العلاقات الحميمية الزوجية كيف نعبر عنها ??

TheBigBoss
لا اعرف ان كان صاحب الاسم عضو هنا ام لا..لكنه يكتب باسلوب جميل..وخالى من التعقيد
وبطريقة لا تخدش الحياء عن التابو المحرم فى العرف السودانى

Quote: حلوة كلمة الحميمية دي مش كدا ... المهم وعشان اللبيب بالاشارة يفهم وحتى لا اتهم باستخدام الفاظ غير لائقة رغما عن ان الموضوع عادي وليس فيه ما يثير ... فانا اقصد منها العلاقات الاتزييية كما قال عادل امام ... او كما قال احد فناني الطنبور عندما سألته احدى المذيعات : ما هي علاقتك بالفنان فلان الفلاني .. فكان رده والله تربطنا علاقة جنسية قوية جدا جدا ... فلم تدري المذيعة كيف تتصرف في هذا الموقف او كيف تفسر ذلك الكلام لتكتشف ويكتشف جميع المشاهدين ان الفنان على نياتو ويقصد انهما من نفس الجنس اي القبيلة ... بحكم الزواج والسن فالحميمية في علاقاتنا الزوجية كسودانيين .... نجدها تعتمد اولا واخيرا على الايحاءات السمعية او المرئية او الشمية وغيرها من الاشارات غير المباشرة ... وتعتبر المشافهة او المحادثة او المصارحة حولها بها نوع من قلة الادب وعدم التربية وخصوصا من جانب المرأة ... بل حتى الرجل تجده لا ادري ان كان تأدبا او غير ذلك لا يجد الجراءة للتحدث عن ذلك جهارا مع زوجته ويعتمد ايضا مثله مثلها كذلك على الايحاءات او سياسة الامر الواقع كما يقال ... فالحميمية عند الرجل تبدأ فجأة وتنتهي فجأة مثلها مثل الخلعة او العطسة ... والايحاء فيها يعتمد فقط على مبدأ المداهمة او اخذ الحق بقوة السلاح او العضلات ... فمحاولة التقرب للمرأة ومزاحمتها في سريرها هو ايحاء للمرأة بأنه يرغب في قضاء حاجة وامرا ملحا ... محاولته ايقاظها بحركته وكركبته ليلا من شاكلة فلانة انتي نمتي هي ايحاء بما بيت عليه النية ... وليس بادل مثال على ذلك ان احدهم كان يشعل في الولاعة عسى ان تصحى الزوجة بضوءها ولتعب الزوجة لم تشعر بضوء الولاعة وكان اولاده مستيقظين يتابعون ذلك فقال احدهم للآخر قوم صحي امك دي قبل ابوك دا ما يعمل لينا حريقة في البيت ... واعتقد ان الرجل في ذلك يتبع الغريزة الحيوانية والتي نشاهدها في الكثير من الحيوانات التي تظهر رغبتها بالتمسح والتلصق .... حتى قال لي احدهم بان تيس جارهم من كترة تلصقه في الغنم اصبحت ريحته تملأ ارجاء الحلة وكل غنماية في الحلة عبارة عن سامبل عن الريحة الاصلية لذلك الفحل .. اما الحميمية عند المرأة فايضا تعتمد على الايحاء الحسي دون اللفظي ... فسعي المرأة الجاد وبذلها الجهد الجهيد من اجل اشعال حفرة دخان هي بمثابة اس ام اس للزوج بان يبل راسه للحلاقة ... ايضا الامساك بزجاجة الخمرة للتعطر في مرأى ومسمع من الزوج هي ايضا رسالة مستترة لذلك الرجل بان لا يتظاهر بالنوم ... حتى قال احد الظرفاء انه يأتي منهكا من العمل ... وعندما يسمع زوجته تخج في زجاجة الخمرة ... كان يأتيه الاحساس الذي كان يحسه عندما كان طفلا عندما كانت امه تخج زجاجة دواء الملاريا وهو ينظر اليها منتظرا الجرعة المرة من ذلك الدواء ....

الساعه 12 ونص والدنيا نص الاسيوع

الجماعه عبرو قبيل ونامو

Quote: الساعه 12 ونص والدنيا نص الاسيوع الجماعه عبرو قبيل ونامو

انا مسكين ياخ..لسه صاحى وعزابى لى يومك ده

Quote: العلاقات الحميمية بين الزوجين يلفها الكثير والكثير من عدم الافصاح والشفافية ... وقد يرجع ذلك للبيئة التي ترى في مثل هذه الامور نوعا من عدم الادب والاحتشام ... علما بان الموضوع علما يدرس في ارجاء الدنيا كلها وبه نظريات لكل شئ ... قد يكون من اسباب ذلك ان طبيعة الحياة في السودان تفتقد للخصوصية ... فالزوجان اما في غرفة في بيت اهل الزوج ...او في بيت اهل الزوجة ... او في بيت ايجار ... ومن ثم تكون العلاقات الحميمية بدون نغمة وعلى الهزاز فقط .. خوفا من ان يسمعها اهل البيت ... او الجيران .. وقد حكى بعضهم عن ذلك الذي انتهز فرصة غياب الاولاد لاغتنام الفرصة في لحظة حميمية تحت ظل راكوبة وكان نتيجة اسلوب اخذ الضراع ان سقطت عليه الراكوبة بكل المروق الفيها فاصيب في رأسه وعند الذهاب للمستشفى طلب من احضار اورنيك 6 من الشرطة كتب فيه الشرطي سبب الاصابة : ممارسة زوجية باهمال ... وقد قرأت في احدى الكتب العربية القديمة ان المرأة قديما كانت توصي ابنتها عند العلاقة مع زوجها افتعال الاصوات .. بكونها موسيقى تصويرية تزيد اللقاء روعة وحميمية .. وان الرجل العربي لا يحب السينما الصامتة او فن البانتومايم ...ايضا من الامور المتعارف عليها ان الحالة النفسية للزوجين عند العلاقة الحميمية تؤثر في الابناء وشكلهم ان كانوا نتيجة تلك العلاقة في تلك الليلة ... وقد عرفت المانيا النازية اثناء الحرب العالمية ما اطلق عليهم باولاد الغارة وجميعهم صفاتهم واشكالهم توحي بالخلعة وهم كما قيل هم نتاج علاقات حميمية كانت تحدث اثناء غارات الحلفاء ... اي كما يقال شغل كلفتة ..

Quote: انا مسكين ياخ..لسه صاحى وعزابى لى يومك ده

كلنا عزابه مساكين لكن صدقنى الواحد بعد ما شاف اصحابو العرسو حصل فيهم شنو بلقا انو مافى شئ اخلى من الغزوبيه

العرس ملحوق

Quote: كلنا عزابه مساكين لكن صدقنى الواحد بعد ما شاف اصحابو العرسو حصل فيهم شنو بلقا انو مافى شئ اخلى من الغزوبيه العرس ملحوق

يازول ما تصدقهم..دي حسادة منهم ساى يعملو ليك فيها زهجانين من المدام ومن الشفع
ومن الواجب اليومى..وهم مرطبين لمن غلط..
نصيحتى ليك الحق وعرس
على الاقل ما كنت ح تكون مساهر براك

سلام ليكم انتو الاتنين العزاب ...
وانا اقوليكم النجيضة وامرى لله ..
( الكلام المكتوب ده كله كوم والواقع كوم تانى خاالص وانشاء الله حا تكتشفوا كلامى ده بعد الزواج )
سلاااام

Quote: سلام ليكم انتو الاتنين العزاب ... وانا اقوليكم النجيضة وامرى لله .. ( الكلام المكتوب ده كله كوم والواقع كوم تانى خاالص وانشاء الله حا تكتشفوا كلامى ده بعد الزواج ) سلاااام

مراحب يا نور الدين
لو اكتشاف مربوط بى العرس ما اظننا بنشوف حاجة!!

Quote: عودة لما سبق تناوله من وسائل التعبير الحميمي .. فالبعض منا ارتبطت طريقة التعبير الحميمي لدية بلبسة او زي معين ... ويكون ارتداء ذلك الزي بمثابة دعوة مستترة للرغبة في الحميمية... وغالبا ما نجد ذلك لدى الزوجة... فالزوج ياهو العراقي لا شئ غيره .. اما المرأة فغالبا ما تقوم باختيار ملبس او قميص معين ... سموه ظلما قميص نوم ... ولا اعتقد انه يقرب للنوم بصلة ... كاشارة من طرفها عند لبسه برغبتها في علاقة حميمة ... وفي اغلب الاحايين يكون اللون الاحمر هو اللون الغالب والمفضل للمرأة ... كأن ذلك الثور الاسباني النائم بجوارها لا يثير فيه من معاني الحميمية الا لون الدم ... واذكر قديما ما كنا نشاهده صغارا حين كانت بيوت الاحرار تملا ارجاء السودان وصادف ان كانت بعض تلك البيوت بالقرب من ملعب لمباريات الدرجة الثالثة فكنا نشاهد عند صفارة نهاية المبارة جميع اللاعبات الاثيوبيات في تلك البيوت يقفن خارجا بالقمصان الحمراء كانهن فريق المريخ وفي دقائق يكون كل المتفرجين واللاعبين في لحظات داخل تلك البيوت وربما يصدف ان يكون الحكم اول الحضور .. البعض يرتبط لديه تلك اللحظات باكلات معينة كالكوارع أو المديدة او النشا او العصائر المركزة السكر لدى اجدادنا القدماء ... واذكر وقتها جدي الذي تزوج بعد وفاة جدتي بزوجة تصغره سنا ... فاصيب بعد شهرين بزيادة الوزن والسكري من كثرة ما شربه من نشا لقناعته بانها تساعد في تلك اللحظات التي يكرم فيها المرء ويهان ... ايضا الانطباع العام ان الكوارع او الاسماك تزيد من الرغبة في تلك الحميمية ... ومن هنا ظهرت محلات العصيدة ومحلات السمك حتى محلات لبيع صغار السمك ( الصير) الذي لا ادري ماذا دخل الشفع في انجاز مهام الكبار وربما قريبا تظهر محلات لطبخ التماسيح لقناعة الجميع بقدرة ذلك الحيوان المائي من اصلاح ما افسده الدهر وخصوصا ابناء شمال الوادي .. والتجول في محلات الوجبات تدلل على زيادة عدد مرتادي تلك الاماكن .... البعض يعتقد ويستخدم السكر ( اللطة) كنوع من المحفزات للحميمية ... فكثيرا ما كنت اشاهد جارنا يخيط في الشارع يسب ويلعن ولا المح في عين زوجته الا الرضا ولسان حالها يقول اريتو حال السرور الليلة جاني ( لاطي) ... ورغم ما قرأته عن ان السكر من مسببات الخمول الحميمي الا ان الشواهد تدل على غير ذلك وربما لكون ان الطرف الآخر قد يجد الجراءة في التعبير عن تلك الحميمية عندما يجدك ( مصقوع) ولا تعرف كوعك عن بوعك ... ونتوقف لحد هنا ... وقد سئل احد ابناء دفعتي كم تدوم لحظاتك الحميمية مع زوجتك فاجاب ساعة وربع وعندما استغرب الجميع رده قال خمسة دقائق لكامل العلاقة الحميمية من بدايتها وحتى نهايتها وساعة وعشرة دقائق اكون فيها بين الموت والحياة

Quote: نصيحتى ليك الحق وعرس على الاقل ما كنت ح تكون مساهر براك

أمش عرس إنت آآآ بدقنوس...(اب دقنوس دي بتقولا حبوبتي دار
الجلال...لي الزول البنصح في غيرو...وهو زاتو عايز ليه نصيحة)

والدقنوس هو الرأس ...محل الفكرة...الغلط

إنت فاكر العلاقة الزوجية دي كلها حميمية وحمام محشي؟؟
كدي أمش جربا وتعال لينا راجع هنا بعد خمسة سنين معاك
يا زينة الحلوين...(عشان نشوفا مرت حلوة كالأنسام والله
والله في الخيال أحلام)

Quote: أمش عرس إنت آآآ بدقنوس...(اب دقنوس دي بتقولا حبوبتي دار الجلال...لي الزول البنصح في غيرو...وهو زاتو عايز ليه نصيحة) والدقنوس هو الرأس ...محل الفكرة...الغلط إنت فاكر العلاقة الزوجية دي كلها حميمية وحمام محشي؟؟ كدي أمش جربا وتعال لينا راجع هنا بعد خمسة سنين معاك يا زينة الحلوين...(عشان نشوفا مرت حلوة كالأنسام والله والله في الخيال أحلام)

يانزار شوية ..شوية على اخوك ياخ..
انا ماعندى اى تصور..ومابعرف حاجة لسه..اب دقنوس ده ناقل البوست ساى

Quote: يانزار شوية ..شوية على اخوك ياخ.. انا ماعندى اى تصور..ومابعرف حاجة لسه.. اب دقنوس ده ناقل البوست ساى

هههههههههههههههههههههههههههههههههههه

إنت لو عايز يكون عندك تصور كويس
خلي الحميمية دي آخر تفكيرك في
الزواج...لأنك لو بديت بيها ولقيت
طعم البامية ما ياها...زيت صباح ما بحلك.

Quote: هههههههههههههههههههههههههههههههههههه إنت لو عايز يكون عندك تصور كويس خلي الحميمية دي آخر تفكيرك في الزواج...لأنك لو بديت بيها ولقيت طعم البامية ما ياها...زيت صباح ما بحلك.

الرومانسية عندى اول يانزار احنا النوع البغنى ليها فى الليلة الاولى

انا غايتو لو غنيت ليها حتنصدم وتفزع فى ثواتى ........اخوك عندو حس اجارك الله

Quote: الرومانسية عندى اول يانزار احنا النوع البغنى ليها فى الليلة الاولى

انت غنى وهى ترقص

Quote: انت غنى وهى ترقص

كيفك يا امين..
تصدق ..احنا لسه برضو بتعقد من حكاية الرقص لدى الجنسين..وعندنارأى
متحفظ فى الحكاية دى

Quote: اخونا محمد عوض داير نصيحتى ...... كلم بكرى يشيل التشكيل من اسمك لانو كدا ما بتلم فى اى سنغنغ اللهم الا ال female version of hisham adam

بكرى ابوبكر غتيت...ما بعبر ولا برد على الناس الجداد الزينا..
كم رسلت ليهو...ومطنش...داير اغير اسمى كلو لانو جاب ليا الهوا...فى حتات كتيرة

Quote: تشكيل يا صديق ما بعد منتصف الليل................اين انت؟

قاعد..بس الايقاع بطئ شوية..والانترنت بتاع السودان اخير عدمو

Quote: تصدق ..احنا لسه برضو بتعقد من حكاية الرقص لدى الجنسين..وعندنارأى متحفظ فى الحكاية دى

با مان اسئل مجرب( ما انا)الحكايه دى خطيره بس انت اقعد اتفرج

Quote: قاعد..بس الايقاع بطئ شوية..والانترنت بتاع السودان اخير عدمو

حاسى بيك انا زاتى معانى منو

Quote: مُحَمَّدٍ عِوَضٌ احْمَدُ

Quote: كان يأتيه الاحساس الذي كان يحسه عندما كان طفلا عندما كانت امه تخج زجاجة دواء الملاريا

الله يجازي الكان السبب في رسم علامات التشكيل في اسمك وعلامات التشكيك في العرس ...
يا اخ العلاقات البتتعطل فيها لغة الكلام
وتتخاطب فيها لغة الاجساد والأرواح دي منها والجنة ...



..
سلامات يا محمد
واسمح لي أهدي أي غنية للفنانة
حنان بلوبلو لاخوانا العزاابة في البوست

Quote: الله يجازي الكان السبب في رسم علامات التشكيل في اسمك وعلامات التشكيك في العرس ... يا اخ العلاقات البتتعطل فيها لغة الكلام وتتخاطب فيها لغة الاجساد والأرواح دي منها والجنة ... .. سلامات يا محمد واسمح لي أهدي أي غنية للفنانة حنان بلوبلو لاخوانا العزاابة في البوست

حبابك يا عمر التاج..
الجسد اول ولا الروح...؟ يعنى البداية بتكون من وين؟
من هو الرسول الاول..؟

Quote: اريتو حال السرور الليلة جاني ( لاطي) ...

سلامات يا محمد،، قد تحتاج لشرح بعض التعابير والمفردات لأجيال المشروع الحضاري ... تحياتي

اخونا محمد عوض

داير نصيحتى ...... كلم بكرى يشيل التشكيل من اسمك لانو كدا ما بتلم فى اى سنغنغ اللهم الا ال female version of hisham adam

تشكيل يا صديق ما بعد منتصف الليل................اين انت؟

Quote: سلامات يا محمد،، قد تحتاج لشرح بعض التعابير والمفردات لأجيال المشروع الحضاري ... تحياتي

هلا يا نادر...
كان عندى إحساس انو ناس سودانيز ديل كلهم اولاد خلا. وبس ياها الظروف الخلت
اغلبهم يطفش خارج البلاد...
لكن على قولك بعده لازم يكون فى اجيال جديدة. ماعندها علم بالمفردة
السودانية السيطة