فيديو تشيع زميلنا الشاعر محمد الحسن حسن سالم حميد

رحم الله شاعر الغلابه حميد

شكرآ بكرى

يا الله اشكر سودانيز اون لاين حزبى واقول ل حميد نم بخير فانت قدمت ما يرضيك
نسال الله ان يرضى عنك كما ارضيتنا

أيه الدنيا غير لمة ناس في خير

أو ساعة حزن !
-------------------------------------------

اللهم ارحمه واغفر له واجعل الجنة مثواه
اللهم عافه واعف عنه واكرم نزله

عفوآ مكرر

وآخر المطاف ..
الموت بيلفح بسمة من توب الزفاف
الموت بيشرق نسمة في كل الصبا
النخلة ترباية العباد .. بي جلالا تنحول رماد
ورمادا ينحول سماد
وسمادا يدخل كم بلاد
وديانا تخضر والبطاح
شوف كيف كفاح النخلة .. شوف كيفن بتتحدى الرياح
تعبر على مر الحياة وتنمطق الموت بي جلد
من بعدما ملت البلد .. شتلاً معمر بالألوف
وشايل مخلف بارتياح
طول المصير .. النخلة حوتة الصحرا .. نوارة الجروف
تلقاها في أجمل وشاح
بي جراحا رجّتنا الصباح .. يا القلتو ما بترجى الصباح
النخلة تحت الأرض سر .. والنخلة فوق نخلة نصاح
والدنيا أوسع ما تكون .. والجو براح
وكل الرياح فوقا بتمر .. يكفيها دا .. ويكفيها

انا للة وانا الية راجعون ولاحول ولاقوة الا باللة

وداعا حميد

رحم الله حميد وانزله منازل الشهداء

شكرا بكري

ما لهذا الحزن من نهاية

متي لهذا الجرح أن يندمل

أو كما غني سيد أحمد

ما كل هذا الصمت الذي لا ينتهي وبرغم حوجتنا الصراخ

رحمه الله رحمة واسعة وأسكنه فسيح جناته مع الصديقين والشهداء ..
إنا لله وإنا إليه راجعون.

.....

لا حول ولا قوة الا بالله.. إنا لله وإنا اليه راجعون
له الرحمة والمغفرة بقدر الحب الكبير الذي يكنه له ابناء الوطن
وبقدر ما قدم من اشعار تتغنى بالوطن والجمال والحرية
رحم الله حميد بقدر ما اعطى لوطنه

...والليل نجع..وتاه فى مسارات النجوع...
والريح تصفر فى التياع..والفجعه..سكنت
فى الحشا..ونخرت لحيمات الضلوع...
اخ.يا حميد...

لا نقول الا ما يرضى الله...
وانا لله وانا اليه راجعون..
ولا حول ولا قوه الا بالله العلى العظيم...اااااا

هل ثمة من ضوء فى نهاية هذا الوطن !

موت المتلو نقصان للبلد في الجملة
لسان ألمنا وحالنا هو البزيل الغُمّة
خبر موتك فجع القلوب فجع وكيت عمّى
رب يديك النعيم تتهنّا في وتنجما
كُت ثابت في المبادي وتقود الحملة
تبكيك البلود مابتفيق من هما
حليل ست الدار وناس البلد من جمّا
والتومات ينوحن نواح يسوي الزمّا
حليل السرة موجعة مابتضوق ألما
نوري وقع الخبر فتق القليب إندمّا
يبكوك القريب وبعيد وخالة وعمة

لك الرحمة
نسأل الله ان يسكنك فسيح جناته

إنا لله وإنا إليه راجعون

جرح الوطن ختالنا خط
مامنو نطط
وحميد ختالنا خط مامنو نط
الليلي ياموت يا حيا
خاتي البختار الوسط خاتي البختار الوسط

يافطون
فطن حميد فطمنا غنانا
لاطاطينا لاسبنا الخيول تاطانا
قدمناه امام لاضلا لا ضلانا
ماهاب السجون مافزه من سيطانا
وكت الكور حما ثابت ركز لبطانا
لكن البلاد باعت ايادى بطانا
عالجه بالرحيل مدت وراه لسانا
جربه بالعويل قلبت حديثه رطانا
حنسه بالهديل رخت الحبيبه اضانا
ذى كل الطيور دايما تحن لوطانا
ماضاق الوطن بس كبرت الزنزانا

ويادى البلاد الكل ماطايبتها
فتحت على جرحك جرح
الكل مانقطلها الكلمات عسل
نزلت على خاطرك ملح
لاتاكت ابوابها الانيقه ورحبت
لاليله بجيتك فرح
يادى البلاد
وين نحن هسى فى ياتو ليل
فى يات صباح
كل الشوارع تشتبه فيك
وتشابه بعضها
كل البيوت الواقفه طولها
تستبيح فى عرضها
وانا روحى تشتاق لبلاد
كان طينى من طين ارضها
ديك البلاد اللابتفوت فيك وكت
لايوم بتترك فرضها
يوماتى واصله بالحنين
يوماتى هى الفى النوم
تجيلك برضها

اشتقت ليها الشوق غلب
اشتقته انزع همى
فى عتبات بيوتها الواسعه
وانزع فى ضل عصاريها التعب
غنيتا بادب المديح
سمت غناى قلة ادب
ومشيت وراها ضريح ضريح
فتشت فى كل القبب
دقشت وراء الرزق الشحيح
ما اغنى مالها وماكسب
شغلوها بالنبى والمسيح
واتقاسموها رتب رتب
فى كل حته حصار حصار
فى كل فجه لهب لهب
صمدت امام وابل الرصاص
سقطت امام وابل الخطب
حنيت عليها من الضهب
حنيت على زحمة خطاها
التايه بين رحمه وغضب
حنيت على دمى المشتت
فيها بين زنجى وعرب
حنيتا ياخى بلا سبب
ما دى البلاد الا جلبتها
للمدائن الصاخبه مقطوعة رحم
ولاتركتها فى الفيافى الشاحبه
مجهولة نسب
ولا رفعتها فى الرماح
ولامرقتها للمنافى
الواسعه تزروها الرياح
انا كنت كل ماالليل يفلل بندها
ياصابره حى ياصابره حى
ياصاااابره حى على الفلاح
ياصاااابره حى على الفلاح
ياصابره حى على الليالى
الفاتحه لوش الصباح
ياصابره حى على المدائن
الفاضله والقول المباح
لو كنت اقدر انزعك
من مخالب الخوف وجلجلة السلاح
ماكنت تانى رجعت ليك
خاوى اليدين دامى الخطى
ومكسور جناح

ولاكان نسيتك فى الزحام
تتعاطى مر الزكريات الفاجعه
والخدر الحرام
يادى البلاد الكل ماطايبتها
طاب ليها فى النفق المقام
زوجتها الحلم الجميل
خطبت خفافيش الضلام
وغنيته ما شاء الهديل
رطنت بما شاء الامام
راوضتنى وروضت كل الحواس
وهدهدت فى صحوى
شهوات المنام
ياطفله ابلغ من غناى
واجله عن كل الكلام
فرت ضفايرها ضفتين
والرمش تعريشة غمام
والثغر شخبين من حليب
والصدر برجين للحمام
جلست فما ابهى الجلوس
وقامت فما اسمى القيام
دخلت على الناس المسره
ومرقت على الارض السلام
وياصابره مادام الاسف
اسف على صبرك معاى
اسف على صبرك على
اسف على صبر السنين المره
عام من بعد عام
واسف اذا طال الشتات
فى الغربه او عزا المرام
واسف اذا طرف المدن
فراها اجنحة الخيام
ونزرتي عمرك للنزوح
للجوع واسلمت الطعام
واسف على هذا الكلام
اسف على هذا الكلام

ازهري محمد علي

لك الرحمه يا حميد ولنا الصبر الجميل والذكريات

يا نفس فجر القصائد

يا بريق نجم الحيارى

الله يرحمك رحمة واسعة وجعلك من اصحاب اليمين

لا حول ولاقوة إلا ب‘لله العلي العظيم

ما أقسا الرحيل لامن يكون لى وطن ، لى زول حنين
شايل البلد والقرى والمدن والناس والجروف فوق العيون ..
ما أقسا الرحيل لامن يكون لى زول قلبو مليا ن بالغنا والفنون
ومعطون بي مياه النيل .. وموشح بالطمي والطين ودموع الناس
الغلابة ... وأحلام المساكين !

مامون


الله يرحمك يا حميد رحمة واسعة بقدر ما وسعه قلبك الحنون من حب هذا البلد .. وأهل هذا البلد


( إنا لله وإنا إليه لراجعون )