Post: #1
Title: ليه ياعيونى ....كيف تسافر بدونى؟
Author: ismeil abbas
Date: 03-15-2012, 04:30 PM
قبل أيام ليست بالطوال وأنا فى طريقى للمطار لأستقبال زوجتى الحبيبة وأبنى الظريف صلاح بعد فراق شهرين كأنهم دهرين مروا, وأنا وحيد أغالب العزوبية القاهرة المملة إما بزيادة عدد ساعاتى فى العمل أو بالتواصل مع ناس لطاف يخففوا علي وهج الغربة وألم الفراق .
كل ألأشياء من حولى فى حركة دؤوبة.سيارات تسير مسرعة صوب المطار وصوت ألأطارات على الطريق المسفلت يوحى إليك بعبارات ,,يارباً توصلنى,,, يارباً توصلنى ..أو يا مشوار ماتقصر.
كل سيارة تحمل شخوص مشاعرهم مختلفة, إما وداع ودموع وفراق وإما لقاء وفرح ودموع وفى الحالتين الدموع قاسم مشترك(يعنى يجب عل كل مسافر للمطار أن تكون مناديل الورق ضمن محتوياته فى السيارة)
عند نقطة معينة حسيت من كتابة اللوحات ألأرشادية بأن طريقنا فى هذه الحياة موجه كما فى ألآخرة أما للجنة وإما للنار
لوحة إرشادية إلى صالات المغادرة وضد لها صالات القدوم وتلك هى الدنيا بكل متناقضاتها فراق ولقاء وفرح وحزن وحتى ألآخرة جنة ونار, ولاتوجد منطقة وسطى مابين الجنة والنار كما قال نزار قبانى.
ما شدنى للكتابة حول هذا الموضوع وبهذا العنوان, وقبل خروجى من بوابة الرياض وجدت لوحة إعلانية كتبت عليها هذه العبارة وبما إن الدعاية لابد أن تكون حول نفس البيئة فكان لابد أن يكون ألأعلان يحمل نفس المضمون..تخيلوا أيه لقيت مرسوم تحت هذه الجملة العاطفية المعبرة وحنينة؟؟
|
Post: #2
Title: Re: ليه ياعيونى ....كيف تسافر بدونى؟
Author: ود الباوقة
Date: 03-15-2012, 04:31 PM
Parent: #1
ربنا ان شاء الله يخفف عليك
وشكرا
|
Post: #3
Title: Re: ليه ياعيونى ....كيف تسافر بدونى؟
Author: ismeil abbas
Date: 03-15-2012, 04:38 PM
Parent: #2
اللهم آمين ياودالباوقة..ويخفف علينا وعليك....وعلى كافة المسلمين.دعوة أخ لأخيه فى ظهر الغيب.
|
Post: #4
Title: Re: ليه ياعيونى ....كيف تسافر بدونى؟
Author: ود الباوقة
Date: 03-15-2012, 04:40 PM
Parent: #3
| Quote: اللهم آمين ياودالباوقة..ويخفف علينا وعليك....وعلى كافة المسلمين.دعوة أخ لأخيه فى ظهر الغيب. |
ربنا يكشف غومتك
يا سمعة
|
Post: #5
Title: Re: ليه ياعيونى ....كيف تسافر بدونى؟
Author: ismeil abbas
Date: 03-17-2012, 09:56 AM
Parent: #4
الله يفك غمة الجميع..
|
Post: #6
Title: Re: ليه ياعيونى ....كيف تسافر بدونى؟
Author: rummana
Date: 03-17-2012, 01:52 PM
Parent: #5
احتمال credit card
يفيدك في الدنيا والآخرة..بس ما في السودان
|
Post: #8
Title: Re: ليه ياعيونى ....كيف تسافر بدونى؟
Author: ismeil abbas
Date: 03-17-2012, 01:59 PM
Parent: #6
Quote: احتمال credit card
يفيدك في الدنيا والآخرة..بس ما في السودان |
ألأخت الكريمة رمانه.....لك التحية.
إحتمالك هذا هو المفروض حسب الفهم العام..لكن الدعاية لشىء غير ذلك واصلى إجتهادك وحايزيد إستغرابك لما تعرفى...تقديرى وإحترامى لمرورك من هنا.
|
Post: #7
Title: Re: ليه ياعيونى ....كيف تسافر بدونى؟
Author: عفاف أبو حريرة
Date: 03-17-2012, 01:59 PM
Parent: #5
| Quote: ما شدنى للكتابة حول هذا الموضوع وبهذا العنوان, وقبل خروجى من بوابة الرياض وجدت لوحة إعلانية كتبت عليها هذه العبارة وبما إن الدعاية لابد أن تكون حول نفس البيئة فكان لابد أن يكون ألأعلان يحمل نفس المضمون..تخيلوا أيه لقيت مرسوم تحت هذه الجملة العاطفية المعبرة وحنينة؟؟ |
لقيت ايه ياعم سمعه
الف حمد الله علي السلامه
والرياض منوره ورجعت ليها( الحياه)
ابواحمد والله حالتك صعبه خلاص الله يديم عليكم نعمة الحب والموده
|
Post: #9
Title: Re: ليه ياعيونى ....كيف تسافر بدونى؟
Author: walid taha
Date: 03-17-2012, 02:33 PM
Parent: #1
أسماعيل إزاى الحال
السفر عند السوداني له فلسفة مختلفة تماما نظل نسافر عشرات المرات وكذلك نعود ولا نعتاد على لحظات الفراق ولا الإجتماع وغالبا ما نبكي فى الحالتين ، لأن ما يحيط بهذه الحالات ظل كما هو فى وجداننا لا يتغير بكل تفاصيله ، لحظات الوداع مهيبة تبدأمن باب منزلكم بعبارات كـ (درب السلامة ، ودعناك الله ، عديلة إن شاء الله ...الخ ) عبارات بإختصار تبعث على البكاء ولا تنتهى إلا على عتبة صالة المغادرة وهى تحدث فى كل مرة ويظل الحال لا يتغير ولا نعتاد.
حمد لله على سلامة صلاح وامو يا اسماعيل
|
Post: #10
Title: Re: ليه ياعيونى ....كيف تسافر بدونى؟
Author: اساسي
Date: 03-17-2012, 02:39 PM
Parent: #9
بركة الجمعت يا سمعة
|
Post: #11
Title: Re: ليه ياعيونى ....كيف تسافر بدونى؟
Author: Khalid Saeed
Date: 03-17-2012, 04:01 PM
Parent: #10
حبيبنا سمعــــه ..
ليه ياعيوني.. تسافر بدوني ..
ههههههههههه
حمداً لله على سلامة صلاح وأم صلاح ..
|
Post: #12
Title: Re: ليه ياعيونى ....كيف تسافر بدونى؟
Author: ismeil abbas
Date: 03-17-2012, 04:02 PM
Parent: #10
أختى العزيزة/أم أحمد..
لك التحية والود وكثير السلام.
| Quote: ابواحمد والله حالتك صعبه خلاص الله يديم عليكم نعمة الحب والموده |
الله يديم مودة الحب على الجميع ..تقديرى وإحترامى.
|
Post: #13
Title: Re: ليه ياعيونى ....كيف تسافر بدونى؟
Author: ismeil abbas
Date: 03-17-2012, 04:38 PM
Parent: #12
الحبيب وليد طه.....................السلام عليكم.
طولت الغيبة يا جميل....هذا هو حالنا يا أخى وليد وشعارنا دائماً((فى الحالتين أنا الضائع)))
Quote: أسماعيل إزاى الحال
|
الحال والحمدالله يغنى عن السؤال وفى نعمة وإنبساط الله يديمه يارب.
|
Post: #14
Title: Re: ليه ياعيونى ....كيف تسافر بدونى؟
Author: ismeil abbas
Date: 03-17-2012, 04:43 PM
Parent: #13
أخى أساسى ألأساسى..................سلام وتحية.
| Quote: بركة الجمعت يا سمعة |
الله يبارك فيك يا أخى...وشكراً على الطلة البهية.
وبكم خبرتك ألأسفيرية ماعرفت الدعاية دى لشنو؟؟أختنا رمانه قالت بطاقة إئيتمان..ماذا أنت قائل؟؟
|
Post: #15
Title: Re: ليه ياعيونى ....كيف تسافر بدونى؟
Author: ismeil abbas
Date: 03-17-2012, 04:46 PM
Parent: #14
خال سعيد ألأرباب........................سلام وتحية.
الله يسلمك لكن بتضحك مالك؟؟؟ أها عرفت سر العنوان؟؟؟
|
Post: #16
Title: Re: ليه ياعيونى ....كيف تسافر بدونى؟
Author: عمران حسن صالح
Date: 03-17-2012, 05:26 PM
Parent: #15
اليوم داكـ خذلتني الكامير ما كانت معاي 
شوف بكانا في شنو ؟
وبكاء غيرنا في شنو !
غايتو النخلي الناس تحاول :)
|
Post: #17
Title: Re: ليه ياعيونى ....كيف تسافر بدونى؟
Author: الامين موسى البشاري
Date: 03-17-2012, 08:12 PM
Parent: #16
حمد لله على السلامة يا حبيب
شكلك كده ما سمعت حكاية زولنا المغترب
البقت عليهو زي حكايتك دي ... والله صحي
غايتو أحكيها ليك وأمرنا لله:
..
..
ببساطة زولنا ده سفر اولاده السودان
قضوا اجازتهم في امان الله وسط الاهل
وهو هنا يغلي يكابد مشقة الغربه وفراق اهله
المهم زولنا وصل المطار بدري لاستقبالهم بعد انتهاء الاجازة
ووقف قدام بوابة الوصول في مطار الملك خالد الدولي
ينتظر بلهفة وشوق وصول زوجته واولاده
واحد من اولاد صاحبنا ده بعد وصولهم للصالة
لم ينتظر حتى تتسلم امه العقش حقهم فركض لكي يرى والده
وبمجرد خروج الولد ركض نحو والده فاحتضنه الوالد
وبدون أن يحس اصبح يسأل في الولد:
يا ولد امك جات ؟
امك جات ولا لا؟
يا ولد امك جات ؟
ما جات كيفن يعني؟ اها الولد جا براهو يعني؟
المهم اليوم داك متنا من الضحك يا عمكـ
فدحين اركز ياخ وما تبقى عليك حكاية الزول ده
ألف حمد لله على السلامة
|
Post: #18
Title: Re: ليه ياعيونى ....كيف تسافر بدونى؟
Author: ismeil abbas
Date: 03-18-2012, 06:38 AM
Parent: #17
يا عمران يا غالى...بالله كمرتك دى ماتفكها من يدك....خلى أم محمد فى يد وهى فى اليد الثانية....وللا تسلمها لمحمد...ضيعت علينا لقطة رائعة وكنت حسمت البوست بطريقة رائعة..مازال بعض المتداخلين يهز بره الحلبة..
والتحية والتقدير لجميع المتداخلين.......ومنتظرين ألأفادة؟
تقديرى وإحترامى.
|
Post: #19
Title: Re: ليه ياعيونى ....كيف تسافر بدونى؟
Author: mohmed khalail
Date: 03-18-2012, 07:28 AM
Parent: #18
يا سمعه ياخ حمد الله على السلامة ..والموضوع شكلو رهيييييييييب..
انا يا صديقي مثلك تماما الاولاد في السودان وحألاقيهم بعد عشرة يوم بالضبط..
بعد سفرهم بكم يوم اتصل علي عضو المنبر الدكتور يس (ياسيكو) مشكور بطمن على الاحوال..
ففي سياق الحديث قلت ليه ياخ الموضوع هين اصلو كلو شهر ويتلم الشمل..فرد على ساخرا ..
( يا زول عزابي دهر ولا عزابي شهر)..
بيني وبيني في سري كده قلت (والله انها عين الحقيقة)
اها نرجع لقصة عيوني ..كيف تسافر بدونى؟
|
Post: #20
Title: Re: ليه ياعيونى ....كيف تسافر بدونى؟
Author: سيف بخيت موسي
Date: 03-18-2012, 07:43 AM
Parent: #19
الحبيب سماعين
صباح الخير وحمد على السلامة
وربنا يجمعكم دائماً على الخير
انت عارف العنوان بتاعك كل يومين تقريباً في وجهي
وكان الخلاف دائما مع المرافقين لي حول من كتب الاعلان " مصري " ولا لبناني "
----------------------------
غايتو رز ابو كاس رهيب
|
Post: #21
Title: Re: ليه ياعيونى ....كيف تسافر بدونى؟
Author: عمران حسن صالح
Date: 03-18-2012, 08:05 AM
Parent: #20
| Quote: غايتو رز ابو كاس رهيب |
ياااااااااااا سعادة المستشار
نعمل مُظاهرات ولا شنو يعني ؟
نزِل لينا جدول السنة هنا عشان نكون على بينَة
|
Post: #22
Title: Re: ليه ياعيونى ....كيف تسافر بدونى؟
Author: محمد عبد الماجد الصايم
Date: 03-18-2012, 08:21 AM
Parent: #21
هههههههههههههههههههههه
غايتو يا سمعة بالغت عديل!!
_
كويس الما قابلكـ إعلان الخيمة قبل ما يشيلوهو!!
|
Post: #23
Title: Re: ليه ياعيونى ....كيف تسافر بدونى؟
Author: محمد عبد الماجد الصايم
Date: 03-18-2012, 08:22 AM
Parent: #22
حمد لله على السلامة ياخ!!
|
Post: #24
Title: Re: ليه ياعيونى ....كيف تسافر بدونى؟
Author: سيف بخيت موسي
Date: 03-18-2012, 08:27 AM
Parent: #21
Quote:
ياااااااااااا سعادة المستشار
نعمل مُظاهرات ولا شنو يعني ؟
نزِل لينا جدول السنة هنا عشان نكون على بينَة
|
عمران يا أبو محمد
صباح الخير يعلم الله مشتاقين
قال جدول سنة ، والله جدول أسبوع ما في طريقة ليهو
بس داعوتكم لينا بالسلامة وصلاح حالنا وحال سودانا عشان نرك في الدائمة دي
تحياتي عمران وسلامي للجميع
|
Post: #25
Title: Re: ليه ياعيونى ....كيف تسافر بدونى؟
Author: عمران حسن صالح
Date: 03-18-2012, 08:36 AM
Parent: #24
الحكاية طويلة يا سمعة :)
واحد وانت مسافر !!!!!!
والتاني وانت راجع
|
Post: #26
Title: Re: ليه ياعيونى ....كيف تسافر بدونى؟
Author: عمران حسن صالح
Date: 03-18-2012, 08:38 AM
Parent: #25
أهل الدار برضو زعلانين يا سمعة
هنـــا
|
Post: #27
Title: Re: ليه ياعيونى ....كيف تسافر بدونى؟
Author: عمران حسن صالح
Date: 03-18-2012, 08:43 AM
Parent: #26
يعني نحن كسرتنا دييييكـ نقول فيها شعر نبطي عاااااااادي :)
شكلو ده كمان مسكتو ليكـ الغيرة وقال يلحق سوق الحب المبذول لقبيلة الرز
|
Post: #28
Title: Re: ليه ياعيونى ....كيف تسافر بدونى؟
Author: ismeil abbas
Date: 03-18-2012, 08:50 AM
Parent: #24
أخى ألأمين.............سلام وتحية.
Quote: حمد لله على السلامة يا حبيب
شكلك كده ما سمعت حكاية زولنا المغترب
البقت عليهو زي حكايتك دي ... والله صحي
غايتو أحكيها ليك وأمرنا لله:
|
يازول حمالتك على زى دى بنكون طبخناها نحن..
بتعرف المشاعر البتقول ...مشتاق ليك وإنت معاى..اها ده حالنا نحن نحمدالله..فترات الغياب مابتطول أكثر من ثلاثة شهور وزى الحكاية دى بتقع للناس البغيبوا دهور اللهم أجمع شمل الجميع.
المهم سيف بخيت من كثرة السفر يقى يحفظ لوحات ألأعلانات.
شكراً على المرور.
|
Post: #29
Title: Re: ليه ياعيونى ....كيف تسافر بدونى؟
Author: ismeil abbas
Date: 03-18-2012, 09:14 AM
Parent: #24
أخى الجميل محمد خليل...................سلام
Quote: انا يا صديقي مثلك تماما الاولاد في السودان وحألاقيهم بعد عشرة يوم بالضبط..
|
يا أخى ربنا يجمع شملكم على خير...والله ألأولاد نعمة وأمهم أكبر نعمة..بجعلوا للبيت روح وجمال وحب...
يالله عايزينك تمسك البوست ده بما إن ظروفنا متشابه......تقديرى وإحترامى.
|
Post: #30
Title: Re: ليه ياعيونى ....كيف تسافر بدونى؟
Author: أيمن دياب
Date: 03-18-2012, 10:11 AM
Parent: #29
سلام اسماعيل وحمداً لله على السلامة..
عارف.. جاني مشوار المطار قبل شوية مشيت استقبل واحد من الأخوان جاي من المدينة المنورة..
وقلت ياود لازم تشيل معاك الكاميرا عشان تجيب الحكاية (بالصورة والقلم) كما يقال..
وجازفت وخاطرت بالجد.. لأنو اللوحة دي بعد نقطة التفيش بمائة متر فقط..
ورجال الشرطة والأمن قريبين جداً من مكان اللوحة..
وطبعا حكاية الكاميرا والتصوير قريب من المناطق دي بتكون مجازفة..
(المهم) وقفت على الجنب ونزلت من العربية سريع وفتحت الكبوت.. كما لو كانت العربية متعطلة
وأخدت اللقطة بسرعة.. ورجعت في العربية واتحركت على طول..
اها تاني عندك كلام معانا.. (الصورة دي عمرها ساعة واحدة بس)!!
|
Post: #31
Title: Re: ليه ياعيونى ....كيف تسافر بدونى؟
Author: ابو جهينة
Date: 03-18-2012, 11:28 AM
Parent: #30
سمعة
سلام وأفتقدنا تباريك الجمعة المعتادة.
طبعا ياعم : من لقى (صلاح ) نسى أحبابو
حمد لله على سلامة الجماعة.
أما بعد :
صراحة أدب الإعلانات صار في أيدي غير خبيرة.
لا أدري كيف يسافر المسافر وهو يحتضن شوال رز؟ أو متخما بوجبة كبسة؟ أو يتذكر هذا العتاب الأبو كاسي عندما يصل محطته بعد عناء السفر.
أنا قادم الآن من المطار بعد سفر المدام في وسط هذا الغبار والبرد المفاجيء، وتسمرت عيناي على نفس اللافتة ، فتذكرت دعاية حرم النور : يا هو يا بيت أبوي.
تخيل سماجة الجملة.
تخيل يا سمعة في إحدى القنوات شاهدت إعلانا عن شوكلاتة إسماها : مالتيزرز. الدعاية لا يتعدى زمنها دقيقة ونص، وليس فيها أي كلام، عبارة عن فتاتين ومروحة وحبة شوكولاتة ولك أن تتخيل مضمون وطريقة الدعاية. ولكن لو ما بتحب الشوكولاتة تروح تشتريها.
دمتم
|
Post: #32
Title: Re: ليه ياعيونى ....كيف تسافر بدونى؟
Author: محمد عبد الماجد الصايم
Date: 03-18-2012, 11:55 AM
Parent: #31
بمناسبة عيوني دي!
ياخ ناس (زين) ديل جنّو ولّ شنو؟
إعلانات بالهبل .. وكل واحد أهبل من التاني!ّ!
قال إيه .. أنا بتشقلب!!
|
Post: #33
Title: Re: ليه ياعيونى ....كيف تسافر بدونى؟
Author: وضاحة
Date: 03-18-2012, 11:57 AM
Parent: #30
بالغت لكن والله يعنى السالفة دعياة رز
|
Post: #34
Title: Re: ليه ياعيونى ....كيف تسافر بدونى؟
Author: ismeil abbas
Date: 03-18-2012, 01:42 PM
Parent: #33
الحبيب سيف بخيت والله ليك وحشة.
Quote: وكان الخلاف دائما مع المرافقين لي حول من كتب الاعلان " مصري " ولا لبناني "
|
بس شكلو بأيعاز من اهل المنطقة الشغلانية فيها بيئة وسفر وطعام خلطة ولا سلطة...تقديرى وإحترامى.
|
Post: #35
Title: Re: ليه ياعيونى ....كيف تسافر بدونى؟
Author: ismeil abbas
Date: 03-18-2012, 01:52 PM
Parent: #34
Quote: هههههههههههههههههههههه
غايتو يا سمعة بالغت عديل!!
|
إنت يا ودالصايم يا أخوى زمنك ده كلو بتبالغ فى زول سألك.........تقديرى ومودتى التى تعرفها.
|
Post: #36
Title: Re: ليه ياعيونى ....كيف تسافر بدونى؟
Author: ismeil abbas
Date: 03-18-2012, 02:00 PM
Parent: #34
أيمن دياب ياعزيز....لك التحية..
والله ما شاء الله شغلك نضيف وجبتها ضقله يكركب .عمران إعتذر بعدم وجود الكاميرا وسيف جاب المعلومة فقط..بس ربنا يحفظك يا أخى وليك نصف هذا البوست لأنجازك الرائع..
أيمن مشيت المطار لناس المدينة أم مشيت مخصوص لهذه اللقطة الرائعة؟؟؟
تقديرى وإحترامى.
|
Post: #37
Title: Re: ليه ياعيونى ....كيف تسافر بدونى؟
Author: ismeil abbas
Date: 03-18-2012, 02:04 PM
Parent: #34
الريس أبوجهينة.................لك التحية.
Quote: سلام وأفتقدنا تباريك الجمعة المعتادة.
طبعا ياعم : من لقى (صلاح ) نسى أحبابو
حمد لله على سلامة الجماعة.
|
حقيقة لم أنساك وحتى رسالة الجمعة أرسلت فى ميعادها وأنتم فى القلب من غير رسائل...ونسأل الله ان يتقبل مننا ومنكم صالح ألأعمال.
الله يسلمك يا عزيز يا غالى.
|
Post: #38
Title: Re: ليه ياعيونى ....كيف تسافر بدونى؟
Author: ismeil abbas
Date: 03-18-2012, 02:07 PM
Parent: #37
تخيلى ياوضاحة السالفة دعاية رز أبوكأس.....ليك الف تحية وشكراً على مرورك,تقديرى وإحترامى,
|
Post: #39
Title: Re: ليه ياعيونى ....كيف تسافر بدونى؟
Author: سيف بخيت موسي
Date: 03-18-2012, 02:16 PM
Parent: #38
| Quote: وحتى رسالة الجمعة أرسلت فى ميعادها |
غايتو رسالة الجمعة 16/3/2012م يعمينا ويطرشنا فيها
| Quote: وأنتم فى القلب من غير رسائل |
والله دي ما فيها اي شك ولا طق، ونبصم عليها بالعشرين
تحياتي لسماعين وسلامي للجميع
-----------------------------
عوضنا الجمعة الجاية رسالتين
|
Post: #40
Title: Re: ليه ياعيونى ....كيف تسافر بدونى؟
Author: أيمن دياب
Date: 03-18-2012, 02:38 PM
Parent: #39
| Quote: إنت يا ودالصايم يا أخوى زمنك ده كلو بتبالغ فى زول سألك؟ |
|
Post: #41
Title: Re: ليه ياعيونى ....كيف تسافر بدونى؟
Author: أيمن دياب
Date: 03-18-2012, 02:48 PM
Parent: #40
| Quote: أيمن مشيت المطار لناس المدينة أم مشيت مخصوص لهذه اللقطة الرائعة؟؟؟ |
الريس اسماعيل:
من أمبارح لما حددت أمشي المطار كان في بالي موضوع اللقطة دي..
مهما حكيت للناس وقلت ليهم الكلام ده دعاية لي رز أبوكاس مافي زول بصدق وبستوعب..
|
Post: #42
Title: Re: ليه ياعيونى ....كيف تسافر بدونى؟
Author: ismeil abbas
Date: 03-18-2012, 03:10 PM
Parent: #41
| Quote: مهما حكيت للناس وقلت ليهم الكلام ده دعاية لي رز أبوكاس مافي زول بصدق وبستوعب.. |
الحبيب أيمن.....الناس ديل لوعندهم شوية من ثقافتنا الغنائية كان كتبوا.......
يا الحبايب كيف تسافروا تسيبونا
ذكرها لى ألأخ/سامى أبوالقاسم عوض الكريم..صديقى وزميلى فى العمل بعد ماحكيت ليهو قصة البوست وقال أن والده عليه الرحمة كان يحب هذه ألأغنية.
|
Post: #44
Title: Re: ليه ياعيونى ....كيف تسافر بدونى؟
Author: نجاة محمد بابكر
Date: 03-18-2012, 03:40 PM
Parent: #41
لو ماايمن جابها كنت حااقول ليك دى دعاية شامبيون
تحياتى
|
Post: #43
Title: Re: ليه ياعيونى ....كيف تسافر بدونى؟
Author: وضاحة
Date: 03-18-2012, 03:16 PM
Parent: #38
يا سمعة
احسن الدعاية دى ولا الدعاية السودانية بتاعت حرم النور بتاعت يا رز الوابل يا بيت ابوى
|
Post: #45
Title: Re: ليه ياعيونى ....كيف تسافر بدونى؟
Author: ismeil abbas
Date: 03-18-2012, 03:51 PM
Parent: #43
ألأخت/نجاة................لك التحية وشكراً على مرورك..
Quote: لو ماايمن جابها كنت حااقول ليك دى دعاية شامبيون
|
بركة أيمن الجابه...مشكور كان بعد شامبيون دى مامعروف واحد تانى يجيب لينا شنو!!! لك التحية والتقدير.
|
Post: #46
Title: Re: ليه ياعيونى ....كيف تسافر بدونى؟
Author: ismeil abbas
Date: 03-18-2012, 04:02 PM
Parent: #43
وضاحة الواضحة............لك التحية.
بتاعة حرم النور مفصلية يارز الوابل يابيت أبوها...نحن شغلنا كلو قلع ما خلت أى خيارات أخرى..هذا بيؤكد رؤيتى حول دور البيئة فى صنع الدعاية.
لكن شوفى العاطفة المتدفقة ليه ياعيونى كيف تسافر بدونى..عتاب مقرون بحياء ورجاء.
بالنسبة لنا ليس هناك فرق بين رز أبوكأس ولا رز الوابل.. لأن الرز ليس من ضمن ثقافتنا الغذائية.
لك التقدير ياوضاحة..
|
Post: #47
Title: Re: ليه ياعيونى ....كيف تسافر بدونى؟
Author: ود الباوقة
Date: 03-18-2012, 04:12 PM
Parent: #46
اندياح متاخر
نسال الله ان يتقبله
|
Post: #48
Title: Re: ليه ياعيونى ....كيف تسافر بدونى؟
Author: ismeil abbas
Date: 03-18-2012, 04:25 PM
Parent: #47
Quote: اندياح متاخر
نسال الله ان يتقبله |
نسأل الله أن يتقبل إنديحانا أوله وأخره.
|
Post: #49
Title: Re: ليه ياعيونى ....كيف تسافر بدونى؟
Author: وضاحة
Date: 03-18-2012, 04:38 PM
Parent: #46
Quote: وضاحة الواضحة............لك التحية.
بتاعة حرم النور مفصلية يارز الوابل يابيت أبوها...نحن شغلنا كلو قلع ما خلت أى خيارات أخرى..هذا بيؤكد رؤيتى حول دور البيئة فى صنع الدعاية.
لكن شوفى العاطفة المتدفقة ليه ياعيونى كيف تسافر بدونى..عتاب مقرون بحياء ورجاء.
بالنسبة لنا ليس هناك فرق بين رز أبوكأس ولا رز الوابل.. لأن الرز ليس من ضمن ثقافتنا الغذائية.
لك التقدير ياوضاحة.. |
صاااااااااااااح سمعة السودانيين ما رومانسيين وما بعرفوا يقولوا كلام حنين خاصة الرجال
ماعندكم ثقافة ارز كيف اماااااال كرش بقً بقً دى من شنو
جنوا كبسة وبريانى
|
Post: #50
Title: Re: ليه ياعيونى ....كيف تسافر بدونى؟
Author: عمران حسن صالح
Date: 03-18-2012, 08:26 PM
Parent: #49
| Quote: لكن شوفى العاطفة المتدفقة ليه ياعيونى كيف تسافر بدونى..عتاب مقرون بحياء ورجاء. |
أين أنت يا صلاح شتات يا وغد 
|
Post: #51
Title: Re: ليه ياعيونى ....كيف تسافر بدونى؟
Author: حمد عبد الغفار عمر
Date: 03-18-2012, 08:37 PM
Parent: #50
يا اسماعيل
سلام
المهم تاني ما تكررها
كدا أنت جبت لينا راسنا
الجماعة ليهم كم يوم كدا ناقين في المشي
|
Post: #52
Title: Re: ليه ياعيونى ....كيف تسافر بدونى؟
Author: ود الباوقة
Date: 03-19-2012, 04:19 AM
Parent: #51
Quote: ماعندكم ثقافة ارز كيف اماااااال كرش بقً بقً دى من شنو
جنوا كبسة وبريانى |
نسال الله حسن الخاتمة ...
|
Post: #53
Title: Re: ليه ياعيونى ....كيف تسافر بدونى؟
Author: ismeil abbas
Date: 03-19-2012, 07:15 AM
Parent: #52
Quote: صاااااااااااااح سمعة السودانيين ما رومانسيين وما بعرفوا يقولوا كلام حنين خاصة الرجال
ماعندكم ثقافة ارز كيف اماااااال كرش بقً بقً دى من شنو
جنوا كبسة وبريانى |
ليس كلهم ياوضاحة..بصراحة زعلتينى كده..معظم أصدقائى أعرفهم الكلمة الحلوة على لسانهم وحنيتهم متدفقة
أما عن بق ب ورزه إن شاء الله يحرقه.............مودتى وتقديرى.
|
Post: #55
Title: Re: ليه ياعيونى ....كيف تسافر بدونى؟
Author: ismeil abbas
Date: 03-19-2012, 08:31 AM
Parent: #53
Quote: المهم تاني ما تكررها
كدا أنت جبت لينا راسنا
الجماعة ليهم كم يوم كدا ناقين في المشي |
السلام عليكم أخى حمد....
بالمناسبة من ألأفضل أن تكرر مثل هذه الحالات لأنها بتجدد ألأشواق....ما سمعت الشعراء كبف بقولوا عن البعاد وألأشواق..وفى بعدك ياغالى أضنانى ألألم...وأنا وألأشواق فى بعدك بقينا أقرب من قرايب.
تحياتى وتقديرى.
|
Post: #54
Title: Re: ليه ياعيونى ....كيف تسافر بدونى؟
Author: احمد العمار
Date: 03-19-2012, 07:34 AM
Parent: #1
حمد لله على السلامة يا سمعة
تعرف اللوحة دى شفتها لكن لقيت مافى اى علاقة
بين السفر و (الرز) فقلت فى نفسى يمكن اكون
((( ما فهمت القصد )))
و قول ليهو خلاص يا عيونى ما حاسافر بدونك
|
Post: #56
Title: Re: ليه ياعيونى ....كيف تسافر بدونى؟
Author: ismeil abbas
Date: 03-19-2012, 09:10 AM
Parent: #54
أخى أحمد العمار.....................الله يسلمك يا أخى.
| Quote: و قول ليهو خلاص يا عيونى ما حاسافر بدونك |
يالله عليك بكم شوال رز أبوكأس زيادة فى الوزن..وزن السفر ووزن الجسم..الله يكون فى العون.
إحترامى...
|
Post: #57
Title: Re: ليه ياعيونى ....كيف تسافر بدونى؟
Author: البشير دفع الله
Date: 03-19-2012, 09:13 AM
Parent: #54
Quote: والرياض منوره ورجعت ليها( الحياه)
|
حمد لله على السلامه يا ابو شذى
تحياتي لك وللأسرة الكريمة
|
Post: #58
Title: Re: ليه ياعيونى ....كيف تسافر بدونى؟
Author: ismeil abbas
Date: 03-19-2012, 10:19 AM
Parent: #57
البشير..................ود أختى الراقى.
الليلة جيتنا زاير ياود القبايل يا فرحتنا بيك........
Quote:
Quote: والرياض منوره ورجعت ليها( الحياه)
حمد لله على السلامه يا ابو شذى
الله يسلمك يا لماح زى أختنا عفاف أبوحريرة...
تحياتي لك وللأسرة الكريمة |
تقديرى ومودتى.
|
Post: #59
Title: Re: ليه ياعيونى ....كيف تسافر بدونى؟
Author: معتصم دفع الله
Date: 03-19-2012, 12:19 PM
Parent: #58
وزي ما قال مدني النخلي ..
علمي عيوني السفر ..
ما البسافر في عيونك ..
سكتو تبقى السلامة ..
بنسى أحزانو ..
وبعرف الدنيا جنبك إبتسامة ..
غايتو يا سمعة لو الواحد يقول ليكم نسى الكتابة هنا ما بتصدقوه
وإحتمال كبير لما يجي يسافر عبر الحروف ..
يجيكم شايل ليهو معاهو شوال رز
أها للوكت داك أستمتعوا مع الصوت الشجي الراحل مصطفى سيد أحمد ..
ومره ثانية وثالثة 1000 حمدالله على سلامة الأولاد ..
يديك العافية يا صاحب ..
التعديل لتصحيح لنك الأغنية ..
أضغط عليها لتعمل ..
|
Post: #60
Title: Re: ليه ياعيونى ....كيف تسافر بدونى؟
Author: عبد اللطيف بكري أحمد
Date: 03-19-2012, 12:52 PM
Parent: #59
| Quote: أين أنت يا صلاح شتات يا وغد |
ياعمران بالمناسبة شتات دي : غايتو كان ملحقتو
فكيتوه من معتصم وميسي والله الزول دا ح يروح فيها!!
==
سمعة ياحبيب : والله لكن الجرسة عندك!!! بالله دا شهر واحد يامفتري الس######ة دي كلها؟؟
/
/
/
/
/
/
/
/
/
/
قول شهرين يعني شنو؟؟
|
Post: #61
Title: Re: ليه ياعيونى ....كيف تسافر بدونى؟
Author: الصادق خليفة
Date: 03-19-2012, 01:51 PM
Parent: #60
وانا أقول الحبيب اسماعيل دا مباري العذابة شتات و معتصم اتاريها وزارة الداخلية في السودان الان فقط عرفت .
حنين يا سمعة حنين و ما اجملها حنية عندما تكون احتفاء بشركاء الحياة
حمد الله على سلامة عودة الاسرة و ادام الله الود و المحبة بينكم
|
Post: #62
Title: Re: ليه ياعيونى ....كيف تسافر بدونى؟
Author: ismeil abbas
Date: 03-19-2012, 02:32 PM
Parent: #61
العزيز/معتصم دفع الله(أبوعمر)
بعجبنى إندياحك لما تسافر فى بحر الكلمة لتصطاد من جمالها.
Quote:
وزي ما قال مدني النخلي ..
علمي عيوني السفر ..
ما البسافر في عيونك ..
سكتو تبقى السلامة ..
بنسى أحزانو ..
وبعرف الدنيا جنبك إبتسامة ..
|
سفر العيون فيهو كلام كثير..لا مسافة ولا أوراق ثبوتيه وبعد داك تتمو خيال.
لك التحية وأن تشتت رزك هنا والرز رز أبو كأس يا بلاش.
مودتى يا غالى..
|
Post: #63
Title: Re: ليه ياعيونى ....كيف تسافر بدونى؟
Author: ismeil abbas
Date: 03-19-2012, 02:40 PM
Parent: #62
الوجيه /عبداللطيف .................ليك من المودة أكوام.
Quote: سمعة ياحبيب : والله لكن الجرسة عندك!!! بالله دا شهر واحد يامفتري الس######ة دي كلها؟؟
|
ما إنت بتنطط لى كل مرة للجماعة كايس القرب..اللهم أجمع شملنا جميعاً..
والله الفراق صعب شديد من زول حنين شديد ...قديرى وإحترامى.
|
Post: #64
Title: Re: ليه ياعيونى ....كيف تسافر بدونى؟
Author: ismeil abbas
Date: 03-19-2012, 02:51 PM
Parent: #62
ألغالى/الصادق خليفة.
سلام وتحية..
سعدت بلقاك تلك المرة فى إحتفال أهل الدويم بالشاعر الجميل ألأستاذ /التجانى حاج موسى وكانت إحتفالية جميلة وفيها الطابع ألأسرى الحميم
Quote: العذابة شتات و معتصم اتاريها وزارة الداخلية في السودان الان فقط عرفت .
|
العزوبية شر وشر كبير إذا لم تجد أحباب يخففوا عليك مثل هولاء فقد تكون عرضة للأنحراف(اللهم ثبتنا)
وزيرة داخليتنا تقدر الظروف وتترك مساحة للتواصل ألأجتماعى خارج النطاق ألأسرى
يعنى ليس هناك حجر كامل وهناك مساحة للحريات لها أقدر ذلك..
تقديرى وإحترامى لطلتك الجميلة.
|
Post: #65
Title: Re: ليه ياعيونى ....كيف تسافر بدونى؟
Author: محمد المرتضى حامد
Date: 03-19-2012, 03:13 PM
Parent: #64
والله يا أبو السبع الحمد لله طلعت رز
عقلي مشا بعييييد
يودي ويجيب
الحمد لله
عدسات لاصقة.
الله يجازي أيمن..
|
Post: #66
Title: Re: ليه ياعيونى ....كيف تسافر بدونى؟
Author: عبد اللطيف بكري أحمد
Date: 03-19-2012, 03:32 PM
Parent: #64
هسة منبر بكري دا مالو معانا؟؟
(س######ة) = س########ة= جرسة!!
=
|
Post: #67
Title: Re: ليه ياعيونى ....كيف تسافر بدونى؟
Author: ismeil abbas
Date: 03-19-2012, 04:04 PM
Parent: #66
يا سلام لما يكون محمد المرتضى حامد متداخل تحس بحواسك إتحركت كلها من الداخل.
شكراً على الطلة...والله أنا ما إ تخيلت الشغلانية دى مع الرز أبداً والجماعة رقدوا رز..
وأيمن الله يديه العافية ما قصر جاب الرز من يديه.........تقديرى وإحترامى.
|
Post: #68
Title: Re: ليه ياعيونى ....كيف تسافر بدونى؟
Author: ismeil abbas
Date: 03-19-2012, 04:11 PM
Parent: #67
Quote: هسة منبر بكري دا مالو معانا؟؟
(س######ة) = س########ة= جرسة!!
= |
بكرى قصدوا نتواصل ما نعرف كتبت شنو وتتصل بى تورينى الحاصل شنو؟؟
الله يكون فى العون أخى عبداللطيف.
|
Post: #69
Title: Re: ليه ياعيونى ....كيف تسافر بدونى؟
Author: صديق الموج
Date: 03-19-2012, 04:13 PM
Parent: #66
ابو السباع .....سلام
انا فى بالى اعمل لى زريبة حطب فى شارع المطار فى السودان
واعملى دعاية اكتب عليها :
يا الطلح يا بيت ابوك...
فياغرا السودانيين..
انعل ابو تونة الوابل زاتووووووووووو
لووووووووووول
غايتو عليكم جنس جرسة..
عاش الصنديد شتاااااااااااااااااااااااااااااااااااااااااات..
يسقط اسماعيل عباس ومحمد الشيخ وخالد الارباب وخالد المحرب وود شاقوق (همسيلف)،،،
|
Post: #70
Title: Re: ليه ياعيونى ....كيف تسافر بدونى؟
Author: ismeil abbas
Date: 03-24-2012, 06:56 AM
Parent: #69
أخى االكريم/صديق الموج.
السلام عليكم.
حبستنى ألأحزان أن ارد عليك ولما رأيت المنبر مسوداً لم تطاوعنى نفس لرفع هذ البوست.
أحسن الله عزاءك وعزاءنا جميعاً فى وفاة حميد ونقد.ونسأل الله أن يتقبلهم جميعاً قبولاً حسناً.
Quote: انا فى بالى اعمل لى زريبة حطب فى شارع المطار فى السودان
واعملى دعاية اكتب عليها :
يا الطلح يا بيت ابوك...
|
ولو قامت حريقه تجد معظم الرحلات ستلغى بسبب غياب معظم النساء للتبخر .
أما صلاح شتات فأمره غير.......
لك التحية والتقدير أبوحيدر.
|
Post: #71
Title: Re: ليه ياعيونى ....كيف تسافر بدونى؟
Author: ismeil abbas
Date: 03-28-2012, 06:35 AM
Parent: #70
طلة قبل ألأرشفة.
|
|