Post: #1
Title: هل تحويلات السودانين عن طريق مكاتب الصوماليين تساعد فى توفر الدولار؟
Author: النصرى أمين
Date: 03-12-2012, 09:12 PM
معظم تحويلاتنا هنا فى كندا تتم عن طريق مكاتب التحويلات التى
يسيطر عليها الصوماليين ....
يشترطو علينا ان نسلمهم بالدولار الامريكى (وله نفس قيمة الدولار الكندى)
ويقوموا بتسليم المبلغ فى السودان بالجنيه السودانى ....
.....
اظن (والله اعلم) ان هذه التحويلات لا يكون لها دور ايجابى فى توفر النقد الاجنبى...
بالعكس ....
هى خروج للنقد الاجنبى عن طريق الشباك...وخروج جماعى للدولار عن طريق هذه المكاتب
ببساطة اذا اراد مكتب ان يخرج 100 الف دولار من السودان ..اقوم انا بدفع ذلك المبلغ بالدولار
فى الخارج ويقوم المكتب بتسليم المبلغ بالجنيه السودانى فى الخرطوم ..
ماذا يستفيد الاقتصاد السودانى من هذه العملية ؟
confusing
loop
|
Post: #2
Title: Re: هل تحويلات السودانين عن طريق مكاتب الصوماليين تساعد فى توفر الدولا
Author: النصرى أمين
Date: 03-12-2012, 09:25 PM
Parent: #1
لو كان اصحاب هذه المكاتب او الشركات سودانيين
لتغيرت المعادلة تماما .....
واصبح زيتنا فى بيتنا......
وتاكدنا ان كل دولار يترسل من محفظة اى سودانى يصل السودان ويساعد
فى حل اذمة ندرة النقد الاجنبى..
اما الصوماليين ديل فبحرهم غريق
|
Post: #3
Title: Re: هل تحويلات السودانين عن طريق مكاتب الصوماليين تساعد فى توفر الدولا
Author: عبد الحميد حسين
Date: 03-12-2012, 09:48 PM
Parent: #2
الأخ النصري ...انتو الحاجة دي جديدة عندكم ولا شنو .!!!
دي الطريقة التقليدية جدا فى الخليج .. سلم بي هنا أستلم بي هناك بسعر الليلة ..
حتي فى وقت تساوي السوقين المزازي والموازي فى السعر ,,
ما زول بمشي على صرافة رسمية او بنك ..
انت قايل الحكومة دي غبيه من الليله ولا امبارح ..
|
Post: #4
Title: Re: هل تحويلات السودانين عن طريق مكاتب الصوماليين تساعد فى توفر الدولا
Author: عبد المنعم سيد احمد
Date: 03-13-2012, 00:06 AM
Parent: #3
الاخ النصرى
كيفنك نتمنى ان تكون الاجواء ناحيتكم
بمثل ماننعم نحن فيه من رفاهية شتوية
الربيع اتى باكرا بتورنتو
غايتو ناس تورنتو النقاطة دى قفلوها تب
دولار واحد بصلم عن طريق الصوماليين مافى
اكثر من ثلاث يدفعون لك باقل من السعر الموازى قليلا
ومايدفعونه حتى الان مافوق الاربعة
وهو سعر يفوق كثيرا سعلر البنك
|
Post: #5
Title: Re: هل تحويلات السودانين عن طريق مكاتب الصوماليين تساعد فى توفر الدولا
Author: النصرى أمين
Date: 03-13-2012, 04:04 AM
Parent: #4
سلام عبدالحميد
النظام ده هو الشغال عندنا من زمان ويادوب دخل الويستيرن يونيون كمنافس....
السؤال بتاعى (او مصدر التعجب) هل مثل هذه التحويلات تساعد فى حل اذمة
ندرة النقد الاجنبى......
افتراضى قائم على انو لو انا حولت 100 عن طريق محمد احمد السودانى مصيرها
ال100 دولار دى تدخل البلد لكن لو حولت نفس ال100 دولار عن طريق عبدالقادر الصومالى
بكون ما متاكد انو ال100 دى حيكون ليها اثر ايجابى فى سوق الاموال السودانى...
بمعنى تانى انو محمد احمد لمن يمشى السودان بشيل ال 100 دولار معاهو وبشترى بيها
احتياجاته هناك ..اما الصومالى فما عارف ال100 دى مصيرها شنو
again i am looping myself
|
Post: #6
Title: Re: هل تحويلات السودانين عن طريق مكاتب الصوماليين تساعد فى توفر الدولا
Author: النصرى أمين
Date: 03-13-2012, 04:11 AM
Parent: #5
سلام يا منعم..
ياخ ده الشتاء ولا بلاش
احسن شتاء فى 20 سنة
ايام البرودة ما زادت عن اسبوعين ....
ياريت كل شتاء يكون زى شتاء السنة دى....
للاسف يا منعم الصوماليين هنا لسه مسيطرين على سوق التحويلات....
لكن سمعت عن بعض السودانيين يقومو بنفس المهمة بسعر احسن ورسوم اقل....
بس مشكلة السودانيين هى تجويدالشغل ....فالثقة لسه ما اتبنت عند كثير
من الزبائن ..
الناس عايز خدمة سريعة ومضمونه وهى حاجة متوفرة عند الصوماليين
|
Post: #7
Title: Re: هل تحويلات السودانين عن طريق مكاتب الصوماليين تساعد فى توفر الدولا
Author: ismeil abbas
Date: 03-13-2012, 08:04 AM
Parent: #6
أخى النصرى السلام عليكم.
Quote: افتراضى قائم على انو لو انا حولت 100 عن طريق محمد احمد السودانى مصيرها
ال100 دولار دى تدخل البلد لكن لو حولت نفس ال100 دولار عن طريق عبدالقادر الصومالى
بكون ما متاكد انو ال100 دى حيكون ليها اثر ايجابى فى سوق الاموال السودانى...
بمعنى تانى انو محمد احمد لمن يمشى السودان بشيل ال 100 دولار معاهو وبشترى بيها
احتياجاته هناك ..اما الصومالى فما عارف ال100 دى مصيرها شنو
again i am looping myself |
المعادلة واحدة..هذه الدولارات لايستفاد بها فى السودان لا عن طريق محمد أحمد السودانى ولا عبدالقادر الصومالى كلها تدور فى الخارج إما أن تأتى بضاعة أو أشياء أخرى.....
والصوماليون نفسهم بكون عندهم سودانى داخل السودان بشتغل ليهم الشغل ده وبديهم بالسودانى والعملة الصعبة مدورة خارج الوطن..وداخل الوظن عايز يخارجه بره.
الحكومة ما مدية إعتبار لمثل هذه التحويلات..ماعارف ليه...الله يكون فى حال الوطن.
تقديرى وإحترامى.
|
Post: #8
Title: Re: هل تحويلات السودانين عن طريق مكاتب الصوماليين تساعد فى توفر الدولا
Author: النصرى أمين
Date: 03-13-2012, 05:08 PM
Parent: #7
وعليكم السلام ورحمة الله الاخ اسماعيل
| Quote: المعادلة واحدة..هذه الدولارات لايستفاد بها فى السودان |
والله انا المعادلة دى مجننانى جن ...كلما انظر ليها من زاوية القى النتيجة مختلفة
مثلا لو حول لى محمد احمد السودانى مبلغ 100 دولار وسلم الاهل فى السودان قيمة
ال 100 دولار بالجنيه السودانى ...بعد فترة سافر محمد احمد للسودان لقضاء اجازته
او لاستثمار امواله سياخد 100 دولارى معاهو وكده اكون انا ساعدت فى توفر النقد الاجنبى
للبلد .......برضو لو استثمر محمد احمد 100 دولارى فى شراء بيت (او عمل) هنا فى كندا
ف 100 دولارى لم تساعد فى حل الاذمة ويبقى محمد احمد والصومالى عبدالقادر وجهين لعملة واحدة....
اظن اضمن طريقة ان تفتح البنوك فروع هنا وتستلم الدولار وتسلم بالجنيه السودانى
مع الغاء رسوم التحويل حتى تستقطب اكبر عدد من المحولين ..
|
Post: #9
Title: Re: هل تحويلات السودانين عن طريق مكاتب الصوماليين تساعد فى توفر الدولا
Author: النصرى أمين
Date: 03-13-2012, 06:06 PM
Parent: #8
كدى نخلى المعادلة اكثر تعقيدا...
نفترض عندى مليون دولار وارغب فى شراء ارض فى السودان
عرض على احدهم ان يبيع لى ارض (فى الصقيعة) بشرط
ان اسلمه المبلغ فى الخارج ....
تم ذلك ...
قام ذلك الشخص
1/ بشراء ادوية وادخلها السودان
2/ او احتفظ بالمبلغ فى الخارج واشترى بها قطع ارض فى كندا
3/ ادخل المبلغ الى النظام المصرفى السودانى وتمت معاملته
على انه مستثمر من الخارج وحصل على امتيازات....
4/ قام بشراء نفس قطعة الارض مستفيدا من زيادة قيمة الدولار
5/؟
|
|