شرطة النظام العام هناك انتحال شخصيه وابتزاز اخر اليل في الخرطوم

ما ان يخيم الليل علي مدينة الخرطوم التي ينتهي يومها باكرا وليلها كانه ليل ريفي من حيث السهر والسمر حتي ايام الاجازه الرسميه حيث تكثر المناسبات من اعراس و احتفالات لاتتعدي الحادية عشر وهذا الزمن يتم بتصريح من شرطة النظام العام فهي شرطه مناط بها حفظ المظهر العام ومن هذه المظاهر الاحتفالات وسلوك الانسان في الشارع بشكل عام . الحديث عن شرطة النظام اصبح فيهو جدل كثير.
لقد ظهرت بعض العصابات في الخرطوم ينتحلون صفة شرطة النظام ويستهدفون المواطنين ويستخدمون عربات تشبه عربات الامن والشرطه ويوقفون الناس في الشوارع بعد ان تهدا من حركة الماره وفي الغالب يحملون معهم ( بنقو) وبعد ذالك تتم المساومه باسم النظام العام
هذا يحدث في الخرطوم

الخرطوم: «الإنتباهة»
قال محامي متضرري حرب الخليج الثانية «العراق والكويت» محمد أحمد عبد القادر «الأرباب»، إنه تعرض لمحاولة اغتيال واختطاف بواسطة منتحلين لشخصيات قوات نظامية، مساء أمس الأول بضاحية الموردة بأم درمان، ووجه في بيان تسلمت «الإنتباهة» نسخة منه حمل توقيعه، نداءً تحذيرياً لمن وصفهم بالمتآمرين ضده من تجاوز الخطوط الحمراء. وسرد البيان تفاصيل الحادثة التي تعرض لها عقب اجتماع له مع موكليه المتضررين، حتى دخوله في اشتباك بالأيدي مع المجموعة التي حاولت انتزاع حقيبته. وأكد أنه تم تدوين بلاغ ضد مجهولين تحت الرقم «152» المادة «175/93» من القانون الجنائي «نهب وانتحال شخصية».


منتحلين شخصية قوات نظاميه
وهذا يحدث في الخرطوم

هجــو إزيك ياخ ...

صديق عزيز وعضو معنا هنا في المنبر عاد من إجازته السنوية أول أمس ..

جلسنا سوياً نتبادل الحكي وأخبار السودان ..

فسألته عن السودان وأحواله ..

فأجاب : لا تشعــر بوجود الدولــة في الشارع ....

وهذا لعمــري من أخطر الإمور وأسوأها ..

الســؤال هو : أين الدولة وأين هيبتها ؟؟!!!

د. احمد امين
تحياتي
الدوله بقت في الاعلام بيستهبلوا بيهوا علي العامه
معروف انو الامن ما بتشوفو لكن بتحس بيهو
في السودان بتشوفو عربات محمله بي دوشكا داخل العاصمه والشرطه في الخرطوم مسلحه بمدفع 106 وده سلاح جيش مابتحتاج ليهو في المدن والشرطي في المدينه سلاحو معروف عصايه وبمبان كان كتر طبنجه ده في الحاله العاديه . لكن في الخرطوم الامن بيخوف فيك
عشان كده اي زول بيرهب في الاخر بانو امن ونظام عام وشرطه عسكريه
في اقسام النظام العام بلاوي
البوست مفتوح لاي زول زار الخرطوم في الفتره الاخيره

الان في الخرطوم لا تستطيع السير ومعك صديق
حكي لي صديقي وهو كان عايش في احدي دول المهجر وحضر الي الخرطوم في الالفينات واجر شقه ولانه طول من الخرطوم واهله في الاقاليم .ضربت له بنت اخيه حوالي الساعه العاشره مساء لانها مفروض تدفع رسوم الجامعه فقال لها تعالي انا في العنوان الفلاني وبعد ان حضرت واخذت مصاريفا ما كان منه الاان يوصلها محل الواصلات وفي الشارع داهمته عربيه ونظام العام
نواصل

اتهموهو بالزنا واخرجو بنقو من عندهم وساومهو بي بنت اخوه والبنقو والعربيه كان فيها صابط برتبة ملازم
لمن ختو ليهو البنقو في قسم الربيع وبداو في فتح البلاغات له اخذ يفكر في البنت عشان سمعتها وهي بنت اخيه اضطر للمساومه ودفع حوالي اربعه مليون انذاك
ده حسب الروايه من صاحب المشكله
مع النظام العام
تخريمه
عساكر النظام العام بيبعو العرقي

بلاوي الاقسام مساومات وسمسره

هجو ازيك
انتحال شنو ياصديقى ديل ناس الامن والشرطه زاتم وهى عقلية العصابه فى ادارة البلاد ولم يتبق لصغار اللصوص هؤلاء غير الاستئساد على سواد الناس ولهم فى الكبار قدوه..لكن لاتقلق فهنالك تناسب طردى بين ارتكاب الحمق وقرب انبلاج الفجر..

Quote: عساكر النظام العام بيبعو العرقي

وستات العرقي ما مشوا إشتغلوا عساكر في النظام العام .. ؟؟


وناس المباحث بيقسموا مع الحرامية الغله ..؟؟


وناس المرور إيصالاتهم شخصية بحته ..!



بس تدي ربك العجب ..

الاخ هشام ابراهيم
تحياتي
الشعب في خدمة الشرطه

يا دكتور تحياتي
كلامك صاح بس هسع نقول بالطريقه دي يجوك ناس المصار ناطين في حلقك
اها البوست ده انا فتحتو امس في الليل بينما هنك جريمه ارتكبت في الديم ابطالها شرطة النظام العام

معظم مجندي النظام العام يا هجو..

فاقد تربوي وتعليمي..

وهذا بشهادة ناس الحِلة.. أي حِلة..

أي ولد أبا القراية أو ما فلح فيها بسوقوه يجندوه ويدوه سلاح..

ومن مركز القوة الوهمي ده، يقل أدبه على جيرانه في الأول..

وسقطت عوضية شهيدة بنيران دورية النظام العام امس في الديم
امسهي
بالامس ليلا كنت قد فتحت هذا البوست منبها لهذه الشرطه

هذه الشرطة لا تشرفنا ولا تمثلنا
محمد حامد جمعه
انصار النظام العام
انصار القتل العام
القتيله من بنات النوبه
هل هي تصفيه عرقيه؟

كد مصدر مطلع وموثوق لـ (حريات) انتشار حالة من السخط والتذمر الواسعين في الشرطة لعدم صرف المرتبات رغم مرور ستة أيام على أول الشهر .

وتكرس حكومة المؤتمر الوطني 70% من ميزانيتها للصرف على الأجهزة العسكرية الأمنية ، ولكن مع قرار حكومة الجنوب بإيقاف ضخ النفط تقلصت الميزانية ، وتركزت في الصرف على جهاز الأمن اولاً ، ومن بعد ذلك على كبار الضباط ، في حين يهمل صغار الضباط وجنود القوات النظامية .

هذا ويتوقع امتداد السخط إلى الأجهزة النظامية الأخرى


هل هذا يعني ان عمليات اخر الليل تتم بعلم الضباط نظام طلعوا المصاريف وكده؟

العزيز هجو
لسؤ الحظ قد صدقت تخوفاتك .
قرأت يوستك قبل نزول الخبر المحزن بساعات .

الاخ متوكل تحياتي
انا كتبت البوست ده قبل الحادث بي ساعه ونص وفي بالي انو ممكن يحصل حدث مثل هذا في اي لحظه
لان النظام العام بقي عدو للشارع العام
والشرطه اصبحت تستهدف المواطن بشكل مخيف

بيان مخجل لادارة الشرطة يستفز سكان الديوم الشرقية(حول مقتل عوضيه)
بيان ركيك ومستفز
يدل علي عدم المسؤليه وهاهي الجرايم تتوالي
هذه ليست الاولي ولا الاخيره ما لم ...........

هذا النظام يزداد في السوء ويقتل اهل البلد


الخزي والعار علي عصابة الخرطوم المجرمه




دماء الشهداء والشهيدات من اجل استرداد الديمقراطية معلقه في رقاب اللص البشير وعصابته

اتوقع المزيد من جرايم النظام العام
في اقسام النظام العام تتم مساومات مع الفتيات والشباب
اشهر اقسام التسويه قسم الديم المحروق بقيادة ضابط برتبة ملازم اول وهي امراه يعرفها اهل الديم الاصليين والارتريين والاثيوبيين
يتبع

تحقيات حقوق الانسان فيما يختص بي موضوع النظام العام تم اكتشاف عشرات الحالات بتاعت الاغتصاب تمت لفتيات نتيجة مساومة وابتزاز اشهرها في الثورات تم القبض علي فتاة .. االضابط قام بالمساومة من جل تغيير الاقول وبعدها صرخت فصادف مرور وكيل نيابة .. واتخذت القضية منحن اخر ... ؟؟؟؟؟؟؟؟؟؟؟؟؟؟؟؟؟؟؟

وكالعادة نقل الضابط .. وكمكمة القضية .....

ومثلها كثر .....
الان النظام العام في حالة بيات صيفي ...
من هول الملفات والانتهاكات والضغوط من قبل المنظمات والتهم الملفقة التي طالت الابرياء ....
مافعله اهل الديم كان بمثابة الوعي الشعبي بالحقوق .... وبقية الاحياء والمدن قطع شك ستحذو حذوهم
ضد تلك العبثية .....
فالشرفاء في اجهزة الشرطة ان لهم الظهور والتحدث بالصوت العالي .. والتصدي وحماية المواطن .. من الابتزاز وتلفيق التهم والتعدي علي الحريات ...