ميادة كمال في جريدة الصحافة

غايتو يا حيدر المكاشفي بالغت جنس بوليغ
احنا ميادة دي كدة ما قادرين نتكلم معاها
بعد ما بقت مشهورة كدة تاني الا نقول الروب

عمود حيدر المكاشفي اليوم

بعنوان: شلاقة ميّادة وغتاتة الجهاز

Quote: الناشطة بالمنبر العام بالموقع الإلكتروني السوداني الشهير سودانيز أون لاين، ميادة كمال، فتحت بوستاً فتح عليها أبواب جهنم وعاصفة من التعليقات الناقدة والساخرة على مقترحها العجيب الذي حمله هذا البوست الذي لم يسر حتى أصدقاءها والمتوالين مثلها مع الحكومة وحزبها الحاكم، الذين كانت تجد منهم المناصرة فيما تكتبه نصرةً للحكومة، فما فتحت ميادة التي تعمل بالأمانة العامة لمجلس الوزراء بوستاً إلا لمدح الحكومة أو قدح المعارضة، ولا أدري لماذا تفعل ذلك هل بسبب المحافظة على وظيفتها ونيل رضا رؤسائها عملاً بمقولة "دعوني أعيش" بحسبانها موظفة في "بيت الضبع" أم لأنها من أهل غزّية إن غووا غوت معهم على قول الشاعر؟، وعلى كل حال، ذلك حقها واختيارها الذي يحق لها أن تعبر عنه كما تريد وبالشكل والطريقة التي تحب، ولم ولن نناجزها فيه أو ننتقد حبها للحكومة والحزب الحاكم والنظر إليهما بعين الرضا التي هي عن كل عيب كليلة، ولكن أن "تتشالق" عزيزتنا ميادة تعبيراً عن حبها وموالاتها للمدى الذي يحط من قدر إحدى القيم الأساسية هي حرية الصحافة فذلك ما يجعلنا نقول لها حسبك ومكانك، فأنتِ بهذا الاقتراح العجيب ولا نقول الساذج رأفةً بك، قد فقدتِ احترام الصحافة ولم تكسبي جانب الجهاز الذي لا أشك في أن ضباطه قد سخروا أيضاً من اقتراحك السطحي العجيب، فهم أعرف وأذكى منك في كيفية أداء عملهم الرقابي على الصحف وفي غنىً عنك وعن اقتراحاتك المهببة. وتقترح ميادة التي مادت وحادت عن الحق وهي تحسب غافلة أنها تحسن صنعاً، على جهاز الأمن بدلاً من مصادرة الصحف وإيقافها، أن يحجز الصحيفة بعد طباعتها لمدة ثلاث الى أربع ساعات ثم يطلق سراحها بعد ذلك، ووقتها يكون قد فاتها السوق فتتكبد خسائر فقدان عوائد التوزيع والإعلان معاً، ومع تكرار مثل هذا الإجراء لعدد من المرات المتتالية فإن أصحاب الصحف لن يجرأوا بعد ذلك على نشر أية مادة ترى فيها السلطات الأمنية مساساً بالأمن القومي أو تعدياً للخطوط الحمراء، ويكون الجهاز بذلك قد قفل الباب أمام المعارضين "عشان ما نجيب النقة للحكومة وما يلقوا ليهم جنازة يشبعوا فيها لطم، ويشككوا في الحريات اللي مانحاها الحكومة"، فانظر أعانك الله وإيانا إلى مثل هذه الشلاقة التي تذكر بحكاية شافع الرباطاب مع أحد الشليقين. قيل إن الشافع جلس أمام باب دارهم وهو يبكي بحرقة، مرَّ به واحد شليق فوقف أمامه وسأله مالك بتبكي؟، قال أمي دقتني، قال الشليق وأمك دقتك ليه؟، قال الشافع عشان زي نوع شلاقتك دي، وهكذا كان حال ميادة التي جلبت عليها شلاقتها كل هذا الكم الكبير من السخرية والتهكم على مقترحها الفطير الذي لا يستحق التعليق عليه سوى بالقول لقد كان الجهاز أشطر فقد جرّب وصفتك العقابية هذه لمرات قليلة ثم تخلى عنها، وانتقل إلى الوصفة السارية الآن، ثم إن الجهاز لا يمارس عمله بهذه البساطة ولا يكشف عن أسبابه ولا أهدافه بهذه المباشرة، ولو كان قلبك على الجهاز فهو أقدر، أما إذا كان على الصحافة، فقد جاء قولك أبتر وأشتر، فلا طلتِ بذلك بلح الشام ولا عنب اليمن، وهذا مصير كل شليق...

شلاقة ميادة وغتاتة جهاز الامن

م أبراهيم،
بوليغ حيضر مو خاسني..
الخاسني خالس خالس بوليغ الصحفيي دي العتقول إدبان!!!
أنعل ابو الصحافه ياخ..
والأيام برضو!

سلام الاخ محمد ابراهيم المكاشفي خضر ما عندو موضوع.

كاتب المقال إتوفق فى وصفه لميادة الى درجة غني ما عرفتها بالعنوان ... بس دخلت البوست وعرفتها تماماً بالوصف دهـ

Quote: ميادة كمال، فتحت بوستاً فتح عليها أبواب جهنم وعاصفة من التعليقات الناقدة والساخرة على مقترحها العجيب الذي حمله هذا البوست الذي لم يسر حتى أصدقاءها والمتوالين مثلها مع الحكومة وحزبها الحاكم، الذين كانت تجد منهم المناصرة فيما تكتبه نصرةً للحكومة، فما فتحت ميادة التي تعمل بالأمانة العامة لمجلس الوزراء بوستاً إلا لمدح الحكومة أو قدح المعارضة، ولا أدري لماذا تفعل ذلك هل بسبب المحافظة على وظيفتها ونيل رضا رؤسائها عملاً بمقولة "دعوني أعيش" بحسبانها موظفة في "بيت الضبع" أم لأنها من أهل غزّية إن غووا غوت معهم على قول الشاعر؟

دهـ كله كوم وانها بتتدعي انها من عندينا ... دهـ كومين تلاتة عديييل

Quote: شلاقة ميّادة وغتاتة الجهاز

شلاقتي وعرفناها أها غتاتة الجهاز دي كيفنها
عموما سارد عليه رد وافي وشافي بي هناك في البوست المعني
وشكرا لك يا استاذ محمد ابراهيم
بس ابو سطر ونص داك ما يجي

ملازم اول في الامن الوطني /ميادة كمال
ان لن تعترف فهي متهمة بالرتبة
واحتراما للرتبة العسكرية
نقول ليها صلحي كتاباتك
وخليك مع الحق حتى لو تموتي جوعا وعطشاً

عجبني لصحبتي هههههههههههههه ..

تاني تجي ؟!!!

Quote: عجبني لصحبتي هههههههههههههه .. تاني تجي ؟!!!

انت بالذات يا ود القاضي
دعيت الله انك ما تمر بي جاي
بس تقول شنو الله غالب


خلاس الخوف بقى من ابو سطر نص ابو لسان سلييييييط يجي يردم درابة داك ويفوت

قالو محمد عطا جضمها وقال ليها:
انت ما دام بتعرفى قدر ده البقعدك مع الناس البوم ديل شنو؟
كان تقولى لى كلامك ده فى اضانى دى..
شلاقه ساكت والله البت من شدة ما شليقه تقول مولوده فى اشلاق،،،،

Quote: ملازم اول في الامن الوطني /ميادة كمال

أهو صاحبنا جاب لينا النجيضة ...
بعد دة عاااادى نقول ليك يا أمنجية .. أختشى ..

Quote: قالو محمد عطا جضمها وقال ليها:

هي الجضوم اتسلفتها من وين ؟!!



ملاسي بحساب فايز

Quote: أهو صاحبنا جاب لينا النجيضة ... بعد دة عاااادى نقول ليك يا أمنجية .. أختشى ..

يا مزمل يا قريبي ملازم اول الشوية دي
حراااااااام عليك ظالمني والله
يازول ملازم دي بدوها بالبكلاريوس سااااي
خلي انا عاملة ماجستير وبامتياز الدرجة الاولى
ابقى في رتبة ملازم اول
مع حساب سنين خبراتي وكده
اظن واعتقد اني استحق دفره لي قدام شووية في موضوع الرتب وكده
يا ظلاااااااااااامي ههههههههه

سلااااااااام تعظيم لسعادة الملازم اول ميادة

والله اشتقنا لي شلاقتك سااااي

من ذوقك كدي ماعاوزين صول بي شهادة
اخير من العطالة والغربة وشخطتتة بره

محمود

Quote: من ذوقك كدي ماعاوزين صول بي شهادة اخير من العطالة والغربة وشخطتتة بره

أهليييييييييييين استاذ محمود عوض
عييييييييييييييك العرس بعمل كده في الناس بالله!!!
إختفيت من ديك وعييييييك

وشنو التواضع دا
انتو الكموندانات جاي كايس تبقى صول !!!!
بطل تواضع

فووووق.... حتى الماسمع يتفرج ...

Quote: فووووق.... حتى الماسمع يتفرج ..

يا ود القاضي
الممطـــــــورة ما بتبالــــــي من الرش



ـــــــــــــــــــــــــــــــــــــــ
بطل هرجلة............
أسع نقوم ندق ليك خروج بلا عودة
ونطلعك من كسلا الانت فيها دي

يابتنا العاقة ..

Quote: يا ود القاضي الممطـــــــورة ما بتبالــــــي من الرش

انا ماجبت الخرطوش لكن وجهته بس ..

Quote: أسع نقوم ندق ليك خروج بلا عودة ونطلعك من كسلا الانت فيها دي

من 93 بره السودان ولسه داير خروج وعودة ؟!!!

ياحليل كسلا الوريفة الشاربة من الطيبة ديما
وحليل حلفا الجديدة الممطورة بالرش هينا


ــــــــــــــــــــ
قريب جاي مع دكتورة نجاة قولي ماكلمتني ..

Quote: قريب جاي مع دكتورة نجاة قولي ماكلمتني ..

والله شكلها ذي جيتك الفاتت
بعد ما تجي وترجع
تقول لي
كنت جاييييك ووووو

الى الزميل حيدر المكاشفي
عين الرضا عن كل عيب كليلة وعين السخط تبدي المساويا

المنبر دا ملان( شليقين ) ما لقيت الا ميادة دي ..ولا عشان هي (مواليا) وانت لست موالياً ؟؟؟
عليك الله قول تاني الجماعة المواليين للحكومة ديل ما يقولوا رايهم في ما يجري من الاحداث ... انت ما لاحظت إنك حكمت وكان ينبغى عليك ان تقول رأيا فقط ..!!

Quote: الى الزميل حيدر المكاشفي عين الرضا عن كل عيب كليلة وعين السخط تبدي المساويا المنبر دا ملان( شليقين ) ما لقيت الا ميادة دي ..ولا عشان هي (مواليا) وانت لست موالياً ؟؟؟

اخونا حيدر بالله اخونا المكاشفي الراجل الطيب ده رشو لينا في صفحة براه زي رشة الرطانية الفوق دي ،،
وانا بدفع قيمة الصفحة والصفحة الجنبها .....وجزاك الله خيراً مقدماً ..


ياميادة انا مابكلمك بدري عشان ماتنتظريني في المطار مع محمد عطا ..

ما عندكم موضوع كلكم!!

Quote: رشة الرطانية الفوق دي

وييييييييييين نوبيي المنبر
الحقو فايز ود القاضي
قال علينا رطانة
(أمانة ما عملت ليك فتنة مع اهلي النوبيين)

انت زول ما مثقف وما مُطلع يا فايز
النوبية لغة وليست رطانة
اسع يجوك ناس عمنا حمزاوي وناصر المحسي ويردموك ردم
وياريت يرشوك رشة جريئة كده
عشان تعرف حاجة


بالمناسبة وييييييين اخونا قمر بوبا
بالجد بالجد فاقدين هذه الشخصية
وان شاء الله يكون بخير

الناشطة ميادة

بقيتي خطيرة والله

بقيتي تهلوسي بالجماعة !!

Quote: ما عندكم موضوع كلكم!!

انا قريب آمنة مختار معاهم ياقيقا ؟!!!!!

ميادة

بالله لمّن تكوني عايزة ترشي حيدر المكاشفي دا أدينا خبر

يا ود القاضي اطلع من هنا ..

Quote: وياريت يرشوك رشة جريئة كده

وياحبذا لو تكون رشة زي بتاعة حيدر المكاشفي للبت بتاعة مجلس الوزراء وكااااااااااااااك

ماتقوم به الشليقة ميادة لإشانة سمعة الأمن
يفوق محاولات صلاح قوش عقب اعفائه من الجهاز
.
.
.
.
.
.
بي كدة نكون عفيناك ياميادة من جرعة أب سطر ونص..

عمر التاج صدقني انك لم تأتي لحوار البته ..

Quote: صدقني انك لم تأتي لحوار

صدقني يا فايز ... أنني أتيت لحوار
ولكن للأسف لقيتو غلب شيخو*





.
.
* وأشار لكاتب العمود والمكتوب عنه.

فايز ود القاضي
يا اخي مشتاقيين خالس انت وين ؟ يا حليل ايام زمان
عارف يا فيوز حيدر المكاشفي دا انا صاحبتو وكسرتليهو كم تلجة كدا (يوم نشر لي موضوع الرد على القراي ) عشان كدا حايكتب كلام كويس جدا خاصة في هذه الجريدة

لكن بيجو الجماعة ويردموك

ميادة عليك الله اردمي لينا ود القاضي دا خليهو يمش فاضي