Post: #1
Title: تااااااني جابو سيرة الحدود.....!!!!!
Author: عبدالكريم الامين احمد
Date: 03-17-2012, 06:57 AM
كفيا كنجي عند تخوم حفرة النحاس
ابيي
هجليج
كاكا التجارية
جودة
المقينص
هي المناطق التي تقع تحت دائرة سياط الكركبة في الشريط الحدودي والتي يتوقع تقسيمهما في اطار (كمونية السودان الفضل)
|
Post: #2
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-17-2012, 07:00 AM
Parent: #1
وهي المناطق التي ستكون في شنطة عمر البشير التي سيتم رفعها (كرنقلي) للطائرة المسافرة الي جوبا في سفرة البشير القادمة
لكي يتم السمسرة فيها وحيدخلو المقينص بحمد وتطلع كاكا التجارية بخوجلي حتي يتم (الشيل دق) ويكون الناتج النهائي عودة النفط الي الانبوب السوداني الشهير بالدلدول
|
Post: #3
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-17-2012, 07:06 AM
Parent: #2
Quote: كفيا كنجي عند تخوم حفرة النحاس
ابيي
هجليج
كاكا التجارية
جودة
المقينص
|
المناطق اعلاه لو جينا جردنا اهميتها في جوانب عديدة سنجد الاتي نصه من الاهم
1- ابيي هذه معضلتها كبري وسيفكر البشير الف مرة ومرة قبل ان يرمي بها الي دائرة (السمسر سمسر)
-المسيرية وتمسكهم بها
- اهميتها البترولية
- الحبر الكبير واللعلعة التي اتوسمت بها خطابات الموتمر الوطني بان (ابيي شمالية) واي مهابشة هنا سيكون البلع شديد ومفاجي
|
Post: #4
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-17-2012, 07:10 AM
Parent: #3
2-هجليج
- البترول السوداني الشمالي الحرترت الفضل اغلب مناطقه الحية متواجدة هناااك بالاضافة الي المنشات
- تواجدها (خارج خرطة ابيي) كان مكسب رقص له الموتمر الوطني طربا في ترسيم ابيي عند لاهاي 2009
|
Post: #5
Title: Re: تااااااني جابو سيرة الحدود.....!!!!!
Author: جمال المنصوري
Date: 03-17-2012, 07:21 AM
Parent: #4
كيكي
كيف حالك
يا خي مبروك الوليد ويتربي في عزك، الا لكن انا لايمك لوم انت وقريبك بدرالدين ، ياخي انا محبوس من السنة الفاتت شهر ستة، وكنت ماسك ليك مقاولة الخدمات المصاحبة لموضوع: الأنبوووووووووب، وما تسأل عني ؟
علي العموم كدي شوف معاك الخيط ده:
الصفقة !!!! تقريبا ح تكون كده ..
|
Post: #6
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-17-2012, 08:00 AM
Parent: #5
Quote: يا خي مبروك الوليد ويتربي في عزك، الا لكن انا لايمك لوم انت وقريبك بدرالدين ، ياخي انا محبوس من السنة الفاتت شهر ستة، وكنت ماسك ليك مقاولة الخدمات المصاحبة لموضوع: الأنبوووووووووب، وما تسأل عني ؟
علي العموم كدي شوف معاك الخيط ده: |
هلا وتحياتي يا ابو جمال
وعودا حميدا ياااخ
واخوك اسفيرو بقي تعبان شديد والجية هنا زاااتها بقت بتلتلة
والف شكر وتقدير علي المباركة
وفليكن خيطك عاليا بمافيه من مواكبة وتحليل لقضايا الشعب الفضل التي دخلها الموتمر الوطني سوق السمسرة الدولي وعمااال يخرمج
|
Post: #7
Title: Re: تااااااني جابو سيرة الحدود.....!!!!!
Author: Faisal Al Zubeir
Date: 03-17-2012, 08:56 AM
Parent: #6
يا هندسة : تحياتي : الشغل ده مكانو الجزيرة مباشر .
|
Post: #8
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-17-2012, 10:50 AM
Parent: #7
| Quote: يا هندسة : تحياتي : الشغل ده مكانو الجزيرة مباشر . |
هلا ياحضرة
وحاضرين وان كنا المرة الفاتت اديناهم النجيضة كلها
ولكن برضوجاهزين لاي ندوة اخري
|
Post: #9
Title: Re: تااااااني جابو سيرة الحدود.....!!!!!
Author: معاوية عبيد الصائم
Date: 03-17-2012, 11:02 AM
Parent: #8
كيكى سلامات
ياخ قاعد صائم راجى حقى من السماية لامن
ضربتى ملاريا ....معقول ..الدى اتش ال...
المشكلة ياكيكى الكيزان ديل ...منطقة الميرم
والمجلد وبحر العرب ....اها...ناس المناطق
دى قالوا بترولنا ما بنادى ...طب....
شايف باوقيشن داقى جرس وتهليل وتكبير
وقال فى بترول فى الشمالية ....مع العلم
المذكور من نواحى (مديرية) سابقا .....
وانتهز هذا البوست واهنى ود الباوقة
باستلام عدد 3 باب خاصة بمستشفى
الباوقة .....ياربى تم الشحن وللا لسه
ود الباوقة البترول المحتمل اظنو
فى نواحى كريمة ..والله طارق
جبريل والمطرطش ..يقطعوا اضنيك
لو جبت سيرتو تانى ....
كيكى احتمال كبير يكون جرس
باوقيشن الجاى ...انو كريمة تابعة
للباوقة...
|
Post: #10
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-17-2012, 11:30 AM
Parent: #9
Quote: كيكى احتمال كبير يكون جرس
باوقيشن الجاى ...انو كريمة تابعة
للباوقة... |
هلا يا طوربيد
وصحبك باوقة دربو دخل الالمي وبقي يهضرب هضربة تقيلة
مرة هيييييع الدهب طلع وووين كده ماعارف
ومرات هيييييع الجاتوفا او اي كان اسمها القال عليها المطرطش ديك
واها اليومين دي شايفو زاني ليهو البترول ده في راسو المدوقس ده
واهو حاله اصبح مثل ديك المسعودية بكشنو فيهو وهو بعوعي
بترول -بترول
باوقة فاته القطار
فاته القطار ولسسسسسسسع بقابض
----------
السماية ياااخي ناس صحبك ابو خليل قضو علي اخضرها ويابسها
وانا زاااااتي تسمني والله لوووول
|
Post: #11
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-17-2012, 11:42 AM
Parent: #10
3-
حفرة النحاس او نواحي كفيااكنقي
تاتي في المرتبة الثالثة من الاهميةفي ظل وجود المعادن النفيسة فيها
لقدام ممكن نشوف اي المناطق التي يمكن للموتمر الوطني ان يتنازل عنها بدون كركبة
او المناطق التي يمكن لحكومة الجنوب ان تعمل ليها دروب في اطار فقه
الشيل دق
وفقه طاقية ده في راس ده
وسنتاوق
|
Post: #12
Title: Re: تااااااني جابو سيرة الحدود.....!!!!!
Author: Nagat Sid Ahmed Elshiekh
Date: 03-17-2012, 10:57 PM
Parent: #11
كيكى سلام ياخى باركنا ليك المولود وقلنا ليك السماية علينا مارديت الظاهر عليك مقريشششش عشان كدا طنشتنا ....
متابعين بشدة لحدى ما الكمونية دى تستوى فى حلة البرستو بتاعة الجماعة ديل...
|
Post: #13
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-18-2012, 04:48 AM
Parent: #12
Quote: كيكى سلام ياخى باركنا ليك المولود وقلنا ليك السماية علينا مارديت الظاهر عليك مقريشششش عشان كدا طنشتنا ....
متابعين بشدة لحدى ما الكمونية دى تستوى فى حلة البرستو بتاعة الجماعة ديل... |
هلا يا نجاة وحبابك يا بيكاسو
وايوووه شفت وقريت والله (حق) السماية ولكن اخوك مشغول يعلم الله شغلة (ام عريس) وعروس الاثنين معا وفي وقت واحد
فعشان كده ما لقيت يدي ارد عليكم...والف شكر علي المكرمة البيكاسوية الاخوية واعتبريها وصلت تبببببببب...
-----
واما الجماعة بتوع البرستو
فيا ويلهم ويا سهر ليلهم من الجاي في ظل هضربتهم ومقابضتهم التي صارت يوماتي رحيل
وتحياتي وتقديري يا نجاة
|
Post: #14
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-18-2012, 06:40 PM
Parent: #13
4- المقينص وكاكا التجارية وجودة هي المناطق ذات الحلقة الاضعف بالنسبة الي السودان الشمالي وفي اي لحظة ايها الشعب الفضل لكم ان تتوقعو بذهاب هذه المناطق جنوبا في ظل سياسة الشيل ودق ونيفاشا2
فهي مناطق لابواكي له وليس هناك من صعد قضاياها علي الصعيد الشعبي بعيدا عن الامر الرسمي
واعتقد بان الصفقة وان تمت سيتم ذبح هذه المناطق كقرابين حتي يعود اله النفط ويمر عبر الانبوب
وسنتاوق
|
Post: #15
Title: Re: تااااااني جابو سيرة الحدود.....!!!!!
Author: الشفيع وراق عبد الرحمن
Date: 03-18-2012, 07:47 PM
Parent: #14
كيكي
ابشرك مافي شبر ح يتم التنازل عنه
متاوقاتك بقت تعبانة وشكلك عايز تكلفتنا سرعة سرعة
عايزين خرائط
عايزين مساحات
عايزين تأريخ وجغرافيا المناطق دي
|
Post: #17
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-28-2012, 04:54 AM
Parent: #16
Quote: 2-هجليج
- البترول السوداني الشمالي الحرترت الفضل اغلب مناطقه الحية متواجدة هناااك بالاضافة الي المنشات
- تواجدها (خارج خرطة ابيي) كان مكسب رقص له الموتمر الوطني طربا في ترسيم ابيي عند لاهاي 2009 |
ولكن
-الحديث عن هجليج وربط حسمها(شمالا) بترسيم ابيي امر غير دقيق...
فالترسيم في لاهاي كان معني بتوصيف جغرافية (ابيي) فقط ونعم لاهاي اخرجت (حقول هجليج) خارج خرطة (ابيي) ولكنها ما حددت ايلولة (هجليج شمالا او جنوبا)...
-الاساس في حدود الشمال والجنوب هو خط 1956
- الخلاف في لجنة ترسيم الحدود ما بين الشمال والجنوب امره ضبابي وفيه الكثير من الورجغة
فالجانب المحسوب حكومة السودان يجمل الخلاف المناطق الاتية
-1 حفرة النحاس(كفيا كنجي)
-كاكا التجارية
-جودة
- المقينص
بينما يصر الجانب الجنوبي علي اضافة هجليج
واول مطالبة علنية مرصودة في حديث (لوكا بيوانغ) عقب انتهاء محكمة ابيي وساعتها صرح بان الجنوب سيطالب بهجليج
وتقرير (خبراء نيفاشا) عند ترسيمهم لابيي وضعو هجليج تابعة لمنطقة ابيي ويبدو بانها الجزئية التي اعتمدت عليها الحركة الشعبية بالاضافة الي التاريخ الخلافي حول ولاية الوحدة التي عملها النميري
وسنتابع
|
Post: #18
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-28-2012, 05:05 AM
Parent: #17
اعلاه المظلل هو ترسيم ابيي 2005 الخبراء
والشكل المريع بالاحمر هي ابيي 2009 لاهاي
منطقة هجليج تظهر بالدائرة السوداء
-كل الخرط التي تظهر خط 56 نجد ان هجليج تقع شمالا خط 56 ولكن علي ليس بعيدة من هذا الخط
وهجليج ليس مدينة فقط بل هي تخوم ومنطقة ممتدة جنوب تلك المدينة ووجودها علي تماس هذا الخط هو من يجعلها علي مرمي نيران (الخلاف الحدودي) وامر حسمها ليس عسكريا بل بالحجة والمنهج والمنطق والوثائق وهذا ما يجب ان يسلكه الطرفان وفي ظني فان هجليج المدينة في الغالب الاغلب شمالية ولكن التخوم الواقعة جنوبها والتي هي غنية بالنفط ستكون جنوبا
|
Post: #19
Title: Re: تااااااني جابو سيرة الحدود.....!!!!!
Author: أميرة فاروق عبد العال
Date: 03-28-2012, 05:18 AM
Parent: #18
متابعة،
ومتاوقة،
عالية التركيز،
تحياتي واحترامي أخ عبد الكريم..
|
Post: #20
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-28-2012, 05:21 AM
Parent: #18
- هجليج الحالية تقع اقصي الجنوب لولاية جنوب كردفان
وتحدها ابيي لاهاي 2009 غربا وولاية اعالي النيل في الجانب الشرقي والجنوبي
- وتقع تقريبا علي مسافة 15 كيلو من خط 1956
|
Post: #21
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-28-2012, 05:27 AM
Parent: #20
Quote: متابعة،
ومتاوقة،
عالية التركيز،
|
هلا يا اميرة
وحبابك والف مرحب بالمتاوقة في امر الشريط الحدودي
|
Post: #22
Title: Re: تااااااني جابو سيرة الحدود.....!!!!!
Author: حبيب نورة
Date: 03-28-2012, 05:44 AM
Parent: #21
والله يا عمك
ورجغة بي فهم
متابعين
|
Post: #23
Title: Re: تااااااني جابو سيرة الحدود.....!!!!!
Author: ود الباوقة
Date: 03-28-2012, 05:49 AM
Parent: #22
| Quote: وفي ظني فان هجليج المدينة في الغالب الاغلب شمالية ولكن التخوم الواقعة جنوبها والتي هي غنية بالنفط ستكون جنوبا |
غايتو عليك جنس دغمسة
يا كيكي ..
|
Post: #24
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-28-2012, 05:49 AM
Parent: #22
Quote: والله يا عمك
ورجغة بي فهم
متابعين |
هلا يا دهشة
وشرفت سيرة الورجغة الحدودية في زمانات الكوليرا
ومشتاغووون يعلم الله ويعلم ايضا شيخي شكر الله
|
Post: #25
Title: Re: تااااااني جابو سيرة الحدود.....!!!!!
Author: khaleel
Date: 03-28-2012, 05:50 AM
Parent: #22
من يهرب للامام
يا كيكي
الجبهة ام الحركة
|
Post: #26
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-28-2012, 07:08 AM
Parent: #25
Quote: غايتو عليك جنس دغمسة
يا كيكي .. |
هلا يا باوقة
ولا نقول الا ما يرضي المشاهدات من الخرط وكمونية الحدود التي امامنا
والدغمسة يا بقبق خليناها لناسكم فهم راسها وساسها
------------------
هلا خلي
والموتمر الوطني حكاية هجليج دي وقعت ليهو في جرح وكركبة الحرب قادرة اثارة غبار كثيف وورجغة تصعيدية قادرة علي غتغتة بعض الشان المحلي باللعب علي اوتار الوطنية بصورة موغلة في الرومانسية بالاضافة نغمة (الارض)
وهي نغمة الموتمر الوطني سقط فيها في حلايب وفي الفشقة ولكنه لزوم الكركبة حيركبها سرج ويتعشي بيها شهر شهرين لحدي ما ربنا يفك ساجورتهم
------
الحركة الامر ايضا قطع الطريق لحلحلة بعض القضايا العويصة واهمها
النفط فهي تعاني من ضغط اقتصادي رهيب في ظل ندرة الحلول الاخري
فعشان كده في المنظور القريب سنجد الحركة هي من ستكون الاحرص علي الحلول السلمية
وسنجد الامر الانقاذي متخندق في (صراع تيار اولاد نيفاشا وتيار الكركبة)
ومن سيكسب الرهان...؟؟
هذا هو السؤال التاريخي
|
Post: #27
Title: Re: تااااااني جابو سيرة الحدود.....!!!!!
Author: عبدالكريم الامين احمد
Date: 03-28-2012, 09:37 AM
Parent: #26
الجانب الحدودي الاضعف والمثير للشكوك في امر موقع هجليج من خط 56 هو حدها الشرقي من ولاية اعالي النيل ففي هذا الجانب المسافة ما بين هجليج وخط 56 قصيرة جدا وتكاد تقارب ال5-10 كلم
|
|