عندي اقتراحين: واحد لبكري أبو بكر والتاني للبروف أمين محمد سليمان

الموضوع بخصوص السرقات الأدبية في المنابر السودانية

مقدمة لا بد منها:
بما أن بعد بوست البروف أمين محمد سليمان الذي كشف فيه السرقات الأدبية لهشام آدم يُعد أكبر سرقة
عرفتها المنتديات السودانية، وأيضاً نوع فريد من نوعه، لأن السرقة تمت عبر الكُتب ويا ريت لو كُتب ساي
كُتب مكتوبة بلغات أجنبية، فهذه الحادثة تفتح الآفاق بأن هشام آدم ليس وحده وأنا متأكد مائة في المائة
بأن هنالك المئات غيره في هذا المنتدى أو منبر سودان فور أول يقومون بالعمل نفسه، وسيُكتشفون عاجلاً
أم آجلاً، والمسألة مسألة وقت، وعز الله القائل:

مهما تكن عند امريء من خليقةٍ خالها تُخفى على الناس فتعلمُ

وعليه أقترح لكلٍ من:

(1) أمين الموقع: الباشمهندس بكري أبوبكر:

أ) أن ينقل كل بوست يُفضح فيه الكاتب بلصوصيته إلى مكتبة هذا الكاتب، حتى يعرف الجميع حقيقته.

ب) أن يُثبت البوست الذي اُكتشفت فيه السرقة في أعلى المنبر حتى يطالعه الجميع.

وعليه أقترح أن يُثبت البوست أدناه ويُنقل إلى مكتبة هشام آدم:
المجموعة (غير) الكاملة لعلايف هشام أدم !!

2) اقتراح للبروف أمين محمد سليمان:

أ) يا أمين ما دام الله حباك بملكة كشف هذا النوع من السرقات المُحكمة، أقترح عليك بأن تواصل
كشف الآخرين واحد تلو الآخر، فهذا عمل جليل وجُهد مقدر فلا يغلبك كشف الآخرين.

ب) الترفع عن صغائر الأمور مثل الرد على إساءة هشام آدم لك بأن تكشف سرقاته، فهذا لا يشبهك،
وكن كبيراً كما عهدناك، إتجه لكشف جميع اللصوص أصدقائك أو أعدائك على حد سواء، وأن يكون
كشف اللصوص هو مبدأ لك، فستكبر في أعننا أكثر و أكثر.

رأيكم شنو يا بكري وأمين دام فضلكم؟!

و من يُثني؟!

قال كابلى :: انى (اقترح) !
وردى قال لى : (اقتراحك) ما بفيد !












ـــــــــــــــ
اثنى ... على شرط

يثبتوا الالقاب المعلوفه كلها للبروف
كمان العلف بكسر اللام فيهو خيار وفقوس !! ..

Quote: ب) الترفع عن صغائر الأمور مثل الرد على إساءة هشام آدم لك بأن تكشف سرقاته، فهذا لا يشبهك، وكن كبيراً كما عهدناك، إتجه لكشف جميع اللصوص أصدقائك أو أعدائك على حد سواء، وأن يكون كشف اللصوص هو مبدأ لك، فستكبر في أعننا أكثر و أكثر.

كسرت ضهرو يا نذير























-------

الله يستر ..
قبل كدا كان في واحد فاكيها فينا هنا انو محقق اسفيري و كشاف سرقات ادبية ..
طلع اكبر "علي بابا" يا قول البنغالي!!

البروف عليفتو علي انا دا
يا ويلو .. ويا سواد ليلو
البلدي المحن .. يقعد يلولي سغارا عاد

نذير انت اطلع منها بس وهي ماشة براها

لوووووووووووول @ دينا & قيقا & ود البشرى

يا دينا منورة البوست ولو بالإيد كنت ضبحت ليك عديل كدا، بالمناسبة أنا بنبسط لمن واحدة من الجنس
اللطيف تدخل بوستاتي وكان زمان
عندنا مثل شائع في البالتوك أسألي منو ياسر طيفور ودينق والمثل بقول معرفة الضكير للضكير النوم أخير

ويا قيقا وود البشرى تعرفوا نحن مشكلتنا بالجد شعب طيب وبنجامل في أي حاجة
السرقات الأدبية دي ما فيها أي مجاملة، علشان كدا عايزين بكري يقيف وقفة قوية
في الموضوع دا، وبالمناسبة بكري قبل كدا وقف وقفة قوية في موضوع سرقة الصحافيين
من النت، وكان بثبت البوستات التى تتحدث عن تلك السرقات، ولذا أناشدة بأن يقيف بقوة الآن

تحياتي وتقديري للجميع

يا معلم .. ناس النظام العام إن شاء الله ما جهجهوكـ!!
شالوا المعروضات وعملوا ليكـ إخلاء سبيل ولّ انجلدت؟

لووووووووووووووووووووووول @ ود الصائم

يا ود الصائم تاني تووووووووووووووووووبة لو أنا ما حاسي بأني
في كامل قواي العقلية ما ح أفتح لي بوست، والبركة في أبو صلعة مع قصر
مع أخوك تب، كل ما يلقاني مزنوق في بوست بقول يشلحو هاهاها

أخونا و حبيبنا النذير... سلامات ياخي

Quote: 2) اقتراح للبروف أمين محمد سليمان: أ) يا أمين ما دام الله حباك بملكة كشف هذا النوع من السرقات المُحكمة، أقترح عليك بأن تواصل كشف الآخرين واحد تلو الآخر، فهذا عمل جليل وجُهد مقدر فلا يغلبك كشف الآخرين. ب) الترفع عن صغائر الأمور مثل الرد على إساءة هشام آدم لك بأن تكشف سرقاته، فهذا لا يشبهك، وكن كبيراً كما عهدناك، إتجه لكشف جميع اللصوص أصدقائك أو أعدائك على حد سواء، وأن يكون كشف اللصوص هو مبدأ لك، فستكبر في أعننا أكثر و أكثر.

والله يا النذير كان عارف القصة دي صعبة و منهكة كيف ما تقترح اقتراحك ده كلو كلو !!
الصعوبة في الزمن مافي التكتيك ... المسالة دي بتطلب زمن ما أظنو يتوفر لي إلا تفرغوني و تدفعو لي ماهية .... بعدين في جزء كبير مني ما كان راضي عن المسالة دي من ناحية أخلاقية ... مرات كنت بشوفها زي أنا بفتش في عورات الناس ... الحاجة الوحيدة الكانت مخلياني استمر ... إنو هشام إتحدني أثبت إتهامي ليهو ( أنا إتهمتو بناء علي كلام ناس تانيين ) ... لكن مسالة أفتش في كتابات ناس تانيين غير صعوبتها و عدم وجود زمن ... مدي اخلاقيتها بالنسبة لي ...
بالنسبة ل (الترفع عن صغائر الأمور مثل الرد على إساءة هشام آدم ) ... إحتمال شتيمة هشام لي ما تكون أثرت في بيان العلفات قدر تحديهو باثباتها ... في سودانيزولاين الناس تشتم بسبب و بغير سبب ... لكنو طالبني بدليل علي اتهاماتي ليهو و كل العملتو إنو جبت الدليل ....
حقيقة والله أرجو إنو هشام و العلافين المستترين يستفيدو منو و يحاولو يجودو شغلهم بمجهودهم ما بمجهود الناس التانيين ...

Quote: لوووووووووووول @ دينا & قيقا & ود البشرى يا دينا منورة البوست ولو بالإيد كنت ضبحت ليك عديل كدا، بالمناسبة أنا بنبسط لمن واحدة من الجنس اللطيف تدخل بوستاتي وكان زمان عندنا مثل شائع في البالتوك أسألي منو ياسر طيفور ودينق والمثل بقول معرفة الضكير للضكير النوم أخير ويا قيقا وود البشرى تعرفوا نحن مشكلتنا بالجد شعب طيب وبنجامل في أي حاجة السرقات الأدبية دي ما فيها أي مجاملة، علشان كدا عايزين بكري يقيف وقفة قوية في الموضوع دا، وبالمناسبة بكري قبل كدا وقف وقفة قوية في موضوع سرقة الصحافيين من النت، وكان بثبت البوستات التى تتحدث عن تلك السرقات، ولذا أناشدة بأن يقيف بقوة الآن تحياتي وتقديري للجميع

إنت جيت يارمضان؟

الأخ النذير لماذا وانت قادر علي ان تكتب تهتم بالشمارات وحتي هشام لماذا تريد أن تزيد علي جراحه جراح وهو مع أختلافي معاه في موضوع العقيدة الا أنه مع ما نسب عليه لكن دا ما خلي أي زول يقول انه هشام ما قادر علي الابداع اكثر من اي واحد من المنتقدين له من بوست الي بوست ياريتك توجه جهدك لما يفيد الناس والسارقين لا تخاف لن يفلتوا لكن اترك امرهم فلن يفلت سارق من الفضيحة

يا سيِّد مرارة

ما ناسيك والله وذكراك شاغلة بالي ؛)
__
سهر الجداد ولا نومو ؛)

Quote: كسرت ضهرو يا نذير

ضهر منننو يا قيقا ..
البروف واللا زهير بن ابي سلمى؟