الملايطـــــــــــــــــــــــــة فى أولويات المعارضـــــــــــــــــة

الملايطة كلمة بقارية أصيلة .. ولها مداليل قيمية عميقة فى مفهوم الحوار .. وهى تعنى أن الأنسان يأتى بمتناقيضات من الصعب تآلفها مع بعضها البعض لتقود لتنظير موزناً عقلياً وعملياً .. فهى تعنى محاولة جمع المتناقضات والمتضادات .. وهلم جرا.

وهنا أشير إلى الملايطة الحاصلة فى دفع المثقفين، من أبناء المدن والمناطق المستقرة التى ليس بها حروب، للحروب فى مناطق الهامش وتأجيجيها بحجة أسقاط النظام، وهم وأهلهم بعيدين كل البعد من بؤر الصراعات والموت وأنهار الدماء التى تسيل ليل نهار من سكان الهامش، وهم يحاولون أقناعنا أبناء مناطق الهامش لنموت بالأنابة عنهم ويقتل أهلنا ويهلك ضرعنا وتنهب ثرواتنا فداءً لهم ولثورتهم التى يقودونها عبرنا بالريموت كنترول.

كيف بالله يقنعنى أحد أن أقتل أبى، أو أمى أو شقيقتى أو أبن عمى أو أى فرد من أهلى؟ كيف بالله يستقيم عقلاً ومنطقاً أن أهلك حرث قومى أو أشتت شملهم فى العراء؟ .. لا يستقيم منطقاً ولا حتى شرعاً حتى لوف فى الشهادة ضد الأقربين بسوء ناهيك أن تدفعنى ضد مصالحهم .. والمشكلة إذا رفضنا وقلنا لا .. تصبح البقلة فى الأبريق بالنسبة لنا، أنتم مساندون للنظام؟ أنتم قتلة وجنجويد وهلم جر ..

هذه ملايطة لا تستقيم منطقاً ..

ومن هنا أقول نحن محتاجون لرؤية واضحة .. تفتح المجال لحوار عام يحدد أولويات المرحلة .. الحكومة القائمة حددت أولوياتها سواء فى الولاية الثانية أو فترة الرئيس الزمنية للتنحى عن السلطة؟ .. ما هو المقابل الموضوعى للمعارضة هل أسقاط النظام الذى يرجونه يتم عبر الهامش أو المركز؟ وإن كان عبر الهامش ماهو جدوى نجاحهم حتى لو متنا نحن أهل الهامش عن بكرة أبينا؟؟ هل تريد المعارضة أن تضحى بنا نحن أبناء الهامش وأهلنا لصالح برنامجها؟

هذه ملايطة .. لا تجدى .. وعلى جميع أبناء الهامش القول بسوط عالى ومسموع لا للموت فى مناطق أهلنا تحت أى دعاوى.

بريمة

يا بريمة سلامات ياخي..........
طيب كيف التفاكير ياخوي ؟ انت مفروض تحدد أولاً موضوع اسقاط النظام هذا موضوع حيوي ومهم أم لا ؟ بعد كدة نتفاكر . اذا كنت من انصار اسقاط النظام يجب تحديد ما هي القوى الاجتماعية المنوط بها القيام بهذه المهمة ، انا اتفق معك ان هذه المعركة هي معركة الشعب كاملاً في الهامش والمركز ............ولكن طبيعة المقاومة ومراكز القوى هي التي تحدد اماكن المعركة .........
لكن ياخوي ان جاز ان نطلق كلمة الملايطة علي قوى سياسية فهي كلمة اجدر بك ان تطلقها علي الحكومة لا علي المعارضة كي كيف ؟ لان الحكومة هي من تعمل حالياً علي تجيش ابناء الهامش علي الهامش اليس كذلك؟ ياخوي انت ماسعت ببعث مراكز التدريب القسري الجديدة؟

Quote: الملايطـــــــــــــــــــــــــة فى أولويات المعارضـــــــــــــــــة

ساعدنا بالالفاظ

والله يا بريمة مافي ملايطة واضحة زي البتسوي فيهو دا

انت زول من الهامش وواقف مع الحكومة، وبتدعو نهارا جهارا ان يتم سحق الحركة الشعبية الهم اساسا ابناء عمك
وخوالك لزم، ونبحنا قدر ما نبحنا بانو البتسوي فيهو دا غلط، لكن قول انا جلابي وبتاع مركز ودا ترف فكري وادعاء نضالي
مني ساكت، ابناء الهامش هنا حلوقم نشفت من استدعاء قلمك الشجاع لنصرة قضيتهم، لكن ابت نفسك "الكوزة" الا
ان تساند الخرطوم وابناء يعرب في حربهم ضد ابناء زرقان "لييه؟؟ ماعارف"

دحين، المعارضة بتاعت المركز دخلها شنو فيما يدور الآن في جبال كردفان؟؟

وسؤال الاستاذ ابراهيم النعمة دا بالله مهم جدا وما تتجاهلو

Quote: انت مفروض تحدد أولاً موضوع اسقاط النظام هذا موضوع حيوي ومهم أم لا ؟

سلاام يا بريمة
عساك طيب ياخ
جئت اليك فى الاول او جئت الى البوست وفى الذاكرة حوار الخليفة عبد الله ود(تورشين)
ما علينا سيبك من موضوع الخليفة
بوستيك جيد وفيهو افكار تحتاج الى نقاش وحوار عميق ، ياخ اختار لينا عنوان مشترك
اقصد من المركز حتى لا نتوه فى (القوقلة) الذهنية
المهم لو ركزت فى مثل هكذا بوستات وجليت فكرة السلك الشائك الشائج بيكون افضل
حابب اسلم عليك وادفر ليك البوست

قاسم المهداوى

Quote: كيف بالله يقنعنى أحد أن أقتل أبى، أو أمى أو شقيقتى أو أبن عمى أو أى فرد من أهلى؟ كيف بالله يستقيم عقلاً ومنطقاً أن أهلك حرث قومى أو أشتت شملهم فى العراء؟ .. لا يستقيم منطقاً ولا حتى شرعاً حتى لوف فى الشهادة ضد الأقربين بسوء ناهيك أن تدفعنى ضد مصالحهم .. والمشكلة إذا رفضنا وقلنا لا .. تصبح البقلة فى الأبريق بالنسبة لنا، أنتم مساندون للنظام؟ أنتم قتلة وجنجويد وهلم جر ..

شوف دين الحجر.. شوف
المليطة والعهر أو السرمتة السياسية، ولبس بنطلونات الجنس في رستون لن تجعل من أي مليليط رخـيس غير إنه يقلب لمليوطي كبير بيتملط في مكنته الماكنة، والشايلها في نص ضهره، في أول النهار وآخر الليل! وكمان شكلها مليطة رخـيسة لا تسمن ولا تغني من جوع. فهذا زمن المليطة والمليوطين وتلويثهم لقاع هذة الحفرة .. فأمرحي بهم يا نجود!

والله حِكمته بالغة.. وفعلاً، الجنجويدية بقت كمان خشم بيوت!

معروف سند ومحمد يسن خليفة

أنتم ناس "لولطة" سياسية ساكت .. ما ح أشتغل بيكم.

العزيز أستاذ النعيمة والأخ أحمد بن عوف، سلامات وبجيكم بنهاية الدوام .. بتوسع دقيق فى الفكرة.


ول أبا قاسم المهداوى

حبابك ومرحب بمرورك ..


بريمة

بريمه متى ستقول الحق؟!


اولا ناس المعارضه من المركز ما تلبسهم اي جريمه!

يا زول الناس ديل لا شالوا سلاح ولا باركوا شيل السلاح

بالعكس بيحاولا فقط يختوا روحهم في مكان من يموت اهلهم واضروا لشيل السلاح!

وكثر خير القله القليله من ناس المركز القاعده تدفر مع ناس الهامش لايقاف القتل عنهم!

اياك ان تلصق فيهم تهمة تحريض او مشاركه...بالعكس قاعيدن كل يوم يسمعوا كلام زي

الحنظ مننا انهم ما قاعيدن يدفروا معنا بما يكفي!

السؤل لك انت المنافق و المشارك للحكومه في جرائهم

ارشيفك هنا يشهد كم ظلبت تحرش في الحكومه لما سميته تنظيف الشمال من الحركه الشعبيه!

وكم سميتهم بالخونه و العملاء وهؤلاء الذين سميتهم الخونه و العملاء هم اقرب لك انت من ناس المركز على فكره!

الناس ديل منك وفيك.....

تعلم تماما انه اكثر من 95% من قطاع الشمال هم نوبه وبقاره(اهلك) و ناس النيل الازرق ودارفور!!

بتستنكر عليهم خياراتهم السياسيه ليه؟!

حسه زي القائد البطل مهند الزامل فاكر روحك اوعى منه بشنو عشان تجيء تنظر ليه؟!

بل وبلا تردد عايز تلصق جريمة فعله وحرامه السياسي في زول المركز الكل العمله بكون كتب بس عن قتلى

فصائل مهند كما كتب عن حرق قرى كامله يتوهم المؤتمر الوطني ان امثال مهند عبروا بها!!


يا بريمه اختشي

نساء المركز لا سلحوا زول ولا حرشوا زول

ناس الهامش لوحدهم حملوا السلاح فكثر خير ناس المركز الاقروا بمشروعية حمل السلاح لحماية الانفس من انظمه باطشه!

اها يا بريمة الناس دي طلعتك كوز عشان قلت الناس توقف الحركة الشعبية

ودي قسمة المنبر يا معانا يا مع الخيانة

يعني السودان دا كلو مقسوم لكيزان وحركة شعبية

قلنا ليكم كتروا المواعين وخلو ضيق الافق دا,,

ونعم للسلام ولا للحرب