Post: #1
Title: فى سابقة هى الأولى من نوعها ....
Author: دينا خالد
Date: 03-15-2012, 08:22 PM
مثل الرئيس الايرانى احمدى نجاد امس الاربعاء
14 مارس 2012 امام البرلمان فى استجواب غير
مسبوق من قبل نواب مستائين من ادائه !!
فى سابقة لم تحدث منذ قيام الثورة الاسلامية 1979
وتابعها العالم كله .. (كل من زاوية شوفو للمسألة طبعا)...
(( فكل ذلك يتزامن مع التوتر السياسي داخل إيران
ومع تعرضها لضغوط دولية
جراء برنامجها النووي المثير للجدل،
الذي يشتبه الغرب بأن له
أبعاد عسكرية، وهو ما ترفضه الجمهورية الإسلامية
بالتشديد على أن أهدافه مدنية.))
المهم فى الموضوع :
ان عمك اتزرزر زرزره شديدة ..
قالت وكالات الانباء التى تابعت الخبر دقيقة بدقيقة
انه واجه القصة فى ـ بعض الاحيان ـ باسلوب ساخر
قائلا لمستجوبيه ::
"إن الأسئلة التي طرحتموها لم تكن صعبة،
ولو طلبتم مني لطرحت أسئلة أكثر تعقيدا..
لقد أجبت على كل أسئلتكم،
وإذا منحتموني درجة أقل من عشرين على عشرين فلن يكون ذلك منصفا".
المافى شنو ؟
ـــــــــــــــ
تابعوا الزره والصور ..
|
Post: #2
Title: Re: فى سابقة هى الأولى من نوعها ....
Author: الصادق اسماعيل
Date: 03-15-2012, 08:33 PM
Parent: #1
في سابقة هي الاولى من نوعها، دينا خالد تشطب البوست حال نزوله، هذا وقد صرحّ السيد بكري ابوبكر أن الاستاذة دينا ربما تتعرض لتقليص في عدد مداخلاتهابسبب هذه السابقة في حين صرح قيقراوي أن مثل هكذا تصرف سيواجه بمعارضة عنيفة، مشيراً في الوقت نفسه أن ردة فعله ليست لها علاقة بحادثة المكتبة.
|
Post: #4
Title: Re: فى سابقة هى الأولى من نوعها ....
Author: عماد الشبلي
Date: 03-15-2012, 08:36 PM
Parent: #2
| Quote: في سابقة هي الاولى من نوعها، دينا خالد تشطب البوست حال نزوله |
!!!!!!!!!!!
|
Post: #3
Title: Re: فى سابقة هى الأولى من نوعها ....
Author: talha alsayed
Date: 03-15-2012, 08:33 PM
Parent: #1
دينا
هى فعلآ السابقه الاولى من نوعها
ان تدخل بوست فتجد مبتدره قد مسح محتواه قبل لن يضطلع عليه احد ...!
|
Post: #5
Title: Re: فى سابقة هى الأولى من نوعها ....
Author: دينا خالد
Date: 03-15-2012, 08:40 PM
Parent: #3
يا جماعة حصل خطأ فنى
والمداخلة اتلخبطت ..
الان تم تعديلها بس ...
شنو يا الصادق طوالى عززت القوات !
|
Post: #8
Title: Re: فى سابقة هى الأولى من نوعها ....
Author: دينا خالد
Date: 03-15-2012, 08:57 PM
Parent: #5
كرعينو اتلخبتت وهو فى طريقه للمنصه ..
لكن طبعا ما بتلحق حقت عمك ديك !! لووووب
عممك بى مستنداتو عاااارف التهم فساد ..
ودى نوع تهم طق الحنك ما بنفع فيها طبعا ..
|
Post: #11
Title: Re: فى سابقة هى الأولى من نوعها ....
Author: دينا خالد
Date: 03-15-2012, 09:05 PM
Parent: #5
(والعام الماضي، ألغى البرلمان الإيراني خططا
لاستدعاء أحمدي نجاد وقرر أن يتقدم عوضا عن ذلك
بأسئلة مكتوبة. ومع ذلك، فإن نواب البرلمان لم
يرضوا بإجاباته المكتوبة وقرروا المضي قدما في
استدعائه للمثول أمام البرلمان.)
(وذكرت وكالة الأنباء الإيرانية الرسمية أن
"الرئيس محمود أحمدي نجاد مثل صباح اليوم الأربعاء
أمام مجلس الشورى الإسلامي للرد على أسئلة البرلمانيين،"
بعد "عريضة استجواب تحمل توقيع 79 نائبا."
ويسعى النواب المحافظون، الذين يمثلون أغلبية
في البرلمان، إلى استجواب الرئيس حول التورط المزعوم
لكتلة برلمانية مقربة له في فضيحة اختلاس 2.5 مليار دولار.)
ــــــــــــ
هسه تلقى الجماعه عندنا بضحكوا على الرقم
قالوا لى بس (بكسر البا) الله يلعنك خلعتنا !!
|
Post: #17
Title: Re: فى سابقة هى الأولى من نوعها ....
Author: دينا خالد
Date: 03-15-2012, 09:41 PM
Parent: #5
(والعام الماضي، ألغى البرلمان الإيراني خططا
لاستدعاء أحمدي نجاد وقرر أن يتقدم عوضا عن ذلك
بأسئلة مكتوبة. ومع ذلك، فإن نواب البرلمان لم
يرضوا بإجاباته المكتوبة وقرروا المضي قدما في
استدعائه للمثول أمام البرلمان.)
(وذكرت وكالة الأنباء الإيرانية الرسمية أن
"الرئيس محمود أحمدي نجاد مثل صباح اليوم الأربعاء
أمام مجلس الشورى الإسلامي للرد على أسئلة البرلمانيين،"
بعد "عريضة استجواب تحمل توقيع 79 نائبا."
ويسعى النواب المحافظون، الذين يمثلون أغلبية
في البرلمان، إلى استجواب الرئيس حول التورط المزعوم
لكتلة برلمانية مقربة له في فضيحة اختلاس 2.5 مليار دولار.)
ــــــــــــ
هسه تلقى الجماعه عندنا بضحكوا على الرقم
قالوا لى بس (بكسر البا) الله يلعنك خلعتنا !!
|
Post: #6
Title: Re: فى سابقة هى الأولى من نوعها ....
Author: الصادق اسماعيل
Date: 03-15-2012, 08:43 PM
Parent: #3
الأخت دينا
كيفك
دخلت البوست وما لقيت غير التعديل، فحبكت "التريقة" فكتبت ما كتبت أعلاه
فمعليش وحأتابع الموضوع
|
Post: #15
Title: Re: فى سابقة هى الأولى من نوعها ....
Author: محمد المرتضى حامد
Date: 03-15-2012, 09:28 PM
Parent: #6
نواب ما يسمى بالمجلس الوطني صفقوا لزيادة الأسعار ..
أما احتمال استجوابهم لدفع الله ، في الكاميرا الخفيه ما بيحصل..
اللهم بارك لهم في نسلهم،
اللهم زد في نعاسهم واسترخائهم،
يا مولاي ارفع من مخصصاتهم وثبِّت حصاناتهم واكثِر من رخصهم..
وادعم كافتيريتهم بما لذ وطاب..
يا كريم لاتعطل لاندي كاروزراتهم..
اللهم ضخ عليهم المزيد من همبريب النيلين ..
يا معطي زد في كندشتهم وكروشهم وقروشهم وعلاواتهم وبدلاتهم..
آمين..
|
Post: #16
Title: Re: فى سابقة هى الأولى من نوعها ....
Author: محمد المرتضى حامد
Date: 03-15-2012, 09:28 PM
Parent: #6
نواب ما يسمى بالمجلس الوطني صفقوا لزيادة الأسعار ..
أما احتمال استجوابهم لدفع الله ، في الكاميرا الخفيه ما بيحصل..
اللهم بارك لهم في نسلهم،
اللهم زد في نعاسهم واسترخائهم،
يا مولاي ارفع من مخصصاتهم وثبِّت حصاناتهم واكثِر من رخصهم..
وادعم كافتيريتهم بما لذ وطاب..
يا كريم لاتعطل لاندي كاروزراتهم..
اللهم ضخ عليهم المزيد من همبريب النيلين ..
يا معطي زد في كندشتهم وكروشهم وقروشهم وعلاواتهم وبدلاتهم..
آمين..
|
Post: #7
Title: Re: فى سابقة هى الأولى من نوعها ....
Author: دينا خالد
Date: 03-15-2012, 08:48 PM
Parent: #1
بزرك بزرك ايران ما تعمل لينا فيها بتعمل انقلاب ...
ترجمة ذى حقت واصل
الكل حضور .. مش دى برلمانكم الكراسى فاضية !!
فى عزز العصر !
|
Post: #9
Title: Re: فى سابقة هى الأولى من نوعها ....
Author: مبارك محمد عثمان
Date: 03-15-2012, 08:58 PM
Parent: #7
وكمان تم تعيين رفسنجاني فى تشخيص مصلحة النظام واعادته للحياة السياسية مجددا .. وهذا فى حد ذاته خصما علي مكانة احمدي نجاد .. واظنو يا اختي بعد ده حيتوكل علي سوق النجاده
|
Post: #18
Title: Re: فى سابقة هى الأولى من نوعها ....
Author: mansur ali
Date: 03-15-2012, 09:53 PM
Parent: #9
منذ فترة تجري حورات وسجالات مطوّلة فى ايران حول مسلمات أساسية لم تكن موضع المساءلة من قبل. سياسيا، بدأ واضحاً أن السجال بين تياري الاصلاح / المحافظيين، لم يكن مجرد تدافع أو إختلاف حول نتائج الانتخابات ، بل كان صراعا حول الرؤى المُؤسِسة للثورة الاسلامية.ما تزال يوميات هذا السجال مستمرة بيد ان كتاب الخاتمي " الدين والفكر فى فخِ الاستبداد" يمثل شكلهاالأرقى فى بيان اسباب الاختلاف. فى الفلسفة أيضا ثمة حوار متقدم يجري فى إيران منذ فترة ، اذكر أنهم أستضافوا فى االعام 2004 أو 2005 الفيلسوف الالماني هابرماس .
|
Post: #12
Title: Re: فى سابقة هى الأولى من نوعها ....
Author: دينا خالد
Date: 03-15-2012, 09:08 PM
Parent: #7
ورأس الجلسة النائب علي مطهري الذي سأل أحمدي نجاد
عن بقائه في المنزل عدة أيام في أبريل نيسان
حين أعاد خامنئي وزير الاستخبارات الذي كان أحمدي نجاد قد عزله؟.
واعتبر البعض اختفاء أحمدي نجاد عن الانظار
بمثابة احتجاج على قرار الزعيم الاعلى.
ورد أحمدي نجاد بثقة في أحيان وبلهجة ساخرة في أحيان أخرى
في جلسة ساخنة نقلتها الاذاعة الايرانية على الهواء.
ونفى أحمدي نجاد تحديه للزعيم الاعلى.
وقال ردا على سؤال عن غيابه "أحمدي نجاد في المنزل يستريح.
طلب مني بعض أصدقائي مرارا أن أستريح.
في هذه الحكومة لم يتوقف العمل قط ولو ليوم واحد."
|
Post: #13
Title: Re: فى سابقة هى الأولى من نوعها ....
Author: دينا خالد
Date: 03-15-2012, 09:11 PM
Parent: #7
وهون الرئيس من أمر استدعائه وقال ان هذا من حق البرلمان وانه ليس أمرا خارجا عن النطاق الطبيعي.
وقال في اشارة الى الانتخابات البرلمانية التي أجريت مؤخرا "كنت مستعدا للرد على أسئلة قبل الانتخابات... لكني رأيت أن هذا ربما يؤثر على نتائج الانتخابات على نحو يلام علي فيه. أنا أسهل من يمكن القاء اللوم عليه."
وبعد ان دامت الاستجوابات نحو ساعة وشملت اسئلة عن توجيه تمويل مشروع تمديد شبكة مترو طهران على نحو غير سليم وصحة أرقام حكومية تظهر توفير 1.6 مليون وظيفة في 2009 و2010 ظل عدد كبير من أعضاء البرلمان غير مقتنعين بردود أحمدي نجاد.
ونقلت وكالة الانباء المختصة بالشؤون البرلمانية عن محمد تقي رهبر قوله "ردود أحمدي نجاد على استجوابات النواب كانت غير منطقية وغير قانونية وبدت كمحاولة لتفادي الرد عليها. استهزأ أحمدي نجاد بنبرته الساخرة بأسئلة النواب وأهان البرلمان."
|
Post: #14
Title: Re: فى سابقة هى الأولى من نوعها ....
Author: دينا خالد
Date: 03-15-2012, 09:19 PM
Parent: #7
وبعد ان أقدم أحمدي نجاد على عدد من التعيينات الوزارية التي لم تلق تأييد البرلمان بما في ذلك توليه لفترة قصيرة مسؤولية وزارة النفط سأله عدد من النواب عن الطريقة التي يختار بها من يعينهم في المناصب العليا.
وقال مصطفى كواكبيان النائب في البرلمان الحالي الذي تنتهي فترة ولايته بعد انعقاد البرلمان المنتخب الجديد "الرئيس لم يقدم اي اجابات منطقية وأخذ كل شيء كمزحة."
ووجه عضو اخر في البرلمان هو محمد رضا خباز كلامه لبقية الاعضاء متسائلا "هل هذا مكان للمزاح.."
وقال تلفزيون برس الايراني الذي يبث باللغة الانجليزية أن لهجة أحمدي نجاد الساخرة أغضبت بعض النواب الذين هددوا بعد انتهاء الجلسة بتوجيه اتهامات له بعد عطلة السنة الفارسية الجديدة في وقت لاحق هذا الشهر.
ولكن المحللين استبعدوا ذلك
ـــــــــــــــــ
ومال لو اداهم من لحس الكوع .. وتحت جزمتى
وهلمجرا .. كانوا عملوا شنو ؟؟
كل الكلام الزعلهم دا عشان كان بقول ليهم امتحانكم
دا مووووويه ...باااارد .. بجيب ميه من مية ومكاوة ذى دى !!
|
Post: #20
Title: Re: فى سابقة هى الأولى من نوعها ....
Author: mansur ali
Date: 03-15-2012, 10:01 PM
Parent: #14
وبعدين يا ديناملالاي قم أدهشوا مشيل فوكو ذاتو بثورتهم الاسلامية حتى تعاطف مها فى بدايتها ( بل ما تزال تلاحق أدونيس لعنات اليسار بسبب كتابته أو دفاعه عن ولاية الفقيه ) .
|
Post: #19
Title: Re: فى سابقة هى الأولى من نوعها ....
Author: دينا خالد
Date: 03-15-2012, 09:59 PM
Parent: #7
وهون الرئيس من أمر استدعائه وقال ان هذا من حق البرلمان وانه ليس أمرا خارجا عن النطاق الطبيعي.
وقال في اشارة الى الانتخابات البرلمانية التي أجريت مؤخرا "كنت مستعدا للرد على أسئلة قبل الانتخابات... لكني رأيت أن هذا ربما يؤثر على نتائج الانتخابات على نحو يلام علي فيه. أنا أسهل من يمكن القاء اللوم عليه."
وبعد ان دامت الاستجوابات نحو ساعة وشملت اسئلة عن توجيه تمويل مشروع تمديد شبكة مترو طهران على نحو غير سليم وصحة أرقام حكومية تظهر توفير 1.6 مليون وظيفة في 2009 و2010 ظل عدد كبير من أعضاء البرلمان غير مقتنعين بردود أحمدي نجاد.
ونقلت وكالة الانباء المختصة بالشؤون البرلمانية عن محمد تقي رهبر قوله "ردود أحمدي نجاد على استجوابات النواب كانت غير منطقية وغير قانونية وبدت كمحاولة لتفادي الرد عليها. استهزأ أحمدي نجاد بنبرته الساخرة بأسئلة النواب وأهان البرلمان."
|
Post: #21
Title: Re: فى سابقة هى الأولى من نوعها ....
Author: Ali Sirelkhatim
Date: 03-16-2012, 01:01 AM
Parent: #19
Quote: عممك بى مستنداتو عاااارف التهم فساد ..
ودى نوع تهم طق الحنك ما بنفع فيها طبعا ..
|
ما ياهو دا {نافع} فى السودان..
تحياتى دنوش
|
Post: #22
Title: Re: فى سابقة هى الأولى من نوعها ....
Author: Abureesh
Date: 03-16-2012, 01:46 AM
Parent: #21
شكرا يا دينا، والمرشـد الاعلى لو ذكى لما سمح بهذا الاستجواب، لان حلاوة ممارسـة السلطة التشريعية الحقيقة لو ضاقوها ناس البرلمان بكره حينادوا شيخنا راجل قـم. (أحسبى الايام).
|
Post: #23
Title: Re: فى سابقة هى الأولى من نوعها ....
Author: دينا خالد
Date: 03-16-2012, 07:09 AM
Parent: #22
الصادق اسماعيل
خليك قريب .. الايرانيين ديل ما مضمونين !
لووووووب
الشبلى ...
حظك كدا نعمل ليك شنو ؟؟
شفقة المصورين دى ما بتعرف تخليها بى وراك ؟
طه السيد !
ياخ حتتتتتتتتى انت يا بروتس ...
الشماته كتلت الكات ..
ـــــــــــــ
يا اخوانا صبرا يبل البوست .. مافى !!
|
Post: #24
Title: Re: فى سابقة هى الأولى من نوعها ....
Author: دينا خالد
Date: 03-16-2012, 08:27 AM
Parent: #22
ياااا تضى !
الزرة دى اول مرة تحصل مند قيام الثورة الاسلامية
فى ايران 1979 وما حصلت ساى ..
عمك حاول يفرفر من (ابوو كبير ) ..
حاول يفرفر من شيخو ...
جابو استتابو ...
خافوا من المفاصلة ...
الناس ديل مدوريين بلاوى العالم العربى دى كلها
نصر الله ، بشار ، البشير الخ ..
الامية دى لو اتقفلت ، ذى قفلت انابيب بترول باقان
تانى الله ليهم ..
|
Post: #25
Title: Re: فى سابقة هى الأولى من نوعها ....
Author: دينا خالد
Date: 03-16-2012, 08:38 AM
Parent: #22
مبارك عثمان !
(من أسباب شن هجوم على أحمدي نجاد الانقسام بينه وبين خامنئي
والذي أصبح معلنا العام الماضي.
وبدأ موالون لخامنئي تقويض مؤسسة الرئاسة من خلال اتهام مستشاري
أحمدي نجاد بتحدي الزعيم الأعلى وتهديد الجمهورية الإسلامية.
وازداد موقف احمدي نجاد تضررا في انتخابات برلمانية
أجريت الشهر الماضي وسيطر عليها مرشحون يدعمون خامنئي. )
|
Post: #26
Title: Re: فى سابقة هى الأولى من نوعها ....
Author: دينا خالد
Date: 03-16-2012, 09:02 AM
Parent: #25
( ويعد استدعاء أحمدي نجاد صفعة جديدة للرئيس
الذي مني فصيله السياسي المحافظ بهزيمة نكراء في الانتخابات البرلمانية
التي جرت في وقت سابق من الشهر الجاري لصالح منافسيه
الأكثر تشددًا داخل التيار المحافظ.)
يعنى يا جماعة الموضوع ماشى لى وراء ...
إلى ذلك قالت صحيفة كومرسانت إن وزيرة الخارجية الأميركية هيلاري كلينتون كلّفت نظيرها الروسي سيرغي لافروف إبلاغ إيران بأن المحادثات مع الدول الكبرى المقررة في نيسان - أبريل هي «الفرصة الأخيرة» أمام طهران لتفادي الحرب. وأفادت الصحيفة نقلاً عن دبلوماسي روسي رفيع المستوى طلب عدم كشف هويته أن «المفاوضات المقررة في نيسان - أبريل بين إيران والمفاوضين الدوليين الستة هي الفرصة الأخيرة أمام طهران لتفادي الحرب. وطلبت هيلاري كلينتون من سيرغي لافروف إبلاغ هذه الرسالة إلى السلطات الإيرانية».
هذا وتدرس دول مجموعة 5+1 المؤلفة من الدول الخمس الدائمة العضوية في مجلس الأمن الدولي إضافة إلى المانيا، إمكانية استئناف المحادثات مع إيران بشأن برنامجها النووي المجمدة منذ أكثر من عام.
|
Post: #30
Title: Re: فى سابقة هى الأولى من نوعها ....
Author: دينا خالد
Date: 03-16-2012, 09:27 AM
Parent: #25
| Quote: ودى نوع تهم طق الحنك ما بنفع فيها طبعا |
..
وعلى ختم قال :
| Quote: ما ياهو دا {نافع} فى السودان |
حلوة التورية ياختم ..
لكن كلامك صاح !
فعلا فى السودان عادى ممكن تطق الحنك
مع تهم الفساد الموجهه من الناس الانتخبووك ..
وتنبذهم كمان .. ويلحسوا كوعهم لو يقدروا
يثبتوها .. مع انو انت كمممثل ليهم مفروض
تشرح وتثبت انو ما حاصل مش هم !!
عالم ثالت ورابع كمان ..
ياخ دا العالم الطيش عديييل كدا ؟
|
Post: #27
Title: Re: فى سابقة هى الأولى من نوعها ....
Author: دينا خالد
Date: 03-16-2012, 09:09 AM
Parent: #22
ياااا منصوور !
| Quote: .منذ فترة تجري حورات وسجالات مطوّلة فى ايران حول مسلمات أساسية لم تكن موضع المساءلة من قبل. سياسيا، بدأ واضحاً أن السجال بين تياري الاصلاح / المحافظيين ، لم يكن مجرد تدافع أو إختلاف حول نتائج الانتخابات ، بل كان صراعا حول الرؤى المُؤسِسة للثورة الاسلامية.ما تزال يوميات هذا السجال مستمرة بيد ان كتاب الخاتمي " الدين والفكر فى فخِ الاستبداد" يمثل شكلهاالأرقى فى بيان اسباب الاختلاف. فى الفلسفة أيضا ثمة حوار متقدم يجري فى إيران منذ فترة ، اذكر أنهم أستضافوا فى االعام 2004 أو 2005 الفيلسوف الالماني هابرماس . |
دا كلام صاح مية المية يا منصور ..
ويقال ايضاان مثول نجاد امام البرلمان قد تم
بعد مساجلات سياسية بين الاطراف كانت عميقة ودسمة ..
انتصر فيها المحافظون ..
ومثل نجاد لاول مرة فى تاريخ ايران يمثل فيها
رئيس للمسائلة ...
شفت عالمنا الاسلامى دا بعيد كيف من الحضارة ؟
|
Post: #28
Title: Re: فى سابقة هى الأولى من نوعها ....
Author: دينا خالد
Date: 03-16-2012, 09:14 AM
Parent: #22
الزول الجميل محمد حيدر !
ياخ ايران دى كلها ما مدهشه ؟؟
من حكم ليبرال خالص وعلى كيفهم
ايام الشاه ..
تتحول ايران كلها تحت نقاب اسواااااد !!
ويعدموا النفس !
ـــــــــــــ
عماد موسى جانا ما تغشانا .. عماد جانا
ما تغشانا .. وجعلنا من بين ايديهم سدا ...
من المداخلة دى .
|
Post: #29
Title: Re: فى سابقة هى الأولى من نوعها ....
Author: دينا خالد
Date: 03-16-2012, 09:15 AM
Parent: #22
الزول الجميل محمد حيدر !
ياخ ايران دى كلها ما مدهشه ؟؟
من حكم ليبرال خالص وعلى كيفهم
ايام الشاه ..
تتحول ايران كلها تحت نقاب اسواااااد !!
ويعدموا النفس !
ـــــــــــــ
عماد موسى جانا ما تغشانا .. عماد جانا
ما تغشانا .. وجعلنا من بين ايديهم سدا ...
من المداخلة دى .
|
Post: #31
Title: Re: فى سابقة هى الأولى من نوعها ....
Author: دينا خالد
Date: 03-16-2012, 09:32 AM
Parent: #22
ابو الريش سلامات !
Quote: والمرشـد الاعلى لو ذكى لما سمح بهذا الاستجواب،
لان حلاوة ممارسـة السلطة التشريعية الحقيقة لو ضاقوها
ناس البرلمان بكره حينادوا شيخنا راجل قـم. (أحسبى الايام). |
راجل قم (حلوة دى طبعا) فى ى ى ى عديلو يا اخوى ..
البرلمان برلمانو ..
هم هسه لو ما بقوا اغلبية
الهاااامل الماعندو قبه دا كان قدروا جابوا ؟؟
برضو ما كان بقدروا ...
|
Post: #32
Title: Re: فى سابقة هى الأولى من نوعها ....
Author: حافظ انقابو
Date: 03-16-2012, 12:44 PM
Parent: #31
دا مش الزول الجاب الدولارات
لما الدولار قرب يصل ستة جنيه؟؟
دا مش الزول البصنع الطيارات البدون طيار
ذي الوقعت في جنوب كردفان قبل كم يوم؟؟
---------------------------
ترن ترنرن
|
Post: #33
Title: Re: فى سابقة هى الأولى من نوعها ....
Author: Amin Mahmoud Zorba
Date: 03-16-2012, 02:06 PM
Parent: #32
اسع يا دينا في زرة أكثر من دي
لمن يلحق حقت القذافي ديك
|
Post: #34
Title: Re: فى سابقة هى الأولى من نوعها ....
Author: دينا خالد
Date: 03-16-2012, 10:25 PM
Parent: #33
الاعزاء المتداخلين
جاياكم
|
Post: #35
Title: Re: فى سابقة هى الأولى من نوعها ....
Author: Ali Sirelkhatim
Date: 03-16-2012, 11:50 PM
Parent: #34
هى ؟؟؟؟هو الاصبع ده برررضو بعرفوهو فى ايران؟؟؟ والله اخوات نسيبة ماقاعدات فى الواطة..
فوق لحين عودة دنووش
|
Post: #36
Title: Re: فى سابقة هى الأولى من نوعها ....
Author: Ali Sirelkhatim
Date: 03-16-2012, 11:50 PM
Parent: #34
هى ؟؟؟؟هو الاصبع ده برررضو بعرفوهو فى ايران؟؟؟ والله اخوات نسيبة ماقاعدات فى الواطة..
فوق لحين عودة دنووش
|
Post: #37
Title: Re: فى سابقة هى الأولى من نوعها ....
Author: دينا خالد
Date: 03-17-2012, 06:13 AM
Parent: #36
انقابو البرلوم !!
وهى ذى الوقعت دى دايره ليها طيار ؟
ااى ياهو ذاتو ..
ايران كانت الداعم الاول لنظام الخرطوم
من تأهيل الكادر الى مساعدات الحرب ..
زوربا وعلى ختم ..
ياها دى الثقافة النشروها بالحكم الاسلامى ؟
|
Post: #38
Title: Re: فى سابقة هى الأولى من نوعها ....
Author: Ali Sirelkhatim
Date: 03-17-2012, 06:26 AM
Parent: #37
يا دينا حاولت اعمل مداخلة فى بوست الغنوشى داك اصصصصصصصصلو ابى يفتح معاى حلف بالتقطّعو
يكون كشحنا بى فاتحة ياربى؟؟؟
انا غايتو تانى بمسك خشمى اقصد كى بوردى على
صباجك خير
|
Post: #39
Title: Re: فى سابقة هى الأولى من نوعها ....
Author: Tragie Mustafa
Date: 03-17-2012, 09:00 AM
Parent: #38
دندون قلت ان شاء الله يقفلوها قفلت ناس باقان؟!
(هههههههههههههههههههههههههههه)
غايتو قفلت ناس باقان العملتها في الناس ديل خليها ساي(ههههههههه)!
يا امين زروبا يجازي محنك
وحاتك دي صوره مفبركه بتكون
والا البنيه دي يكون عملوها كفته!!
Quote: هى ؟؟؟؟هو الاصبع ده برررضو بعرفوهو فى ايران؟؟؟
والله اخوات نسيبة ماقاعدات فى الواطة.. |
يا كماندان.....علي تاج السر يجازي محنك(ههههههههههههههههههه)
ومنو القال لك اخوات نسيبه قاعدات في الواطه؟!
|
Post: #40
Title: Re: فى سابقة هى الأولى من نوعها ....
Author: حافظ انقابو
Date: 03-17-2012, 09:08 AM
Parent: #39
يبدوإنك لسة
متأثرة بالجامعة
أكيد كنت خلاطة
درجة أولى
جكين وخمسة سحانات
|
Post: #41
Title: Re: فى سابقة هى الأولى من نوعها ....
Author: دينا خالد
Date: 03-20-2012, 07:01 AM
Parent: #40
انقابو البرلوم امنع الفوضى ياخ ..
رج رج رووج ..
الصور دى بتشميها كيف ؟؟
ما تشوفى لينا طريقة
جمعية صداقة سودانية ايرانية
بتاعت معارضة ! لووووووب
لعل وعسى ...
|
Post: #42
Title: Re: فى سابقة هى الأولى من نوعها ....
Author: Asim Fageary
Date: 03-20-2012, 07:10 AM
Parent: #41
Quote: كرعينو اتلخبتت وهو فى طريقه للمنصه ..
لكن طبعا ما بتلحق حقت عمك ديك !! لووووب |
بعيداً عن الموضوع
لخبتت الكرعين دي كانت بتحصل لبنات زماااااااااااااااااااااااااان لمن تقول بتريد ليها زول ويفاجئها بأنه بيحبها
يعني صاحبنا دا إذا نوقشت الظروف النفسية للموضوع بيكون الموضوع دا بالنسبة ليهو مفاجأة سارة
يعني يمكن تكون مفبركة والمستجوبينو ديل عملوا معاهو بروفة قبل الإستجواب !!
كدي يا دينا حللي الموضوع دا تاني من زاوية شوف مختلفة
|
Post: #43
Title: Re: فى سابقة هى الأولى من نوعها ....
Author: دينا خالد
Date: 03-28-2012, 10:43 AM
Parent: #42
صاحبنا دى اذا كنت بتقصد بيها
احمدى نجاد
فالراجل استجووب من معارضييه
يعنى مافى طريقة لطبخها وللمسرحيات
استجواب صحى صحى
اما اذا قاصد بيها اللى بالى بالك
فانا ما بقصد اتلخبتت ( للموضوع ) ولكن بقصد
حقة خلقة الله المافيها اى كلام ...
ــــــــــــــــ
اللخبطه فى الكرعين قد تكون بسبب
رجفة الفرح وقد تكون بسبب رجفة خوف او وزره ...
|
Post: #44
Title: Re: فى سابقة هى الأولى من نوعها ....
Author: Asim Fageary
Date: 03-28-2012, 11:43 AM
Parent: #43
Quote: اللخبطه فى الكرعين قد تكون بسبب
رجفة الفرح وقد تكون بسبب رجفة خوف او وزره ... |
_______________________
اللهم إلا إذا كان الزول بيتمتع بجرأة وشجاعة أدبية
تتجاوز شجاعتك يا دينا
|
|