|
Re: حميد.. زي التكنو قبل ده ما فارقنا زول بعد الرسول (Re: نصر الدين عثمان)
|
(باغتنا ريح الفجعة ليل
فرنب في جوفنا مرابنات الصبر
شات سعن الجلد
صادنا الذهول ..
زي التكنو قبل دا
ما فارقنا زول بعد الرسول
واللاّ التقول أول قلوب في الدنيا
يغشاها القدر بعدن تضيع منّو الدروب
تنطمبج الساحات حريق
يدغي الطريق المحتمل
كل الفريق سوقر وراك
يا جرحنا الكيف يندمل
ما بار وراك شهد الغنا
ونحل الحناجر ما همل
صادر خلايا أبو الدبر
صاقر حناياه نمل .. نمل
وين ماشي ..
يا نبض الرحيق
سايب المشاعر ريق دقيق)
| |
|
|
|
|
|
|
Re: حميد.. زي التكنو قبل ده ما فارقنا زول بعد الرسول (Re: نصر الدين عثمان)
|
(يا نسمة نشدتك بالله كان ماشي علي نوري تزوري حبّاني وأهلي وخلايي ……….. أغريله سلامي وقوليله المطرة إن صبّت يا الجايي العرق الناقع دا الليله وأولابو كشينبة وإنقايي …. …. …. قندول الشوق حد ما لبّن دندح حبّايي وحبّايي الطير ورياحاً قد هبَّن ينفزعوا ويرموا الحاحايي إندلِّي على الجرف الليلنا وجيبيلي معاك كركجايي ما هو الكركجي خلق نيلنا وساحرني صفاهو الشبّايي)
| |
|
|
|
|
|
|
Re: حميد.. زي التكنو قبل ده ما فارقنا زول بعد الرسول (Re: نصر الدين عثمان)
|
(النخلة في الليل المهول .. وحيدا في عز الرياح فارس يدارق في الرماح .. الجايا من كل اتجاه رغم الجراح .. شح إلمي .. الزاد والسلاح راكز يصول .. لا أنّ ولا حنى للجباه لا خان بصيرتو الإنتباه لا حتى قال ديل المغول لا ختّ آه على عز قديم .. روح عجول طول مداميك الصبر .. سدابا طاقات النباح كل ما نزف من جوفو دم .. كل ما عزف لحنو الصباح نجم الميامين الحمش .. ينضارى شان تشرق شمش تدي الحياة .. الناس .. الحقول .. الدابة .. والطير .. والبمش)
| |
|
|
|
|
|
|
Re: حميد.. زي التكنو قبل ده ما فارقنا زول بعد الرسول (Re: نصر الدين عثمان)
|
(ولي زول وراهو شغل بعيد .. جابرا الظروف يطلع قهيوتو وشاي صباح وآخر المطاف .. الموت بيلفح بسمة من توب الزفاف الموت بيشرق نسمة في كل الصبا النخلة ترباية العباد .. بي جلالا تنحول رماد ورمادا ينحول سماد وسمادا يدخل كم بلاد وديانا تخضر والبطاح شوف كيف كفاح النخلة .. شوف كيفن بتتحدى الرياح تعبر على مر الحياة وتنمطق الموت بي جلد من بعدما ملت البلد .. شتلاً معمر بالألوف وشايل مخلف بارتياح طول المصير .. النخلة حوتة الصحرا .. نوارة الجروف تلقاها في أجمل وشاح بي جراحا رجّتنا الصباح .. يا القلتو ما بترجى الصباح النخلة تحت الأرض سر .. والنخلة فوق نخلة نصاح والدنيا أوسع ما تكون .. والجو براح وكل الرياح فوقا بتمر .. يكفيها دا .. ويكفيها صاح ما استسلمت لي ريح غريب .. وكل الرياح فوقا بتمر .. والنخلة ما بتخبر خلاف ريح اللقاح والهمبريب وريح الصلاح يا معوض الليل بالصباح يا معود النار اللهيب .. روض نخلنا على الرياح وفي لجة البحر الغريب .. أدي الرواويس الصلاح يكفينا دا .. ويكفيها صاح)
| |
|
|
|
|
|
|
Re: حميد.. زي التكنو قبل ده ما فارقنا زول بعد الرسول (Re: نصر الدين عثمان)
|
[غربل عليك ليل المدائن الكان زمانك حالا زين .. ناشدتها فتش نهارات القرى المتكية فوق شعب الصبر .. ساندتها علم بطانا الشيطنة غنيت معاهن .. سودنا .. يا سودنا .. يا سودنا لملمتهن والدنيا ليل .. والقمرة بت فاتا القطر وصف لهم حس شليل .. ردد حروفهم ردتها وقف سحابي مع الدغش .. شهدتها شهدت معايا على العذاب .. الهد أضلاع الغبش .. راعفتها تكلت خدودا على بكاي .. لاقي السجون .. جاهد بها بي جيهة الجذب القديم .. دخلت مكندكة بالشباب .. خنت التراب .. راودتها وفوق ها التراب .. واعدتها ولا إنتي جيتي ولا هي آه .. روحت وين]
| |
|
|
|
|
|
|
Re: حميد.. زي التكنو قبل ده ما فارقنا زول بعد الرسول (Re: نصر الدين عثمان)
|
[يا منقاش أحزان وإنشرت .. وادي الفرح إتمدد صي يا راحلين عِنْ دُغُش الليل .. ما لاقيتو جناياً زي تكية نخل الفجر الجاسر .. في المترة عراجين ضي يا رعّاوة العرب الرُّحّل .. ما لاقاكم في المطراني في كاويق الجرف الأمحل بين أسراب الرهو الراحل .. ساند أكتاف الليل الميّلْ عِنْ ساساق الغيمة عليكم بين رقراق الخيمة معاكم .. ما أديتوهو شوي بي حرجل آ رطانة الليلهم ليّلْ ما لاقاكم في ونساتكم بين الشادي وبين كاساتكم في صلواتكم .. عِنْ دعواتكم أو دقساتكم عِزْ خلواتكم زول زول الله إن ِمحِن آ بسأل الهبّاد لي غُلْب اخواتو الفرّاح عوّان الحلِّي الفدّار لي الليل ظلماتو آ نجمات شقيش قولِنلِّي ما لاقاك طالع مندلي المطعوم من طيبة أماتو]
| |
|
|
|
|
|
|
|