Post: #1
Title: الله أكبر .. تم رفع الحصانة عن الملازم المتهم وإيداعه الحراسة
Author: محمد فرح
Date: 03-08-2012, 07:16 AM
Parent: #0
كنت على ثقة بأن العدالة ستأخذ مجراها الطبيعي في هذه القضيه التي تفاعلنا معها جميعاً
المهندس ابراهيم محمود يتولى الملف بنفسه وكافة القيادات الأخرى أولت الأمر أقصى اهتمامها فالحدث صعق الجميع
حالياً الملازم في الحراسه وقد تم رفع الحصانة عنه وفتح بلاغ جنائي في مواجهته وسيقبع بالحراسة لحين إنتهاء التحقيق وتقديمة للمحاكمة
|
Post: #2
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: فدوى الشريف
Date: 03-08-2012, 07:21 AM
Parent: #1
هذا يوضح بأن لاكبير على القانون مهما كان وزنه وصفته
وخطوة صائبة من وزارة الداخلية حتى يتحقق الحكم اللازم
|
Post: #10
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: محمد فرح
Date: 03-08-2012, 08:01 AM
Parent: #2
Quote: هذا يوضح بأن لاكبير على القانون مهما كان وزنه وصفته
وخطوة صائبة من وزارة الداخلية حتى يتحقق الحكم اللازم |
تحياتي فدوى
القصاص هو مطلبنا جميعاً
وكلي ثقه أن قضائنا سيحقق العدالة المنشودة
مؤونة عام من الود
|
Post: #3
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: محمد فرح
Date: 03-08-2012, 07:24 AM
Parent: #1
للأسف حاول بعض المتنوضلين (عنصرة) القضية وذلك للتكسب السياسي الرخيص
وهؤلاء لاتهمهم عوضية بل أعتقد أنهم سعيدون بهذه الحادثة التي تعتبر (مكسب) لهم
وبدلاً عن السعي لمواساة أسرة الفقيدة سارعوا لإشعال نار العنصرية وإنها وربي لأبغض الأمور
ألا تكفيكم جراح هذا الوطن ياهؤلاء
قاتل الله كل من سعى لتمزيق نسيخ وطننا وزرع الفتن والإحن
إستغربت جداً لرفع بكري لبوست الأجنبي العنصري دينق كمانشيت رئيسي في المنبر
هذا الأجنبي وأمه الروحة أم العنصريه تراجي لن يهدأ لهم بال حتى يشاهدوا رماد هذا الوطن يتناثر في الهواء
لكن شعبنا أوعى منكم ووحدتنا لن تكسرها سهامكم اللينه النتنه
|
Post: #34
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: قاسم المهداوى
Date: 03-08-2012, 05:53 PM
Parent: #3
| Quote: الله أكبر .. تم رفع الحصانة عن الملازم المتهم وإيداعه الحراسة |
اولا الموضوع ليس بالحجم الذى تقحم فيه اسم الجلالة شى بديهى واكتر من عادى
ان اى دولة لديها نظام ومؤسسات ان تحاسب موظفيها على الاخطاء بمعنى ماف معجزة علشان
تكبير تهليل بسبب وبدون سبب ، هذا لا يدل على ان للدولة مؤسسات بل رد فعل الشارع هو ما اجبر
الدولة على بدء المحاسبة والله اعلم حتمشى لى وين ؟؟؟ وممكن يطلعوهو ليك مجنون او عندو نفسيات
مثل ما حدث من قبل اغتيال الفنان خوجلى عثمان ؟؟
| Quote: ألا تكفيكم جراح هذا الوطن ياهؤلاء |
مردود السؤال اليك
من الذى أثخن هذا الوطن بكل هذه الجراحات التى وصل الدم فيها وحتى المخاضة ؟؟
| Quote: قاتل الله كل من سعى لتمزيق نسيخ وطننا وزرع الفتن والإحن |
ماف اى زول فى السودان مزق النسيج الاجتماعى داغير الجحوش التى تحكم الان للعلم ليس تلك
التى تمشى على اربع ففى السودان هنالك حجوش تمشى على قدمان !!
فى زمتك تموت وربنا يسالك يوم القيامة منو السبب فى تمزيق النسيج الاجتماعى ؟؟؟
شخصيا حساسيتى ضدك ليس كونك تنتمى للانثية
الفلانية ولكن لكونك تنظيميا رافض للاخرين ومكوش على المال والسلطة وبس
يعنى ماف كراهية لله فى لله ساكت كدا .
| Quote: إستغربت جداً لرفع بكري لبوست الأجنبي العنصري دينق كمانشيت رئيسي في المنبر |
ما قلنا ليك الاشكال هو الضيق من وجود التانى والراى والراى الاخر ،،، ياخ من الله ما خلق الدنيا دى
اصلا ماف حكومة من غير معارضة ؟؟؟ انت عايز كل الناس تبقى مؤتمر وطنى ؟؟؟
| Quote: لكن شعبنا أوعى منكم ووحدتنا لن تكسرها سهامكم اللينه النتنه |
اها شفت دا اسمو حوار الطرشان بتكلم فى نفسك
شعبنا وين هو الشعب ما تبق من شعب مرهق مثقل بالهموم
والجراحات والجبايات والحروب القادمة ( الحدود ،، البترول )
ام موضوع الوحدة فحدث ولا حرج الم نقل انه حوار الطرشان ؟؟
قاسم المهداوى
|
Post: #4
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: عاطف مكاوى
Date: 03-08-2012, 07:25 AM
Parent: #1
سيخرج في ظل نظام القضاء الحالي
ومع ذلك نقول
- التحية لجماهير الديم وكل الذين تحركوا بعد سماعهم لإجرام الإسلامويون
- التحية لأعضاء وعضوات المنابر السودانية المختلفة وعلي رأسهم منبر سودانيزأونلاين دوت كوم
- التحية للأستاذة نجلاء سيدأحمد ... التي إن مسستموها بأى شئ ستقوم قيامتكم ... (نجلاء الآن شخصية عالمية).
- والتحية من قبل ومن بعد لشقيق المرحومة القوى والثابت والراكز.
والخزى والعار للكيزان .
|
Post: #6
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: صديق الموج
Date: 03-08-2012, 07:39 AM
Parent: #4
محمد فرح ........سلام
هسه انت جاى فرحان وتنطط لهذا الفتح المبين ؟
ما اى مجرم فى اى مكان فى الدنيا بقبضوه وبودعوه الحراسة ويحاكموه
انت كان داير تفرح وتفرحنا ما تطالب الحكومة المسعورة دى بالغاء قانون النظام العام
و دمج منسوبى شرطة امن المجتمع وهى التى تروع امن المجتمع وترهب افراده
الى جهاز الشرطه وكفى الله المؤمنين شر القتال، ده اذا كان ما طالبت باسقاط
هذا النظام الفاسد المفسد...
لكن ما بحلكم لو عملتوا الضابط المجرم ده كفته فهذا دم يتابع صاحبه الى يوم الدين
واهلها كانوا سيقتصون منه ولو بايديهم ,,
المهم يجب ان تفهم هذه الحكومة الخائـــبة ان الشعب يريد اسقاط النظام فعليك وعليهم
ان تعلقوها حلق فى اذانكم ويوم غداً لناظره قريب جداً حداً،،،
|
Post: #26
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: محمد فرح
Date: 03-08-2012, 10:26 AM
Parent: #6
أخ صديق
تحياتي
عديدة هي الأخطاء (القاتله) التي ارتكبها منسوبي شرطة النظام العام وامن المجتمع
أثق أن الحادث الأخير سيكون نقطة فارقة في تاريخ شرطة النظام العام
مؤونة عام من الود
|
Post: #16
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: محمد فرح
Date: 03-08-2012, 09:16 AM
Parent: #4
| Quote: سيخرج في ظل نظام القضاء الحالي |
عاطف مكاوي
لاأعتقد ذلك
ولا أتمناه أيضاً
مؤونة عام من الود
|
Post: #5
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: Asim Fageary
Date: 03-08-2012, 07:30 AM
Parent: #1
هو ملازم شنو العندو حصانة
الملازم دا عادي ممكن يعتقل من قبل أي ضابط أعلى منه في الشرطة
هو في الجيش الإسمه جيش
ضابط عظيم إذا أتهموه بيعتقلوا ناس الإستخبارات والشرطة العسكرية
حتة ملازم لا راح ولا جا عنده حصانة
إلا تكون حصانة بتصهل أي لها صوت (الصهيل)
|
Post: #7
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: Saifelyazal Elmaki
Date: 03-08-2012, 07:42 AM
Parent: #5
الاخ محمد فرح وفدوى الشريف
السلام عليكم
ما زالت حادثة اغتيال الطالب بشير الطيب - الطالب بالمستوى الخامس إنجليزي - آداب الخرطوم
( من قبل كادر الكيزان - فيصل حسن ) في الاذهان
وما اشبه البارحة باليوم ....... أين العدالة ؟؟؟؟؟؟؟؟؟؟؟؟؟؟؟؟
رحم الله بشير الطيب وعوضية
|
Post: #32
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: محمد فرح
Date: 03-08-2012, 02:31 PM
Parent: #7
تحياتي سيف اليزل
دعنا لانغرد خارج السرب
مؤونة عام من الود
|
Post: #8
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: Deng
Date: 03-08-2012, 07:46 AM
Parent: #5
سجلكم الأجرامي الحافل بالظلم، لن نتوقع منه أن يقدم لأهل الشهيدة أي نوع من أنواع العدالة.
نظامكم المجرم فقط يريد أمتصاص غضب الشعب السوداني ويهاب أن يتطور الأمر الى ثورة شعيبية عارمة تطيح به.
|
Post: #9
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: المكاشفي الخضر الطاهر
Date: 03-08-2012, 07:58 AM
Parent: #8
الحمد لله الما بقيت ضابط شرطة
زمان قدمت للشرطة وعملنا المعاينات ومرقونا غايتو الحمد لله المابقيت ضابط شرطة
ماممكن زول جايبنو يحفظ الامن ويجردوهو بمجرد تطبيق القانون ويدخلوه الحراسة
يعني الشرطة ما مدعومة او ما مؤنة هي في نفسها
غايتو مشاكل كتيرة
|
Post: #11
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: Murtada Gafar
Date: 03-08-2012, 08:01 AM
Parent: #8
إذا سرق فيهم الضعيف أقاموا عليه الحد !!!
ليت قضاء السودان المختطف يرفع الحصانة عن متهمي المحكمة الجنائية لقتلهم (10 ألف حسب اعترافهم على أقل تقدير) إنسان دارفور واستباحة أعراضهم ويقدمهم للعدالة الدولية، بعدها يمكن أن تكبّر ما شاء لك التكبير.
------------------------
صفعت (لاحظ صفعت وليس قتلت) الشرطية فادية حمدي صفعت محمد البوعزيزي وألقت عليها شرطة بن علي القبض وأودعتها الحبس في خطوة شبيهة لامتصاص غضبة الشعب التونسي، لكن هذه الكذبات لم ولن تنطلي على الشعوب التواقة للتحرر فتداعى نظام الفساد والاستبداد التونسي كقطع الدومينو
شرطي القدو قدو هو هو من قتل الشهيدة عوضية عجبنا وهو هو من جيّش الجيوش لارتكاب الإبادة الجماعية في دارفور وفي جبال النوبة والنيل الأزرق وسيتداعوا كقطع الدومينو. دهـ تأريخ لا يكذب على المشهد الإنساني. بعداك تعال كبِّر برااااااااااحتكـ
|
Post: #12
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: عبد الله كسلا
Date: 03-08-2012, 08:02 AM
Parent: #8
| Quote: وقد تم رفع الحصانة عنه |
يا محمد فرح .. زي ما قال ليك عاصم فقيري .. ملازم شنو العندو حصانة ده ؟؟ !!
أنا غايتو الشي البعرفو إنه الحصانة دي بتكون لناس البعثات الدبلوماسية ..
أو المعينين في السلك القضائي .. أو أصحاب المناصب السيادية ..
لكن أول مرة أعرف إنه ملازم أول أو تاني .. عندو حصانة ..
لكن برضو ما بستغرب .. في الزمن الأغبر ده .. أيِّ شئ ممكن يحصل ..
والملازم ده زاتو ممكن يطلع عادي من الموضوع زي الشعرة من العجين ..
ده إذا كان مقبوض عليه أصلاً .. وموجود في الحراسة ..
لكْ الله يا وطن !!
|
Post: #13
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: ادم شحوتاي
Date: 03-08-2012, 08:34 AM
Parent: #12
اخونا محمد فرح الشرطة قتلت في القضارف رعاة ابقار بدون اي وجه حق وكان قتل مع سبق الاصرار والترصد وقتلت اطفال في كسلا اعمارهم لا تتجاوز الخمسة عشر عاما استرخاصاً لدمائهم فقط ولم يحاكم شرطي واحد ..
كامل تضامني مع اسرة الشهيدة عوضية وأدعو أسرتها الاستفادة من زخم العاصمة ومتابعة القضية طبعاً حتى تأخذ العداله مجارها .. طبعاً أهل الأقاليم عندهم الموت مجاني ..
|
Post: #14
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: محمد أبوالعزائم أبوالريش
Date: 03-08-2012, 09:06 AM
Parent: #13
محمد فرح كضّاب البورد .....
ما هو مصدر هذه المعلومة؟
أي شئ تأتي به يكون موضع شك حتى نتثبت منه (الحق على تاريخك في البورد).
إذا كان خبرك ده صحيح، ليه رفع الحصانة والقبض على القاتل أخد ثلاثة أيام؟ هل كان مختفي مثلاً؟ والا ركب عربية الشرطة ومعاهو أفراد قوته قدام عيون الناس ومشى؟
يهمني جداً التحقق من صحة الخبر، وإلاّ سأتعامل معه على أنه إحدى كذباتك في المنبر التي لا تنتهي.
|
Post: #18
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: محمد فرح
Date: 03-08-2012, 09:30 AM
Parent: #14
Quote:
ما هو مصدر هذه المعلومة؟ |
ابو الريش
الخبر ده إنفردت بيهو آخر لحظه
لمزيد من المعلومات راجع عدد الليله من آخر لحظه ص4
|
Post: #15
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: Alshafea Ibrahim
Date: 03-08-2012, 09:08 AM
Parent: #13
محمد فرح
بالله هات اسم هذا الملازم وقبيلته والواسطة والتذكية التي بموجبها دخل الكلية ..
وبعدين ده ملازم شنو العندو حصانة ؟ لعنة الله على شرطة الكيزان
وراكم
الشفيع
|
Post: #17
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: علاء الدين صلاح محمد
Date: 03-08-2012, 09:18 AM
Parent: #15
محمد الشرطة دي
قتلت في كجبار شباب زي الورد بدون اي ذنب
بالله اعمل خير وكلم وزير الداخلية يشوف
القاتل قتل ليه وليه ما حسابوه
للمعلومية القاتل في كجبار ما ضابط مجرد عسكري نفر
يعنى ساهل ترفع عنو الحصانة
وجزاك الله خير وزوجك من الحور العين
هي لله هي لله لا للسلطة ولا للجاه
|
Post: #19
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: محمد حسن العمدة
Date: 03-08-2012, 09:41 AM
Parent: #17
| Quote: وخطوة صائبة من وزارة الداخلية حتى يتحقق الحكم اللازم |
المهندس بتاعكم دا موش هو الطلع البيان وقذف اسرة الشهيدة في شرفها ؟!!
متى يودع المهندس الحراسة ويطبق فيه حد القذف ؟!!
الان ستجعلون الملازم كبش فداء لتواصلوا به الزعيق والنعيق والهتاف والمتاجرة بدماء الابرياء
هؤلاء الابرياء الذين وصفتموهم بكل ما هو قبيح في بيان وزارة الداخلية وهي المسئول الاول والاخير لا الملازم
|
Post: #20
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: محمد أبوالعزائم أبوالريش
Date: 03-08-2012, 10:02 AM
Parent: #19
أوكي ... نعتبرك ناقل من آخر لحظة، يعني لو في كضب يرجع ليها.
طيب .... وين إجابتك على سؤالي التاني؟
| Quote: إذا كان خبرك ده صحيح، ليه رفع الحصانة والقبض على القاتل أخد ثلاثة أيام؟ هل كان مختفي مثلاً؟ والا ركب عربية الشرطة ومعاهو أفراد قوته قدام عيون الناس ومشى؟ |
|
Post: #24
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: نصر الدين عثمان
Date: 03-08-2012, 10:15 AM
Parent: #20
أخي محمد فرح .. سلام،
| Quote: الله أكبر .. تم رفع الحصانة عن الملازم المتهم وإيداعه الحراسة |
إذا صح هذا الخبر .. وهو مرجح جداً
فإن هذا الملازم (البائس) سينضم إلى قافلة ضحايا هذا النظام المستبد ..
ربما أن أصبعه هو الذي داس على الزناد أو أمر بذلك ..
ولكن ممارسة القتل بهذه الطريقة قد تكرر وأصبح أسلوباً ..
ماذا عن المسؤولين الذين "شنقوا جثة القتيلة" ببياناتهم الكاذبة واتهاماتهم الجائرة!؟
ماذا عن المسؤولين الذين منعوا الصحف من نشر أخبار تلك الجريمة!؟
ماذا عن ............
هل سيتم محاكمتهم وإيداعهم الحراسات أيضاً!؟
كامل التضامن مع الملازم الذي شاء حظه العاثر أن يجعله كبش فداء ....
مؤونة ألف عام من الحرية والعدالة ...
|
Post: #21
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: ناصر المحسى
Date: 03-08-2012, 10:07 AM
Parent: #19
Quote: محمد فرح كضّاب البورد .....
ما هو مصدر هذه المعلومة؟
أي شئ تأتي به يكون موضع شك حتى نتثبت منه (الحق على تاريخك في البورد). |
يا كضاب المنبر اخبار سفر نقد شنو
|
Post: #22
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: زياد جعفر عبدالله
Date: 03-08-2012, 10:11 AM
Parent: #19
| Quote: الملازم دا عادي ممكن يعتقل من قبل أي ضابط أعلى منه في الشرطة |
ولا حتى ضروري يكون اعلى منو في الرتبة يا فقيري...امر قبض بواسطة النيابة ينفذو اي عسكري و حسب اللوائح المتبعة في القبض على اي مواطن.
الضابط أولاُ و اخيرا مواطن ليهو حقوق و عليه واجبات زيو و زي اي مواطن..دا طبعاً في البلدان الفيها نظام و قانون
محمد فرح طبعاُ حيعمل رايح من الناس الاتكلموا ليهو في حتة الحصانة دي!!..
ودي اس البلاء و القضية...حصانة قانونية لمنسوبي القوات النظامية (امن, جيش, شرطة)..لماذا؟؟؟ زول ارتكب فعل يخالف القانون و الدستور لماذا تعطيه حصانة؟؟ ما هو المسوغ؟؟
كلام كلو فارغ ساكت...
اللهم ارحم الشهيدة و اقتص لها..
|
Post: #23
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: nazar hussien
Date: 03-08-2012, 10:14 AM
Parent: #19
لمن تساءل عن موضوع الحصانة: أقول له نعم للشرطي حصانة
اجرائية يجب أن ترفع أولا قبل تقديمه للمحاكمة...
والقصد منها أداء واجبه وعمله وهو مطمئن
لا أكثر ولا أقل...ولا تشفع له هذه الحصانة
اذا ما أرتكب جريمة أثناء تأدية عمله
لذلك نأمل أن تأخذ العدالة مجراها
ويحاكم هذا القاتل محاكمة علنية
ويأخذ جزاؤه وفق القانون حتي
يكون عبرة لغيره من النظاميين
|
Post: #25
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: Asim Fageary
Date: 03-08-2012, 10:21 AM
Parent: #23
Quote: لمن تساءل عن موضوع الحصانة: أقول له نعم للشرطي حصانة
اجرائية يجب أن ترفع أولا قبل تقديمه للمحاكمة...
والقصد منها أداء واجبه وعمله وهو مطمئن
لا أكثر ولا أقل...ولا تشفع له هذه الحصانة
اذا ما أرتكب جريمة أثناء تأدية عمله
لذلك نأمل أن تأخذ العدالة مجراها
ويحاكم هذا القاتل محاكمة علنية
ويأخذ جزاؤه وفق القانون حتي
يكون عبرة لغيره من النظاميين |
يا أخوي حصانة شنو
الحصانة دي إسمها حصانة دبلوماسية أو حصانة سياسية
هل عندك أي حصانة أخرى غير الإثنين ديل
الحصانة الدبلوماسية للدبلوماسيين
والحاصنة السياسية لأصحاب المناصب الدستورية من وزراء وأعضاء مجالس برلمان وغيرهم ممن هم في مناصب سيادية سياسية دبلوماسية
لكن شرطي أو عسكري ما عنده حصانة
بيعتقل عادي
لو بتحضر أفلام بوليسية أجنبية أو عربية بتكون عرفت الحتة دي
خليم من أن تتحرى ذلك في دساتير وقوانين بلدان أخرى
لأنو بصراحة دستور سودانا وقوانينه دي نحنا ما بنقدر نواكبها من كترت ما هي متأرجحة ومعاييرها متقلبة
|
Post: #28
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: محمد أبوالعزائم أبوالريش
Date: 03-08-2012, 10:45 AM
Parent: #25
يا عاصم، الحصانة دي موجودة، لكن زي ما قال ليك مسألة إجرائية، وعند اللزوم بإجراء عادي جداً، أي وكيل نيابة يقدر يسحبها.
يبقى ليه تم القبض عليه بعد مرور أكتر من تلاتة أيام على ارتكاب الجريمة؟
واضح جداً إنو القبض عليه هو نتاج مباشر لبلع الشرطة لبيانها الفضيحة.
لكن كلو ما بيفيد .... يحاكموا الجاني .... يرسلوا زول يعزي .... يسموا شارع باسم الفقيدة ... البقت بقت، والناس ما حتستحمل الضيم للأبد.
|
Post: #27
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: أيمن دياب
Date: 03-08-2012, 10:44 AM
Parent: #23
Quote: حمد الشرطة دي
قتلت في كجبار شباب زي الورد بدون اي ذنب
بالله اعمل خير وكلم وزير الداخلية يشوف
القاتل قتل ليه وليه ما حسابوه
للمعلومية القاتل في كجبار ما ضابط مجرد عسكري نفر
يعنى ساهل ترفع عنو الحصانة |
كجبار براها؟
معاها ناس بورتسودان برضو.. للعام السابع على التوالي ومازال القاتل خارج أسوار السجن..
محمد فرح.. أي عقوبة غير الإعدام لهذا الضابط معناها أن الأمر فيه (دغمسة)!!
|
Post: #29
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: باسط المكي
Date: 03-08-2012, 11:44 AM
Parent: #27
الاخ محمد فرح
سلامات غايتو انت ومن تؤيد بقيتو تحننو
والغريق قدام
قال شارع عوضية قال
دي علي منو ؟ الناس واعية
ياضراعي الوالي بالغ عديل
كدا مان يصبر يخلي الفراش يرفعو
شوية
|
Post: #43
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: Zomrawi Alweli
Date: 03-09-2012, 00:33 AM
Parent: #12
Quote: يا محمد فرح .. زي ما قال ليك عاصم فقيري .. ملازم شنو العندو حصانة ده ؟؟ !!
أنا غايتو الشي البعرفو إنه الحصانة دي بتكون لناس البعثات الدبلوماسية ..
أو المعينين في السلك القضائي .. أو أصحاب المناصب السيادية ..
لكن أول مرة أعرف إنه ملازم أول أو تاني .. عندو حصانة ..
لكن برضو ما بستغرب .. في الزمن الأغبر ده .. أيِّ شئ ممكن يحصل ..
والملازم ده زاتو ممكن يطلع عادي من الموضوع زي الشعرة من العجين ..
ده إذا كان مقبوض عليه أصلاً .. وموجود في الحراسة .. |
عبدالله كسلا والله خطفت الكلام من خشمي التقثول كنا قاعدين مع بعض عموما
انا عايز اعرف محمد فرح دا فرحان ولا زعلان
|
Post: #30
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: محمد فرح
Date: 03-08-2012, 11:58 AM
Parent: #5
Quote: حتة ملازم لا راح ولا جا عنده حصانة
إلا تكون حصانة بتصهل أي لها صوت (الصهيل) |
عاصم فقيري
تحياتي
في إعتقادي رفع الحصانه (المهره البتصهلل) عشان يتمكنوا من محاكمته في محكمه عاديه بدلاً من محكمه عسكريه
مؤونة عام من الود
|
Post: #31
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: خدر
Date: 03-08-2012, 12:23 PM
Parent: #30
| Quote: تم رفع الحصانة عن الملازم المتهم |
Over خالص يا محمد
|
Post: #33
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: yaser mostafa
Date: 03-08-2012, 04:55 PM
Parent: #31
يا للهول تم رفع الحصانة عن الملازم!! لعمري انه لامر جلل أن يودع في الحراسة؟؟
لابد من لاهاي وان طال السفر
|
Post: #36
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: Adil Ali
Date: 03-08-2012, 09:16 PM
Parent: #33
محمد فرح مسيلمة البورد....لا نعرف عنك غير الكذب....وحتى إذا حدث ذلك، فإن الأمر لا يعدو ان يكون تمثيلية لا أكثر....في ظل دولة فاسدة شرطتها فاسدة وقضاؤها أكثر فسادا!
وأعلموا ان ما ظللتم تمارسونة من بطش وتعذيب وإبادة وقتل مجاني سينتهي بكم جميعا إلى مصير أكثر بشاعة من مصير محمد طه محمد أحمد!
|
Post: #37
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: Kostawi
Date: 03-08-2012, 09:31 PM
Parent: #36
|
Post: #38
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: Khalid Kodi
Date: 03-08-2012, 09:38 PM
Parent: #36
من اراد تقديم قربانا لمقتل الشعيدة عوضية فاليتمسمك بما قدم له سذج الانقاذ:
الضابط الصقير الذى تم القتل على يديه وقوانين الانقاذ والاجهزة التى تنفذهل.
من اراد القصاص للشهيدة عوضية عليه برأس عمر البشير وعلى عثمان محمد طه ووزير الداخلية ورئيس القضاء وبقية قادة ورموز الانقاذ.
زمن أراد قانونا يعدل فى حق الشهيدة عوضية عليه هدم قوانين الانقاذ عن بكرة ابيها وبناء قوانين معبرة عن من نحن فى السودان!
على الحركة الشعبية وغيرها تنفيذ عملية الشهيده (عوضية) فى قلب الخرطوم !
.
|
Post: #40
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: محمد عبدالرحمن محمد
Date: 03-08-2012, 11:36 PM
Parent: #39
دايرني أرقيك لي مرتبة صعلوق؟
تبقالك سِمْ..
فِعِج بَسْ لامن يمرنوك كويس..
حينها، ينظر ويفاد في أمر:
صعلوق!
|
Post: #41
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: زياد جعفر عبدالله
Date: 03-09-2012, 00:18 AM
Parent: #40
| Quote: لمن تساءل عن موضوع الحصانة: أقول له نعم للشرطي حصانة |
يا نزار ما هو دا الجايب اللولة دي كلها...حصانية ليييييه....اللسبب شنو؟؟ وهل عدم ووجود حصانة بمننعو من اداء واجبو؟؟ الا يكون بيخرق القانون اثناء اداء واجبو..وللا شنو؟
يا نزار انا ما بنظر ساي ...انا عايش في بلد لا توجد حصانة الا للبرلمانيين بغرض اداء واجبهم الرقابي للجهاز التنفيذي من غير قيود او قضايا اشانة سمعة! غير ذلك مافي زول فوق القانون مهما كانت ربته او درجته الوظيفية
|
Post: #42
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: نبيل عبد الرحيم
Date: 03-09-2012, 00:24 AM
Parent: #40
تقتلوا القتيل وتمشوا فى جنازتة القاص ليس فقط من الملازم ولكن من النظام
محمد فرح سبق وأن كتبت بوست كاذب عن نقد أتمنى ألا يكون ها البوست مثله
|
Post: #44
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: خالد حاكم
Date: 03-09-2012, 01:06 AM
Parent: #42
Quote: هذا يوضح بأن لاكبير على القانون مهما كان وزنه وصفته
|
محمد فرح وفدوى الشريف
هل يوجد اصلا قانون او اى شكل من اشكال العدالة فى دولة الانقاذ حتى يكون عليه الناس كبارا وصغارا ؟
يا سيدى سياسة القتل والقهر والذل والاحتقار والظلم والاغتصاب والافتراء على خلق الله مناهج تدرس فى كليات الشرطة والحربية ومراكز تدريب الدفاع الشعبى والشرطة الشعبية وشرطة المجتمع وجهاز الامن والمخابرات منذ استيلاء الجبهة الاسلامية على السلطة باسم الانقاذ فى 30 يونيو 89 ولديها ميزانيات مفتوحة على حساب التعليم والصحة وكل الضروريات التى يحتاجها المواطن المسكين والبسيط !.
قولوا لنا
ماذا فعلتم من قبل فى قاتلى شهداء العيلفون حتى تكبروا؟
ماذا فعلتم من قبل فى قاتلى شهداء بورتسودان حتى تكبروا؟
ماذا فعلتم من قبل فى قاتلى شهداء المناصير حتى تكبروا؟
ماذا فعلتم من قبل فى قاتلى شهداء كجبار حتى تكبروا؟
ماذا فعلتم من قبل فى قاتلى شهداء القضارف حتى تكبروا ؟
ماذا فى فعلتم من قبل فى مهندسى اكبر مجزرة فى تاريخ السودان وهى فى دارفور وضحاياها
10000 شهيد حسب اعتراف رئيسكم حتى تكبروا؟
ماذا فعلتم من قبل فى قاتلى شهداء الحرية والكرامة فى الجامعات والمعاهد العليا حتى تكبروا؟
|
Post: #45
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: Mohamad Shamseldin
Date: 03-09-2012, 01:36 AM
Parent: #44
الاخ محمد فرح.. سلام
لا يكفي هذا
لو حدث هذا في دوله تحترم نفسها
لاستقال وزير الداخليه
و لاحيل للتقاعد و حوسب من أصدر البيان الاول للشرطه
يعني حق البنت ما يجي الا عشان أبراهيم أيدام قريبها.. و حامد بريمه قريبها..
وعشان المظاهرات..و المنابر.. و الراي العام
يعني لو ما في مظاهرات... غلطان المرحوم؟
الكلام ده معناهو الما عندو ضهر دمو يروح ساكت
بعدين الملازم ده فلاحتو مسويها في النسوان؟ ما بخجل؟... الشرطه بقت تخرج أمثال هذا.....
يا خي حسب الشرع و الدين.. تتفرتق الكعبه حجر حجر.. و لا تقتل عوضيه
"لهدم الكعبة حجراً حجراً أهون من قتل المسلم"... حديث شريف
|
Post: #46
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: عمر ادريس محمد
Date: 03-09-2012, 02:04 AM
Parent: #45
شكرا الأخ محمد فرح .. خطوة متقدمة
نرجو أيضا رفع الحصانة عن مرتكبى هذه الجرائم وتقديمهم للمحاكمة مع الملازم المتهم .....
مذبحة شهداء رمضان.
مذبحة شهداء أبناء النوبة.
مذبحة شهداء العيلفون.
مذبحة أنصار السنة.
مذبحة أبناء الرشايدة.
مذبحة أ البجة.
مذبحة أبناء الجنوب.
الشهيدة التاية أبوعاقلة.
الشهيد علي فضل أحمد.
الشهيد محمد عبد السلام.
الشهيد حمزة البخيت.
الشهيد أبوبكر راسخ.
الشهيد يوحنا تية كوكو.
الشهيد الصافي الطيب.
الشهيد أمين بدوي.
الشهيد عبدالمنعم سلمان.
الشهيد نادر خيري.
الشهيد موسي صديق.
الشهيد عادل أبوبكر.
الشهيد يحى محمد ادم.
الشهيد أحمد سالم.
الشهيد مصطفي أحمد الـمرضي.
الشهيد راشد حسن
وغيرها وغيرها من الجرائم البشعه التى تم تنفيذها بدم بارد على مواطنيين سودانييين....كل ذنبهم انهم قالوا ...لا ...لسلطة القهر والظلام
|
Post: #47
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: عمر ادريس محمد
Date: 03-09-2012, 02:12 AM
Parent: #46
وأيضا أخى محمد فرح الرجاء رفع الحصانة عن مرتكبى هذه الجريمة البشعة وتقديمهم للمحاكمة
الأسماء التى سيرد ذكرها ابيدت بصورة لم يسبق لها مثيل فى تاريخ السودان, حيث جزت الرؤوس, وبقرت البطون, واحرقت المنازل والمحاصيل والماشية .. وتؤكد المصادر ان هذه الأسماء هى فقط التى أمكن التعرف عليها ورصدها... بينما توجد اعداد كبيرة لم تتمكن المصادر بعد من رصدها وحصرها:
1-دلدوم صابون واسرته
2-كباشى نصر واسرته
3-بدوى دكره واسرته
4-حليمة دينق واسرتها
5-جبورى ابودقن واسرته
6-قردود خليل واسرته
7-حمدان على واسرته
8-بله احمد فضل المولى واسرته
9-دفع الله وجمعة ابو واسرتيهما
10-ازرق بونى واسرته
11-حرومة عبد الفضيل واسرتها
12-اسماعيل حمدان واسرته
13-ادم النور واسرته
14-بريمة المقدم واسرته
15-عزالدين الزبير واسرته
16-كوكو وشايب حامد واسرتيهما
17-حماد ابراهيم واسرته
18-فضل دقه واسرته
19-رحمة بدوى واسرته
20-عبد الرحمن وعبيد جاد واسرتيهما
21-علوى رفيق واسرته
23-بريمة كرتو كيلا واسرته
24-فله برمة واسرته
25-حقار موسى واسرته
26-ترجوك وحقارمرسال واسرتيهما
27-على محمد واسرته
29-ديفد كرتم واسرته
30-كباشى بقسوم واسرته
31-حماد الاحيمر واسرته
32-ام جمعة رفيق واسرتها
34-القيل مشاور واسرته
35-خميس وازرق حميدان التوم واسرتيهما
36-بيتر كمبو واسرته
37-نمر بدوى واسرته
38-الامين عبدالله واسرته
39-فضالى جولى واسرته
40-ادم فضل المولى واسرته
العملية تمت فى اطار التطهير العرقى واشرف عليها اللواء سيد الحسينى والى كردفان سابقا
|
Post: #48
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: عمر ادريس محمد
Date: 03-09-2012, 02:18 AM
Parent: #47
نعم الله أكبر ...هذه أسماء شهداء مجزرة مدينة بورتسودان التى نفذت يوم
29/1/2006 من قبل جهازى الأمن والشرطة
نرجو ونطالب أن ترفع الحصانة عن قاتليهم وتقديمهم للمحاكمة إسوة بالملازم المتهم بقتل الشهيدة عوضية
والشهداء هم .....
1. حسين اركة محمد
2. مكي ادروب حامد
3. حمد على محمد حمد
4. محمد محمد طاهر حمد
5. محمد بدري بادنين محمد احمد
6. عبد الرحمن محمد ادم
7. اوشيك الامين كرار
8. محمد دين عمر حسن
9. طاهر محمد طاهر
10. عثمان محمد ادم
11. راشد حسين عثمان
12. ابراهيم ابو فاطمة بشير
13. اوهاج علي محمد اونور
14. عمر احمد عمر البدري
15. طاهر حسين حسان
16. احمد ابوفاطمة همزة مكاوي
17. على حسين ريهين
18. عمر عبدالله محمد عيسي
19. عيسي حسين علي محمد
20. على حسين محمد
21. فقيري احمد حامد
|
Post: #49
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: عمر ادريس محمد
Date: 03-09-2012, 02:30 AM
Parent: #48
وهؤلاء هم قتلى قرية (تيبون) بمنطقة (طره) جبل مرة...الخميس 23 مارس 2006م
نرجو إدراجها ضمن قضية الملازم المتهم وتقديم المتهمين بتنفيذها للمحاكمة
والقتلى الشهداء هم .....
1-0مدثر ترنتى / 25سنة مزارع
2- ادم كندوى / 55 سنةمزراع
3- الفكى سمبو /45 سنة امام جامع مختار
4- ادم مهاجر / 35 سنة معلم
5- عمر ادم عثمان/35 سن مزارع
6- فائزة محمد / 17سنة
7- بدر هارون ترتار/ 18سنة
8- محمد عبد المجيد/ 25 سنة معلم
9- مبارك محمد/21 سنة طالب
10- ادم موسى /65 سنة مزارع
11- حليمة ادم موسى /16سنة تلميذة
12- عمر عبد الحميد/ 50
13- الشيخ بحر الدين/ 75سنة مزارع
14- زروق/ 55/ سنة
15-صلاح الدين/ 25سنة طالب
16- محمد عيسى احمد/ 75 سنة مؤذن
17-حسب الله محمد عيسى/ 18سنة طالب
18- احمد ابراهيم ابو البشر/ 50 سنة مزارع
19- اسحق هارون /50 سنة مزارع
20- على حسب الله /35سنة مزارع
21- حسين /16 سنة تلميذ
|
Post: #50
Title: Re: الله أكبر .. تم رفع الحصانة عن الملازم المتهم وإيداعه الحراسة
Author: عمر ادريس محمد
Date: 03-11-2012, 11:14 PM
Parent: #49
.
|
|