الجرادة في السِــروال

الجرادة في السِــروال *

يا ربي ما فقدني في التيسوعه بنوت الفريق
يوم داك لما إتلملمن شان الخبيز ؟
أها اليوم داك خمجن بالدقيق الدار ؟
و الصغيرونات يغفلن العجين الفار
يشكلن الحلم ..سماعة ..طبشيرة و جيتار
و الصغار ما همهم كان النهار قيل ولا ليل ولا كان حار
العيد العيد ..هدوم العيد ..عجلة العيد
الكورة و الجزمة التنور
ياخي العيد دا ناقزين بيه شايلين ليهو طار !!
" يا سعيد الليلة الوقفة و بكرة العيد "
" يا سعيد الليلة الوقفة و بكرة العيد "
" يا عيد تعود يا عيد ...يا عيد تعود يا عيد تعود يا ..."
هييييي يا شفع ما تحومو فينا الحمة الينخسوها بعود
و يا عيد تعود
هنا عاد علينا ولا لقانا مقنعات بي طرحة او توب
للبخش توش بي حبابكم او سلام
العيد مبارك يا بنات القابلة بالعرسان
هنا مافي زول بدخل عليك بدون تصريح و إستئذان
هنا جانا لاسمعنالو تكبيره لا حس لا أذان
انا قلتا ليهن يـــِـسمعن بنات حلتنا لو ما مرقنا
خبيزنا دغشاً بدري قـــُــبال الاوان
وكان
كان خبيزنا حلو .. أحرش كما طعم الحزن
زي عترت لسان الزول في فجوة خشمو لمن يقلعو ليهو سن
معقولة ما فقدني يوم مرقن عصر للحنه
و إنطلق الخبر زي الحريق
السمحة وقفت للرقيص
في الليلة ديك ضوت زغاريتن بكان الحلة ما كان فوكا ضي
في الليلة ديك الامهات إتولن الدعوات بلاش
بلاهي ما إتذكرني في حزة الدعاء إستجاب ولا طرني
مع البنات إتحاوطن قطع الرحط
و السمحة وقفت في السبات
قالو العريس غلبو الثبات
و إنطلقت الدعوات بلاش
بعيدة بعيدة يا ست البنات
سعيدة سعيدة يا ست البنات
قالو العريس غلبو الثبات
بعيدة سعيدة حالك للبنات
في الليلة ديك انا كتا في البلد ام شمس كضابة
بلداً فيها بينحت الصفق بي رضاها في عز الخريف
فيها المحطات زي بنات الليل
فساتينن حــُـمر ودايماً قصاااااار
و الشعر دا أصفر يهفهف هف هف هف
بلد لباسين الأرديه أبان عيونن خـُـدر
سنة 56 ودعناهم بالقطر
الليلة يومك دا انا جيتا فرادي
هادي البلد في الليلة ديك كستني بالشدر العرايا برااااي
برااااااي في عز المطر
سعيدة بعيدة يا ست البنات
يا صحبتي
في الليلة ديك انا هان علي أرضى و أسامح غربتي
في الليلة ديك انا كان علي أرضى و أسامح غربتي



لندن _مارس 2012



*الجرادة في السروال : مثل دارجي سوداني دارفوري ( جراداي في سروال و لا بأدّي ... إلّي قؤادو و لا هلو )

up

ساااااهي كدا :D

Quote: *الجرادة في السروال : مثل دارجي سوداني دارفوري ( جراداي في سروال و لا بأدّي ... إلّي قؤادو و لا هلو )

حجة آمنة .......لك التحية......شكراً لشرح المثل, حقيقة أو مرة أقرأه بتمعن وأفهمه...وكلامك جميل ومنظم..تقديرى وإحترامى.

سلام حجة امنة ...

ودي كمان للتوضيح لأخونا اسماعيل عباس :

أخى الجميل الفنان ناذر.............لك التحية..

شكراً يافنان الله ينور عليك..يعنى شرح المثل ده البتسوى الجرادة أشر من ما تسويه العقرب...ماعندك شرح بالفيديو....


تقديرى وإحترامى..

جرداي في سروال ولابعضي الا بس قعادو ما حلو


جقلو ولا مشي عرجة

Quote: يا ربي ما فقدني في التيسوعه بنوت الفريق يوم داك لما إتلملمن شان الخبيز ؟ أها اليوم داك خمجن بالدقيق الدار ؟ و الصغيرونات يغفلن العجين الفار يشكلن الحلم ..سماعة ..طبشيرة و جيتار و الصغار ما همهم كان النهار قيل ولا ليل ولا كان حار العيد العيد ..هدوم العيد ..عجلة العيد الكورة و الجزمة التنور ياخي العيد دا ناقزين بيه شايلين ليهو طار !! " يا سعيد الليلة الوقفة و بكرة العيد " " يا سعيد الليلة الوقفة و بكرة العيد " " يا عيد تعود يا عيد ...يا عيد تعود يا عيد تعود يا ..." هييييي يا شفع ما تحومو فينا الحمة الينخسوها بعود و يا عيد تعود هنا عاد علينا ولا لقانا مقنعات بي طرحة او توب للبخش توش بي حبابكم او سلام العيد مبارك يا بنات القابلة بالعرسان هنا مافي زول بدخل عليك بدون تصريح و إستئذان هنا جانا لاسمعنالو تكبيره لا حس لا أذان انا قلتا ليهن يـــِـسمعن بنات حلتنا لو ما مرقنا خبيزنا دغشاً بدري قـــُــبال الاوان وكان كان خبيزنا حلو .. أحرش كما طعم الحزن زي عترت لسان الزول في فجوة خشمو لمن يقلعو ليهو سن معقولة ما فقدني يوم مرقن عصر للحنه و إنطلق الخبر زي الحريق السمحة وقفت للرقيص في الليلة ديك ضوت زغاريتن بكان الحلة ما كان فوكا ضي في الليلة ديك الامهات إتولن الدعوات بلاش بلاهي ما إتذكرني في حزة الدعاء إستجاب ولا طرني مع البنات إتحاوطن قطع الرحط و السمحة وقفت في السبات قالو العريس غلبو الثبات و إنطلقت الدعوات بلاش بعيدة بعيدة يا ست البنات سعيدة سعيدة يا ست البنات قالو العريس غلبو الثبات بعيدة سعيدة حالك للبنات في الليلة ديك انا كتا في البلد ام شمس كضابة بلداً فيها بينحت الصفق بي رضاها في عز الخريف فيها المحطات زي بنات الليل فساتينن حــُـمر ودايماً قصاااااار و الشعر دا أصفر يهفهف هف هف هف بلد لباسين الأرديه أبان عيونن خـُـدر سنة 56 ودعناهم بالقطر الليلة يومك دا انا جيتا فرادي هادي البلد في الليلة ديك كستني بالشدر العرايا برااااي برااااااي في عز المطر سعيدة بعيدة يا ست البنات يا صحبتي في الليلة ديك انا هان علي أرضى و أسامح غربتي في الليلة ديك انا كان علي أرضى و أسامح غربتي

يا سلام عليك..

كتابة طاعمة..

وبالجد محتاج ليها المنبر..

سلم مدادك يا حاجة امنة و..

اتصبري..

Quote: جرداي في سروال ولابعضي الا بس قعادو ما حلو جقلو ولا مشي عرجة

و أم جركم ما بعيشلا خريفين



كمان ناذر لو شاف لينا فيديو لي قصة (جقلو ولا مشي عرجة) يكون ممتاز

Quote: سلام حجة امنة ... ودي كمان للتوضيح لأخونا اسماعيل عباس :

والله يا ناذر ما قصرت معانا كلو كلو
وعلى فكرة الصورة دي انا خلاس شلتها (صرة في خيت )
دا طبعاً بعد إذنك

Quote: حجة آمنة .......لك التحية......شكراً لشرح المثل, حقيقة أو مرة أقرأه بتمعن وأفهمه...وكلامك جميل ومنظم..تقديرى وإحترامى.

شكراً مهيلاً اخي إسماعيل للإطراء على النص و رقة حضورك
خالص تقديري و إمتناني

!!!!!

Quote: ...ماعندك شرح بالفيديو....

عندي كم واحد بس للأسف المواقع الفيها الفيديوهات دي محجوبة بأمر هيئة الاتصالات

حجة امنة

سلامات وازيك نعلك طيبة


بركة الظهرتي بعد الغياب

تحياتي

Quote: يا ربي ما فقدني في التيسوعه بنوت الفريق يوم داك لما إتلملمن شان الخبيز ؟

فقدنك والله يا ست البنات وطوالي في حالة سؤال , حورية وطيف وصفية
حتى الوليدات بسألو طارق وحمير الوحش بدون فرز

الأكيد إني عارف حالتك وإنتي بتكتبي في النص
وإنتي بتسألي والأكيد برضو إني حاسي بيك ومتضامن معاك
في هذا الزمن التضامني

نص ما بشبه نصوصك الزمان لكن بشبهك هسي وإنتي دركسونك يمين ومن الشمال لليمين وغايتو يا آمنة

آمنة
يجدكم بخير
المكي في ساعة شعر

حجة أمنة ..

Quote: وعلى فكرة الصورة دي انا خلاس شلتها (صرة في خيت ) دا طبعاً بعد إذنك

الصورة طبعا تبع الفنان القدير عماد عبد الله وانا مجرد ناقل ..

يا امني كيف تكون ما فقدتك ست البنات..

و انت بعيدة في ديك البلاد..

حرمنا سمحنا من السمح..

وبقينا نفرح لي بعض.. بعيد بعيد..

ياهو يا تلفون يجيب ليك الخبر ..

وللا رسالة مليانة بصور..

الله يا امنة من سفرك بعيد..

مشتاقين لٍٍك ياخ وللحكوات نعيد..


امنة بت امي.. مشتاقاكي شوق و العجب حنين بتي..