Post: #1
Title: يلا ستفوا شنطكم و تعالوا ..
Author: عصام دهب
Date: 03-14-2012, 10:12 PM
الناس القاعدة على الهبشة ..
و منتظرين الأمريكان ..
|
Post: #2
Title: Re: يلا ستفوا شنطكم و تعالوا ..
Author: محمد المسلمي
Date: 03-14-2012, 10:16 PM
Parent: #1
Quote: الناس القاعدة على الهبشة ..
و منتظرين الأمريكان ..
|
يااستاذ اجوا وين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ
|
Post: #3
Title: Re: يلا ستفوا شنطكم و تعالوا ..
Author: حافظ انقابو
Date: 03-14-2012, 10:22 PM
Parent: #2
Quote: Quote: ÇáäÇÓ ÇáÞÇÚÏÉ Úáì ÇáåÈÔÉ ..
æ ãäÊÙÑíä ÇáÃãÑíßÇä ..
|
íÇÇÓÊÇÐ ÇÌæÇ æíä¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿Ù |
أمريكا طبعا
الشعب السوداني كلو قدم لوتري
|
Post: #4
Title: Re: يلا ستفوا شنطكم و تعالوا ..
Author: عصام دهب
Date: 03-14-2012, 10:22 PM
Parent: #2
سلام يا مسلمي ..
حارينهم نحنا و دارينهم ..
عارفينم نحنا و خابرينم ..
|
Post: #5
Title: Re: يلا ستفوا شنطكم و تعالوا ..
Author: عصام دهب
Date: 03-14-2012, 10:22 PM
Parent: #2
و كم من أحمد الجلبي بيننا ..
|
Post: #6
Title: Re: يلا ستفوا شنطكم و تعالوا ..
Author: عصام دهب
Date: 03-14-2012, 10:23 PM
Parent: #2
و كم من لسان حاله يلهج
الله يجيب الأمريكان..
الله يجيب الأمريكان..
أمريكان في هيبان ..
أمريكان في شيكان ..
ديل واهمين الدنيا وهم ..
ديل دافنين جوانا عشم ..
|
Post: #7
Title: Re: يلا ستفوا شنطكم و تعالوا ..
Author: عصام دهب
Date: 03-14-2012, 10:49 PM
Parent: #6
يا خرطوم تزعلي ليه ؟؟
جوكي جماعة السي آي إيه ..
هللي قولي ..
فيفا .. يو . أس . أيه
|
Post: #8
Title: Re: يلا ستفوا شنطكم و تعالوا ..
Author: سيف النصر محي الدين
Date: 03-14-2012, 10:57 PM
Parent: #7
يا مولانا
شنو يعني نكتب ليهم حضرنا و لم نجدكم؟ 
اذا في مجازر ضد المدنيين في الجبال فيجب على كل من يقدر على حمايتهم أن يتدخل.
و ده بالمناسبة توجه شعبي ، الناس طلبوا مثل هذا التدخل في ليبيا و الآن يطلبونه في سوريا.
اشمعني يعني النوبة لا؟
|
Post: #9
Title: Re: يلا ستفوا شنطكم و تعالوا ..
Author: عصام دهب
Date: 03-14-2012, 10:58 PM
Parent: #7
عما قريب ..
اليانكي الحبيب ..
يدينا النصيب ..
يا بتاع الأسايلم ..
تعود ..
بي بارجة مارينز ..
أو ناقلة جنود ..
|
Post: #11
Title: Re: يلا ستفوا شنطكم و تعالوا ..
Author: عصام دهب
Date: 03-14-2012, 11:07 PM
Parent: #9
سلام يا دكتورنا ..
و حمداً لله على السلامة ..
| Quote: شنو يعني نكتب ليهم حضرنا و لم نجدكم؟ |
لا حاشا ..
نغني ليهم ..
لينا زمن نفتش ليك ..
Quote: اذا في مجازر ضد المدنيين في الجبال فيجب على كل من يقدر على حمايتهم أن يتدخل.
و ده بالمناسبة توجه شعبي ، الناس طلبوا مثل هذا التدخل في ليبيا و الآن يطلبونه في سوريا.
اشمعني يعني النوبة لا؟ |
القصة ما قصة مجازر يا دكتور .. و اللا كان شفناهم في حماة و أدلب .. و من قبل في صبرا و شاتيلا و غزة ..
|
Post: #12
Title: Re: يلا ستفوا شنطكم و تعالوا ..
Author: عادل نجيلة
Date: 03-14-2012, 11:12 PM
Parent: #10
الخبر غير صحيح وربما يكون بالون إختبار من مصدر له أهداف أخرى!
في أميركا وبرتوكول إعلان الحرب أو تدخل عسكري أمريكي في إية جهة في العالم يتم الأعلان له عن طريق مؤتمر صحفي من البيت الأبيض بحضور الرئيس ووزير الدفاع ومسئول الأمن القومي الأمريكي يتم فيه إبلاغ الرأي العام الأمريكي بالعملية العسكرية والهدف منها ومدتها ثم موافقة الرئيس للعملية وتكلفتها والفائدة التي ستجنيها أميركا من هذه العملية .. في عالم اليوم وعالم الشفافية لا تتم عمليات عسكرية سرية دون الإعلان عنها مسبقآ فالجندي الذي ينفذ هذه العمليات له أهل وأصدقاء وزملاء يهمهم معرفة مايحدث له في تلك العملية. يحدث هذا البرتوكول في كل المعارك والعمليات التى حدثت في أميركا منذ الحرب الكونية الثانية. قبل قليل حضرت أل breaking news لمحطة أل CNN ولم يرد أية مؤتمر صحفي رئاسي أو خبرا عن السودان.
|
Post: #16
Title: Re: يلا ستفوا شنطكم و تعالوا ..
Author: عصام دهب
Date: 03-14-2012, 11:29 PM
Parent: #12
سلام يا أستاذ عادل ..
Quote: الخبر غير صحيح وربما يكون بالون إختبار من مصدر له أهداف أخرى!
في أميركا وبرتوكول إعلان الحرب أو تدخل عسكري أمريكي في إية جهة في العالم يتم الأعلان له عن طريق مؤتمر صحفي من البيت الأبيض بحضور الرئيس ووزير الدفاع ومسئول الأمن القومي الأمريكي يتم فيه إبلاغ الرأي العام الأمريكي بالعملية العسكرية والهدف منها ومدتها ثم موافقة الرئيس للعملية وتكلفتها والفائدة التي ستجنيها أميركا من هذه العملية .. في عالم اليوم وعالم الشفافية لا تتم عمليات عسكرية سرية دون الإعلان عنها مسبقآ فالجندي الذي ينفذ هذه العمليات له أهل وأصدقاء وزملاء يهمهم معرفة مايحدث له في تلك العملية. يحدث هذا البرتوكول في كل المعارك والعمليات التى حدثت في أميركا منذ الحرب الكونية الثانية. قبل قليل حضرت أل breaking news لمحطة أل CNN ولم يرد أية مؤتمر صحفي رئاسي أو خبرا عن السودان. |
كيف خبر ما صحيح و جابتو سودانيز أون لاين وطن من لا وطن له ؟؟
و كمان علقته فوووق تعليقة من لا عليقة له ..
بالله خلينا نحن نتألم ..
و لسة راجين كتير من منبرنا نتعلم ..
|
Post: #13
Title: Re: يلا ستفوا شنطكم و تعالوا ..
Author: الرفاعي عبدالعاطي حجر
Date: 03-14-2012, 11:14 PM
Parent: #10
Quote: حارينهم نحنا و دارينهم ..
عارفينم نحنا و خابرينم .. |
حارينك نحن مدارنك الما من شعبنا ما منكـ!!!
يا زول إت عصا م (الدين)القاعد معاااااااااي في
جدة وماسكـ شيشتك عليكـ ... ما لك آ زول
كدي قول بسم الله خليهم يجوووا يمشوووا
هم احرار في كرتهم الارضية دي ... بعدين
افرض جوك جوك في السودان يلقوك وين .
بالله ما تحرض الجماعة على بلادنا ساااااااي .
* كدي خلينا نتلاقى معاك الياقي ساهل ممكن نتصل على
صديقنا ( اوباما ) وعزموا شيشة امركاني في القهوة على
فكرة الامريكان عندهم شيشة واللا هي منتج عربي خالص .
.......................................................................حجر.
|
Post: #14
Title: Re: يلا ستفوا شنطكم و تعالوا ..
Author: عصام دهب
Date: 03-14-2012, 11:17 PM
Parent: #10
يا مسلمي ..
| Quote: و ده كلام عبد الفتاح عرمان |
و ناس ( داون .. داون ) بتاعين المظاهرات ..
و الناس الصدقوا ومشوا يستفوا شنطهم كمان ..
و المعلقين جناحات ام جكاتهم في باب الشارع ..
الناس ديل كلامهم شنو ..
ـ
إلا بس كلامي أنا الما عرفتوهو ..
|
Post: #15
Title: Re: يلا ستفوا شنطكم و تعالوا ..
Author: محمد المسلمي
Date: 03-14-2012, 11:23 PM
Parent: #14
| Quote: إلا بس كلامي أنا الما عرفتوهو .. |
يااستلذ عصام عادل نجيلة اداك النجيضة
|
Post: #17
Title: Re: يلا ستفوا شنطكم و تعالوا ..
Author: عصام دهب
Date: 03-14-2012, 11:50 PM
Parent: #15
وا حلالي ..
البنتاغون..
السر بالي ..
رسل عساكرو ..
شطح خيالي ..
ديرة .. ديرة ..
يا سرجنت المارينز حبابك ..
لما سوى ( الكيبوردي ) عملة ..
و لما شاف في القعدة حملة ..
قال أكيد الدنيا سكرت ..
|
Post: #18
Title: Re: يلا ستفوا شنطكم و تعالوا ..
Author: جمال الباقر
Date: 03-14-2012, 11:59 PM
Parent: #17
كدي يا مولانا ورينا انت المصحيك لحدي اسي شنو ؟؟؟؟
تانيا اركز على قول ود الباوقة
|
Post: #21
Title: Re: يلا ستفوا شنطكم و تعالوا ..
Author: عصام دهب
Date: 03-15-2012, 00:32 AM
Parent: #18
رفاعي يا صديق ..
سلام بنكهة تفاحتين ..
Quote: يا زول إت عصا م (الدين)القاعد معاااااااااي في
جدة وماسكـ شيشتك عليكـ ... ما لك آ زول
كدي قول بسم الله خليهم يجوووا يمشوووا |
إتا يا رفاعي بي صحك ..
آ زول شيشة شنو ؟؟ و المشيشنالها شنو ؟؟
هسة كان خشوا صحي يا رفاعي ..
تاني نلقى لينا مناضلين وين ..
تاني البضحكنا منو ياخي
Quote: هم احرار في كرتهم الارضية دي ... بعدين
افرض جوك جوك في السودان يلقوك وين .
بالله ما تحرض الجماعة على بلادنا ساااااااي . |
يا رفاعي انا ما فيهم هم ..
انا في الجايين مع العفش ..*
Quote: كدي خلينا نتلاقى معاك الياقي ساهل ممكن نتصل على
صديقنا ( اوباما ) وعزموا شيشة امركاني في القهوة على
فكرة الامريكان عندهم شيشة واللا هي منتج عربي خالص . |
و الله أنا إشتهيت الملاقاة ،
لكن جنس الجهجهة دي كيف معاها ؟؟
بعدين خليها شيشة ساكت ..
وأوباما دة (هوا ) جليهو ..
الأيام دي الفيهو مكفيهو
وشكلو بيسوي في النا لله..
شغال يمسكل ساكت ..
|
Post: #28
Title: Re: يلا ستفوا شنطكم و تعالوا ..
Author: عصام دهب
Date: 03-15-2012, 10:27 AM
Parent: #18
سلام يا دكتورنا
| Quote: كدي يا مولانا ورينا انت المصحيك لحدي اسي شنو ؟؟؟؟ |
المسهرني الليلة أناسادي وردية يا دكتور ..
النايمنلها شنو و الجماعة جووو ..
| Quote: تانيا اركز على قول ود الباوقة |
هو جنس ( ركوز ) لكن يا دكتور ..
|
Post: #19
Title: Re: يلا ستفوا شنطكم و تعالوا ..
Author: Marouf Sanad
Date: 03-15-2012, 00:01 AM
Parent: #17
سلام يا عصام
الامريكان حارسينك في جدة
كان ما عاجبك شيل شنطتك واتخارج
|
Post: #20
Title: Re: يلا ستفوا شنطكم و تعالوا ..
Author: عمر صديق
Date: 03-15-2012, 00:11 AM
Parent: #19
مولانا عصام دهب
تحياتي
وارجو الا تستغرب من سلوك مناضلي المارينز والسي اي اي
فهذه شائعات امل او امنيات ثورية
|
Post: #22
Title: Re: يلا ستفوا شنطكم و تعالوا ..
Author: Mohamed Suleiman
Date: 03-15-2012, 00:45 AM
Parent: #20
الخبر صحيح ... لكن ليس لإنزال المارينز ... لكن إنزال أغذية ....
(طبعا ناس عصام دهب ... الذين سكبوا دموع .. بلا دم .... قاعدين علي الهبشة ..... كان شافوا شوال دقيق من C 130 .. يكوركوا: أفزعونا .. الامريكان جونا )
عصام ياخ إنت كراعك حارّة .... دخلت المؤتمر الوطني بدموعك و دخلت عليهم بالساحق الماحق .. البترول وقف و الدولار طالع و أبوريالة مطلوب القبض عليهو و البشير مزنوق ...
غايتو إنت العملتها في المؤتمر الوطني .... أجعص معارضة ما بتعملها ......
ء
|
Post: #23
Title: Re: يلا ستفوا شنطكم و تعالوا ..
Author: د.نجاة محمود
Date: 03-15-2012, 02:49 AM
Parent: #22
| Quote: يستفوا شنطهم كمان .. |
منو ديل البستفو شنطهم ديل؟
ذي محمد سليمان د اتجاه واحد بدون رجعة
والله يقولو ليهم نرجعكم غيرنا ليكم الحكومة الا يجنو
ولذلك هم ما عايزين الحكومة تتغير اصلا...
عايزين الحكومة تقعد ويناوشها تضربهم صور دم واشلاء منظمة جديدة او لجوء لفرد من افراد الاسرة
ما متضرر الا ناس المعسكرات الخاتينهم معروضات لسيف دارفور وسيف شنو.
خليك جاد مافي زول برجع نهائيا
|
Post: #24
Title: Re: يلا ستفوا شنطكم و تعالوا ..
Author: Mohamed Suleiman
Date: 03-15-2012, 03:05 AM
Parent: #23
دكتورة نجاة:
Quote:
منو ديل البستفو شنطهم ديل؟
ذي محمد سليمان د اتجاه واحد بدون رجعة
|
يا دكتورة ... موش إنتي وصيتي ناس الإنقاذ: إعتمدوا علي الصين و الحبة ما بتجيكم ؟؟!!!
أها الصين قالت للبشير لمّا جوها دايرين سلفيات : يوو مي يو ... تسيينغ مي يو ...
الترجمة: بترول مافي .. قروش مافي
نحن هينين ... إنتو حتمشوا وين؟؟!!
(الصين آخر ملاذ .. و إتقفلت)
ء
|
Post: #25
Title: Re: يلا ستفوا شنطكم و تعالوا ..
Author: حمزاوي
Date: 03-15-2012, 05:32 AM
Parent: #24
Quote: حارينهم نحنا و دارينهم ..
عارفينم نحنا و خابرينم .. |
دا قبل الدموع ولا بعده
|
Post: #26
Title: Re: يلا ستفوا شنطكم و تعالوا ..
Author: أحمد ابن عوف
Date: 03-15-2012, 06:20 AM
Parent: #25
استغرب انا لهذا المستشار القانوني
الذي يرى انه طالما تم قتل ابرياء في صبرا وشاتيلا والآن في سوريا ولم تتدخل امريكا قد يكون مبررا لقتل الابرياء
في جبال النوبة وعلى امريكا ان لا تتدخل ايضا؟؟ قدر ما حاولت القى ذرة "عدل" في كلامه ما لقيت
واستغرب مرة تانية باعتباره ناشط سياسي، يعني يعلم تماما ان امريكا رسلت ليهو كمؤتمر وطني صاروخ
في قلب الخرطوم والى اليوم محتفظين بحق الرد، وعارفين انو الامريكان ممكن يرسلوا صاروخ تاني وتالت
اما الاستغراب التالت فهو حجم ما يتمتع به هذا القانوني من "عقل"؟ فما دخل المعارضة وشنطهم وسفرهم
بما يدور في جنوب كردفان او رغبة الامريكان في التدخل. هو في معارضة من اصلو
اما الامر الغريب انه يدعوا المعارضة لتستيف شنطنهم لييه من الاساس؟؟ المفروض هو كمؤتمر وطني وكوز يسلم نفسه في اقرب فرصة
لاقرب مركز تجنيد وينضم الى احد الالوية العشرة التي أمر رئيسة بفتحها في كل ولايات السودان "الفضلت"
يعني الرئيس يدعوا المجاهدين في سبيل الله من امثال هذا القانوني لتستيف شنطتهم والسفر لمعسكرات التجنيد
وهو يدعو المعارضة لتستيف شنطهم والسفر لمساندة القوات الامريكية
انا غايتو لو مسئول تنظيمي في المؤتمر اللاوطني دا الا اعمل مجلس تأديب لتصريحك دا موش كده وبس
بل على النائي العام ان يفتح فيك بلاغ بتاع خيانة عظمى
يللا يا معلم، دعى داعي الجهاد ضد الامبريالية والشيوعية معا، امريكا روسيا قد دنا عذابها وكده
|
Post: #27
Title: Re: يلا ستفوا شنطكم و تعالوا ..
Author: Asim Fageary
Date: 03-15-2012, 06:41 AM
Parent: #26
عصام دهب راجع تباكو الشيشة دي بجد بالجد أنا شاكي يكون فيهو شي
والمهم إذا إستمر معاك كدا ما تنسانا من نفس نفسين بس يوم الخميس
|
Post: #33
Title: Re: يلا ستفوا شنطكم و تعالوا ..
Author: عصام دهب
Date: 03-15-2012, 11:55 AM
Parent: #26
سلام يا أحمد إبن عوف ..
Quote: استغرب انا لهذا المستشار القانوني
الذي يرى انه طالما تم قتل ابرياء في صبرا وشاتيلا والآن في سوريا ولم تتدخل امريكا قد يكون مبررا لقتل الابرياء
في جبال النوبة وعلى امريكا ان لا تتدخل ايضا؟؟ قدر ما حاولت القى ذرة "عدل" في كلامه ما لقيت
واستغرب مرة تانية باعتباره ناشط سياسي، يعني يعلم تماما ان امريكا رسلت ليهو كمؤتمر وطني صاروخ
في قلب الخرطوم والى اليوم محتفظين بحق الرد، وعارفين انو الامريكان ممكن يرسلوا صاروخ تاني وتالت
اما الاستغراب التالت فهو حجم ما يتمتع به هذا القانوني من "عقل"؟ فما دخل المعارضة وشنطهم وسفرهم
بما يدور في جنوب كردفان او رغبة الامريكان في التدخل. هو في معارضة من اصلو
اما الامر الغريب انه يدعوا المعارضة لتستيف شنطنهم لييه من الاساس؟؟ المفروض هو كمؤتمر وطني وكوز يسلم نفسه في اقرب فرصة
لاقرب مركز تجنيد وينضم الى احد الالوية العشرة التي أمر رئيسة بفتحها في كل ولايات السودان "الفضلت"
يعني الرئيس يدعوا المجاهدين في سبيل الله من امثال هذا القانوني لتستيف شنطتهم والسفر لمعسكرات التجنيد
وهو يدعو المعارضة لتستيف شنطهم والسفر لمساندة القوات الامريكية
انا غايتو لو مسئول تنظيمي في المؤتمر اللاوطني دا الا اعمل مجلس تأديب لتصريحك دا موش كده وبس
بل على النائي العام ان يفتح فيك بلاغ بتاع خيانة عظمى
يللا يا معلم، دعى داعي الجهاد ضد الامبريالية والشيوعية معا، امريكا روسيا قد دنا عذابها وكده |
و انا لا أستغرب إطلاقاً لهذا الرد المسهب الذي قطعاً تطلب منك جهداً يا أحمد ..
هون عليك فـ ( نثنغ بيرسونال ) يا خي ..
و مع ذلك ..
|
Post: #34
Title: Re: يلا ستفوا شنطكم و تعالوا ..
Author: عصام دهب
Date: 03-16-2012, 05:02 AM
Parent: #25
مسكاقنا يا حمزاوي..
| Quote: دا قبل الدموع ولا بعده |
دة قبل ما تفقد احترامي ليك ..
|
Post: #32
Title: Re: يلا ستفوا شنطكم و تعالوا ..
Author: عصام دهب
Date: 03-15-2012, 11:35 AM
Parent: #23
سلام يا دكترة ..
| Quote: منو ديل البستفو شنطهم ديل؟ |
أيام كنا ( معارضة ) في القاهرة قبل تاشر سنة كدة ..
كان عندنا زول طيبان كدة كل ما يسمع ليهو مظاهرة يجئ دار الحزب في المريلاند ..
و يقول ليك : ( يازول ها.. نحنا ستفنا شنطنا الحكاية دي قررربت ) ..
يقوم يرفع ليك روحنا المعنوية ألف .. نحنا نقول خلاص قرررررربت ..
نلقاها و لا قربت و لا حاجة ..
يوم ضربة مصنع الشفا أتصلت عليه من جدة ..
قال لي ( القصة إنتهت انا بكرة بمشي بعمل تأكيد للحجز حقي ) ..
أهة عليك أمان الله بعد شويتين سمعت بيهو مرقها في أمريكا ..
إعادة توطين و كدة ..
سنة ألفين و سبعة قابلته في القاهرة و كان جايي من السودان في طريق عودته لأمريكا ..
قلت ليهو شنو ياخي ما قربت ؟؟
قال لي : قربت القيامة ..
Quote: والله يقولو ليهم نرجعكم غيرنا ليكم الحكومة الا يجنو
ولذلك هم ما عايزين الحكومة تتغير اصلا...
عايزين الحكومة تقعد ويناوشها تضربهم صور دم واشلاء منظمة جديدة او لجوء لفرد من افراد الاسرة
ما متضرر الا ناس المعسكرات الخاتينهم معروضات لسيف دارفور وسيف شنو.
خليك جاد مافي زول برجع نهائيا |
و إنتي الصادقة يا دكتورة ، وكلامك دة بي صمتو يحول لمحمد سليمان ..
و بالمناسبة دي أنا بهدي المناضل / محمد سليمان ( اللحني ) الثوري دة
http://www.sm3na.com/audio/34abf4e581a5
بلاي ركز لي بس على الكوبلية بتاع ..
ساعتو السويسرية ..
في إيدو الشمالية ..
سببو لي أذية ..
بالهجرة و الجنسية ..
و نسى أهله ما نسانا ..
|
Post: #31
Title: Re: يلا ستفوا شنطكم و تعالوا ..
Author: عصام دهب
Date: 03-15-2012, 11:05 AM
Parent: #22
سلام يا محمد سليمان ..
و هاردلك كتير ياخي ..
و الجاتك في ( تجارتك ) سامحتك ..
رغم إنك غير معني بهذا البوست إطلاقاً ..
لأني عارف تماماً إنو الزيك دة تاني لو قلعوه بي زردية ما حيطلع و لا حيرجع ..
و عارف تماماً أن هذه الحكومة لو سقطت أو أسقطوهافإن ذلك سيضر بمصالحكم أكثر من ضرر اهل الحكومة نفسها..
دارفور شنو و معسكؤات لجوء منو الإنتا تاني حترجع ليها بعد ما لقيت الزلابية أم ضنب ..
ياخي الزيك دة تلقاهو هسة شغال ..
الله يصرف الأمريكان ..
الله يصرف الأمريكان ..
|
Post: #30
Title: Re: يلا ستفوا شنطكم و تعالوا ..
Author: عصام دهب
Date: 03-15-2012, 10:56 AM
Parent: #20
أستاذنا/ عمر صديق
سلامنا و دعواتنا ..
| Quote: وارجو الا تستغرب من سلوك مناضلي المارينز والسي اي اي |
المشكلة يا عمر ما مشكلة (سلوك) و بس ..
|
Post: #29
Title: Re: يلا ستفوا شنطكم و تعالوا ..
Author: عصام دهب
Date: 03-15-2012, 10:30 AM
Parent: #19
سلام يا معروف ..
| Quote: الامريكان حارسينك في جدة |
جدة غير يا زميل ..
| Quote: كان ما عاجبك شيل شنطتك واتخارج |
ما قصرت طال عمرك ..
|
Post: #35
Title: Re: يلا ستفوا شنطكم و تعالوا ..
Author: عصام دهب
Date: 03-16-2012, 08:51 PM
Parent: #29
سلام يا عاصم ..
Quote: عصام دهب راجع تباكو الشيشة دي بجد بالجد أنا شاكي يكون فيهو شي
والمهم إذا إستمر معاك كدا ما تنسانا من نفس نفسين بس يوم الخميس |
يا عاصم و حات خوتك ما فيها غير أبو تفاحتين ..
لكن برضو اليمنيين ديل ما مضمونين ..كلهم معارضة ..
|
|