إلى مغتربـــه .......

ياريت يا غاليه ....

بعيده غريبه عن أهلك وعن ناسك ...
وسط غابات من الأحزان ...
لا عرفت نضار صورتك ...
ولا حسّت بإحساسك ....
وحيده بعيده يا غاليه ...
يتوه سرّك في أنفاسك ..
يطول ليلك مع الغربه ...
يدفي الأمسيات همسك ...
وتثري الزكريات كاسك ...
تعبق لحظة اللقيا ...
أريت سعدك زمان كاسك ...
يا حالمه بالريده المثول ....
مالحب تاج راسك ونبراسك ...
يا زارعه بالآمال وصول...
يجتاحك يقرع أجراسك ...
يا زوله جسدت الجمال ...
أذهلتي عبيرك ومراسك ...
يا رانيه للشوق ابتهال ...
بي آهه تعطر انفاسك ...
يا ريت لو اقدر يا غاليه ...
أهديك الكون ريد ومناسك ...
وأصوغ من حسك أغنيه...
تواهه تضمخ أعراسك ...


إدريس محمد إبراهيم
الرياض 21 فبراير2012

إدريس يا زول يا فنان

بعيده وغريبه عن أهلك وعن ناسك ...
وسط غابات من الأحزان ...
لا عرفت نضار صورتك ...
ولا حسّت بإحساسك ....
وحيده بعيده يا غاليه ...
يتوه سرّك في أنفاسك ..

منتهى الجمال يا إدريس

يطول ليلك مع الغربه ...
يدفي الأمسيات همسك ...
وتثري الذكريات كاسك ...
تعبق لحظة اللقيا ...
أريت سعدك زمان كاسك ...


كاسك وكاسك ( جناس وطباق لغوي رائع )

يا حالمه بالريده المثول ....
ماالحب تاج راسك ونبراسك ...
يا زارعه بالآمال وصول...
يجتاحك يقرع أجراسك ...
يا زوله جسدت الجمال ...
أذهلتي عبيرك ومراسك ...
يا رانيه للشوق ابتهال ...
بي آهه تعطر انفاسك ...
يا ريت لو اقدر يا غاليه ...

أهديك الكون ريد ومناسك ...

البيت دة فيه إختلال للوزن رغم جمال المعنى بداخله

وأصوغ من حسك أغنيه...
تواهه تضمخ أعراسك ...

أنا أحبذ ( أغاني ) لوزن البيت

تسلم يمينك يا زول

Quote: ياريت يا غاليه .... بعيده غريبه عن أهلك وعن ناسك ... وسط غابات من الأحزان ... لا عرفت نضار صورتك ... ولا حسّت بإحساسك .... وحيده بعيده يا غاليه ... يتوه سرّك في أنفاسك .. يطول ليلك مع الغربه ... يدفي الأمسيات همسك ... وتثري الزكريات كاسك ... تعبق لحظة اللقيا ... أريت سعدك زمان كاسك ... يا حالمه بالريده المثول .... مالحب تاج راسك ونبراسك ... يا زارعه بالآمال وصول... يجتاحك يقرع أجراسك ... يا زوله جسدت الجمال ... أذهلتي عبيرك ومراسك ... يا رانيه للشوق ابتهال ... بي آهه تعطر انفاسك ... يا ريت لو اقدر يا غاليه ... أهديك الكون ريد ومناسك ... وأصوغ من حسك أغنيه... تواهه تضمخ أعراسك ...

السهل الممتنع
لطيفة يا فنان

والمغترب ياادريس

Quote: إدريس يا زول يا فنان بعيده وغريبه عن أهلك وعن ناسك ... وسط غابات من الأحزان ... لا عرفت نضار صورتك ... ولا حسّت بإحساسك .... وحيده بعيده يا غاليه ... يتوه سرّك في أنفاسك .. منتهى الجمال يا إدريس يطول ليلك مع الغربه ... يدفي الأمسيات همسك ... وتثري الذكريات كاسك ... تعبق لحظة اللقيا ... أريت سعدك زمان كاسك ... كاسك وكاسك ( جناس وطباق لغوي رائع ) يا حالمه بالريده المثول .... ماالحب تاج راسك ونبراسك ... يا زارعه بالآمال وصول... يجتاحك يقرع أجراسك ... يا زوله جسدت الجمال ... أذهلتي عبيرك ومراسك ... يا رانيه للشوق ابتهال ... بي آهه تعطر انفاسك ... يا ريت لو اقدر يا غاليه ... أهديك الكون ريد ومناسك ... البيت دة فيه إختلال للوزن رغم جمال المعنى بداخله وأصوغ من حسك أغنيه... تواهه تضمخ أعراسك ... أنا أحبذ ( أغاني ) لوزن البيت تسلم يمينك يا زول

إن شاء الله تسلم إت يا ريّس ... ملاحظاتك على العين والراس من فوق يا زول يا جميل ...

مع خالص حبي وتقديري ؛؛؛

ولا تزعل يا قريبي ....



يا بلد ...

إدريس محمد إبراهيم


راجع ليك ...
راجع ليك يا بلداً أصيل بالحيل ... جميل بالحيل ..
أبّل اشواقي منّ النيل ...
بعد ركض السنين الطال..
ترتاح مره تهدا الخيل ...
بعد بعداًً يهدّ الحيل ...
وكل ما يوم بشوفه جراحي تتجدد ...
تذوب فيني المداخل الحلوه تتبدد ...
واحس بالعبره تخنق فيني واتنهد ..
واحبس في المحاجر الصابره دمعات هم بتتجلد ...
شنو الفيك با بلاد الغربه يفرح زول عشان يسعد ..
شنو الما بيستفز يقتل أحاسيسك وتتبلد ...
***
راجع ليك يا بلدي ..
صرخة شوق تهز اركاني من جواي ...
بدور اقلد حضن أمي وأتوه ابكي ...
دموع زولاً حنين بكاي ...
أضم أخواني في صدري ...
ينز دمع الفراق حكاي...
اشيلك يا وطن غنوه
بترسم في مراسي خطاي ...
واجوب اركانك الكانت منارات ذكرى متكيه ...
بزور شندي وكبوشـيه ...
بلاد المك ... اريت كل الولاد متلو ...
بيقلع حقو ايديه ...
أزور كنداكه ملكة مروي سلطانة المجاهديه ..
اشم عبق الزمان سطّر ...
حروف لابطالنا مرويه ...
واطير واحضن ديار كرمه وربوع دلقو ...
واشوف ترهاقا يقدل في ربى التاريخ ...
واعيش عزة بعانخي الشامخه وامجادو البطوليه ...
تجيني بنيّه محسيه ...
شايله الشوق مع دعوة فطور مفتوحه في أجمل صباحيه ...
نجيهم نلقى حسناوات تليس في بويت الطين ..
والوحل الجميل زي حنه في سيقان خلاسيه ...
وتمسح واحده في طرف القميص ايديها عفويه ..
ما بتفارقو لين نغسل ملابسكم ونكويها ..
كلام يغسل مشاعر حيه يكويها ..
قبيل قالوا الكرم بستان ...
جذورو الراسخه محسيه ...
دار العوضه يا مرتع صباي البدري ...
يا مترة جدودي الطاله صبحيه ...
يا عمي الجمع نفس العزاز في حسو ...
أنفاس غيمه فجريه ...
ويا خالي الوقف على ارض الجدود مختال ...
أنغام فاس وطوريه ...
ويا سمحة حسان الحيّ يوم ضميتي زولاً تاه ...
لهيب نفسك مع الدمعه السقت ...
سهاد ايامو مرثيه ...
سته سنين .. تلاته شهور .. وكم من يوم ...
تشيل الغيبه من بلدك ...
حرام ما نحنا أهليه ...
أمشي كريمه ارض البركل المعطاء ...
وديمه العزه شايجيه ...
أقيف في نوري واتأمل بلاد حمّيد ...
جلاس الواثق المليان معاني بتشدو حنيه ...
لبب يا مهدي يا روعة شموخ الثوره مهديه ...
ويا غرباً ملاني غنا ..
يا أرض التعايشه الغر ..
كون من روح بطوليه ...
وترفل ياي هناك مزدانه زي أجمل جنوبيه ...
بلاد الخير يظلل كل ربوعها اليانعه ...
غاص في تربه طينيه ...
واشّم ريحة البحر يا ناس...
تزغرد فيني حنيّه ...
سواكن يا ارض دقنه البطل مغوار ...
حضاره جذورها في أعماقنا مبنيه ...
حرارة ثغرنا المنداحه غابة شوق مداريه ...
زي أجمل بجاويه ...
تحمل سيفها تختال هايمه تتراقص ...
زي قارب تغازل أمواجو حوريه ...
***
عشرين وخمسه من السنين ...
ما خلاص يا زول كفايه ...
سويت شنو .. ولميت شنو ..
غير الجراح تزداد نكايه ...
لازم تضع للغربه حد ...
وتعود وترجع للبلد ...
نحرق سفن أوبتنا شان ...
نحضن ظلالك للأبد ...
سودانا يا أجمل بلد ...
سودانا يا أجمل بلد ...

Quote: السهل الممتنع لطيفة يا فنان

حبيبها ... لست وحدك حبيبها ...

إن شاء الله تسلم يا راجل يا فنان ... وأرجو أن تعذرني أخي الحبيب يس لو رأيت في كلماتي بعض القسوة في مكان آخر .. وأنت سيد العارفين ...

ياخ ... بحبك كتييير .... وكفى ....

مكان بوستاتك..


مكان افراح ومحبة وجمال..



قصيدة جميلة

اهديها لكل مغتربه



سلامات صديقي الجميل ادريس..

كيفنك يا حبيب

Quote: مكان بوستاتك.. مكان افراح ومحبة وجمال.. قصيدة جميلة اهديها لكل مغتربه سلامات صديقي الجميل ادريس.. كيفنك يا حبيب

ابو إبراهيم ... صديقي الجميل ... أنا بخير والحمد لله ... صدقني كلمة شكراً لا تكفي ولا تفيك حقك من العرفان ...

ولأنك رجل جميل وشفيف فأنك ترى الجمال هاهنا ....جمل الله أيامك بالبهجة والبهاء ...

تحياتي لصديقي إبراهيم والأسرة الكريمة ...

مع خالص حبي الذي تعرف ؛؛؛