحث عن أسباب الخلل في الشرطة السودانية حتى لا نُخدع برسالة دينق بأن السبب هو على ما يهواه الأمريكي..الآن أمش لأقرب "قوقل
واكتب The US Police Brutality
تلقى مآسي تشيب لها الأطفال
"عادل" ...متى ستستمر تكتب بهذا الDeng ?
والتساؤل لبكري أبوبكر لمتابعة الAllegation ! |
أنت تقيم فى قطر
العزيزان الكريمان , عادل على صالح وجورج كلاهما من أعضاء هذا البورد ويقيمان معنا فى واشنطن
هل لديك دليل أن من كتب إليك فى السابق هو زميلك دينق - حسب قولك- وأن من كتب إليك أخيراً
هو عادل ؟
أم هو إتهام للناس بالباطل؟
وهى شكيتك لبكرى دليل على مصداقيتك؟
|
Post: #15
Title: Re: من هي هذه المحامية التي أعتدت عليها قوات الشرطة؟
Author: Deng
Date: 03-25-2012, 06:53 AM
Parent: #13
Quote: يا الشفيع وراق منو القال لك دينق ما متابع شىؤن الجنوب وما بتكتب مع اهله.
بس انت ما بترعفه بيكتب وين فدي مشكلتك.
هنا طبيعي يناقش معنا ما يهم الغالبيه شفته التهذيب ده كيف؟! |
تراجي.
الشفيع وراق شخص متحجج وليس إلا.
إذا أنا كنت من المطبلين للإنقاذ لكان من أوائل الذين يشجعون كتاباتي.
|
Post: #16
Title: Re: من هي هذه المحامية التي أعتدت عليها قوات الشرطة؟
Author: الفاضل يسن عثمان
Date: 03-25-2012, 02:58 PM
Parent: #15
| Quote: هل فهمت مثل ما فهم كبر؟ |
لا
تثير الاشفاق يا شفيع بعدافحام كبر دي. علي الاقل تكون فهمت
الموقف الصحيح,لمثل تك المواقف.
الكيد السياسي بضاعة يحترفهامن تقف بجانبهم باطلا. والحق ليست
بالضروره يمتلكه امثال كبر. فقط يخوضون فيه عندما يتلمسون دروبه
فهمت
|
Post: #18
Title: Re: من هي هذه المحامية التي أعتدت عليها قوات الشرطة؟
Author: الشفيع وراق عبد الرحمن
Date: 03-25-2012, 03:40 PM
Parent: #16
| Quote: واول مرة الاحظ وجود إتنين (شفيع) |
يا راوية هو (شفيع) واااحد، ولكن يتم النظر له من زوايا مختلفة
تحياتي
وشكرا على الـ(لا)، طمنتيني
|
Post: #20
Title: Re: من هي هذه المحامية التي أعتدت عليها قوات الشرطة؟
Author: الشفيع وراق عبد الرحمن
Date: 03-25-2012, 03:44 PM
Parent: #16
Quote: لا
تثير الاشفاق يا شفيع بعدافحام كبر دي. علي الاقل تكون فهمت
الموقف الصحيح,لمثل تك المواقف.
الكيد السياسي بضاعة يحترفهامن تقف بجانبهم باطلا. والحق ليست
بالضروره يمتلكه امثال كبر. فقط يخوضون فيه عندما يتلمسون دروبه
|
اولاً تشكر على الـ(لا) اخوي الفاضل
علي الحلال ما فهمت ايتها حاجة
ولو كنت تهاجم اخونا كبر، فأقول: أخونا كبر زول (فاهم) ومحاور بارع وكاتب متمكن
واكاد اجذم انه وقع في لبس ليس الا
تحياتي لكما
|
Post: #17
Title: Re: من هي هذه المحامية التي أعتدت عليها قوات الشرطة؟
Author: الشفيع وراق عبد الرحمن
Date: 03-25-2012, 03:37 PM
Parent: #15
| Quote: الوحدة الحقيقية لن تحدث في هذا الجيل ولا في الجيل القادم ولكنها سوف تحدث في نهاية الأمر. |
Quote: تراجي.
الشفيع وراق شخص متحجج وليس إلا.
إذا أنا كنت من المطبلين للإنقاذ لكان من أوائل الذين يشجعون كتاباتي. |
| Quote: شفته التهذيب ده كيف؟! |
عفوا دينق وتراجي
بصراحة خبطة كبر خلتني اتلفت عشان اشوف (هببت) شنو
وغريبة نسمع دينق يتحدث عن الوحدة
كدي بالله يا دينق فصل لينا شوية في الحتة دي، يعني قاصد شنو بنهاية الامر؟ هل هناك برنامج محدد؟ ام هي فقط (امنيات)؟
تحياتي
|
Post: #19
Title: Re: من هي هذه المحامية التي أعتدت عليها قوات الشرطة؟
Author: النذير حجازي
Date: 03-25-2012, 03:42 PM
Parent: #17
سلام يا باشمهندس الشفيع
يا الشفيع إنت قلت لي دينق ليه ما بتناقش الشأن الجنوبي؟ يا الشفيع معظم رواد هذا المنبر
من شمال السودان أي 99.99 % منه شمالين ومعظمهم لا يهتمون بشأن جنوب السودان
لذا دينق يكتب عن شمال السودان، وتاني حاجة يا الشفيع موش بالقانون كافل لدينق الحريات الأربع؟!
ولَّ إنتو ذاكرتكم ضعيفة؟!
تحياتي
|
Post: #21
Title: Re: من هي هذه المحامية التي أعتدت عليها قوات الشرطة؟
Author: الشفيع وراق عبد الرحمن
Date: 03-25-2012, 09:02 PM
Parent: #19
| Quote: لا يهتمون بشأن جنوب السودان |
الواقع بقول غير كده يا حجازي
كل مشاكل الجنوب الداخلية تحل في الخرطوم
ومشاكل الشمال موجودة باستمرار على دسكتوب حكومة الجنوب
كأننا لم ننفصل
وبالرغم من كده لم تجد اخبار الجنوب حظها من التغطية هنا
تحياتي وودي
|
|