نم هانئاً يا حميد

تركت لأصدقائك وأهلك وللوطن معاني وقيم
راسخة ستمتد إلى قرون قادمة

فهل مت؟

ماذا يعني أن يموت الإنسان ! طالما ترك إرثاً من
المعاني التي لا تموت .

سنقرأ النخلة والسرة بت عوض الكريم وست الدار
وعم عبدالرحيم ومصابيح السما التامنة وطشيش
ونوره وياما شايلك فيني حايم بإختصار ياحميد
سنقرأ كل شيء من أول جديد

وستكون حاضرا معنا كل ما جد جدنا
وسيقرأك القادمون في زمن الوطن الحلم فنم
هانئا يا صديقي ما بغشاك شر .. ألف رحمة
تغشاك ألف رحمة تغشاك.

================================

أبناء مروري وأبناء نوري وأبناء السودان يستقبلون العزاء في الفقيد العزيز الكبير
محمد الحسن حسن سالم (حميد) مساء اليوم 27 ربيع الآخر 1433هـ الموافق
عشرين مارس 2012م في قصر الفخامة – خنشليلة – الرياض – المملكة العربية
السعودية (إنا لله وإنا إليه راجعون) ولا حول ولا قوة إلا بالله.

كما للفرح روعة فللحزن لوعة
وتأجيل الحزن يذهب بلوعته كما يذهب تأجيل الفرح بروعته
دعونى ابكى هذا الدرويش الزاهد العابد
دعونى ابكى هذا المتصوف السايح الدايح
ايها الشعراء المطاليق
ابكوا معى من سماكم هكذا
يا ازهرى ، يا نخلى ، ياغفارى ، يا عاطف ، يا الدوش
محجوب شريف هووووووووى
القدال ، محمد محى الدين، محمد مدنى
يا ود باااااااادى ...يافاضلاااااااااابى
عووووووووووووووك
يا رعاوزة العرب الرحل ما لاقاكم فى المطرانى؟؟
يا رطانت الليل مالاقاكم جنب كاويق الجرف الامحل؟؟
يا نضافت ، البودة الدهسير، اللعوت‘ الضريسة، شوك الجمال، المعيوقة ، الحلفا ، العشر
زولكم الكان بجيب خباراتكم لى ناس الرادى ويييييييييييييييييينو؟؟
ماشفتوهو زولاً لى..؟.
يا فاطنى السمحى...يا القصب الاحمر
يا شليل وين رحتا؟
منو اليغوص يكوس صمغ اضنيكم بعد ده يا ترابلة الزمن الممحق الجهجاه
عشان يلقى مراق لى الشوك المكسر فى القلوب..؟.
يا المزارعية الشقايا منو اليخوض برجوب العشم عشان يسد لبقا؟
يا شفع العرب الفتارى منو بعد ده اليشيل لكم نفسكم عشان ترتاحو
ومنو البلم الفاناهو ايديكم وانتو ساكين القطاره؟
منو البحفر من حرفو الجوانى عشان تتوسع دروب الدنيا زين ؟
يا الرضية ماشفتى حميد ود زينب؟
منجلو مكسور عود ومجدوع على التحتانية بس مانى لاقيه
يا نورى يا المقرونة يا الدواسيق يا الخيراب يا الكوارير يا الحواجنير؟
يا ناس فوق يا ناس تحت الجاى من الجريف اتلجاى من الجبل ما صادفكم الاخدر القصير الاغبش؟
يا الفى اطن الفرن يا الفى كيم البيت يا القاعدى فى الدونكا حميد قالو جاء شالو حريف من عندك
ماك خابراهو شقيش قبل...؟
ياناس البركل الزول ابكرعين مشققات ماجاكم جاى؟
يانسرين النمر يانسرين سوركتى الزول ده قبل شوية كان بقرأ بيناتكن ماجاكن صاد؟
يا عمال السكة رماد خبر الزويل ده مادقش اضانكم؟
اولاد الجامعات يا خرطوم يا تقانة يا اهلية يا بنات الاحفاد الزول ده ما معاكم؟
بعد ده الدايرلو دلو بير، فرش جير ، جنزير، خيط وابير، زولا خير ، لبن طير يقبل وين؟
كراب عنقريب، محويب، صفقة ودليب يكوسن وين؟
عن رفعة مرق ، ، ، شافع غرق، صريف حرق ،نقع وين؟
امونة حردت، بنبونة وقعت، ساقية هكعت ، نطير وين؟
جراب فقش ، تراب رقش، مرقة فرش، تكية عرش نقول يا منو؟
كان هدم وطرقه انهرن، دماع جرن، حمار حرن، بنيات خافن جرن، جسوماً عرن، حكومات ازدرن، قوانين جائرات سرن، حلالنا وين؟
فى نفير، دايرين غفير، زولاً حكمة وخبير، حالاً عسير، انسان ذو ضمير، شاعراً قدير ، مجير، بى منو نستجير؟
درنا نواتى ملاح، زول صلاح، غطاس،عوام سباح، شاى صباح، كسرة وملاح نتبن قدح منو؟
كان زماناتنا قسن، ظروفنا عصن، حكوماتنا نسن، مراكبنا تائهات مارسن ، ليالينا مسن، حفائرنا حسن نسوى شنو؟
يا محمد عبد الجليل...
استغفر الله ..........................

أخي محمد
كيف يكون اليوم لون النيل
ان فقد هو ثوبه الجميل ؟
كيف نلوذ من الحزن يا محمد ؟ كيف

[B

Quote: كما للفرح روعة فللحزن لوعة وتأجيل الحزن يذهب بلوعته كما يذهب تأجيل الفرح بروعته دعونى ابكى هذا الدرويش الزاهد العابد دعونى ابكى هذا المتصوف السايح الدايح ايها الشعراء المطاليق ابكوا معى من سماكم هكذا يا ازهرى ، يا نخلى ، ياغفارى ، يا عاطف ، يا الدوش محجوب شريف هووووووووى القدال ، محمد محى الدين، محمد مدنى يا ود باااااااادى ...يافاضلاااااااااابى عووووووووووووووك يا رعاوزة العرب الرحل ما لاقاكم فى المطرانى؟؟ يا رطانت الليل مالاقاكم جنب كاويق الجرف الامحل؟؟ يا نضافت ، البودة الدهسير، اللعوت‘ الضريسة، شوك الجمال، المعيوقة ، الحلفا ، العشر زولكم الكان بجيب خباراتكم لى ناس الرادى ويييييييييييييييييينو؟؟ ماشفتوهو زولاً لى..؟. يا فاطنى السمحى...يا القصب الاحمر يا شليل وين رحتا؟ منو اليغوص يكوس صمغ اضنيكم بعد ده يا ترابلة الزمن الممحق الجهجاه عشان يلقى مراق لى الشوك المكسر فى القلوب..؟. يا المزارعية الشقايا منو اليخوض برجوب العشم عشان يسد لبقا؟ يا شفع العرب الفتارى منو بعد ده اليشيل لكم نفسكم عشان ترتاحو ومنو البلم الفاناهو ايديكم وانتو ساكين القطاره؟ منو البحفر من حرفو الجوانى عشان تتوسع دروب الدنيا زين ؟ يا الرضية ماشفتى حميد ود زينب؟ منجلو مكسور عود ومجدوع على التحتانية بس مانى لاقيه يا نورى يا المقرونة يا الدواسيق يا الخيراب يا الكوارير يا الحواجنير؟ يا ناس فوق يا ناس تحت الجاى من الجريف اتلجاى من الجبل ما صادفكم الاخدر القصير الاغبش؟ يا الفى اطن الفرن يا الفى كيم البيت يا القاعدى فى الدونكا حميد قالو جاء شالو حريف من عندك ماك خابراهو شقيش قبل...؟ ياناس البركل الزول ابكرعين مشققات ماجاكم جاى؟ يانسرين النمر يانسرين سوركتى الزول ده قبل شوية كان بقرأ بيناتكن ماجاكن صاد؟ يا عمال السكة رماد خبر الزويل ده مادقش اضانكم؟ اولاد الجامعات يا خرطوم يا تقانة يا اهلية يا بنات الاحفاد الزول ده ما معاكم؟ بعد ده الدايرلو دلو بير، فرش جير ، جنزير، خيط وابير، زولا خير ، لبن طير يقبل وين؟ كراب عنقريب، محويب، صفقة ودليب يكوسن وين؟ عن رفعة مرق ، ، ، شافع غرق، صريف حرق ،نقع وين؟ امونة حردت، بنبونة وقعت، ساقية هكعت ، نطير وين؟ جراب فقش ، تراب رقش، مرقة فرش، تكية عرش نقول يا منو؟ كان هدم وطرقه انهرن، دماع جرن، حمار حرن، بنيات خافن جرن، جسوماً عرن، حكومات ازدرن، قوانين جائرات سرن، حلالنا وين؟ فى نفير، دايرين غفير، زولاً حكمة وخبير، حالاً عسير، انسان ذو ضمير، شاعراً قدير ، مجير، بى منو نستجير؟ درنا نواتى ملاح، زول صلاح، غطاس،عوام سباح، شاى صباح، كسرة وملاح نتبن قدح منو؟ كان زماناتنا قسن، ظروفنا عصن، حكوماتنا نسن، مراكبنا تائهات مارسن ، ليالينا مسن، حفائرنا حسن نسوى شنو؟

يا الله يا صديق !

محمد عبدالجليل ،

أحسن الله عزاكم وعزا ذاك النهر العظيم الذي هام يستلهم حسنا !

و لاحول ولاقوة إلا بإلله العلي العظيم

( إنا لله وإنا إليه لراجعون )]

اللهم أرحمه و أغفر له
اللهم نقه من الذنوب كما ينقى الثوب الأبيض من الدنس
اللهم تقبل صالح أعماله و تجاوز عن سيئاته و أبدلها له حسنات
اللهم أجعل قبره روضة من رياض الجنة و لا تجعله حفرة من حفر النار
اللهم أنزله منزلة الصديقين و الشهداء و حسن أولئك رفيقا

اللهم أرحمه رحمة العارفين بالله اللهم أوسع له فى القبر
وآنس وحشته فيه وأنر له الجنبات ودرجه فى عتبات صراطك
المستقيم اللهم أرفعه لأعلى الفراديس اللهم لا تحرمنا وأهله
من أجره ولا تفتنا ولا تفتنهم من بعده وأغفر لنا ولهم وله
وصادق العزاء لأهله وذويه والعزاء لكل الأصدقاء عاصم محمد حنفى
وللأخ محمد عبدالرحمن شقل وللإخوه جعفر إسماعيل وحسن إسماعيل
ولجميع أعضاء المنتدى الأدبى الذى كان من نجومه ولا حوله ولا قوة
إلا بالله.



منصور

اللهم أرحمه و أغفر له
اللهم نقه من الذنوب كما ينقى الثوب الأبيض من الدنس
اللهم تقبل صالح أعماله و تجاوز عن سيئاته و أبدلها له حسنات
اللهم أجعل قبره روضة من رياض الجنة و لا تجعله حفرة من حفر النار
اللهم أنزله منزلة الصديقين و الشهداء و حسن أولئك رفيقا

البركة فينا وفيكم اخي محمد وربنا يصبركم ويجبر كسركم

أحسن الله عزاؤكم
وآجرنا جميعاً في فقدنا الجلل

اللهم ارحم حمّيد رحمة واسعة
واسكنه فسيح جناتك
فقد عالج أحزان أمّة مقهورة
فكان البدر في الليلة الظلماء....يُفتَقَد!

الاخ - عثمان موسى - أحسن ألله عزاؤكم ..

ذهب حميد في سبيله .. قبل أن يشهد الوطن الحلم
الذي يجد فيه أهلنا البسطاء مكانهم وقيمتهم
لكنه كان يرآه لهذا أستمر يراهن عليه حتى
ذهب للقاء ربه راضيا مرضيا إن شاء الله ..

عمرك كلو تنادي عليها تعالي تعالي
أول ما هي بدت عينيها نهمة غيمة مشيت طوالي!!!

الله يرحمك يا حميد

الاخ صديق الموج - نسأل الله أن يجعل حميد في عليين وبارك الله فيك
بالامس خففت الحزن وانت تقرأ حميد في مكان العزاء .. يقيني أن
قراءة حميد الآن أكثر من أي وقت .. صمت الحضور كأنهم يسمعون كلمات
حميد لأول مرة .. لا زلنا في حالة بلادة المفاجأة .. كل من يضيفون
لهذا الوطن المنكوب ألقا وعبقا يمضون سريعا .. رحم الله عبده
الفقير إلى رحمته: محمد الحسن حسن سالم (حميد) قضى عمره يزرع
الأمل والتغيير والحب والسلام في طرقات الوطن.

Quote: إنّا لله وإنّا إليه راجعون "يا ايتها النفس المطمئنة ارجعى الى ربك راضية مرضية وادخلى فى عبادى وادخلى جنتى" اللهم أرحم الشاعر المبدع/ حميد وأسكنه فسيح جنّاتك اللهم باعد بينه وبين خطاياه كما باعدت بين المشرق والمغرب اللهم نقّه من الخطايا والذّنوب كما يُنَقّىَ الثّوب الأبيض من الدّنس اللهم أغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم أجمعنا وإيّاه في مستقرّ رحمتك اللهم إنّا نسألك بإسمك الأعظم أن توسّع مدخله اللهم آنس في القبر وحشته اللهم ثبّته عند السُّؤال اللهم لقّنه حجّته اللهم باعد القبر عن جنباته اللهم أكفه فتنة القبر اللهم أكفه ضمّة القبر اللهم أجعل قبره روضةً من رياض الجّنّة ولا تجعله حفرة من حفر النار اللهم إن كانت محسناً فزد في إحسانه ، وإن كانت مسيئاً فتجاوز عن سيّئاته اللهم ألحقه بالشُّهداء اللهم أفتح عليه نافذة من الجّنّة وأجعل قبره روضةً من رياضه إنّا لله وإنّا إليه راجعون

عزالدين عباس الفحل
ابوظبي

.

.

.

(إنا لله وإنا إليه راجعون)


فقد عظيم ومصاب جلل يتجدد كل يوم انت يا حميد فخر نمسي علي امانيك وسنظل نحبك حتي مطلع الفجر

احسن الله عزائكم اخي محمد
لا حول ولا قوة إلا بالله