Post: #1
Title: #لما حاجاتك تخستك شديد! ونسة طشمان!
Author: زهير عثمان حمد
Date: 03-18-2012, 00:09 AM
Parent: #0
أنا بجد بقول الكلام دا لانو القصة بقت ملله شديدانا عارف وأنتو كمان عارفين ؟ إنو الحياة كدا ما محتمله بس خلاص لازم يكون في قرار
ما تشوف اي جديد كل أمورك فيهو لكلكاكه الاوضاع ماشيه علي الاقل عادية بعد سهاد ليل حزين وتكون بتحب واحدة قلبها حجر ولا أظنو مصفح وضد المشاعر كمان حاجة تعيسه مش كدا تفارق واحدة فنانة في كل شي من الوش الي جزمة الباتا الملونه وطبعا جزمة الباتاجزمة قماش دي موضه الايام دي في الخرطوم الواحدة بتلبس الجزمة دي عشان تحس أنها موكبه برضو تكون قصة التواصل معها مشكلة مركزة بس في قصة عندك كم ومتين عايز تعرس غير الشفقه الاخت عايشه دور الراعي الابدي لمصالحك! كان تلفونك رنه تسألك مليون سؤال دي منو والموضوع شنو شكلها كيف وبت ناس منو وشغاله شنو وعمرو كم وساكنه وين وبتعرفك من وين ورم عديل كدا كان ماموت بالبطيء
وتعرف ناس كمان تنوجع من معرفتم انو ما في أي أنسانية وأحترام للعلاقةكأن البينكم حاجة عابرة وتندهش من زول يودك لله ويسأل عليك ويفتش عنك وسط دا كلو مرات تضحك براك في عز الزهج تقول كلام غريب زي المجانين طبعا بكون في كامل قواي العقلية يموت قدامك قريب ولا بعيد الموت بقي شيء مكرر مرة مشيت المقابر ثلاثة مرات في يوم واحد وتقوم واحد تولد والتانيه في نفس اللحظه يعقدوا عليها من ثقيل وكمان نصاب وأنت عارفو لكين عشان النفاق الاجتماعي أنت ما قادر تقول كلمة وتفشل في حبك وتكون فاشل عاطفيا عمر طويل لا بكي ينفع ولا شكوي للقرايب والاصحاب المخلصين تحلك شي بس بقيت معلق في مرحلتلا ما قادرة أنسي ولاهي كمان قادرة تبعدشيء معجون بموية المأرق والازمات ! وتنجح في حاجات هايفه زي تعمل قعدة وتسوي حله تمشي السوق تزور زول في الاسبتالية وكمان بي جداره في شي غيرو تكون سلبي ومقهور وخايف مثلا حتي البت اللي بحبها سنين ما قادر أحسم موضوعي معها لا نمشي لقدام ولا كل واحد فينا يقطع العلاقة ويكون واقعي وموضوعي أتهور مرات وأعمل حاجات غير متوقعه ما أمشي الشغل يومين أقوم مواصل في الشراب أسبوع بدون أنقطاع فجاءة أتوب وأكون حمامة مسجد أقعد من العصر للعشا في الجامع شي ءتلاوة وشيء دروس بعدها أرجع وكأنو أنا أبليس ذاتو عديل كدا !
في حين مرات أكون جادي زيادة عن اللزوم لا ضحك ولا لعب وأسيب كل الفوضي أقوم أللخبت كل شيء وأرجع هزالي بس بت قضيم وعدم مسئولية نموذجي وأخر نوم وأكل ولمة أصحاب ومرات أصاحب زول ويبقى قريب جدا مني و كنت اصلا" ماخاتي انو ممكن أتعامل معه في يوم من الأيام !
وأفارق بدون سبب أنا مابتقدر أعيش من دون البت دي ! لكين أكتشف ( إني لسه حي)!! أغني وأنبسط وبعد ساعه بالضبط أبكي! زي الجاهل الامو ماتت أغلط وما أعتذرأنجرح وأسامح وبس ما قادر أرجع أحب وأفتح قلبي لواحدة بعدا أحلف ! إني ماح أحب تاني
أمرض وأكره روحي بس صبري كلو لانها واقفة معي وهي أهلي وحبايبي روحا معي أكون قنعان أقول حسي أنتحر وبعدها يا ود الدنيا حلوة خليك صابر شويه أمكن تعدل معك وأحس من جواي أني زول فاشل بس ضاحك ولابس وش الإبتهاج وضارب الهم بالفرح أبو الزهراء فلان دا ما مثلك الأعلي لكين هو أتعس مني ظاهريا فرحان ودنياتو حلوة عايز أنسى كل التفاصيل المهمه ال########ةكمان وأعمل قومه وقعده وحاجة جديدة في حياتي بس كيف تندم علي شي أنت اللي بتسوي فوقو ما عارف أنتو سمعتو حاجة ولا أنا خلاص طحستا!!!!!!!!!!!!!؟لا أنتو فهمتواحاجه أنا برضو ما فاهم أي حاجه اللهم أجعل الظرف رحيما بعبدك أبو الزهراء أنه يعاني الوحدة ووعثاء الغرام.
|
Post: #2
Title: Re: #لما حاجاتك تخستك شديد! ونسة طشمان!
Author: Mahmoud Mustafa Mahmoud
Date: 03-18-2012, 05:23 AM
Parent: #1
Quote:
الوحدة ووعثاء الغرام
|
أبو الزهراء...
صباحاتك ندية
ياخي كلامك يقطع القلب والمصارين في آن معاً...شفقةً وضحكا...
لكن وعثاء الغرام دي علي اليمين مباااااااالغة...
هسي تلقى في واحد زميلنا كدا بدون ذكر أسماء عايز يعلفها عنوان لروايته القادمة...
كن بخير يا زول يا جميل..
..
.
|
Post: #3
Title: Re: #لما حاجاتك تخستك شديد! ونسة طشمان!
Author: Mahmoud Mustafa Mahmoud
Date: 03-18-2012, 09:41 AM
Parent: #2
من وحي العنوان يا زهير:
لما حاجاتك تخستك..
والزهور يابوها تخلف للمواعيد الجميلة
وطيب عبيرها..يبقى لستك..
|
Post: #4
Title: Re: #لما حاجاتك تخستك شديد! ونسة طشمان!
Author: قيقراوي
Date: 03-18-2012, 09:53 AM
Parent: #2
Quote:
لكن وعثاء الغرام دي علي اليمين مباااااااالغة...
هسي تلقى في واحد زميلنا كدا بدون ذكر أسماء عايز يعلفها عنوان لروايته القادمة...
|
انا و ابو الزهراء كيسنا وااااحد يا حوتة ياخي
هو يعلف .. ويناولني اعلف و أقارن
المافي شنو هو!؟
------
يا ابو الزهراء قطعت نياط قلوبنا ياخي
اللهم الطف بعبدك ابو الزهراء
واجعل بين يدي الجكس سداً .. ومن خلفهن سداً
واغشيهن فهن لا يبصرن كآبة المنظر
آمين دعوة مظلوم
|
Post: #5
Title: Re: #لما حاجاتك تخستك شديد! ونسة طشمان!
Author: فايزودالقاضي
Date: 03-18-2012, 10:19 AM
Parent: #4
ابو الزهور الكلام ده كاتبه بالانجليزي ومترجمه ليك قوقل باشا ؟!!!!
|
Post: #6
Title: Re: #لما حاجاتك تخستك شديد! ونسة طشمان!
Author: Mahmoud Mustafa Mahmoud
Date: 03-18-2012, 10:33 AM
Parent: #5
محمود وقيقراوي وفايز ودالقاضي من جدة..
البوست دا جسر جوي بين الخرطوم وجدة ولا شنو؟؟
الغريبة يا زهير البنات عينهم ليك..وإنت "لُقطة" بصراحة..
غبيانات خلاس...متخيلات إنو الطشمة ما كويسة مع الراجل ولا شنو؟؟
واصل طشمانك يغريني .. المزتو علبة سرديني..
أرح..
..
|
Post: #7
Title: Re: #لما حاجاتك تخستك شديد! ونسة طشمان!
Author: فايزودالقاضي
Date: 03-18-2012, 10:39 AM
Parent: #6
اولم اقل لكم أن اصل الانسان بيجاوى مريخي..؟!!
فأبواه يعربانه او يجهجهانه ويهلهلانه ..
|
Post: #8
Title: Re: #لما حاجاتك تخستك شديد! ونسة طشمان!
Author: قيقراوي
Date: 03-18-2012, 12:17 PM
Parent: #7
Quote:
ابو الزهور الكلام ده كاتبه بالانجليزي ومترجمه ليك قوقل باشا ؟!!!!
|
ود القاضي يا صهيوني بطل تعسف!
عزي يا اخوي .. عزاء يليق
يا ابو الزهراء
لما حاجاتك تخستك شديد!
اعصر اوتار النشيد
للحن جديد
لما الحنين يتوهطك .. ظن
ويتوهمك
ما تتلفت .. واصل سكتك
ما اصلاً دي فكرتك
ولا وجود
انت موجود .. انت الوجود
صرّم عجيلات الشوق ما يرضعن
ضرع الغيوم
او لبسو بامبرز عشان ما ينجرح خاطر الحنين
بي مطر نفس فكرتك ..هي فكرتك
وانت موجود
وبكرة مولود
يا ابو الزهور هي زهرتك
قيقا راعي ..
نص حداثي .. طالع من حادث اسي دي
------
اوع تقولوا دا ما شعر حديث
زمان كان في بامبرز!؟
|
Post: #9
Title: Re: #لما حاجاتك تخستك شديد! ونسة طشمان!
Author: زهير عثمان حمد
Date: 03-18-2012, 12:40 PM
Parent: #8
الاخوان الاحباء
تحياتي
وأهلا بيكم في بيت البكا أيوة بيت بكا عديل كدأ أنا صحيت من النومقبل شويه ح أرجع ماشي قصةحمام والبس و فطور وعصير برجع
ياقيقا أنت أشعر منك في أنت شاعر جيلنا كلو أمضي وأنا والاوهام والاحلام معك
|
Post: #10
Title: Re: #لما حاجاتك تخستك شديد! ونسة طشمان!
Author: زهير عثمان حمد
Date: 03-18-2012, 12:41 PM
Parent: #8
الاخوان الاحباء
تحياتي
وأهلا بيكم في بيت البكا أيوة بيت بكا عديل كدأ أنا صحيت من النومقبل شويه ح أرجع ماشي قصةحمام والبس و فطور وعصير برجع
ياقيقا أنت أشعر منك في أنت شاعر جيلنا كلو أمضي وأنا والاوهام والاحلام معك
|
Post: #11
Title: Re: #لما حاجاتك تخستك شديد! ونسة طشمان!
Author: قيقراوي
Date: 03-18-2012, 01:21 PM
Parent: #10
Quote:
ياقيقا أنت أشعر منك في أنت شاعر جيلنا كلو أمضي وأنا والاوهام والاحلام معك
|
الله يخليك لينا و لشعر الحداسة يا ابو الزهراء
------
اتنين منك و افكا ليك في الوهم الهنا ديل طوالي
المافي شنو بعد دا!؟
من زمان حاسي انو جواي شاعر مجيد .. لغناه فنان و مااااهر
او شامبيون
غايتو حاجة اولا بي الـ(شا) كدا
|
Post: #13
Title: Re: #لما حاجاتك تخستك شديد! ونسة طشمان!
Author: على ميرغني
Date: 03-18-2012, 02:45 PM
Parent: #11
| Quote: غايتو حاجة اولا بي الـ(شا) كدا |
تكون شاي او شاي بلبن
|
Post: #12
Title: Re: #لما حاجاتك تخستك شديد! ونسة طشمان!
Author: زهير عثمان حمد
Date: 03-18-2012, 02:43 PM
Parent: #8
الاخوان الاحباء
أنا فاقد زول حقيقة هم أتنين ودالبشري و ودالصايم لكين عارف ح يكون ما عارفين أشراقات الود قيقا أدام الله فضله
|
Post: #14
Title: Re: #لما حاجاتك تخستك شديد! ونسة طشمان!
Author: قيقراوي
Date: 03-18-2012, 03:20 PM
Parent: #12
يا علي ميرغني ايمكن (شا) شمار ..مش!؟
|
Post: #15
Title: Re: #لما حاجاتك تخستك شديد! ونسة طشمان!
Author: ismeil abbas
Date: 03-18-2012, 04:04 PM
Parent: #14
أخى زهير حالتك بقت صعبه..
فكر فى إندهاشة تبعد عنك كل هذه الخستكات...والخستكه بتولد خستكة وحاول اطلع من هذه الدائرة بسفره.
Quote: لما حاجاتك تخستك شديد!
اعصر اوتار النشيد
للحن جديد
لما الحنين يتوهطك .. ظن
ويتوهمك
ما تتلفت .. واصل سكتك
ما اصلاً دي فكرتك
ولا وجود
انت موجود .. انت الوجود
صرّم عجيلات الشوق ما يرضعن
ضرع الغيوم
او لبسو بامبرز عشان ما ينجرح خاطر الحنين
بي مطر نفس فكرتك ..هي فكرتك
وانت موجود
وبكرة مولود
يا ابو الزهور هي زهرتك
|
شعرك حر وزايد حرارة يا قيقراوى.. أبعد من فكرة عمر الفاروق حتى لايظن ألأخرين بأنك تعلف منه.أكتر من أنواع البامبرز مابتجيك عوجة..
تقديرى وإحترامى الشديد.
|
Post: #16
Title: Re: #لما حاجاتك تخستك شديد! ونسة طشمان!
Author: قيقراوي
Date: 03-18-2012, 07:48 PM
Parent: #15
Quote:
شعرك حر وزايد حرارة يا قيقراوى.. أبعد من فكرة عمر الفاروق حتى لايظن ألأخرين بأنك تعلف
|
ما كرفست مشاعري يا عمك
انا جادي
--------
في الحقيقة انا في كل الحاجات الثقافية دي بكون جادي جداً جدن حتى آدم همسلف
شفت ليك جنس جدودية؟
|
Post: #17
Title: Re: #لما حاجاتك تخستك شديد! ونسة طشمان!
Author: زهير عثمان حمد
Date: 03-18-2012, 10:50 PM
Parent: #16
الرهيب قيقا
تخيل أنمهرت علي أخوك عروض جديدة لكين ما ممكن تاني ريده وكمان جديدة ما عايز عذاب سوف يكون مذهبي (المضداوقه) أنه فريد يمد في العمر وليس هنالك ألتزمات تذكر غير القيام بالوجبات الانسانية هههههههه مذهب مبتكر مش كدا
مدخل قصيدة جديدة حدسية
وأناأنتي بنسرح
ونلعب سوا
مادنيانتا قسايه
مجنونه للنهاية
أخ يا وجع الاماسي
الشايله لون الاسي
وأنتي صابرة عشان
حفنة قروش وكمان
دايرة الجنا
أستمريا قيقا الرهيب وكمل المشوار
|
|