Post: #1
Title: ابراهيم محمود جاتك الفرصة لتخرج من هذا النظام فوراً
Author: فايزودالقاضي
Date: 03-06-2012, 02:18 PM
السيد ابراهيم محمود حامد ...ود الشيخ ..
نعرفك جيداً
ونعرف خلقك وتهذيبك ..
ونعرف تدينك وتربيتك ..
لن تعفيك اخلاقك ولاصيامك اثنين وخميس - الذى اعرف - عن تحمل مسئوليتك امام الله والشعب
قدم استقالتك فوراً واخرج من هذا النظام الذي لايشبهك ..
ارجع لمصلايتك ياود الشيخ اكرم ليك ...
|
Post: #2
Title: Re: ابراهيم محمود جاتك الفرصة لتخرج من هذا النظام فوراً
Author: Tragie Mustafa
Date: 03-06-2012, 02:32 PM
Parent: #1
كثر خيرك....اخي فائز ود القاضي
فقد اخلصت له النصح لو يفهم.
ولكن صدقني انت تنفخ في قربه مقدوده!
ووحاتك ود الشيخ ده لو كان بتاع مصلايه ولا ما بتاع مصلايه!
حاليا هو غارق لآذنه في دماء الابرياء....
دم محمد موسى بحر الدين
والله يكضب الشينه الله اعلم ان ما كان دم (جدو) برقبته ايضا!
|
Post: #3
Title: Re: ابراهيم محمود جاتك الفرصة لتخرج من هذا النظام فوراً
Author: احمد محمد احمد عتيق
Date: 03-06-2012, 02:34 PM
Parent: #2
يخرج ؟؟؟ يخرج يمشي وين يا ود القاضي ..
هو الخرجو متخيلين نفسهم خرجو ..؟؟ ما افتكر ..
|
Post: #4
Title: Re: ابراهيم محمود جاتك الفرصة لتخرج من هذا النظام فوراً
Author: حسين عوضاى
Date: 03-06-2012, 10:40 PM
Parent: #3
| Quote: ابراهيم محمود جاتك الفرصة لتخرج من هذا النظام فوراً |
ليته يفعل ... ياخى والله ما عارف ود الشيخ ده الجابو مع الناس ديل شنو لا اخلاقو بتشبه اخلاقهم لا عمائلهم بتشبه اعمالوووووو الزول ده تقي وابن تقى ودى شهادده ليهو لكن مصر يدخلنا فى حيص بيص ما عارف الماهو فيهم شنو ..
كدى يا بلدينا نقولا ليك بالرطاااااااااانه عديل ( مي حابرتكا مثلهم ياااااااخ فغر منهم فغريت تافغرهم منينااااا ) الترجمه جزيت خيرآ ........... خخخخخخ
|
Post: #5
Title: Re: ابراهيم محمود جاتك الفرصة لتخرج من هذا النظام فوراً
Author: Sidig Rahama Elnour
Date: 03-07-2012, 07:59 AM
Parent: #4
يا ود القاضي سلام
يا اخي انت تختزل أشياء كثيرة فتعتقد ان خروج أخونا ود الشيخ يمكن أن يعفيه من أشياء كثيرة تمت تحت مسمعه وتحت مشاهدته ... ربما خروجه يسجل له موقف أخلاقي في حادثة معينة ولكن لن يعفيه هذا الخروج من التلوث الذي أصابه جراء إلتحاقه بهذا النظام المريض ... ود الشيخ غرقان لأذنيه في أشياء كثيرة بأرادته الشخصية والمبلولة قالوا ما بتخاف من الرش ...
خليكـ يا ود الشيخ في مكانكـ يحدي ما ربنا يدبر ليكـم مخرج جماعي ... أو قل كامل الحقيقة عند الخروج بلا نقص او زيادة .. فالسودان لايحتاج لشيء سوى الحقائق الكاملة ضد كل من أقترف شيئاً وبعدها ستأخذ العدالة مجراها
دعوة غير موفقة يا ود القاضي لأخونا ود الشيخ وكأن المخارجة لا تأتي إلا بالفرص الحزينة التي نشاهدها كل يوم في وطننا الحبيب ...
يوتيرن : يا حسين عوضاي والله لاينفع فغر ولا قيساء .... ههههههههه
|
|