Post: #1
Title: #هدية لقيقا وكل المغتربين(أنا عايز أسوي طايرة ورق )
Author: زهير عثمان حمد
Date: 03-19-2012, 01:29 AM
أنا عايز أسوي طايرة ورق
عشان أرجع أهلي
مشتاق بالجدمشتاق
والله الشوق قتلني خلاص
يامه وينك وين صوتك
في الصباحات النديه
لما
تقولي
(الشمس جاءتك خلاص قوم)
أنتو ياناس ما عارفين شوقي كيفن بقي
شوقي للشيوخ والبروش وعشا الاخوان والضيافان
ولمة أهلي وأحبابي والخلان
ويا أنتي أنا ما مشتاق بس
ليك
محتاجليك بالحيل يالسمحه
ست الناس
ووحاتك الدنيا بدونك مافيها عمار
عايز أرجع ليكم بأي سبب حتي بطايرة دي
وشدة مامشتاق خلاس سويت طايرة الورق
عشان أرجع لأهلي الحنان
بالجدمشتاق وكمان مشتاق شديد
يا عزاز والله مشتاق
زهير في لحظة خرمجة وجن بالله أقبلو الهدية مع أنها جربانه لكين معليش
|
Post: #2
Title: Re: #هدية لقيقا وكل المغتربين(أنا عايز أسوي طايرة ورق )
Author: زهير عثمان حمد
Date: 03-19-2012, 09:51 PM
Parent: #1
وين يا قيقا يا صديق
|
Post: #3
Title: Re: #هدية لقيقا وكل المغتربين(أنا عايز أسوي طايرة ورق )
Author: قيقراوي
Date: 03-20-2012, 09:08 AM
Parent: #2
Quote:
زهير في لحظة خرمجة وجن بالله أقبلو الهدية مع أنها جربانه لكين معليش
|
هدية من ايدك مقبولة .. معناتا اني على بالك
تار تريرا رارا
--------
بجيك صاد .. ضاد
كقارض للشعر بلغة الضاد دي ..
في نص عاصرني من أمس ..
قد يشهد بوستك دا ميلاد اعظم نصوصي .. واكثرها استغلاقاً .. اطلاقاً
فترقبوووووووووووووه
|
|