عالم تخاف ما تختشي !!!

للأسف ......... تدهور غريب في سلوكيات قيادة العربات في السودان بشكل يرفع ضغط الدم وينرفز االاخلاق كل يوم ارصد عشرات الحالات من تصرفات اصحاب السيارات التى تجافي تماماً مقولة (القيادة فن وذوق) لكن ما فعله احدهم بالأمس فاق كل تصور الى اى مدي ممكن ان يصل الناس في درجة إستهتارهم باخلاق القيادة وتعمد مخالفتها ..!!!!!!!!!

الزمان الاثنين 19-3-2012م منتصف النهار

المكان : شارع الزبير باشا (في الجزء الذي يقع بين برج بنك البركة ومبني رئاسة بنك امدرمان الوطني) قلب الخرطوم

بطل القصة أو الخائن لا ادري ... رجل ضخم الجثة له لحية عظيمة عمره لايقل عن 45 عاماً ولايزيد عن الـــ 50 يقود سيارة نوع (فيستو) بيضاء اللون ..........

دخل البطل الهمام الشارع الضيق المذكور ذو الاتجاه الواحد من الشرق الى الغرب والذي لايسمح بمرور اكثر من سيارة وفي منتصف الشارع قرر ان يوقف سيارته ويترجل منها تاركاً الباب مفتوحاً وبكل برود الدنيا صعد درجات برندة البرج ووقف امام الصراف الآلي منتظراً الشخص الذي بالداخل حتى يخرج !!!!!!!!!!!!
صف من العربات لايقل عن خمسة اصبح مجبراً على التوقف خلف سيارته التى سد بها الطريق تماماً .... ولم تشفع لهم كل صحياتهم او منبهات سيارتهم في حثه على التفاعل معهم او العودة لتحريك سيارته !!!!!!!!
قبل ان يخرج الشخص الذي بدخل غرفة الصراف الآلي لمح بطلنا الهمام شرطي مرور يقود موتر يدخل من مدخل الشارع .... كم كان محزناً ومؤسفاً منظر البطل بجسمه الضخم ولحيته العظيمة وهو يهرول ويجري حتى ظننته (ابوبكر كاكي) وقفز بكل ارطال جسمه الضخم وقلة عقله وحشر كل تلك الشحنة في سيارته الصغيرة وانطلق بالسيارة مفسحاً الطريق تطارده ضحكات المارة ولعنات اصحاب السيارات التى كانت تخلف خلفه !!!!!!!!!!!

العمر مشتاقين ياخي
الطيب عثمان لو لسة معاكم عندي طلب من السودان
ممكن

Quote: العمر مشتاقين ياخي الطيب عثمان لو لسة معاكم عندي طلب من السودان ممكن

هلا يادكتور ..........

والله الطيب ده حسب كلامه مفروض يكون سافر بالاحد ..

لكن صاحبك ده اتوقع منو اى حاجة بعد شوية بديهو رنة في تلفون السودان لو لقيتو فاتح بكلموا واذا مقفول غالباً يكون سافر .......