Post: #1
Title: ماسورة مايكروسوفت الجديدة (windows8) مين يجرب ؟؟
Author: عبدالعزيز حسين عبدالرحيم
Date: 03-07-2012, 11:03 AM
Parent: #0
قبل عدة شهور طرحت مايكروسوفت نسخة من نظام التشغيل الجديد ويندوز 8 للمطورين وهو الويندوز القادم المتوقع
غايتو نزلتها وجربتها لقيتها ممله جداً ما استخدمتها كتير رجعت لي ويندوز7 والحقيقة هو أجمل وأحسن نظام تشغيل تطرحه ما يكروسوفت حتى الأن وفشلهم في الفيستا
مايكروسوفت كالعادة تغير شعارها مع كل ويندوز جديد
الشعار الجديد هو الفوق
بصراحة شعار باهت وبايخ ينبئ عن ماسورة قوية
المهم قبل فترة بسيطة طرحت مايكروسوفت نسخة البيتا أو النسخة التجريبية من نظام ويندوز8 الجديد برضه كالعادة والحمد لله تشرفت وكنت ضمن التيستر بتاع الاكس بي والتيستر بتاع الفيستا والويندوز 7 والان حا اجرب نسخة البيتا من ويندوز8 ومن مميزات الناس المشتركين في التيستر في مايكروسوفت أن تتاح ليهم لينكات لتنزيل النسخ مع مفاتيح وياخدو نسخة مجانية من نظام التشغيل بعد طرحه ويكون عندهم مفتاح تفعيل
العندو جهاز كويس ومساحة وصبر يجرب يتفضل معانا إن شاء الله حا نبدأ من التنزيل لحدي التجريب النهائي ومعرفة المميزات الجديدة والاضافات في النسخة الجديدة
ما يكروسوفت طرحت المرة دي النسخة بي أسم
Windows 8 Consumer Preview
بدلا من أسم windows7 beta الكان مستخدم مع النسخة التجريبية من ويندوز7
التنزيل من موقع مايكروسوفت على الرابط
http://windows.microsoft.com/en-US/windows-8/iso
التنزيل بكون على شكل ملف أيزو*
أول الصحفة أكتب الميل بتاعك في الهوت ميل واختار الدولة الأنت موجود فيها ولو ما لقيتها أختار شمال افريقيا أو الشرق الأوسط
تحت تلقى النسخ مع المفاتيح أضغط على كلمة داون لود ليبدأ التنزيل
غايتو أنا جهازي بصحة جيدة عشان كدا أخترت أول نسخة 64 بت والزول الحاسس انو جهازو ما اوكي ممكن ينزل النسخة 32 بت
تحت بتلقى المواصفات المطلوبة في الجهاز لتشغيل أي نوع من النسختين
إن شاء الله نرجع ليكم بعد تنزيل النسخة وباقي الشرح
وليكم الشكر
|
Post: #2
Title: Re: ماسورة مايكروسوفت الجديدة (windows8) مين يجرب ؟؟
Author: Amin Salim
Date: 03-07-2012, 07:36 PM
Parent: #1
سلام يا عزيز
داير نصيحتى ؟ اختى ال Windows مره واحده واستعمل Ubuntu linux
انا سبت الوندوز من 2003 ومرتااااااااااااح ب Ubuntu
لو عجبك اقتراحى مستعد افتح بوست مخصص للموضوع دا والاسئله
|
Post: #3
Title: Re: ماسورة مايكروسوفت الجديدة (windows8) مين يجرب ؟؟
Author: Amin Salim
Date: 03-07-2012, 07:57 PM
بدينا بال redhat بعد داك fedora حتن استقرينا مع ubuntu
بديكم الخلاصه لو فى كم نفر عايزين linux
|
|