رغم ان عنوان البوست خصّ دكين وود رملية دون غيرهم إلا أنه لم يرد ذكرهم فى تفاصيل البوست على النحو الذى كنا نتوقعه ، ويبدو انك يا ود الأمير قد (إدخرتهم) لوقت تزيد فيه المتعة(الفيديو) مما يزيد الأمر تشويقاً. هكذا تكون السناريوهات :)
الغريبة أنو دكين فى الرياض كان لا يرقص إلا نادراً، ونراه اليوم تُفتح لرقصه البوستات
اللهم أجعله خير
نعود بعد الرقص
يخالجنى شعور بأن فى الأمر فبركة
Post: #10 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-04-2012, 01:33 PM Parent: #9
Quote: الغريبة أنو دكين فى الرياض كان لا يرقص إلا نادراً، ونراه اليوم تُفتح لرقصه البوستات
وليد يعنى انت داير دكين يرقص في الرياض مع جدو صديق الموج .... دى دوحة الشباب خليك مع الزمن ياريس ....
Post: #11 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-04-2012, 02:34 PM Parent: #10
المشكلة الواحد بقى غصب عنه يقول لكيكى يا ابو اللمين
ليلة جميلة، نغم وطرب اصيل وفاصل جميل من الفنان فرح،ومن انفاس القريض ابدع زمراوي واقام الليل شعرا،وابدع والهب حماس الحضور. ومادبة العشاء كانت عامرة،وهنا بعض الصور.
Post: #13 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-04-2012, 10:40 PM Parent: #12
Quote: ومادبة العشاء كانت عامرة،وهنا بعض الصور.
فيصل ياود الزبير الملاحظ في الصور اعلاه ان المضيف قاعد يتعشى قبل الضيوف ....
Quote: ولياب يعنى انت داير دكين يرقص في الرياض مع جدو صديق الموج .... دى دوحة الشباب خليك مع الزمن ياريس ....
كنت حا اشارطك لكن اتذكرت القرى ودايات الحبل يعنى شهادات ميلاد زينا مابكون عندك انتو ياناس ولدوك ميتت العمده ، و ولدوك فى زيارة السيد على للبلد ، و فى احسن الحالات الواحد امه تقول ليه العارفاهو انا وحمارة ود جاد الله ولدنا فى يوم واحد،،،
Post: #17 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: احمد التجانى احمد Date: 03-05-2012, 06:42 AM Parent: #16
مبـــــــــــــــــــــــــــــــــــــــروك لابو اللمين يتربى فى عزك وتفرح ان شاء الله بنجاحه وزواجه
مبروك عليكم الامين يا كيكي يتربى في عزكم وشايل اسمو ان شاء الله
وتحياتى لك يا بدر الدين
Post: #19 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: عبدالكريم الامين احمد Date: 03-05-2012, 09:03 AM Parent: #18
هلا يا بدر وحبابك يا مرجف مدينة وجلسة كانت محضورة بحضوركم جميعا رغم انك جاينا في الزمن الضائع (التقول عازمنك مبيت) والشكر والتقدير للزول الفنان المدهش فرح درة النيل الازرق ونواحي سنار عندما يحتضن النيل الازرق الخزان عند (منطقة الجنينة) الرائعة التي انجبت الكثير من الرائعين والمبدعين فكان فرح في حضوره الينا حاملا في وجدان بكانا سمح بالحيل...
وشكر الي الشاعر الكلس الذي لاتزال صدي كلماته القوية هي من تملي المخيلة ثائرا ثائرا ثائرا فالف شكر يا زمراوي يا زول يا مبدع ويا شاعر الثورة والمنافي والوطن المسلوب من قبل الطفابيع
وفي كانت التقينا فيها ولاول مرة بعضو المنبر الاخ الجميل (محمد البشري) وسلام ومحبة للكل الاخوان والاخوات
وودرملية عاد وبين بعد غيبة ورغم الغياب الا انه حافظ علي تصنيفه الدولي كاحسن راقص في العالم
Post: #20 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: سلمى الشيخ سلامة Date: 03-05-2012, 11:01 AM Parent: #19
ياريت لو كنت معاكم فرحانة ليك يا كيكى الف مبروك وموعودة بحفلة لمن اجيكم قريب
Post: #21 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: عبد اللطيف بكري أحمد Date: 03-05-2012, 01:31 PM Parent: #20
ألف مبروك ياكيكي ياخ ،،
وآسفين لتأخير ذلك،،
وحمداً لله على سلامة المدام،،
== شكراً يالأمير،،
Post: #22 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-05-2012, 02:22 PM Parent: #21
Quote: تعالي يا قريبتي إحلام وهبي ، وشوف جنس ( الزهايمر) ده .
ولياب ما دقش ياخى وليد مشها هو انا لقاها منك ولا من جدو الموج ولا من قريبتك الملقومة
Post: #23 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-05-2012, 02:35 PM Parent: #22
Quote: انت بلا وزارة داخلية
جاي متاخر مالك ؟؟
مولانا نحنا بنجى بعد مايمشو المولانات
Post: #24 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-05-2012, 02:38 PM Parent: #23
Quote: كنت حا اشارطك لكن اتذكرت القرى ودايات الحبل يعنى شهادات ميلاد زينا مابكون عندك انتو ياناس ولدوك ميتت العمده ، و ولدوك فى زيارة السيد على للبلد ، و فى احسن الحالات الواحد امه تقول ليه العارفاهو انا وحمارة ود جاد الله ولدنا فى يوم واحد،،،
هههههههههههههههههههههههههههه الدكتور زعل ياناس
Post: #26 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-05-2012, 02:41 PM Parent: #24
Quote: ناس الدوحة اكل الفنادق دة بكوفر بيكم
احمد التجانى باقى ليك الامين العملو ليهو سمايتو في هوتيل دحين بمش ود هاشم ولابقرا كمبور الرى
Post: #25 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: محمد سنى دفع الله Date: 03-05-2012, 02:39 PM Parent: #22
هو انا قلت ليك احباش ولا اشباح ؟؟؟ بعدين ود الموج ما خلى ليك طريقة تتخارج بيها تاني تجيبوا سيرةالبحر ؟؟ بعدين ود البشرى جا متين وانا كنت وين ؟؟ والله ما اخليكم بيها كان على الاقل اقدموا بس المهم تحياتنا لي ود البشرى لامن نلاقيهو بالله يا بدر طلعت ولدوك وقت حفرة الترعة القدامية لي حواشة عبدالقيوم ؟؟ هههههههههههيييي
Post: #27 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-05-2012, 02:45 PM Parent: #25
Quote: يتربى في عزكم وشايل اسمو ان شاء الله
منتصر كيكى قال الود دا امريكى وهو حايقوم باعداده ليصبح رئيس الامريكا تقول لى امريكا ما دنا اجلها
Post: #28 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-05-2012, 02:49 PM Parent: #27
Quote: رغم انك جاينا في الزمن الضائع (التقول عازمنك مبيت)
Post: #38 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: عبدالكريم الامين احمد Date: 03-06-2012, 06:43 AM Parent: #37
Quote: ياريت لو كنت معاكم فرحانة ليك يا كيكى الف مبروك وموعودة بحفلة لمن اجيكم قريب
هلا يا سلمي وحبابك يا زمن يا جميل وفي انتظارك والله بكل شوق وحنين لتلك الايام الرائعات حيث صلاح الامين وحيث احتفالات جنوب افريقيا وحيث الشية بتاعة كراكير ودواعيس الدوحة وعيييييييك وفي انتظارك -----------------
Quote: * ناس الدوحة اكل الفنادق دة بكوفر بيكم
الف شكر وتقدير يا منتصر وحبابك يا عبد اللطيف وكل الود
-------- احلام وهبي ومحمد السني وحسن طه ثم الفتي الذهبي ابو خليل كونو دوما بالف دهشة وجمال وكونو موغلين في الروعة
حقيقة كانت ليلة جميلة والواحد كان منبهر بانو يشوف ال ((heroes)) بتاعنو في سودانيزاونلاين لايف وعلى الهواء مباشرة امثال فيصل الزبير و خليل وكيكي والسني وحسن طه وودالامير وهلم جرا..عشان كدة الواحد كان مندهش وفاغرأ "فاه" لحد الدهشى و لحد ما "جرررروهو" من الحفلة غصبا عنه كطفل يريد حضور الحفل للنهاية
Quote: بعدين ود البشرى جا متين وانا كنت وين ؟؟ والله ما اخليكم بيها كان على الاقل اقدموا بس المهم تحياتنا لي ود البشرى لامن نلاقيهو
يا محمد السني ....اتمنى الا تلخبط كومي مع "محمد البشرى الخضر" او ودالبشرى المهندس او ابو حتحوت...لانو هو رغم اني سنيرو في سودانيزاولاين الا انه خطف مني الاضواء كما خطف "عبدالكريم الامين احمد" "ابواللمين" الاضواء من "عبدالكريم احمد الامين" وخلاه يضاير ب "ابو محمد" وانا بقيت اضاير "بودالبشرى الماباشمهندس"...
شوف الصورة الفيها كيكي واقف وراء اتنين واحد بالبلدي وواحد بالبدلة.. بالمناسبة انا جيت سلمت عليك في تربيزة ابوبكر القاضي وحسن طه..
والجايات اكتر من الرايحات
ودالبشري "ابوسامر"
Post: #40 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: Faisal Al Zubeir Date: 03-06-2012, 07:47 AM Parent: #39
وهنا ما نشرته الراية اليوم صفحة السودان وترحيب خاص بضيفنا الكبير ود البشرى .
Post: #41 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: وليد عبد اللطيف Date: 03-06-2012, 09:11 AM Parent: #40
الف مبروك للجميل كيكي ويتربى في عزكم
بدر الامير تحيات بنكهة القرنفل لك وللضيوف
Post: #42 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: حسن طه محمد Date: 03-06-2012, 09:36 AM Parent: #41
Quote: بدر الامير تحيات بنكهة القرنفل لك وللضيوف
ود الامير
شفت قريبي وليد عبد اللطيف تحياتو كيف ؟
القرنفل وما فوق
بس برضك جيت متاخر وعزاك وعزانا انك جبت معاك الفنان صاحب الاصابع الذهبية عبد المنعم الفكي
واجتمع الاثنان ( فرح وعبدالمنعم ) ليقدما انشودة بداية الحياة ل الامين ربنا يحفظه ويطول عمره ويجعله ذخرا لوالديه
ويريح كيكي شوية ويحل محله في سودانيز اونلاين
ويا ود الامير برضو كيكي حينادوه بعد دا ب " ابو اللمين "
الشكر للباشمهندس كيكي الذي هيأ لنا أن نلتقي بأحبابٍ جميلين. ولكن للحقيقة، لم أشاهد رقصاً في القاعة كما زعم هذا (العريبي) المُكنّى بالأمير ربما لضعف نظري أو ذاكرتي أو كلاهما معاً!
لقد أتحفنا الصديق فرح بسيلٍ من الأغاني العذبة بعد أن بلغ بنا الحزن شأواً كبيرا في الأيام والأسابيع الفائتة وخرجنا منتشين وكأننا ولدنا من جديد...!
التحية لود الأمين الذي جعل ذلك ممكناً وأقر عينه بولي عهده الأمين...
Post: #44 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: حسن طه محمد Date: 03-06-2012, 12:30 PM Parent: #43
مرحب بالشاب الأمين عبد الكريم الأمين (جدو) الله يحفظه ويتربي في عزكم يا باشمهندس
Post: #46 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-06-2012, 05:25 PM Parent: #45
Quote: وهنا ما نشرته الراية اليوم صفحة السودان وترحيب خاص بضيفنا الكبير ود البشرى .
فيصل الزبير ياخى الحقنا قبل ما نزل اعلان مدفع الاجر بصحيفتكم ياخى كيكى شال تلفونى الاي فون عشان يصور بيهو سهرتنا وفي نهاية السهرة قلت له ادينى تلفونى قال لى معليش خليهو معاى لبكرة عشان حا انزل الصور في الكمبيوتر واوريها لام الامين اتصلت به تانى يوم عشان يرجع لى تلفونى قالى اعتبر هدية مقدة للامين وقفل الخط ....
Post: #47 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-06-2012, 05:28 PM Parent: #46
Quote: بدر الامير تحيات بنكهة القرنفل لك وللضيوف
وليد شكرا ياسليم الذوق
Post: #48 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-06-2012, 05:35 PM Parent: #47
Quote: وبدرالدين ده فات الزهايمر وطاشي شبكة عدييييل
احلام ياملقوفة الطاشى شبكة انا ولا ولدك البصفق لموسيقى نشرات الاخبار
Post: #49 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-06-2012, 05:41 PM Parent: #48
Quote: عبدالمنعم بالايقاع ظبط الحكاية
خليل الجمال مع انه من العسير على ان اشكر عبدالمنعم الفكى عربى الكلاكة المتخلف لكن في حتت الايقاعات دى مابقدر غير ابصم ليهو بالعشرة ..... وعندى ليك مفاجأة ترقبها قريبا فى حوش بكرى
Post: #50 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-06-2012, 05:48 PM Parent: #49
Quote: في سودانيزاونلاين لايف وعلى الهواء مباشرة امثال فيصل الزبير و خليل وكيكي والسني وحسن طه وودالامير[/QUOTE ياود البشرى بالانجليزى ياخى انا زول شاب كيف تلمنى مع الشياب ديل ياخى انت ما بتفرق بين صديق الموج وبدرالدين الامير ولا حكايتك شنو
Post: #51 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-06-2012, 05:54 PM Parent: #50
Quote: شفت قريبي وليد عبد اللطيف تحياتو كيف ؟
يا مولانا ما دا المخلينا نتحمل بلاويكم وبلاويكم المقصودبيها احلام وهبى وعزام فرح
Post: #52 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-06-2012, 06:02 PM Parent: #51
يا ود الامير البدر المكمل وانا ما داير اقول الجاء شايل بنقز عبدالمنعم منو لانو دا شمار حار ما بتدسا خاصة لو عرفو المهبوش عبد المنعم سليمان ( امواج ) ومسوكر
لكن انا ازيد علي رقيص دكين وودرملية الما حضر سماية الامين ود كيكي ما حضر حاجة
التحايا لابو اللمين علي قولكم ويتربي في عزك يا صديقي كيكي
شوووووووكرن يا ابو لبيد
Post: #54 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-06-2012, 07:54 PM Parent: #53
Quote: وانا ما داير اقول الجاء شايل بنقز عبدالمنعم منو لانو دا شمار حار ما بتدسا خاصة لو عرفو المهبوش عبد المنعم سليمان ( امواج ) ومسوكر
ياود مالك حدك ... عربى كلاكلة المدعو عبدالمنعم الفكى كان ممكن يعرف طريق الفندق لو لم يكن برفقتى وانت جاى تحرف البوست وتقول انى كنت شايل بقز عبدالمنعم شوف يامتولى انا مافقد لامل فيك وما داير اصنفك مع الرجرجة حلام وهبى وعزام فرح وصديق الموج ... البيناتنا كانت عامر قبل ما تكون امريكى داير تخربها مالك ..... رضينا بيك امريكى بس بتاع شمارات وتحريف المشاهد دى غير مبلوعة وغير مغفورة حتى لو تدخل عبدالمنعم امواج ... قال شايل شنطة ايقاع وقال الكلاكلة قال ...
استاذنا ود الامير ولمعلومية الجميع بنقز عبد المنعم جاء شايلو واحد هندي وانا علقت قلت لي عربي الكلاكلة علي قولك بقيت يشيلو ليك البنقز كمان زمن
تحريمة البينا عامرة وستظل عامرة الي يوم الدين ولك كل الاحترام الذي تعرف
Post: #56 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-06-2012, 09:11 PM Parent: #55
Quote: ولمعلومية الجميع بنقز عبد المنعم جاء شايلو واحد هندي وانا علقت قلت لي عربي الكلاكلة علي قولك بقيت يشيلو ليك البنقز كمان زمن
متولى يامالك على قول القطريين ( اشوة) لانى وقتها كنت شايف عربى الكلاكة كان بحرش فيك ضدى وقلت امكن تكون المسألة انطلت عليك .. لكن طلعت حصيف ... وباقى على الود القديم وما زال ... بس ربنا يكفينا شر محمد مسوكر والعبدالمنعمين بتاع كسلا وبتاع الكلاكلة ....
Quote: ياود البشرى بالانجليزى ياخى انا زول شاب كيف تلمنى مع الشياب ديل ياخى انت ما بتفرق بين صديق الموج وبدرالدين الامير ولا حكايتك شنو
يااخ انا زول ضيف فما تدخلوني في خلافات "العواجيز" العابرة لدول مجلس التعاون الخليجي دي....
وانا زول ضيف وكيكي موصيني -قبل ما أجئ للسماية- انو لابد من احترام " كبارنا" وحتى كمان نبهني انو لو لقيت "طقم اسنان" واقع لازم اسلمو للريسيبشن بتاع الفندق لانو من الصعب معرفة "صاحبو"
ودي
Post: #58 Title: Re: الما شاف : دكين وود رملية برقصو في سماية الأمين ود كيكى ماشاف رقيص Author: بدر الدين الأمير Date: 03-07-2012, 06:50 PM Parent: #57
Quote: "طقم اسنان" واقع لازم اسلمو للريسيبشن بتاع الفندق لانو من الصعب معرفة "صاحبو"
ود البشرى تاكل سمايتنا وتشمت فينا الكهل الامدرمانى ود الموج انت ضيف ماعندنا خيار غير نقطع كلامك دا فى مصارينا
