وتاني زول جميل مااااات..رحم الله شاعرنا الجميل محمد الحسن حسن سالم

لا حول ولا قوة الا بالله
اللهم ارحمه واغفر له
اللهم اسكنه فسيح جناتك وانزله مع الصديقين والشهداء وحسن أولئك رفيقا
والزمنا جميعا وآله الصبر الجميل...

لا حول ولا قوة إلا بالله

ندعو المولى الكريم أن يتغمد الفقيد بواسع رحمته
وأن يلهم آله وذويه ومحبيه الصبر وحسن العزاء
إنا لله وإنا إليه راجعون

لا حول ولا قوة إلا بالله ،،
إنا لله وإنا إليه راجعون ،،

اللهم واغفر له وارحمه بقدر ما قدم للغلابه ولوطنه

ولديوان الابداع السودانى

العزاء لكل جماهير شعبنا اخى عبد الجليل

لا حول ولا قوّة إلا بالله
إنا لله وإنا إليه راجعون
تقبله الله قبولا حسنا
خالص التعازي للجميع

لا حول ولا قوة الا بالله
وخبر لا يصدق ياعبد الجليل
أحقا رحل حميد العفيف النظيف النقي البري الطاهر
حميد الذى يؤثر الغير على نفسه
عاشرناه فى هذه الدوحة عندما جاءها منذ سنوات وراينا طيبته وبرأته وحسن خصاله ومعشره
حميد أبن نوري وأبن الغلابة جميعاً
حميد ياوجعنا ووجع القصيدة من بعدك
حميد ياعم عبدالرحيم والسرة بت عوض الكريم والجابرية وارضأ سلاح
من سيهجي لنا بعدك هذه الدقون الزائفةالضالة
من سيغني سيدافع عن حق العمال والبسطاء والكادحين
من سيقول لنا عامل ينتج عشرين قطعة تلحقوا منها قيمة اثنين وبرضو خسائر؟
نسأل الله أن يتقبلك قبولك حسنا ويدخلك الجنة مع الصديقين والشهداء
حميد صح الموت سلام يغشاك شر

ويا نورا
شليلك ما فات
بي عدلُو
شليلك جاييكي
وما جايي
ألِم التمرات
لا أبكي
وأقابِل بالفاتحة
في زولاً ليا
مِرِض مات
جاييك
إتذود من غُلبِك
وأقفِر خطأ غيمةً
ما جات
نبحت لها
كُل المعمورة
والناس يوم تمرُق
مدخورة
يا نورا نسلِك
غُنوات
وآمال
بي باكر مضفوُرة
طُلابك وأقلامنا
هويتِك
قِدامنا
قضيتِك سبُورة

يعني بالجد مات حميد يا عبدالجليل؟
،
،
حميد يا ناس؟

لا حول ولا قوة إلا بالله
نسأل الله له الرحمة والمغفرة
ولنا ولكل السودان الصبر الجميل
لسه دمع العين ما جفّ
ولا نقول إلا ما يرضي الله
إنا لله وإنا إليه راجعون

ياتو وطن في الكون الواسع
دون حضورك يا حميد راح يبقي وطن

ابيات بتصرف من شعر حميد

انا لله وانا اليه راجعون
والتعازي الحارة لكل الوطن وللحروف والثورة والجروف والسواقي والغلابة
ولكل البسطاء الذين كتب حميد وجدانهم شعرا سيظل خالد ابد الدهر

مات حميد يا عبدالجليل .....

مات مبتدع مفردة (نادوس) ........... يا نادوس.

يا الله ... يا الله ...

له الرحمة والمغفرة

الحال وراك كيفن تسر ...
باقيلك انت بلاك في زين
ما تهشم ابريق الرضا
خنست نسيمات السمح
والبسمه زي حبه قمح
لفحا وطفر طيرآ كتر
أورث عصافيري الضنا
يبّس غناها مع الفجر
هطل على الشجر الهموم
وشاشات نهارات العنا
عانيت وراك جنس عنا ..


لك الرحمة والمغفره يا حميد بقدر ما كنت رحيما ودودا ومبدع

سوقني معاك يالحمام
... ...
سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
... ...
سوقني محل ما المحنة
أيادي تقطر سلام
سماحة الحياة فوق أهلنا
وبلادي تقرقر وئام

Quote: والبسمه زي حبه قمح لفحا وطفر طيرآ كتر أورث عصافيري الضنى يبس غناها مع الفجر هطل على الشجر الهموم وشاشات نهارات العنا

ياأخي والله ده خبر راسه من قعره ما مفهوم..
أسه أنا راسي ده موجعني ذاتو .. والله الموجعني شنو بالضبط ماعرفتو..

الصبر يالله الصبر..
لا حول ولا قوة إلا بالله..

Quote: والبسمه زي حبه قمح لفحا وطفر طيرآ كتر أورث عصافيري الضنى يبس غناها مع الفجر هطل على الشجر الهموم وشاشات نهارات العنا

ياأخي والله ده خبر راسه من قعره ما مفهوم..
أسه أنا راسي ده موجعني ذاتو .. والله الموجعني شنو بالضبط ماعرفتو..

الصبر يالله الصبر..
لا حول ولا قوة إلا بالله..

ياتو شمس راح تشرق تطلع
لو عينيك بادمعة بكن

" إنا لله وإنا إليه راجعون"

عبد الجليل وبدري الياس وجميع الاصدقاء
خالص التعازي... رحيل حمّيد فاجعة بحق



شذى

ااااه يا زملان الشقا
ااااااه حبااان الوجعة
الليلة اترملت القضية
الليلة اتيتمت الكلمة
كيف اعزيكم ومين بعزيني
اااه من شريان الشمال البقى لحميد لحد...

جرح الوطن ختالنا خط
مامنو نطط
وحميد ختالنا خط مامنو نط
الليلي ياموت يا حيا
خاتي البختار الوسط خاتي البختار الوسط

يافطون
فطن حميد فطمنا غنانا
لاطاطينا لاسبنا الخيول تاطانا
قدمناه امام لاضلا لا ضلانا
ماهاب السجون مافزه من سيطانا
وكت الكور حما ثابت ركز لبطانا
لكن البلاد باعت ايادى بطانا
عالجه بالرحيل مدت وراه لسانا
جربه بالعويل قلبت حديثه رطانا
حنسه بالهديل رخت الحبيبه اضانا
ذى كل الطيور دايما تحن لوطانا
ماضاق الوطن بس كبرت الزنزانا

ويادى البلاد الكل ماطايبتها
فتحت على جرحك جرح
الكل مانقطلها الكلمات عسل
نزلت على خاطرك ملح
لاتاكت ابوابها الانيقه ورحبت
لاليله بجيتك فرح
يادى البلاد
وين نحن هسى فى ياتو ليل
فى يات صباح
كل الشوارع تشتبه فيك
وتشابه بعضها
كل البيوت الواقفه طولها
تستبيح فى عرضها
وانا روحى تشتاق لبلاد
كان طينى من طين ارضها
ديك البلاد اللابتفوت فيك وكت
لايوم بتترك فرضها
يوماتى واصله بالحنين
يوماتى هى الفى النوم
تجيلك برضها

اشتقت ليها الشوق غلب
اشتقته انزع همى
فى عتبات بيوتها الواسعه
وانزع فى ضل عصاريها التعب
غنيتا بادب المديح
سمت غناى قلة ادب
ومشيت وراها ضريح ضريح
فتشت فى كل القبب
دقشت وراء الرزق الشحيح
ما اغنى مالها وماكسب
شغلوها بالنبى والمسيح
واتقاسموها رتب رتب
فى كل حته حصار حصار
فى كل فجه لهب لهب
صمدت امام وابل الرصاص
سقطت امام وابل الخطب
حنيت عليها من الضهب
حنيت على زحمة خطاها
التايه بين رحمه وغضب
حنيت على دمى المشتت
فيها بين زنجى وعرب
حنيتا ياخى بلا سبب
ما دى البلاد الا جلبتها
للمدائن الصاخبه مقطوعة رحم
ولاتركتها فى الفيافى الشاحبه
مجهولة نسب
ولا رفعتها فى الرماح
ولامرقتها للمنافى
الواسعه تزروها الرياح
انا كنت كل ماالليل يفلل بندها
ياصابره حى ياصابره حى
ياصاااابره حى على الفلاح
ياصاااابره حى على الفلاح
ياصابره حى على الليالى
الفاتحه لوش الصباح
ياصابره حى على المدائن
الفاضله والقول المباح
لو كنت اقدر انزعك
من مخالب الخوف وجلجلة السلاح
ماكنت تانى رجعت ليك
خاوى اليدين دامى الخطى
ومكسور جناح

ولاكان نسيتك فى الزحام
تتعاطى مر الزكريات الفاجعه
والخدر الحرام
يادى البلاد الكل ماطايبتها
طاب ليها فى النفق المقام
زوجتها الحلم الجميل
خطبت خفافيش الضلام
وغنيته ما شاء الهديل
رطنت بما شاء الامام
راوضتنى وروضت كل الحواس
وهدهدت فى صحوى
شهوات المنام
ياطفله ابلغ من غناى
واجله عن كل الكلام
فرت ضفايرها ضفتين
والرمش تعريشة غمام
والثغر شخبين من حليب
والصدر برجين للحمام
جلست فما ابهى الجلوس
وقامت فما اسمى القيام
دخلت على الناس المسره
ومرقت على الارض السلام
وياصابره مادام الاسف
اسف على صبرك معاى
اسف على صبرك على
اسف على صبر السنين المره
عام من بعد عام
واسف اذا طال الشتات
فى الغربه او عزا المرام
واسف اذا طرف المدن
فراها اجنحة الخيام
ونزرتي عمرك للنزوح
للجوع واسلمت الطعام
واسف على هذا الكلام
اسف على هذا الكلام
اسف

وداعاً اخي صديقي وحبيبي حــــــمــــيــــد

جرح الوطن ختالنا خط
مامنو نطط
وحميد ختالنا خط مامنو نط
الليلي ياموت يا حيا
خاتي البختار الوسط خاتي البختار الوسط