Post: #1
Title: اســـــــــــرار تنشر لاول مـــــرة (الحزب الشيوعــــى)
Author: معاوية عبيد الصائم
Date: 03-18-2012, 05:16 PM
اولا بالتبادى عضو اللجنة المركزية للحزب سعاد ابراهيم النضارة حقتا مكســــورة ومربوطة بسلك
وما نضارة نظر ..نضارة هواء ...بس عملت كدى شان تستفيد من بدل ضعف النظر البصرفو الحزب
مبلغ وقدره 500 ج انجليزى ..كل شهر ..تصرف نقدا من البنك الانجليزى من ا م بدة .طبعا فى اللافتة
ما مكتوب اسم البنك .مكتوب( لمسة للعمارى الجيد) حركات قديمة يا انتو
تانيا ..سليمان حامد ..الدكتور مانعو من الشطة ..اها بقوم بيشيل سنتدوش فول من بيتو فى ام درمان
ويركب عربيتو لحدود الرياض شان يكب شطة من فول لذيذ ...يعنى يصطاد ارنبين بخيارة واحد شطة
ملح سااااى ويوفر لناس البيت شطة
تالتا...خضر حسين عامل فيها صياد ومتنكر فى توتى وحائم بمركب مع السفير الكوبى والروسى ..
تحت ستار الصيد ..لكن القصة وما فيها ..انو السفراء ديل بخططوا لاقامات قواعد عسكرية فى المنطقة
(المصدر) سواق بنطون توتى السابق
رابعا ..خالد عبيد البكتب هنا ده زوجتو اسمها رقية عبيد ..وعندهم صاحب اسمو محمد عبيد هل(يجوز)
ذلك
المصدر (معاوية عبيد)
خامسا ..عضو اللجنة المركزية امال جبر الله ..عندها .....اصبعين مافى فى اليد الشمال(اين)
لائحة الحزب التى تمنع دخول ناقصى الاطراف اللجنة المركزية....
سادسا....نبيل بتاع لندن ...بسف تمباك وبدخن ....ده تجاوز وتبذير ....
سابعا... مديحة عبد رئيس تحرير الميدان سائقة عربية بدون كفر اسبير ...
اما عاطف مكاوى وابوبكر صالح وعصام جبر الله وطراوة والمشرف
ديل شركاء فى شركة (الرفيق ) كنتاكى حقت الدجاج المحمر ومشمر
اما الاسمو (خدر) بتاع هولندا ...ما عندو عود (للمغنى) بيغنى بعود
بتاع فنان موهبة وواعد اسمو (نورى)
..ما يختص ب د احسان فقيرى والاخرون انتظرونا .....
تخريمة .....ناصر المحسى ....اصبر لى ساااااااااااااااااى
|
Post: #2
Title: Re: اســـــــــــرار تنشر لاول مـــــرة (الحزب الشيوعــــى)
Author: عمر صديق
Date: 03-18-2012, 05:46 PM
Parent: #1
تعقيب ومراجعات حول الحزب الشيوعي.. بقلم الاستاذ محمد علي خوجلي
,]
ود الصايم تحياتي
بما انك واخونا بتاع مصر داك ما بتفوتو حاجة من اسرار الحزب
قلنا نضم مجهوداتنا ليكم
واهو كولنا انا وانت عاطف مكاوي بنكتب من خارج الجدار الشيوعي
|
Post: #3
Title: Re: اســـــــــــرار تنشر لاول مـــــرة (الحزب الشيوعــــى)
Author: بدر الدين احمد موسى
Date: 03-18-2012, 06:24 PM
Parent: #2
ندين و نشجب و باقسى العبارات و اقوى الكلمات و اطول الجمل, محاولات معاوية عبيد كشف اهم اسرار الحزب الاستراتيجية و التكتيكية و التكنيكية.
كما ندين محاولته اليائسة بالتغطية على الكادر السري بدرالدين احمد موسى و عدم تضمينه في لستة اولئك الذين ذكر انهم يعملون في شركة الفراخ الكنتاكي.
و نحيطه علما بانه يجهل اهم سر في الحزب! و هو; ان الرفيق عبدالرحمن سوف يرجع السودان و هو راكب طيارة و سينتعل جوز احذية مما يدل على بعزقته لاموال الشعب السوداني !
بعد كل الادانة:
كيفك يا مواطن?
ياخ لو عايز اسرار, بس كلمني بمدك ليها بالتخفيض, لانه عصام جبرالله حا ياخد منك سعر فايدة فوق الاتعاب و الارباح و كمان مقدم, اما انا بالتقصيد المريح .
اوعك تقرب عاطف مكاوي بياخد بالدولار, نحن بالسوداني. و لو كويس معاك ان شاء الله تدفع لي بالجنيه اب جمل!
خدماتنا سريعة!!!
علينا جاي!
بررررد جوفك يا عطشان للاسرار,
تلجو عايم و سيدو حايم.
|
Post: #4
Title: Re: اســـــــــــرار تنشر لاول مـــــرة (الحزب الشيوعــــى)
Author: عبدالعزيز حسين عبدالرحيم
Date: 03-19-2012, 03:44 AM
Parent: #3
جيفارا أختشي
كلامك دا ما بتكتبو في منبر الهكر مالك
|
|