Post: #1
Title: أخبار التيار شنو ؟؟؟!!! ... يا علي ميرغني أخو عثمان ميرغني.
Author: محمد قسم الله محمد
Date: 03-11-2012, 10:13 PM
لا حس لا خبر ..
|
Post: #2
Title: Re: أخبار التيار شنو ؟؟؟!!! ... يا علي ميرغني أخو عثمان ميرغني.
Author: mayada kamal
Date: 03-12-2012, 06:09 AM
Parent: #1
صباحاتك نواااااضر اخ محمد قسم الله
التيار رجعت صدرت من أمس الاحد
وشكلو المهندس عثمان ميرغني باااااااااااع الجماعة ورضخ لما سماه باشتراطات من الاجهزة الامنية
حيث اختفى عمود هويدا سر الختم وتم ابعادها نهااااائي عن الكتابة
كمان ظهر عبد الباقي الظافر ككاتب عمود فقط
متنازلا عن موقعه كنائب رئيس تحرير
واعلن الظافر صراحة امس في عمودة قبولة للوضع الجديد
وبالتالي استمرارة ككاتب عمود فقط
|
Post: #3
Title: Re: أخبار التيار شنو ؟؟؟!!! ... يا علي ميرغني أخو عثمان ميرغني.
Author: محمد قسم الله محمد
Date: 03-12-2012, 11:27 AM
Parent: #2
| Quote: شكلو المهندس عثمان ميرغني باااااااااااع الجماعة ورضخ لما سماه باشتراطات من الاجهزة الامنية |
حليلو هو ..
|
Post: #4
Title: Re: أخبار التيار شنو ؟؟؟!!! ... يا علي ميرغني أخو عثمان ميرغني.
Author: محمد قسم الله محمد
Date: 03-12-2012, 11:40 AM
Parent: #3
| Quote: حيث اختفى عمود هويدا سر الختم وتم ابعادها نهااااائي عن الكتابة |
الأخت ميادة ..
أشكرك علي التنبيه ..
وبالفعل تحصلتُ علي العددين الأمس والبوم ولا أدري لماذا عادت التيار بهذا الهدوء برغم العاصفة والضجيج الذي صاحب إيقافها ..
ظهر (لوغو) الصحيفة خالياً من أسماء هيئة التحرير واكتفي رئيس التحرير بايراد اسمه أسفل الصفحة الثانية وكانت العادة ظهور اسم المهندس عثمان ميرغني والظافر وهويدا سر الختم؟؟
إختفاء عمود هويدا سر الختم وإبعادها نهائياً عن الكتابة بالتيار يشي وكأنّ هويدا وموقفها من قضية المناصير مؤخراً هي القشة التي قصمتْ ظهر البعير ..
بالرغم من أنّ عدد اليوم في شارع الصحافة يحمل الإشارة لاحتفاظ الأستاذة هويدا بمنصبها مديراً للتحرير وفي الخبر تلميح بالعودة للكتابة مما يوحي بمجهودات وووساطة تُبذل في هذا الخصوص..
كلمة الظافر في عدد الأمس وإيراده لموقف عثمان ميرغني بسحب الصحيفة من المطبعة لخلوها من عمو تراسيم للظافر بدد الشكوك التي أشارت للخلاف بين رئيس التحرير ونائبه..
علي اية حال..
عادت التيار ..
وعاد عثمان ميرغني لإثارة قضية شركة الأقطان التي كنا نظن انها هي التي (جابت الهوا)..
الشاهد أنّ (عُصمان سيد الدكان) أقصد سيد التيار عاد ولم تعد هويدا .. وأدرك شهر زاد الصباح فسكتت عن الكلام المباح.
أخيراً .. لماذا لا يقود سودانيز اونلاين حملة للتضامن مع هويدا سر الختم ..
|
Post: #5
Title: Re: أخبار التيار شنو ؟؟؟!!! ... يا علي ميرغني أخو عثمان ميرغني.
Author: على ميرغني
Date: 03-12-2012, 02:06 PM
Parent: #2
| Quote: وشكلو المهندس عثمان ميرغني باااااااااااع الجماعة ورضخ لما سماه باشتراطات من الاجهزة الامنية |
وشكلك زعلتي لانو كدا فشل عليك اقتراحك الجميل لناس الجهاز
| Quote: حيث اختفى عمود هويدا سر الختم وتم ابعادها نهااااائي عن الكتابة |
منو القال ليك نهائييييييييييييييييييييييييييييياً عن الكتابة..
وزي ما انتو في المؤتمر الوطني لمن الزول يلبع ليهو لبعة كبيرة
ويغلبو يبلعها مش بتقومو تديهو اجازة وتسموها اجازة محارب.. وتييييييييييييييب
نحنا برضو في التيار عندنا اجازة محارب.. بس بدون لبع قروش الحكومة..
يعني تقدري تقولي هويدا في اجازة محارب بامر جهات رسمية
ناس تكتل الكتيل وتبكي عليهو
|
Post: #6
Title: Re: أخبار التيار شنو ؟؟؟!!! ... يا علي ميرغني أخو عثمان ميرغني.
Author: محمد قسم الله محمد
Date: 03-12-2012, 11:05 PM
Parent: #5
| Quote: ناس تكتل الكتيل وتبكي عليهو |
روِّق المنقه يا ابو علوه.
|
|