Post: #1
Title: وزير يقلد بقرة وشاح ملكة جمال الأبقار .. حدث في الخرطوم امس
Author: معتصم محمد صالح
Date: 03-09-2012, 08:22 PM
الخرطوم - هالة شقيلة
{ تنافست (9) بقرات على لقب ملكة جمال البقر خلال منافسة أقامتها الشركة المختصة لصناعة الأعلاف ومنتجات الألبان والمعدات والمستلزمات البيطرية، برعاية شركة كنانة ووزارة الثروة الحيوانية.. وفازت باللقب البقرة «الفلوجة» لصاحبها «طلحة حاج الصادق»، وجاءت في المرتبة الثانية البقرة «زحل» لنفس الملك، فيما حلت ثالثةً البقرة «جربوعة».
ملكة الجمال مُنحت مبلغ (10) آلاف جنيه ووشاح قلده إياها وزير الثروة الحيوانية والسمكية د. «فيصل حسن إبراهيم».
{ مقاييس الاختيار
عضو اللجنة المنظمة للدورة الخاصة لمهرجان الأبقار د. معاذ عبد الله قال إن التنافس تمّ بالشكل الظاهري وكمية اللبن المنتج في اليوم والصحة الجيدة، وأن تكون البقرة ولوفة وهادئة و(راقية).. موضحاً أن «الفلوجة» انطبقت عليها المواصفات، إذ تحلب (89) رطلاً في اليوم.. و«زحل» لها ذات المواصفات الشكلية وتحلب (86) رطلاً في اليوم، أما «جربوعة» فتحلب (78) رطلاً.
{ مسابقة عالميَّة
د. معاذ قال إن المنافسة عالمية، واشتركت فيها اليابان والبرازيل بصورة من المنتج، وكانت المنافسة بين ولايات: الخرطوم، سنار، النيل الأبيض، والبحر الأحمر.. وذلك في منافسة (البقرات).. فيما جرت منافسات (الآنسات) وهي أبقار (الفريزيان) الشابة التي فازت ملكةً لجمالها بقرة سميت باسم الطبيبة التي ولَّدتها.. أما في الذكور (الثيران) فقد فاز ثور مُنح جائزة قدرها (5) آلاف جنيه.
{ تأمين وإسعاف..!
المهرجان برنامج ترفيهي الهدف منه الربط بين المنتج والمستثمرين وخلق معرفة بينهما، وإزكاء روح التنافس، كما قال اللواء حسن محمد حسن رئيس اللجنة التنفيذية، وأضاف: تم التأمين على الأبقار المنافسة وخصص لها إسعاف.
المصدر
http://www.alahramsd.com/ah_news/29077.html
|
Post: #2
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: معتصم محمد صالح
Date: 03-09-2012, 08:25 PM
Parent: #1
معليش قالوا اسمها ملكة جمال (البقر) .....
حد يصحي دينا خالد
|
Post: #3
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: محمد جلال عبدالله
Date: 03-10-2012, 03:51 AM
Parent: #2
خلاص انعلموا العباطة بتاعت الخليجيين دي
ملكة جمال البقر وملكة جمال الماعز!!!
تحياتي معتصم
|
Post: #4
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: معتصم محمد صالح
Date: 03-10-2012, 04:07 AM
Parent: #3
لكن يا محمد نحنا وين والخليجيين وين؟
تقديري
|
Post: #5
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: معتصم محمد صالح
Date: 03-10-2012, 04:13 AM
Parent: #4
Quote: ملكة الجمال مُنحت مبلغ (10) آلاف جنيه ووشاح قلده إياها وزير الثروة الحيوانية والسمكية د. «فيصل حسن إبراهيم».
|
|
Post: #6
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: معتصم محمد صالح
Date: 03-10-2012, 05:23 AM
Parent: #5
هل انتهى السيد الوزير من حل بعض مشاكل الثروة الحيوانية ؟
|
Post: #7
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: Zomrawi Alweli
Date: 03-10-2012, 05:43 AM
Parent: #6
| Quote: وزير يقلد بقرة وشاح ملكة جمال الأبقار .. حدث في الخرطوم امس ¿ |
الخبز العيش الرغيف
الحياة الكريمة
الحرية
الانسان
ولك التحية
|
Post: #8
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: Alshafea Ibrahim
Date: 03-10-2012, 06:00 AM
Parent: #7
المترفون يا معتصم مستجدي النعمة
أيهما أولى بهذا البذخ الإنسان أم الحيوان ؟
الشفيع
|
Post: #9
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: عاطف مكاوى
Date: 03-10-2012, 06:09 AM
Parent: #8
لا بأس ......
ولكن لماذا يُحرمون مسابقات ملكات جمال النساء ؟
-
|
Post: #10
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: بدر الدين احمد موسى
Date: 03-10-2012, 07:11 AM
Parent: #9
معتصم
سلامات
انا كزول بتاع انتاج حيواني اعتقد ان هناك فوائد كثيرة تجنى من هذه المسابقات و فعلا هناك بقرات جميلات ولو عينك مدربة ممكن تحس انوثة البقرة و جمالها.
و الشكل الخارجي للبقرة ممكن يعطيك فكرة عن المستوى المتوقع من انتاج اللبن, و الشكل دا بنسميه الودج شيب wedge shape و هو تلاتة مثلثات ترسمهاحول جسم البقرة, و كلما اتسعت قاعدة المثلث كلما كان ذلك دليل على علو انتاجية اللبن.
مرة, بعد ما اتخرجنا, مشينا جامعة اسكندرية في زيارة لكلية الزراعة و الانتاج الحيواني, و طبعا المصريين عندهم الجاموس اكثر من البقر, فسألنا احد الباحثين لديهم كيف يمكنهم الحكم على الجاموسة من الخارج, فقال لينا "لا لا ديت حقت ربنا" و طبعا نحنا بروفيسور بيومي الله يرحمه حفظنا حكاية الودج شيب حفظ, فقعدنا نضحك من قلة علم اخوانا في الشمال ههههههه
من الفوائد التي تجنى من المسابقات:
*نشر الارشاد الزراعي و الحيواني.
*تحفييز ترقية السلالات. و لو بتتذكر ان شارلز داروين كان من هواة تربية الحمام و كان لا يفوت معرض او مسابقة و عشان كدة تلقاه استخدم الحمام بكثرة في كتابه المشهور اصل الانواع..
*المنافسة و نشر المعلومات. يعني هسع لما تعرف ان هناك بقرة تنتج تمانين رطل و انت عندك بقرة بتحلب عشرة اكيد حتبغر و تحاول تحسن سلالة ابقارك و تحسن تربيتها.
و هناك فوائد تانية كتيرة.
|
Post: #11
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: Hisham Ibrahim
Date: 03-10-2012, 07:41 AM
Parent: #10
عجباً
يقتلون النساء ...
ويكرمون البقر ....
يبدو إنو الجاي حا يكون اجمل مما نتوقع ..!!
|
Post: #12
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: فايزودالقاضي
Date: 03-10-2012, 07:42 AM
Parent: #10
غايتو ماعجبني في الموضوع الا سيد البقرة (الفلوجة ) طلحة ...
ربنا يبعد البوست عن ود البشرى
|
Post: #13
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: ناذر محمد الخليفة
Date: 03-10-2012, 07:53 AM
Parent: #10
سلام ابو نون ..
معيار اختيار ملكة جمال البقر وعرفناهو
| Quote: أما في الذكور (الثيران) فقد فاز ثور مُنح جائزة قدرها (5) آلاف جنيه. |
التور دا ادوهو جائزة في شنو ؟!
غايتو يا جرائد الخرطوم حيرتونا ..!! ليه باترين الخبر دا ؟ ليس في العلم حياء ..!
قلتو البقرة جات الأولى عشان كدي وكدي وكدي وادوها جائزة .. تقوموا تكتبوا التور أدوهو جائزة بدون ما تورونا في شنو ؟!
نسأل الله السلامة ...! بعد الجائزة دي إنشالله بس ما يكون زي تيس ناس عوض الجيد الجابوهو للغنم ووقع الرضاعة ..!!
|
Post: #14
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: قاسم المهداوى
Date: 03-10-2012, 08:22 AM
Parent: #13
يا نازر
سلااامات ياخ الصحة والحاجات
Quote: التور دا ادوهو جائزة في شنو ؟!
غايتو يا جرائد الخرطوم حيرتونا ..!! ليه باترين الخبر دا ؟ ليس في العلم حياء ..!
قلتو البقرة جات الأولى عشان كدي وكدي وكدي وادوها جائزة .. تقوموا تكتبوا التور أدوهو جائزة بدون ما تورونا في شنو ؟!
نسأل الله السلامة ...! بعد الجائزة دي إنشالله بس ما يكون زي تيس ناس عوض الجيد الجابوهو للغنم ووقع الرضاعة ..!! |
ياخ اعمل رايح من الموضوع دا
وقول لينا انت جاااى متين ؟؟
خلينا فى المهم ياخ
خارج النص وليس( النُص )
كدا وزير ملكات جمال البقر دا اسمو منو ؟؟؟
قاسم المهداوى
|
Post: #15
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: Abureesh
Date: 03-10-2012, 08:27 AM
Parent: #13
توجه يصب فى دعم حماية البيئة
قيل سنة ملكة لجمال كانت بير بترول.. اللاو اعلم السنة الجاية ملكة الجمال حتكون شجرة قنقليز او تبلدية
|
Post: #16
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: ناذر محمد الخليفة
Date: 03-10-2012, 08:31 AM
Parent: #15
قاسم كيفك ..
Quote: كدا وزير ملكات جمال البقر دا اسمو منو ؟؟؟
|
قالوا تحت تحت والله اعلم انو الوزير كان (نعجة) ..!!
|
Post: #17
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: قاسم المهداوى
Date: 03-10-2012, 08:52 AM
Parent: #16
يا نازر
برضو انت جااى متين ؟؟؟
عارف البقرة القلدت الوزير وشاح دى عملت لى وجع (وش )
جاوب على السؤال او استعين بى حبيب نورة
قاسم المهداوى
|
Post: #18
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: البحيراوي
Date: 03-10-2012, 09:18 AM
Parent: #17
يا أخوان البقرة دي ما عندها تيراب
والله عشنا وشفنا خلاص نحن في دار حمر دايرين لينا حفلة بتاعة ملكة جمال النعاج والخروف
والكبابيش دايرين ليهم ملكة جمال الإبل
والمسيرية دايرين ليهم ملكة جمال البقر برضو .
بحيراوي
|
Post: #19
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: محمد عبد الماجد الصايم
Date: 03-10-2012, 10:04 AM
Parent: #18
|
Post: #20
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: ناذر محمد الخليفة
Date: 03-10-2012, 11:31 AM
Parent: #19
نسأل الله السلامة غايتو ..!!
يا ابو نون .. كدي لو سمحت جيب لينا صورة للتور البدون تفاصيل دا عشان نشوف معيار جائزتو كان شنو ؟!
صورة للملك التور بس .. الملكة البقرة خلها وكت عرفنا معيار الجمال بتاعا ..!
يا مهداوي سلام ..
Quote: يا نازر
برضو انت جااى متين ؟؟؟ |
نهاية الأسبوع دا انشاء الله ..!
ما داير ليك بقرة ولا تور أجيبا ليك معاي من السوق الحر ..!!
|
Post: #21
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: دينا خالد
Date: 03-10-2012, 03:52 PM
Parent: #20
لووووب يامعتصم
خلاس انا اتاكدت انو فعلا البلد دى ماشه
فى النازل .. خليت الدهب قبلت على البقر ؟؟؟؟
ــــــــــــــــ
معتصم .. كما كنت !
|
Post: #22
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: محمد الامين احمد
Date: 03-10-2012, 04:17 PM
Parent: #21
تحية طيبة للجميع
يا ناذر ، شكلو زولك الكان بيكلم البقر ده كان مفهوم الموضوع صح و نحن المجنترين !
Quote:
ملكة الجمال مُنحت مبلغ (10) آلاف جنيه ووشاح قلده إياها وزير الثروة الحيوانية والسمكية د. «فيصل حسن إبراهيم».
|
مع كل الاحترام، و لكن هذا نفس المبلغ الذى حصلت عليه لجنة (حكماء) نجوم الغد من رجل الاعمال (ودالجبل) ! مفارقة مش كده
|
Post: #23
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: معاوية عوض الكريم
Date: 03-10-2012, 04:26 PM
Parent: #22
وين الصور ؟؟
|
Post: #24
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: نادر الفضلى
Date: 03-10-2012, 04:34 PM
Parent: #22
فى خبر ملكة جمال بدون صور .. بس إنشاء !!
أين صورة البقرة الملكة ووصيفاتها؟
معليش التور مراعاة لظروف فنية لم تنشر صورتو .. !!
من مقاييس ملكة الجمال عند البشر النحافة،
عند البقر البدانة .. إختلاف مقدار بإختلاف النوع
|
Post: #25
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: ناذر محمد الخليفة
Date: 03-10-2012, 07:37 PM
Parent: #24
سلام محمد الأمين ..
Quote: يا ناذر ، شكلو زولك الكان بيكلم البقر ده كان مفهوم الموضوع صح و نحن المجنترين !
|
والله أنا بقيت شاكي في روحي ..!!
الليلة من الصباح المنبر فيهو تلاتة يوستات عن البقر والتيران .. بتاعي داك وبتاع ابو نون دا وبتاع التور العمل أزمة مع السفير العراقي ..!!!
هل دا كلو صدفة (يا قول بشاشا) ..!
| Quote: مع كل الاحترام، و لكن هذا نفس المبلغ الذى حصلت عليه لجنة (حكماء) نجوم الغد من رجل الاعمال (ودالجبل) ! مفارقة مش كده |
هههههههههههههههههههههه
لكن ديلاك بيحلبوا كم رطل ..!!!
|
Post: #26
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: بدر الدين احمد موسى
Date: 03-10-2012, 09:34 PM
Parent: #25
نادر الفضلي
تحياتي
"من مقاييس ملكة الجمال عند البشر النحافة،
عند البقر البدانة زز إختلاف مقدار بإختلاف النوع "
سيم سيم بالكربون!
برضو يا نادر, من مقاييس الانتاجية العالية لدى ابقار, و بالتالي, جمالهن ظهور ضلوع البقر يعني ان لا يكن بدينات. و للبدانة اثار سالبة جدا على الانتاجية. و دي كانت من نتائج دراسة ماجستير عملتها في الخرطوم و موجودة في مكتبة الجامعة.
يعني لما تكون البقرة في حالة جسمية مقبولة و ضلوعها ظاهرة, دا يدل على انها تحول العلف للبن, بدل ما تحوله لشحم. و البقرة السمينة تحول الغذاء لشحم و انتاجها يكون قليل. و امكانية رجوعها للحمل تكون اقل و امكانية مرض عجولها اكبر و امكانية تعرضها للمرض ايضا اكبر.
|
Post: #27
Title: Re: وزير يقلد بقرة وشاح ملكة جمال الأبقار .. حدث في الخرطوم امس
Author: معتصم محمد صالح
Date: 03-11-2012, 08:04 AM
Parent: #26
تحياتي للجميع ..
طبعا قصة الصور مافي دي حرقتني شديد ومن امبارح بفتش فيها ..
أها دي ملكة الجمال الاسمها الفلوجة ..
أما التور صورتو مع ناذر بطريقتكم معاهو ..
يلا ماااو
|
|