Post: #1 Title: لا لترحيل الجنوبيين من الشمال هم سودانيين في الاصل يا ايها العنصريون Author: Haju Muktar Date: 03-11-2012, 10:08 PM
هذا الوطن السودان يسعنا جميعا و عشنا مع بعض وعرفنا بعض جون ومحمد احمد وادماي وادروب ومحمد صالح لا لترحيل منقو زمبيري منقو ومحمد قول اخوان و في القولد ا التقيت با الصديق علي عبد اللطيف والماظ تاريخ وجغرافيا منهج وحب وطن البشير لا يمكن ان يقرر في مريم ومي بنياتي وعايزين نبني مدرسه وكل سونكي يصبح مسطرينا ياي بيلدنا يلا يا اولاد المدارس زهرتين علي يا مبيو وزهره تالته علي رفاعه رفاعه الشيخ لطفي والطلبه الجنوبيون في رفاعه بطاحين وكوستي القوز وباقان تلميذ والسني الثانويه ودينق الور او احمد الور تلميذ (المسيريه والتصاهر) وادورد لينو الدينكاوي فتيحابي يحب الجموعيه سبت اشولي من جوبا ادروب من جبيت فاسكا من الاستوائيه قلت ليها السودان حا ينفصل قالت افصلو البلد بس خلو لينا وردي وجدان واحد شعب واحد دعوه للتوقيع لا لترحيل الجنوبيين من الشمال
Post: #2 Title: Re: لا لترحيل الجنوبيين من الشمال هم سودانيين في الاصل يا ايها العنصر Author: Haju Muktar Date: 03-11-2012, 10:31 PM Parent: #1
ام دوم في الجنوب تجاره ربح وخساره مصاهره اولاد وبنات انيس حجار مزارع تبغ ومفاوضات وروح ومدافن حجار وطلبه جنوبيين في الاهليه الشلك في ملكال سيف ومالك سيف الدين تجار شلكاويه من ملكان نسيبة دنقلاوي دينكاويه من ابياي عم اولاده من ابوحمد عم امين عكاشه من الخرطوم شرق والام بارياويه ولسع تصاهر وعلاقات لا البشير ولا خالو برحلوا الجنوبيين وطنيين في وطن فليرحل البشيير وزمرته
Post: #3 Title: Re: لا لترحيل الجنوبيين من الشمال هم سودانيين في الاصل يا ايها العنصر Author: Amin Salim Date: 03-11-2012, 10:50 PM Parent: #2
سلام اخ هجو
الجنوبين صوتو اشان ينفصلو براهم....................ماف زوا اجبرهم على كدا
انتا عايزم يطردو التجار الشمالببن من الجنوب و الحكومه تقعد تتفرج !
لا والف لا ل dual nationality
الدبلوماسيه تقتدى المعامله بالمثل
Post: #4 Title: Re: لا لترحيل الجنوبيين من الشمال هم سودانيين في الاصل يا ايها العنصر Author: Haju Muktar Date: 03-11-2012, 11:15 PM Parent: #3
يا امين انا تاجر في الجنزب وشغال مع تجار شماليين امرقوا انتو بتاعين السياسه نحن والجنوبيين اهل اختونا انت والبشير نحن وردي وزيدان وديرك و استيفن اوشيلا وانا متاكد انت ما بتعرفم ديل اخوانا في الوطن امش اعرف الوطن بعداك تعال اتكلم
Post: #5 Title: Re: لا لترحيل الجنوبيين من الشمال هم سودانيين في الاصل يا ايها العنصر Author: Amin Salim Date: 03-11-2012, 11:44 PM Parent: #4
يا مان ما اى زول يختلف معاك فى وجهة نظر تقوم تصنفو على الماشى
Post: #6 Title: Re: لا لترحيل الجنوبيين من الشمال هم سودانيين في الاصل يا ايها العنصر Author: Haju Muktar Date: 03-11-2012, 11:59 PM Parent: #5
الاخ امين تحياتي المشكله ما جنوبيين والبشير المشكله في نظام البشير وده نظام عنصري
Post: #7 Title: Re: لا لترحيل الجنوبيين من الشمال هم سودانيين في الاصل يا ايها العنصر Author: Tragie Mustafa Date: 03-12-2012, 00:01 AM Parent: #5
لا لترحيل الجنوبين من الشمال!
هم مننا ونحن منهم
فاليخرجوا الكيزان من حياتنا ويتركونا بخير.
شكرا هجو....و الجنوب فعلا مفتوح لنا
بالعكس المؤتمر الوطني هو الذي يطارد ابناء شعبنا الفارين من بطشه بالجنوب!
وليس باكثر من حريق سوق كونج كونجي!
Post: #9 Title: Re: لا لترحيل الجنوبيين من الشمال هم سودانيين في الاصل يا ايها العنصر Author: Haju Muktar Date: 03-12-2012, 09:44 PM Parent: #7
شكرا الاخت تراجي علي الطله البهيه الشماليين في الجنوب عايشين في امان لكن الاعلام العنصري بينقل في صوره غير حقيقيه فا النظام بني سياسته علي العنصريه ومن المؤسف احيانا تجدي المثقفين الشماليين بيصدقوا اكاذيب الانتباهه والمشاكل الممكن تكون حدثت في الجنوب احداث شخصيه وذات تصرفات شخصيه ولكن الاعلام العنصري بيستخدمها في الترويج لاظهار انسان الجنوب ليس الا حيوان غاب والان الششماليين في الجنوب في امان في رمضان المضي اقام الرئيس سلفاكير الافطار السنوي في القصر الرئاسي حضره جمع غفير من المسلمين شماليين وجنوبيين الان الشماليين في مطار جوبا بيقيفوا في صف واحد مع الجنوبيين ويدخلون دون تاشيره او بالاصح لايقفون في صف الاجانب الحياة تسير بصوره طبيعيه للشماليين ولكنه اعلام النظام
Post: #8 Title: Re: لا لترحيل الجنوبيين من الشمال هم سودانيين في الاصل يا ايها العنصر Author: Elmosley Date: 03-12-2012, 01:44 AM Parent: #1
ده بيتنا وعندو باب واحد حندخل كيف لوقفلناهو؟؟؟؟؟؟
Post: #10 Title: Re: لا لترحيل الجنوبيين من الشمال هم سودانيين في الاصل يا ايها العنصر Author: مدثر صديق Date: 03-13-2012, 06:09 AM Parent: #8
كلام باقان في لقاء صحفي
Quote: الي ماذا تعزي النسبة الساحقة في التصويت بنسبة 98% للانفصال؟ وهل عبرت النتيجة عن حقيقة مشاعر المواطن الجنوبي تجاه الشمال؟ النسبة العالية هي نتيجة لفشل الدولة السودانية لانها قائمة علي تهميش الجنوبيين واقصاءهم وعدم الاعتراف بوجودهم كجزء من الدولة اضافة الي انكار واجهاض مصالح الجنوبيين
هم صوتوا بنسبة 98% للانفصال فلماذا اذا يقيمون في دولة قائمة على تهميشهم و العمل على اقصائهم و السكن في دولة فاشلة كما قال باقان ......!!!!!!!!!!!!!!!!!!!!!!!!!!!!!!!!!
Post: #11 Title: Re: لا لترحيل الجنوبيين من الشمال هم سودانيين في الاصل يا ايها العنصر Author: محمد جلال عبدالله Date: 03-13-2012, 08:58 AM Parent: #10
العواطف لا تنفع في السياسة والعلاقات بين الدول هم منا ونحن منهم .. طيب انفصلوا ليه بس ما تقول لي المؤتمر الوطني مشى زور إرادتهم وللا جرح شعورهم عشان كده ... ياااااا حراااام ما قدروا يستحملوا قاموا شتتوا
الجنوبيون اتمردوا من 1955 .. فل استوب
Post: #12 Title: Re: لا لترحيل الجنوبيين من الشمال هم سودانيين في الاصل يا ايها العنصر Author: عزام حسن فرح Date: 03-13-2012, 09:36 AM Parent: #11
طراجي
Quote: فاليخرجوا الكيزان من حياتنا ويتركونا بخير
بِالله لو ما ساي نوعِك ده يتحدث عن السودان والسودانِيين، زوله أبوها تُركي وأمها برتاوِية (قبيلة نازحه لِلسودان من غرب إفْريقيا) وأكانت متزَوِجة بأُرْدني فاقِع لونو وعافت ناس كوكو وتيه وتلفون، وعندها الجواز الكندي وقرت في مصر، تقوم تناضِم في السودان والسودانِيين، سُبحان الله، صحي بلد جَبانَتا هايصا.. حرم لو السودان عِدِمْ الكوز حق السًُقى، خليهو كوز السِياسة، جنوبي تاني يقْدِل بينا ماف، ده ما رأي الكيزان، ده رأي أغلب قبائِل السودان الأصلِية.. الأصلية يا طراجي واخدا بال سعادتك!
ثُم أما بعد نقْطتين شرطة عملتي لينا شنو في مَوضوع رايات دِيوم بحري الفتحتي ليهو عمود وقُلتي فيهو إنو أنا فلاحتي فوق ها الرايات.. هههه هههه يا زوله إنتي قايلاني بعتِقِك
Post: #13 Title: Re: لا لترحيل الجنوبيين من الشمال هم سودانيين في الاصل يا ايها العنصر Author: Haju Muktar Date: 03-13-2012, 10:52 AM Parent: #10
يا سيد مدثر صوتوا في شان حقنة كمال عبيد ودلوكة الطيب مصطفي التي يكتب فيها من مؤخرته النتنه ويقرر باسم الشعب الفضل نفايات الهندي عزالدين وعلام النظام الضال
Post: #14 Title: Re: لا لترحيل الجنوبيين من الشمال هم سودانيين في الاصل يا ايها العنصر Author: Haju Muktar Date: 03-13-2012, 08:31 PM Parent: #8
الاستاذ الفنان الاصيل الموصلي تحياتي وشكرا لرفد البوست بعافيه وشول ياريت يفهموا عافيه وشول يا هو الباب واحد
Post: #15 Title: Re: لا لترحيل الجنوبيين من الشمال هم سودانيين في الاصل يا ايها العنصر Author: Haju Muktar Date: 03-13-2012, 08:32 PM Parent: #8
الاستاذ الفنان الاصيل الموصلي تحياتي وشكرا لرفد البوست بعافيه وشول ياريت يفهموا عافيه وشول يا هو الباب واحد
