Post: #1
Title: جورج كلونى من ناحية تأصيلية!
Author: حاتم الياس
Date: 03-17-2012, 08:17 PM
الأخوة الأعزاء فى أمانة الثقافة بالمؤتمر الوطنى ماعندكم حل بعد أعتقال جورج كلونى قدام سفاراتنا فى واشنطون غير أنو نقوم بحركة مضادة تعكس حنكتنا الثقافية والفنية وهى من ناحية تانية تخليكم نعيدوا النظر للدراما السودانية وتصرفوا عليها صرف شديد بل يجب أن يخصص من موازنة العام مبلغ محترم للدراما السودانية...وخلونا من وجع التأصيل والأوهام بتاعتكم هسع الشاب الأسمو جورج كلونى ده نصف نساء العالم مكسرات فيهو..وشوفوا تأثير نصف نساء العالم على النصف الثانى من العالم...عموماً ياأخوتى فى الأسلام والوطن أعتقد أنو لازم نقوم بحركة سريعة تعكس أنو نحن زاتو واعين ومفتحين..نقوم نرسل واحد ممن ممثلينا..محمد نعيم سعد عوض شكسبير ربيع طه ولاجلود.. ويمشى يحتج قدام السفارة الأمريكية .. وبعد داك نرسل ليهو ناس( الطاره )يعتقلوه...مع ضرورة أنو تنبهو ناس الطاره أنو الأعتقال ده شغل تمثيل عشان مايتجاوزوا النص...
ودمتم
|
Post: #2
Title: Re: جورج كلونى من ناحية تأصيلية!
Author: mutwakil toum
Date: 03-17-2012, 08:45 PM
Parent: #1
كلام سمح لكن ناس الطارة اعتقال ما فيو ضرب و عمل اللازم ما بمشو عليو
|
Post: #3
Title: Re: جورج كلونى من ناحية تأصيلية!
Author: على زين العابدين
Date: 03-17-2012, 09:30 PM
Parent: #2
أُرشح صديقي الفنان عوض شكسبير ..خاصة لمواقفه المناهضه للامبريالية الامريكيه ودعمه للمواقف الفرنسية الاامبريالية..
|
Post: #4
Title: Re: جورج كلونى من ناحية تأصيلية!
Author: متوكل الحسين
Date: 03-17-2012, 09:56 PM
Parent: #3
غايتو مافى زول سبقك .
الخوف يصدقوك الهبل ديك .
|
|