سفيان بشير نابري - من شوفتو طولنا

يا صاحبي ان شاء الله طيب

Quote: سفيان بشير نابري - من شوفتو طولنا

كلام في محلو .......

سلام ياشقدي ياقريبي ..........

تصدقوا يا شقدي وجنابو عمر أول أمس قلبي أكلني على سفيان دا...

طبعاً الرجل جميل الحضور أكيد بيكون مؤلم الغياب أو على الأقل خلينا نقول "مزعج" الغياب..

بس وحاتكم طوااااااااااااااالي شديت ليهو سلك...

من شوقي الشديد...قعدت بعيد...شلت الهاتف...نزلت الرصيد...

دقيت الرقم...رقم الحبيب....دخل الجرس...

تيييييييييييييييييييييت....تييييييييييييييييييييييت.....تيييييييييييييييييييييييييت

- ألووووووووووووووو

- يا زول إنت كويس؟؟

- أوووووووووهــ محمود..والله بخير الحمد لله ...لكن ما عندي نت..

- ما عندك نت ما مشكلة...ما عندك عوجة؟؟

- لا والله بس مشغوليات وعدم نت...

- طيب ياخي حرام عليك...أبقى أظهر طمن الناس عليك..
...

..

تحياتي يا ناس يا سمحة..

..

قريبنا الجميل جنابو عمر
سفيان ده موجود يجننك بالنقه مفقود يجننك بالسؤال عنو
تسلم وتحياتي يا غالي



العزيز محمد المصطفى والله بالجد طمنتنا ليك الف تحيه
النت هين بمش وبجي ما دام العافيه في
مشكور كتير ياخي

Quote: سفيان بشير نابري - من شوفتو طولنا

يكون لابد من السخانه ..
وينك يا زول يا رائع ..
أنا عرفت الرجل من خلال ما يطرحه هنا من افكار ونقاشات وكلام جميل وخفيف..
ولذلك لا بد أن يلفت إليه النظر.
أتمني له كل الخير وأن يكون بخير.
وللجميع كل التقدير.

التحيات لسفيان نابري
التقيته في وقت حزين وقد ذهبت لدفن المرحوم سالم احمد سالم
شكرا يا شقدي

العزيز سفيان


تحياتي وسلامي

سائل منك والله

لمن تفتح تلفونك ادينا خبر

كتر خيرك اخي شقدي

حقيقة افتقدناه وافتقدنا كتاباته في المنبر

له ولك لتحية عزيزي شقدي

العزيز محمد قسم السيد
سفيان رجل ليس جميل خط بقدر ما هو جميل دواخل عرفناه في كل حالات الانسان فرحا وحزن وما بينهما
لكل كل التقدير


الصديق محمد ابراهيم رحم الله الاستاذ سالم
وايه الدينا ايه غير لمة ناس تواسي بعض وتأنس مع بعض وتسأل من بعض
تحياتي

المحب الصوفي العزيز ودالخليفه
تسلم ياخي وأدام الله النقاء


الماجد الانيق دكتور احمد القرشي الف تحيه ليك

بيكون مشى وراء الزول البيتاوق ليهو دا









طال غيابك طال

بيكون مشى وراء الزول البيتاوق ليهو دا









طال غيابك طال

يا سلام على الزول الرائع جدا سفيان فهو انسان بكل ما تحمله هذه الكلمة من معان ..

اتمنى ان نرى كتابتك الخفيفة الظل وبسرعة ...


شكرا لكل الذين افتقدوك ويطالبون برجوعك فورا ..

انا افتكرتو طلع مع التصفيات الاخيرة
لنجوم الغد ....


وبالمرة كمان بسأل من صبرى طـــــه

الاتنين ديل ليهم نكهة خاصة فى المنبر

و كمان وليد عبداللطيف

غايتو كترة حالة غياب

الحاصل شنو ... يا ربى ......

سوفي نابك ثواب !!
الشوق يعصر مهجتي كالبرتقالة ... أين أنت ياخي ؟
شكرا شقدي

نعم والله طولنا من الراجل الجميل سفيان ارجو ان يكون بخير

شكراً شقدي الحبيب

يا سفيان ياخى قرمانين أديل كده

اظهر وبان ليك الامان

ليك تحشه

لمان تجى راجع جيب معاك صهيب وامدرمان والشفت .

وسلم على الكانو اصحابنا ،هم عارفين روحم.

شكرا شقدى.

الأخ محمد علي شقدي

تحياتي ويسلم من جاب طاري سفيان بالخير

والله الزول دا غاب وإنشاء الله يكون بألف خير ومرتاح البال

بحيراوي

الحبيب شقدي ...سلامات وليك وحشة والله ..

واما الصفوة الصديق الغالي نابري يشهد الله كنت طاريهو قبل يومين وافتقدته وكعهدنا بك سباق للسؤال عنه فوجدت بوستك هذا ...

كن بخير يانابرى وطمنا عليك ...




تحياتي ،،

الحبيب شقدي ...سلامات وليك وحشة والله ..

واما الصفوة الصديق الغالي نابري يشهد الله كنت طاريهو قبل يومين وافتقدته وكعهدنا بك سباق للسؤال عنه فوجدت بوستك هذا ...

كن بخير يانابرى وطمنا عليك ...




تحياتي ،،

الاخوان الاعزاء لكم التحية
نتمنا عودة الحبيب سفيان

محمد علي شقدي يا صديق وقت الضيق
تقبل تحيات سفيان شديد و شكره ليك و لكل من سأل عنه
و ببلغكم إنه مشغووول شوية بالاضافة لأنقطاعه من عالم
التكنولوجيا لأسباب قاهرة و خارجة عن الإراداة

Quote: يا صاحبي ان شاء الله طيب

طييييب لله الحمد و المنة و بسلم عليكم جميعا" و بشكركم جدا"

Quote: سفيان ده موجود يجننك بالنقه

كدة بقينا إتنين العارفين الحقيقة دي لوووول

Quote: يكون لابد من السخانه ..

والله صدقت !! سفيان نابري دا أكتر بني أدم يكره السخانة و بتجرس
منها رسمممي و أمنية حياته إنه يعيش في بلاد الاسكيمو لوووول

Quote: سائل منك والله لمن تفتح تلفونك ادينا خبر

تلفوناته فاااتحة ياخ و لو عاوز بنديك الرقم السري تتصل عليهو ، قصرنا معاك ؟

Quote: بيكون مشى وراء الزول البيتاوق ليهو دا

ياربي ؟؟ و انا قاعدة هنا و ما جايبة خبر ؟؟ يا فيصل ياخ ماااا تشفقنا خليك محضر خير لوووول

مع اني من منازلهم بردو لكن أفتقد والله كتابات وحضور شيخنا النابري ( أظن المتصوفة بيقولو ا من لا شيخ له الشيطان شيخه ، لا استحضر النص تماما) .

Quote: يا سفيان ياخى قرمانين أديل كده اظهر وبان ليك الامان ليك تحشه لمان تجى راجع جيب معاك صهيب وامدرمان والشفت . وسلم على الكانو اصحابنا ،هم عارفين روحم.

والله بركة السيرة سفيان خلتنا نشوفك و نسمع صوتك !! ووووين إنت ياخ
نحنا زاااااتنا هنا بنسأل عنك و مشتاقين ليك يا صاحب ، من يوم أخوك
جاء البلد دي فتحتا لينا ( وش صاري شديد)

Quote: تحياتي ويسلم من جاب طاري سفيان بالخير

الله !! إنتو هنا مافي لايك لييييه ؟؟؟
طيب لايك و شديد كمان من عندي

Quote: والله الزول دا غاب وإنشاء الله يكون بألف خير ومرتاح البال

بخير يا بحيراوي الحمدلله ، بس راحة البال دي بقت غاية لا تدرك مع جري السودان
و الشتات النحنا فيهو دا ، ربنا يهون القواسي و يحقق المراد يااااارب

Quote: واما الصفوة الصديق الغالي نابري يشهد الله كنت طاريهو قبل يومين

بطًل حنك يا ود القاضي لو طاريهو بالجد شد ليهو سلك ولا إن شاءالله تخطف رجلك من جدة
كلها ساعة و نص تصل الخرطوم تسلم عليهو ، تطايبه و ترجع ( وش زول نفسه يعمل كدة جد جد ) لوووول

Quote: نتمنا عودة الحبيب سفيان

ود المسلمي يا ود الناس العزاز سفيان عاوز رقمك و قال ليك أظهر عليهو في بحري



تحياتي ليكم جميعا" و إن شاءالله ما نفقدكم في شينة و ربنا يديم المعروف و المحبة بين الناس

الناس العزاز
فيصل خليل - نحن ضحكنا يلا تعال اقنع هبه تعمل زينا
علاء الدين حيموره - سلام يا فنان
عبد الدائم سيد احمد - سفيان غلاط وعندو اراء ما بدسها في الفنانين والمقلدين
امين سليمان - الالقاب التابعه ليك ولا القذافي في زمانو فنكتفي حالياً بـ (المنتقم)- تسلم
ادم شحتاوي - العمده الجميل كل التقدير
فارس موسى - اصحاب زمان ما بتدلو والله يا خوي - الف شكر
البحيراوي - الانيق الصديق تسلم
فايز ودالقاضي - والله اتعلمنا من جمال روحك الكثير يا صاحبي كن بخير
محمد المسملي - مشكور كتير ادام الله الـ خوه
منصور علي - المتصوفه ديل كان ما ازمة التبعيه هم اجمل ناس بالجد

هبه ست الدار تسلمي وخالص تحياتي لكم ال سفيان
وان شاء الله ما تشوفو شر