إمام مسجد الكلاكلة يهاجم الفنان عبد العزيز المبارك.

وجه امام مسجد الشيخ حمد ود ام مريوم بالكلاكلة القلعة فى خطبة الجمعة الماضية انتقادا شديدا للفنان عبدالعزيز المبارك دون ان يسميه بسبب اغنية ( يا أحلى جارة ) موضحا انها لا تراعى حرمة الجار وتدعو الى السفور والنظر الى الحرمات، وهى اشياء نهى الشرع عنها .وكان عنوان الخطبة (حق الجار ) واشار الى ان الشاعر الجاهلى عنتر بن شداد برغم عدم معرفته بالله والاسلام الذى لم يظهر فى زمنه إلا انه و فى احدى قصائده دعا الى غض البصر عند رؤية محارم الجار بقوله (وأغض طرفي ما بدت لي جارتي حتى يواري جارتي مأواها ) بينما قال شاعر الاغنية السودانية المسلم ( يا أحلى جارة شغلتى كل الدنيا وانتى مارة سالمينا لو بالعين او بالاشارة ) وغناها المغنى للناس .ودعا الامام الى مراعاة حرمات المسلمين مستدلا بقول الرسول (صلى الله عليه وسلم )( والله لا يؤمن ( رددها ثلاثا ) قيل من يارسول الله قال من لا يأمن جاره بوائقه ) صدق رسول الله. وهذه ليست المرة الاولى فى تناول ائمة المساجد للفنانين بعد ابعاد احد الائمة الفنان جمال فرفور من الصف الامامى فى احدى الصلوات الى الصفوف الخلفية دون ابداء اسباب، وهجوم آخر على الفنانة ندى القلعة باحد المساجد بامدرمان فى احدى خطب الجمعة ايضا بانها وراء الضائقة الاقتصادية الحالية.

أها وانت رايك شنو يا فضيلة المفتي
دين ما دينك
وبلد ما بلدك
حارق جازك في شنو

والله والله صدق هذا الامام فيما قاله

و يختلف الامر كليا عن موضوع فرفور

مثل هذا الجار " العينه زايغة" مع سبق الاصرار غير مرغوب فيه و ربنا عالم بالنوايا

Quote: أها وانت رايك شنو يا فضيلة المفتي دين ما دينك وبلد ما بلدك حارق جازك في شنو

سلام وتحياتي يا محمد
وياخي عربي احسن من كده مافي..؟؟؟
دينق ده جاب خبر وعشان القاري وعابر هذه المساحة يستفيد ياريت ياااخ الناس تجتهد في نقاش فحوي الخبر وتحويله الي نقاش ايجابي
يطور ويرفع وعي التداول او النقاش في هذا المنبر عوضا عن (القبقب قبقب وعييك عاااك دي )...
العلاقة ما بين بعض الاوعية والمدارس الدينية والموسيقي والفن تحديدا علاقة فيها جدل كبير وممكن ان يساهم الجميع فيه بكل اريحية واحترام للاخر مهما كان دينه او بلده او لونه او هكذا تنيمطات وطالما الموضوع تم عرضه للنقاش فخلونا ياااخ في الموضوع الاساسي او كما قال الشهير عمر اومو...
ولا شنو..؟؟

ازيك يادينق

ياخي الامام كان اول حاجة يخطب في كيفية استرجاع حقوق ناس البيت في الاول بعدين الجار ملحوق لووولز

بعدين الاغنية دي ليها يمكن تلتين سنة كان يستدل بي اغاني مالية الساحة كحرامي القلوب تلب والاشياء المشابهة

خطب فينا امام حلتنا ذات مرة ان احد ائمة المساجد بمنطقة امبدة بكتب خطبه من الخطب القديمة الموجودة في الكتب
وقد سمعه مخاطبا المصلين بمسجد امبدة بعبارة يا اهل الكوفة ههههههه

تحياتي

زاتوووو

Quote: سلام وتحياتي يا محمد وياخي عربي احسن من كده مافي..؟؟؟ دينق ده جاب خبر وعشان القاري وعابر هذه المساحة يستفيد ياريت ياااخ الناس تجتهد في نقاش فحوي الخبر وتحويله الي نقاش ايجابي

وعليكم السلام أخ كيكي
ياخينا دينق ده شغلو بس شغل بتاع فتن
طوالي يجيب الاخبار البتعمل فتن بين المسلمين والسودانيين
وقبل كده فتح ليهو موضوع عمل بيهو فتنة بين السلفيين والصوفية
ودي ياها طريقتو الما بخليها

هسي أنا لو فتحت لي موضوع عن الديانة النصرانية
مليون قلم ينبري ويقول لي مالك ومالهم .. وأولهم المسلمين
ولو كتبت موضوع عن المشاكل في جنوب السودان بنفس القدر

دينق ده يبرطع يمين وشمال في المنبر
وحاشر نفسو في مشاكل السودان والإسلام وكل حاجة
ومافي زول يقول ليهو عينك في راسك

وأنا لا زال سؤالي قائما
ما دخل شخص يدين بالديانة النصرانية في حادثة حصلت في أحد مساجد المسلمين؟
هل هو يؤمن أن الإسلام حق؟ وإن كان يؤمن به فلماذا لا يتبعه؟
هل الإسلام عنده باطل؟ وإن كان باطلا فلماذي يتدخل في أمور باطلة

دينق ده بس حصان طروادة في المنبر

بكون ظهر ليه في البلوتوث


السني

في مسجد قريتنا الإمام كان بجيب وريقات صفراء قاطعها من الكتب القديمة دي وبقرا منها
كان بقول في شنو ما ظن كان في حد بعرف ، لكن الناس لما يقعد بين الخطبتين كده بتاخد ليه لفيتات جاي جاي ومع الدعاء بتشارك معاه بآمين آمين لأنه كان حافظ دعاء وبتفاعل مع الناس أما في شأن الخطبة بعض من المصلين بقى يقعد في البرندات خارج المسجد أول ما يسمع الإقامة يدخل..

ومرة في أحد المساجد في قرية من القرى حتى الدعاء قرأه مع الخطبة وأقوم أسمع ليك اللهم أنصر السلطان عبد الحميد ...

Quote: هسي أنا لو فتحت لي موضوع عن الديانة النصرانية مليون قلم ينبري ويقول لي مالك ومالهم

هلا يا ابو حميد (واعذرني علي الاريحية وابو حميد دي)
يااخ من حقك تماما ان تنضم في النصرانية واليهودية والبوذية وحتي بتوع الاله كرشنا
ومن حق دينق او اي صاحب ديانة اخري ان ينضم في الاسلام ..ونقد الاديان ده نقاش وجدل مهم ومفيد ان اتي تحت مظلة احترام الاخر
فالمقارنة ما بين الاديان هو كما تعلم علم وجدل في تناوله الايجابي يقرب ما بين الاديان وبخدم الانسانية تمتص نذر الكركبة
وحتي الاسلام زااتو قال لينا جادلهم بالتي هي احسن..

وبعدين يا محمد يا اخوي الفتنة وسط المسلمين مادايرة ليها دينق فهي متواجدة ومستوطنة في المسلمين بالكوم والردوم
فعليك الله ياااخ فرغ شحنات النقاش الكركبي دي وخلونا نتعلم منكم ونستفيد في نقاش منهجي كلا ياتي بدفوعاته تحت مظلة احترام الاخر
واحترام حقه في الراي..
وكل التقدير

الامام كلاموا صاح يا دينق

ياخي بنات جيرانا ديل اكتر من اخواتنا

Quote: هلا يا ابو حميد (واعذرني علي الاريحية وابو حميد دي)

تعتذر من شنو يا حبيب .. ما هو أنا قلت ليك كيكي برضو بأريحية ^__^
أنا أحترم وجهة نظرك فيما يختص بالنقاش المفيد
وأحترم كل من يدين بغير الإسلام ويرغب في نقاش موضوعي
لكن أنا أتكلم عن سلوك يمارسه هذا المدعو دينق
أو من يكتب باسمه

محمد جلال

تحياتي


صدقني اول من يتضرر من افعال دينق المشينة والمستفزة دي هم ناس كيكي ديل وساعتها لن ينفع الندم

يا اخي محمد المنبر ده فيه منبطحين لدرجة تثير الشفقة عليهم

والطيب مصطفي لو بشوف المنبر حا يتخلي عن وفد الحكومة المفاوض ويندرع في منبطحي المنبر

اشفق كثيرا علي المهندس كيكي لاسيما وانه شيخ عرب اصيل وود قبيلة تأبي الضيم والهزيمة

Quote: وجه امام مسجد الشيخ حمد ود ام مريوم بالكلاكلة القلعة فى خطبة الجمعة الماضية انتقادا شديدا للفنان عبدالعزيز المبارك دون ان يسميه بسبب اغنية ( يا أحلى جارة ) موضحا انها لا تراعى حرمة الجار وتدعو الى السفور والنظر الى الحرمات، وهى اشياء نهى الشرع عنها .وكان عنوان الخطبة (حق الجار ) واشار الى ان الشاعر الجاهلى عنتر بن شداد برغم عدم معرفته بالله والاسلام الذى لم يظهر فى زمنه إلا انه و فى احدى قصائده دعا الى غض البصر عند رؤية محارم الجار بقوله (وأغض طرفي ما بدت لي جارتي حتى يواري جارتي مأواها ) بينما قال شاعر الاغنية السودانية المسلم ( يا أحلى جارة شغلتى كل الدنيا وانتى مارة سالمينا لو بالعين او بالاشارة ) وغناها المغنى للناس

بالله ده كلام؟
عنتره بن شداد؟؟؟؟
االمره الجايه المثال حيكون سيدنا ادم
من آين آتي هؤلاء

Quote: أها وانت رايك شنو يا فضيلة المفتي دين ما دينك وبلد ما بلدك حارق جازك في شنو

أنت رأيك شنو في الخبر المطروح؟

دينق وضيوفه

تحياتي ,,,

دهـ إمام ما عندهـ موضوع وهو لو فعلاً إمام ملئ هدومه المفروض يتحدث عن الشارع السوداني اللى إتملأ فساد من كل الألوان فى عهد المشروع الحضاري

Quote: خطب فينا امام حلتنا ذات مرة ان احد ائمة المساجد بمنطقة امبدة بكتب خطبه من الخطب القديمة الموجودة في الكتب وقد سمعه مخاطبا المصلين بمسجد امبدة بعبارة يا اهل الكوفة ههههههه

يا ذاتو

برضو واحد فى قريتنا جانا من مصر بعد سنوات اغتراب كانت الجملة الجاية دي ثابتة فى خطبه الى ان توفى

" ألا ترون الفساد فى شارع صلاح الدين ؟ "

)

Quote: وجه امام مسجد الشيخ حمد ود ام مريوم بالكلاكلة القلعة فى خطبة الجمعة الماضية انتقادا شديدا للفنان عبدالعزيز المبارك دون ان يسميه بسبب اغنية ( يا أحلى جارة ) موضحا انها لا تراعى حرمة الجار وتدعو الى السفور والنظر الى الحرمات، وهى اشياء نهى الشرع عنها .وكان عنوان الخطبة (حق الجار

هو ايه البخليهو يسمع الاغاني زاتو
ما يصلي العشاء ويرقد ينوم
وبعدين الاغنية دي من منتصف السبعينات
يدوب سمعها ولا شنو

اعداء الحياة هم مثل حضرة هذا الامام الجاهل

وطيب لو سمع اغاني الحقيبة يعمل ايه مع شفناه شفناه هل يخفي القمر في سماه

او في وصف الجسد للمراة


اعوذ بالله من امثلة هؤلاء الائمة المتخلفين

شكرا دينق علي ايراد الخبر

طبعا ائمة المساجد تخاطبهم الحكومة يصورة منتظمة
وبتطرح عليهم مواضيعها والاشياء والرسائل التي تود
نقاشها وواضح من الاحداث الاخيرة وطرد فرفور من الصفوف الامامية
والكلام عن ندي القلعة والان عبدالعزيز المبارك والهجوم السابق علي
السرقدور ان الحملة علي الفن والفنانين وهنا مطلوب من الجميع الوقوف بصلابة
ضد الهجمة دي

شيوخ الطين عايزين يلهو الناس عن الازمات

الحقيقية من غلاء وفساد واغتيالات


بلاي في جمعة نقد الفنانين الجاية

اتكلم لينا شوية عن خلاوي زمان الجابت لينا امثالك

وكلمنا عن طبيعة اجتماع مختلف الاعمار فيها وتداعياته

علي الراهن...


وماتنسي تهاجم اغنية الحالم سبانا ، احب محيو الجميل


وهل محيو دا فعلا ولد ول استعارة ساااااي


غايتو عدم تأهلكم اكاديميا كان كارثة علي البلد

واخطر شئ فشل الناس في مجال ودخولم الي محنة مالامهنة له