حميد : شريان الشمال.. قطع شريان شرايين البلد ، د. عمر الجعلى

‫ألف رحمة ونور عليك محمد الحسن سالم حميد.
شريان الشمال..
قطع شريان شرايين البلد
بالجوطة .. لِعبو الما نضيف
لولوتُو ..والزعَل الحَرد
كم مرّة فوَّت جرّتو
والليلة قام شال الوَلد...
الكلّ زول قافل عليهُ
يشرِّفو يخاوى البنيّة
ويبقى للشايب سنَد ...
شريان شمال
قصيت ضهر كمين حَريف
بى شيلتك الولد النضيف
وإنت المعرِّج للابد ...
قول لىّ كيف فاتت عليك
حُميد عَطَا ..
حُميد غَطى ..
وكرت فِتوح..
لى فقدو كلّ الناس تنوح
بغيابو جد نقص العدد ...
لكننا ..
نحن الغلابة وكلنا
حالفين يمين ما ندكّها ..
صابرين..وليك ميثاق شرف
إنو الحقوق بنسُكَّها ..
كان تبقى فى داخل حصون
حقك علينا نفِكّها ..
وتصلك بشارة إننا
خوفنا المزازينا إنتهى ..
مليون تحية ورحمة ليك
حُميد .. بداية ومُنتهى ..
عمر الجعلى
لندن - 20/03/2012

كم مرّة فوَّت جرّتو
والليلة قام شال الوَلد...
الكلّ زول قافل عليهُ
يشرِّفو يخاوى البنيّة
ويبقى للشايب سنَد ...