عوضية..المضيئة ! بوستر

عوضية..المضيئة ! بوستر للفنان إبراهيم حسن

عوضية برضو كتلتوها الكيزان ؟؟؟...بالله الواحد يغيب بضعة ساعات من الاعلام كل
يوم يجى يلقى جريمة اوجرائم بشعة تقشعر لها الابدان تم ارتكابها فى السودان

! ياربى نحنا عملنا شنو كسودانيين فى الحياة دى ؟؟

اكثر ما غاظنى وآلمنى هو ....

الكلام السمج الذى قرأته هنا قبل قليل من احد كوادر القتلة تقول فى ما معناه بطلوا الصراخ السياسى

وانا اقول ما الذى يفصل بين السياسة والموت ؟؟

الم تقتلو الاف الابرياء بسبب ذات السياسة فى الجنوب

ودارفور والنيل الازرق و بورسودان وكجبار وامرى وشهداء رمضان

هل الشهيدة عوضية ماتت فى حادث حركة او بسبب مرض

اوبسبب اخر غير سياسات الدولة واجهزتها القاتلة والقمعية ؟؟؟

اما محاولة رمى الخطأ فى مركز شرطة واحد محاولة بائسة لذر الرماد فى العيون

ومحاولة اخرى لجر القارئ للنظر بزاوية حادة فقط


نواصل

Quote: وانا اقول ما الذى يفصل بين السياسة والموت ؟؟

وانا اقصد القتل وليس الموت هتا


واؤكد جازما ان اخوها الذى تحدث فى فديو الباسلة نجلاء سيداحمد رجل ذكى جدا ولماح

حيث المح بصورة قوية ان الذى حدث استهداف واضح فى اشارة لما يحدث لبنى جلدته ومنطقته من ابناء جبال النوبة


وانا بدروى كنوبى شمالى اقف فى صف واحد مع هؤلاء وكنت اقف اصلا ضد التصفيات العرقية وضد العنصرية وضد دولة الاستبداد

والقتلة والمجرمين وان ادى ذلك الى زوالى وزوال السودان كله ..عليكم اللعنة الى يوم الدين


نواصل

الناس ماتجى تقول كانت مرشح المؤتمر الوطنى ولا المؤتمر الشيطانى

انا عندى قناعة كاملة لا نقصان فيها انو الانسان يملك تفكير ديناميكى

ويتبدل ويتحول بموجبه متى ما رأى الحق و الحقيقة والامثلة كثيرة واين العيب فى ان يغير

الانسان معتقداته وافكاره فى مرحلة من مراحل عمره اوقل فى يوم من الايام ؟؟؟؟

فليتكاتف جميع اهل السودان وابناء جبال النوبة خاصة

إن ارادو حياة كريمة لا قتل ولا مهانة ولا ذل فيها ....

يجب الا تخاف الاسرة المكلومة بالاستفراد بها ..كلنا معكم ومن كل بقاع العالم وبكل ما نملك..

واظن هذه هى اخر النكبات وبها سوف تختتم هؤلاء الانجاس يومهم

لما عرفنا عن اهل النوبة وعن اهل الحق فى السودان

نواصل

يا سودانيين يا شرفاء والغير شرفاء هذا الحادث المؤلم من خلال الملابسات والمعلومات الواردة مقصود على ما يبدو خاصة من خلال

الارتباك فى تصريحات الشرطة

واذا اردت رواندا اخرى فى قلب الخرطوم ..عليك بالصمت والصمت فقط حتى يأتيك الى عقر دارك


الغبن يتسع كل يوم والاستهداف على الاساس العنصرى يتمدد كل مساء والفساد الادارى والسياسى على قفا من يشيل

فشيل شيلتك لو سكت لحظة واحدة ..


لوكل الحوادث البشعة والجرائم المتواترة كانت مرئية ومسموعة بقوة كمافى قلب الخرطوم

لما كانت هذه حالنا اليوم ..والسمع ما زى الشوف او العكس..

تذكر جيدا هذة الحادثة والابشع منها فى الاطراف والاقاليم النائية كل يوم

عشان الاخطل فيكم ما يجى يملانا الجنوبيين حاقدين وناس دارفور حاقدين وناس جبال النوبة والنيل الازرق حاقدين

دى تذكرة مجانية ذهاب وإياب عشان ما تنسو...

طالما هذه هى حكومة السودان وهذه هى شرطتها وهذه هى صحافيها

النهاية حتكون مرة والله ومرة شديدة بصورة لم يألفها الانسان والحيوان

مصحوبة بكل الفظائع والاعمال الوحشية السابقة فى اركان السودان ومركزه

تحرسك الشمعات والدعوات الصالحات ياعوضية

وربنا يصبر اسرتك واهلك ويقيهم شر الكيزان


وينعم عليكم من بركاته وينزل عليكم سكينته


ويلهمكم الصبر والسلوان وحسن العزاء

انه القادر على كل شئ وهو اللطيف والودود


Rest in Eternal Peace

سلام يا قرشي سلاما حزينا
ما تتخيل من امس وانا بكتب وبكتب ولسه حاسة بي شحن جواي لم تتفجر بعد
شحن غضب وقهر وألم مرير من الحصل والبحصل كل يوم في بلدنا الهامل
وبعد الحاصل ده كلو يجوا ينطوا ليك الطبالة ببرودهم المعهود عشان يجهجهوا القضية
مثل ما حدث مع صفية ومع الشهيد محمد موسى بحر الدين والقائمة تطوووول
المغسة الكبيرة سكات وخنوع الشعب وقبوله بالذل والهوان
خلوا الأوباش ديل يطحنوا في أهلنا 23 خريف
حسبي الله ونعم الوكيل عليهم جميعا
يمهل ولا يهمل

استاذة سوما ..سلمات وعساكى بخير.

Quote: سلام يا قرشي سلاما حزينا ما تتخيل من امس وانا بكتب وبكتب ولسه حاسة بي شحن جواي لم تتفجر بعد شحن غضب وقهر وألم مرير من الحصل والبحصل كل يوم في بلدنا الهامل وبعد الحاصل ده كلو يجوا ينطوا ليك الطبالة ببرودهم المعهود عشان يجهجهوا القضية مثل ما حدث مع صفية ومع الشهيد محمد موسى بحر الدين والقائمة تطوووول المغسة الكبيرة سكات وخنوع الشعب وقبوله بالذل والهوان خلوا الأوباش ديل يطحنوا في أهلنا 23 خريف حسبي الله ونعم الوكيل عليهم جميعا يمهل ولا يهمل

والله فعلا الحاصل اكبر من قدرتنا على التعبير والمشكلة إنو ماشى للاسوأ كل يوم
الافراد البطبلو هنا وببرود هى افرازات حتمية لمؤسسات الدولة وصحفها القائمة على العنصرية
واذا الصحف العنصرية اللى بتبث فى سمومها ليل نهار ومحروسة من قبل الدولة وشيطانها المطلوب للعدالة الدولية
يبقى نحنا موعودين بحريق شامل خاصة فى الخرطوم ..اليوم النقرا فيه عنواين الصحف العالمية البتقول (الخرطوم تحترق)
الناس حتفيق للبحصل فى المناطق الاخرى وحتعرف قيمة الامن والسلامة ..
واطلاقا لا نتمنى مثل هذا الحريق بل بنحذر خاصة الفئة المغيبة بإعلام المؤتمر اللاوطنى المستخدمين كدروع ضد التغيير..
اخوى دايما بيقول لى ناس المركز محتاجين لصدمة عنيفة عشان يفوقو للبحصل حولينم والمناطق النائية
وعلى مايبدو الخرطوم خندق اللصوص الاخير او The last ditch وحتبقى مقبرتهم بالحاصل دا

ربنا يجيب العواقب سليمة

كل ما نعبي الخاطر بالاحلام
نرجع منكسرين ومحتجين للآخر بالآلام
وانت كأنك ما صدقت تباعا نسقط
أو نتراجع عام ورى عام



ازهرى

هل سنشهد محاكمة عادلة ؟ لا اظن ذلك..خاصة وان كلها الاشارات تقول ان الحادثة مقصودة ومدبرة
مماطلة وتسويف وتذويب للقضية كالعادة كما حدثت فى قضية شهداء رمضان و كجبار وامرى وبورسودان
ناهيك عن التطهير العرقى والابادة الجماعية والاغتصاب فى دارفور
والاعمال الوحشية فى النيل الازرق وجبال النوبة..
فالقضاء السودانى والاجهزة العدلية منتهية الصلاحية فى السودان للاسف

تقرير عن الواقعة

http://www.youtube.com/watch?v=ksfmyfhZHIc












بكرى مالو قافل الكود ولا غيرو ؟