وستظل نورا .... تحلم .......

نعم لقد غيب الموت هذا الانسان ..

اللهم ارحم عبدك حميد ...

واجعل الجنه مثواه ..

وصبر احبابه واهله وعشيرته ..

وسيظل الوطن ...يحلم ..وسيتبع خطاك انشاء الله ..

وستظل نورة تحلم ..

***

نورا تحلم بي عوالِم

زي رؤى الأطفال حوالم

لا درادر لا عساكر

لا مظاليم لا مظالم

نعم وسنظل نحلم ..وانت القائل :


يابلدى يافردة جناحى التانى

وكت الناس تطير لى عالمه

وآ وجعة الزول البيجيك

ما يلقى فيك غير الهجير

ناسا تواتى مسالمة

كل البشاشات القبيل

يلقاها ميته مسممة

والجاته جاته من الأرض

ما جاته من تالا السما

سنحلم ولكن قطعا ليس بالخوازيق ...

من الواسوق أبت تطلع
من الأبرول أبت تطلع
من الأقلام أبت تطلع
من المدفع طلع خازوق
خوازيق البلد زادت
يفيض النيل .. نحيض نحنا
يظل حال البلد .. واقف
تقع محنة..
ولا النيل القديم ياهو ... ولا يانا
نعاين فى الجروف تِنهد .. ولا يانا
رُقاب تمر الجدود تِنقَص .. ولا يانا
متين إيد الغُبُش تتمد ؟
ولا قِدّام ولا قدام

صحي الموت سلام ما يغشاك شر ....

عم عبد الرحيم
يا كم من بشر
عم عبد الرحيم
يا كم من بشر
صحى الموت سلام
ما يغشاك شر
صح فى الموت سلام
ما يغشاك شر



اللهم ارحمه واغفر له ..

والجابريه ..شن قالو


والشفخانة قصاد النقطة
تجينا .. تجينا .. تجينا ... تجينا
وما إنيقنّا ..
ناس إنولدوا وواحدين ماتو
لمّا الريس ودوشتو فاتو
فاتو العسكر .. وجو الأحزاب
ونفس الحلم إنجدد تاني
نفس الوجع الراح تحتاني
حتّلناهو جمعنا رفاتو
نفس اليافطة في نفس الحتة :
( الجابرية تحيي الشعب
دايرين بوسطة ومدرسة وسطى
والشفخانة بديل النقطة )


اللهم ارحمه واغفر له واجعل الجنه مثواه ..

وستظل تحلم ..وانا لله وانا اليه راجعون ..


نورا تحلم .. ‏
ولما تحلم ..... نورا ترجِفْ ‏
ولما ترجف .... نورا تحلم .. ‏
ولما ريح الواقع المُرْ .. ‏
لي عشيش أحلاما ينسِفْ ‏
نورا ..... تنزِفْ ‏
وفي الوجود .. وجدانه يهتفْ ‏
حالة .. تقرِفْ .. ‏
حالة تكسِفْ .. ‏
حالة تكسِفْ .. ‏
حالة تقرِفْ .. ‏
وتبدا تقضِفْ .. ‏
ولما تقضِفْ ‏
‏ بالا يهتِفْ .. ‏
وتملا باله أحلام بتلصِفْ ‏
يوم حا تنصِفْ ‏
يوم حا تنصِفْ ‏
نورا .. ‏
لسّه بعيد .. ‏
هناكَ .. ‏