Post: #1 Title: انا سعيد ياخ Author: خدر Date: 03-18-2012, 03:17 AM
والله جد سعيد بي اصدقائي في امريكا. سعيد بي سودانيي واشنطون الكبري و نيويورك سعيد بي بكري ابوبكر حبيب آلبي و سعيد جدا جدا بي صفحة الاخبار في سودانيزاونلاين و قطع شك سعيد بي " جورج كلوني "
Post: #2 Title: Re: انا سعيد ياخ Author: Afraa Sanad Date: 03-18-2012, 03:45 AM Parent: #1
وانا حزينة جدا طلعت منكم يا فقر مشينا أنا وأحمد Wlmart تلفوني ومفتاح العربية راحوا مني اهة العفو والعافية نشوفك ألسنة الجاية
Post: #3 Title: Re: انا سعيد ياخ Author: خدر Date: 03-18-2012, 03:54 AM Parent: #1
جد والله لم اكن اتخيل يوما ما ان تعطيني الحياة ما انا فيه الان .. شكرا لكل من جعل ذلك ممكنا .. شكرا جورج
Post: #4 Title: Re: انا سعيد ياخ Author: Afraa Sanad Date: 03-18-2012, 03:59 AM Parent: #3
Quote: شكرا جورج
جورج مين!!!! أها كلوني..بحسب
Post: #5 Title: Re: انا سعيد ياخ Author: خدر Date: 03-18-2012, 04:08 AM Parent: #4
Quote: مشينا أنا وأحمد Wlmart تلفوني ومفتاح العربية راحوا مني
فداك يا عفراء قصاد الايام الجميلة القضيناها مع كل الجميلين في فرجينيا و نيويورك و جورج كلوني الرفع راس الجزيرة :)
Post: #6 Title: Re: انا سعيد ياخ Author: خدر Date: 03-18-2012, 04:22 AM Parent: #5
Quote: الرفع راس الجزيرة :)
طبعا دي نكته خدوري ملاكم مدني الشهيرة الاتحدي فيها الملاكم الخرطومي و انهزم امامو بالضربة القاضية في الدقيقة واحد :)
Post: #7 Title: Re: انا سعيد ياخ Author: محمد سنى دفع الله Date: 03-18-2012, 04:28 AM Parent: #6
ما تخليك في سعادتك في داعي تجيب سيرة البحر ـ خدوري مبروك الحفلات عجبنا وسر بالنا الجولة البهيجة نتمنى السعادة تدوم ويدوم صفانا محبتي
Post: #8 Title: Re: انا سعيد ياخ Author: محمد البشرى الخضر Date: 03-18-2012, 04:43 AM Parent: #7
Quote: انا سعيد ياخ
لو كنت خليتها (يا خال) بدل ياخ
Post: #10 Title: Re: انا سعيد ياخ Author: خالد العبيد Date: 03-18-2012, 04:53 AM Parent: #8
ونحن جاينا بتين ناس كتااار منتظراك
Post: #9 Title: Re: انا سعيد ياخ Author: خدر Date: 03-18-2012, 04:47 AM Parent: #7
السني يا فنان .. اريتك بي حالي و انت تستحق الفرح يا فنان .. كلوني لعب سياسة تمام .. عمل راو اعلامي و عرض نفسو للاعتقال مقابل غرامة 50$ يدفعها و لا تحسب في الريكورد بتاعو
امس و انا بتحرك بين القنوات الامريكية شفت العالم كلو ببث في اعتقال كلوني و ابوهو و الليلة في سودانيزاونلاين لقيت الجديد المثير الخطر :)
ـــــــــــــــــ جاييك قريب في دوحة طويل العمر " دكين " انت و احلام عليكم الشاي المقنن و الخبيز و انا علي العود و الاغنيات
Post: #11 Title: Re: انا سعيد ياخ Author: خدر Date: 03-18-2012, 04:58 AM Parent: #9
Quote: لو كنت خليتها (يا خال) بدل ياخ
ههههههههههههههههههههههههههههههههههههههههههههههه بعجبني فيك يا باشمهندز انك هايلي فوكس :)
ـــــــــــــ موش زي ود الصايم الضعيف في مادة التشفير :)
Post: #12 Title: Re: انا سعيد ياخ Author: خدر Date: 03-18-2012, 05:06 AM Parent: #11
ود العبيد يا صاحب والله ما حاميني منكم الا طيران الطمنطاشر ساعة ده طمنطاشر ساعة في يد طيار مشغول بحبيبة عيونها كبار ، عبيطة تقعد طول اليوم تغرود ليهو في اسكايبي و هو مريل في اي فونو متابعها .. ده اسافر معاهو كيف !! ابقي بعدين في انا سلمتو قلبي ؟ ههههههههههههههههههه
لحدي ما احل مع رفاقة لندن و دبلن مشكلة حبوب الفاليوم ممكن اوعدك بثقة اني حا اكون معاك قريب جدا و جدا خالص يا صاحب
Post: #13 Title: Re: انا سعيد ياخ Author: محمد سنى دفع الله Date: 03-18-2012, 05:30 AM Parent: #12
خدر راجينك من هسي لقيمات كوضم جاهل واغنيات شجن وونسه سنة وذكريات بس تعال
Post: #14 Title: Re: انا سعيد ياخ Author: Rawia Date: 03-18-2012, 06:15 AM Parent: #13
هتشيل البلد وتمشي ياطارق وربنا يهنيك ويسعدك العمر كله لي عظيم الشرف للتعرف عليك في هذه الفترة القصيرة ومقابلتك وجهالوجه لعلمك أنا ماساهلة البتة أخر زول إتعرفت بيهو وإتعاملت معاهو هسة وزير الخارجية التونسية فما نستبعد لو لقيناك في أعلى المناصب -التي تستحقها- رغم كيد الكائدين وللحاقدين الرماد قول ياكريم
Post: #15 Title: Re: انا سعيد ياخ Author: حمد عبد الغفار عمر Date: 03-18-2012, 06:53 AM Parent: #14
سلام يا خدر
ال 18 ساعة بتاعة ناس خالد دي ما تقسمها وتحط الرحال في السعودية
بس ما عندي ليك ضمان لأي شيء غير عُمرة بس.
Post: #16 Title: Re: انا سعيد ياخ Author: محمد عبد الماجد الصايم Date: 03-18-2012, 07:25 AM Parent: #15
يعني كلوني طلع بتاع جعجعة ساي؟
Post: #17 Title: Re: انا سعيد ياخ Author: سلمى الشيخ سلامة Date: 03-18-2012, 12:17 PM Parent: #16
سعادتك يا باشا سعادتنا كلنا لكين الفيك اتعرفت خالد العبيد تمنتاشر ساعة نحنا "فركة كعب " يا وغد المهم انك سعيد يا "خال"
Post: #19 Title: Re: انا سعيد ياخ Author: أيمن التوم حسن Date: 03-18-2012, 02:14 PM Parent: #17
ههههههههههههههههههههههههه يا سلوم اعفي لي ياخي والله الرحلة ري كان زمنها مزنوق شديد و نصها عيا و مغامرات ههههههههههههههههههههههههههه بنتلاقي قريب يا صاحبة اوعدك
Quote: وجهالوجه لعلمك أنا ماساهلة البتة أخر زول إتعرفت بيهو وإتعاملت معاهو هسة وزير الخارجية التونسية فما نستبعد لو لقيناك في أعلى المناصب -التي تستحقها- رغم كيد الكائدين وللحاقدين الرماد قول ياكريم
انت حا تؤوليلي ههههههههههههههههه ..
والله يا راوية انا الاسعد بي ملاقاتنا دي خلتني اكتشف قدر شنو انت زول حقاني و جميل و تستاهلي كل خير ربنا يسعدك في الدارين يا راوية
Post: #22 Title: Re: انا سعيد ياخ Author: سلمى الشيخ سلامة Date: 03-18-2012, 11:48 PM Parent: #18
اقول ليك سر ؟ بكيت بعد ما قفلت السماعة بكيت لسبب ما امكن زهج ساكت وامكن عشان ما شفتك وامكن وامكن ياخ قربت افتح بوست وابكى لكين قلت الله فى ربنا يوصلك بالسلامة شاحداك يا الكريم وما كنت "عارف " انك بتخاف من الطيارة ما براك عندك اخوان كتار السنى صحبى الجميل وصاحبى الجميل نجدى وما تنسى محمد عبد الوهاب الفنان الكبير المصرى داك يا معلم دا كان لمن يكون عنده حفلة فى باريس بركب الباخرة قبل تلاته شهور من الحفلة عشان يصل فى الميعاد شفت كيف ؟ استمتع برحلتك ونوم واديها من ابو "شبحة " ما بتجيك عوجة "البتة " والبتة ام توم حمتنا ننوم منتظرة تلفون التطمينة منك يا انبل الناس
Post: #23 Title: Re: انا سعيد ياخ Author: باسط المكي Date: 03-19-2012, 00:03 AM Parent: #22
Quote: اقول ليك سر ؟ بكيت بعد ما قفلت السماعة بكيت لسبب ما امكن زهج ساكت وامكن عشان ما شفتك وامكن وامكن ياخ قربت افتح بوست وابكى لكين قلت الله فى ربنا يوصلك بالسلامة شاحداك يا الكريم وما كنت "عارف " انك بتخاف من الطيارة ما براك عندك اخوان كتار
دائما سعيد انشاء الله ياعزيز
Post: #24 Title: Re: انا سعيد ياخ Author: Rawia Date: 03-19-2012, 00:06 AM Parent: #22
Post: #25 Title: Re: انا سعيد ياخ Author: محمد عبد الماجد الصايم Date: 03-19-2012, 10:23 AM Parent: #24
