Post: #1
Title: الشمار كاتـلـنا يا Mohamed Suleiman !!
Author: دينا خالد
Date: 03-04-2012, 07:15 AM
استدعت وزارة الخارجية السودانية اليوم "الخميس" القائم بالأعمال الأمريكي بالخرطوم دينيس هانكنسن ، وطالب السفير رحمة الله محمد عثمان وكيل وزارة الخارجية الولايات المتحدة بتحديد موقفها بشكل واضح من المؤتمر الذي سيعقد بمدينة اسطنبول التركية لدعم الاقتصاد السوداني المقرر له نهاية مارس الجاري .
وقال القائم بالأعمال الأمريكي إن الولايات المتحدة إن الوضع الإنسانى فى ولاية جنوب كردفان يمثل عائقا أمام مشاركتهم فى المؤتمر بالمستوى المطلوب ، مضيفا أن واشنطن مازالت تدرس الأمر ولم تحدد موقفها بعد بشكل نهائى .
وبدوره أبلغ المسئول السوداني القائم بالأعمال الامريكي أن السودان ليس طرفا فى الدعوة والترتيبات التى تقوم بها كل من النرويج وتركيا والإتحاد الأوروبى بصفتها الدول المبادرة بقيام المؤتمر ، لكنه أكد حرص بلاده على الترتيبات للمؤتمر بإعتباره الدولة المعنية بما يخرج به .
وأضاف أن السودان يرى أن الترتيبات تسير بصورة جيدة ، مشيرا الى أن الولايات المتحدة عندما التزمت بدعم السودان عقب انفصال الجنوب لم يكن هناك تمرد بجنوب كردفان ، مؤكدا فى هذا الصدد أن السودان قام بمجهودات كبيرة من بينها الإعلان عن وقف إطلاق النار ومطالبة المجتمع الدولى بممارسة ضغط على المتمردين .
وأضاف رحمة الله أن حكومته ليست مسئولة عما حدث بجنوب كردفان ، وطالب الولايات المتحدة بتحديد موقفها بشكل واضح حتى يتم التعامل معها على ضوئه .
ـــــــــــــــ
المؤتمر دا خبرو شنو فى ما وراء الاطلنطى ؟
|
Post: #2
Title: Re: الشمار كاتـلـنا يا Mohamed Suleiman !!
Author: دينا خالد
Date: 03-04-2012, 07:19 AM
Parent: #1
بدوره أبلغ وكيل الخارجية، القائم بالأعمال أن السودان ليس طرفاً في الدعوة والترتيبات التي تقوم بها كل من النرويج وتركيا والاتحاد الأوروبي بصفتها الدول المبادرة بالمؤتمر.
وأشار رحمة الله إلى أن واشنطن عندما التزمت بدعم السودان عقب الانفصال لم يكن هناك تمرد بجنوب كردفان، وطالب واشنطن بتحديد موقفها بشكل واضح حتى يتم التعامل معها على ضوئه.
في ذات السياق أبلغت الخرطوم يوم الخميس سفراء الدول المعتمدين لديها حرص السودان على إنجاح مؤتمر تركيا الذي يعقد أواخر الشهر الحالي بتمويل من النرويج، وصرح وزير الدولة بوزارة التعاون الدولي أحمد كرمنو أن المؤتمر سانحة للتعريف بالسودان.
وأعلنت بريطانيا تقديم مساعدات للسودان لدعم مشروعات تنموية، تقدر قيمتها بنحو ثلثمائة مليون دولار لدعم الخدمات في مجالات الصحة والمياه والتعليم والحكم الرشيد وبناء القدرات والسلام.
وقالت وزيرة التعاون الدولي السودانية إشراقة سيد محمود عقب مباحثات أجرتها مع نظيرها البريطاني بالخرطوم يوم الخميس إن الجانبين تطرقا خلال اللقاء إلى تطوير العلاقات الاقتصادية.
وأكدت المملكة المتحدة دعم مشروعات التنمية في السودان بجانب تقديم استراتيجية عون جديدة للأربع سنوات القادمة بواقع خمسين مليون جنيه استرليني للعام.
ونقلت إشراقة عن المسؤول البريطاني تأكيدات بدعم مؤتمر السودان في 23 و24 مارس الجاري بتركيا
ـــــــــــــــــــ
و الكلام البى احمر دا ليهو ولا عليهو !!
زولك قال لى كلامو المفروض يقولوا لى .. مش؟
|
Post: #3
Title: Re: الشمار كاتـلـنا يا Mohamed Suleiman !!
Author: دينا خالد
Date: 03-04-2012, 07:22 AM
Parent: #1
رهنت إشراقة سيد محمود وزيرة التعاون الدولي، مشاركة الرئيس عمر البشير في مؤتمر (إسطنبول لدعم السودان) بحجم ومستوى التمثيل في أعمال المؤتمر، وقالت رداً على أسئلة الصحافيين حول إذا ما كان الرئيس سيقود وفد السودان لتركيا: لم يحددْ بعد من سيقود الوفد المتجه لتركيا، والأمر رهين بمستوى التمثيل في المؤتمر. وحدّدت الوزيرة عقب لقائها السفراء وممثلي البعثات الدبلوماسية في مبنى الوزارة أمس، أولويات المؤتمر في معالجة ديون السودان بالاستفادة من مبادرة (الهيبك)، علاوة على رفع العقوبات المفروضة على الخرطوم، سيما وأنه أوفى بجميع تعهداته الدولية السابقة، وقالت: العقوبات والديون تؤثران بشكل مباشر على التنمية والاقتصاد وتلقيان بظلال سالبة على الشعب، وأكدت حملهم كل ما من شأنه تعضيد وجهة نظرهم. وفي الصدد، كشفت عن دعم بريطانيا رسمياً للمؤتمر ومشاركتها فيه بوفد رفيع طبقاً لاستيفن اوبراين وزير الدولة البريطاني للتنمية ونيكولاس كاي سفير لندن لدى الخرطوم. من جهته، قال أحمد كرمنو وزير الدولة بالتعاون الدولي: المؤتمر ليس (شحدة) أو استجداء، وردّ الأمر لجهة عدم تخطيطهم للمؤتمر الذي قام على كاهل أطراف دولية، وأعلن عن إبداء (40) دولة رغبتها بالمشاركة في فعاليات المؤتمر.
ــــــــــــــ
شمار المؤتمر دا عندكم ؟؟
|
Post: #4
Title: Re: الشمار كاتـلـنا يا Mohamed Suleiman !!
Author: حيدر حسن ميرغني
Date: 03-04-2012, 07:26 AM
Parent: #1
سلامات دينا
Quote: وأضاف رحمة الله أن حكومته ليست مسئولة عما حدث بجنوب كردفان
|
جنوب كردفان دي في أفغانستان?
الزوغة من المسؤولية فايدتها شنو في هذا الامر
طيارات تشيل وترمي في القنابل
ودفن جماعي للجثث
وبرضو مامسؤولين?
|
Post: #5
Title: Re: الشمار كاتـلـنا يا Mohamed Suleiman !!
Author: دينا خالد
Date: 03-04-2012, 07:57 AM
Parent: #4
هم يا حيدر بكلموا فى منو ؟ امريكا ؟؟؟
اسمع الكلام دا كيف
هارون: أنا «سِنْيَر» لوزير الدفاع في الجنائية وقرار أوكامبو «بندق في بحر»
السبت, 03 آذار/مارس 2012 07:18
Share3وصف هارون مذكرة الجنائية ضد الفريق أول ركن مهندس عبد الرحيم محمد حسين وزير الدفاع، بأنها «بندق في بحر»، وأكد عدم تأثر وزير الدفاع بالمذكرة كما لم تؤثر على الذين سبقوه، وقال في برنامج «مؤتمر إذاعي» أمس: «أنا مبسوط.. أدوا عبد الرحيم مورال زيادة يشتغل بيهو»، وأضاف: «أقول لوزير الدفاع أقدميتك جاءت متأخرة شوية في الجنائية، وأنا سنيرك». ووصف هارون قرارات الجنائية بالعبث والبؤس القانوني للعب أدوار سياسية بواجهات قانونية.
|
Post: #7
Title: Re: الشمار كاتـلـنا يا Mohamed Suleiman !!
Author: احمد التجانى احمد
Date: 03-04-2012, 08:08 AM
Parent: #5
قبل ثوانى من بوستك كتبت نفس الكلمة لخالتنا تراجى
حتى تفصح لنا عن من هى جميلة بوحريد السودانية المتوجهة لل USA
نقدر نقول فى تؤامة بين بنات افكارنا
|
Post: #6
Title: Re: الشمار كاتـلـنا يا Mohamed Suleiman !!
Author: دينا خالد
Date: 03-04-2012, 08:02 AM
Parent: #4
اها ياحيدر تقدر تورينا وين المسئولية هنا ؟
وصف مساعد ئيس الجمهورية د. نافع علي نافع ما يجري بجنوب كردفان من اعتداءات للحركة الشعبية بفرفرة المذبوح، وأضاف أن كل ذلك تحت السيطرة. وقال نافع: «المحرش ما بكاتل»، وزاد: لن يستطيعوا قتال أهل الشريعة وأهل الحارّة، وطمأن المواطنين بقدرة القوات المسلحة على القضاء عليهم. وقال نافع خلال مشاركته ولاية نهر النيل احتفالاتها بإتمام عقد قران خمسمائة زيجة جماعية بمحلية شندي أمس، إن السودان ماضٍ من نصر إلى نصر.وسيُحبط كل المحاولات الرامية لإضعافه، وقلّل نافع من أي تحالفات أو تكتيكات ..
البشير يتوعّد (الشعبية) بمعركة نهائية في كاودا
السبت, 03 آذار/مارس 2012 19:49
Share18وجه الرئيس السوداني؛ عمر البشير، بفتح معسكرات الدفاع الشعبي، وتوعد متمردي الحركة الشعبية بما سماها المعركة النهائية في منطقة كاودا. وشن البشير هجوماً هو الأعنف على الإدارة الأميركية، وقال: "لا نريد جزرتكم لأنها مسمومة ولا نخشى عصاكم". وقال البشير أمام حشد لقوات من الدفاع الشعبي بالخرطوم اليوم، إن بلاده على استعداد لتقديم 18 ألف شهيد، في الحرب مع الحركة الشعبية. وأضاف: "لقد خبرونا زمناً طويلاً وسنقطع كل يد تحاول النيل من أمن السودان وسنفقأ كل عين تريده بسوء".
ــــــــــــــ
الكلام عن النوبه دا وهو فى حفل زواج جماعى فى شندى
حد يصححححححى بشاشا يا جماعة وبالمرة تراجى !!
|
Post: #8
Title: Re: الشمار كاتـلـنا يا Mohamed Suleiman !!
Author: Asim Fageary
Date: 03-04-2012, 08:20 AM
Parent: #6
Quote: وأعلنت بريطانيا تقديم مساعدات للسودان لدعم مشروعات تنموية، تقدر قيمتها بنحو ثلثمائة مليون دولار لدعم الخدمات في مجالات الصحة والمياه والتعليم والحكم الرشيد وبناء القدرات والسلام.
|
سلام يا دينا
يعني ال 300 مليون دولار ديل بسوا الكلام دا كلوا
هي بريطانيا دي مش المفروض تعمل حساب للكمشنات الحتتهبش من المبلغ
ولا قايلانا عندنا شفافية وكدا !
____________________________
بعدين إشراقة سيد محمود (الحلفاوية دي) بعد ما يدوها وزارة قدر كدا ما إتحجبت ليه ولابسة توب عادي)
|
Post: #9
Title: Re: الشمار كاتـلـنا يا Mohamed Suleiman !!
Author: د.نجاة محمود
Date: 03-04-2012, 08:26 AM
Parent: #8
ناس محمد سليمان ادوهم وعد قاطع انهم حيحكموا السودان بدون انتخابات
بل على ركاب الجيش الامريكي ..
|
Post: #10
Title: Re: الشمار كاتـلـنا يا Mohamed Suleiman !!
Author: قيقراوي
Date: 03-04-2012, 08:39 AM
Parent: #6
Quote:
هم يا حيدر هم يا حيدر بكلموا فى منو ؟ امريكا ؟؟؟
بكلموا فى منو ؟ امريكا ؟؟؟
|
ياهو ذهولهم عن الزمان و المكان، الذي علمهم كبيرهم!!
او كما قال الخاتم عدلان
الترابي مشى ليهم في ي ي ي عقر كونغرسهم، ليحدثهم عن الديموغراطية بت الكـــلب، و عن ليبرالية الحركة الاسلامية
فتأمل .. وجيبوا معاكم حسين يتأمل برضو
----------
انتو امريكا دي ما فيها تلفزيونات!؟
ولا منطق!؟
شعب و حكومة و كونغرس ويانكي و كابويات هنود حمر .. قنابير ساااي!!
|
Post: #11
Title: Re: الشمار كاتـلـنا يا Mohamed Suleiman !!
Author: Mohamed Suleiman
Date: 03-04-2012, 11:56 AM
Parent: #10
القصة كلّها يا دينا إنّو ناس البشير و علي كرتي و قوش و نافع ... في ناس في الأمن القومي الامريكي و دوائر المخابرات وعدوهم (ناس البشير) .. .. إنّو حنديكم و حنشيل إسمكم و حنفتح ليكم أبواب أمريكا و ابواب البنك الدولي و صنوق النقد العالمي و و و ..
لو عملتو كدة و كدة و كدة ....
أها في ناس في تلك الدوائر كانوا جادين إنّو يدوهم (شئ) ....
و في ناس في هذه الدوائر .. شفوت و عقليتهم عقلية محتالين الشوارع ....
الناس الأولانيين ديل في مرحلة ما أقنعوا اوباما زاتو ... إنّو (يا اخي الناس ديل فكوا آخرهم و إنبطحوا لينا إنبطاحا لم ينبطحه لنا دلاديلنا من أمثال مبارك علي عبدالله صالح .. أي حاجة طلبناها منهم .. أدونا دبل ... ديل أدّونا أي شئ و لم يبقوا شيئا و هسي قعدوا في السهلة .. نديهم حبة كدة ... عشان نضمن خدماتهم للمستقبل) ..
الناس التانيين قالوا للناس الاولانيين: إنتو عورا و لا شنو؟؟ ...... ليه نديهم حاجة و هم بيقدموا لينا أي حاجة طلبناها مجانا .. و كمان زيادة. .... في حاجة واحدة بس ممكن نديهم: مزيدا من الوعود.
في ناس تالتين (من ترتيب اول و تاني و تالت ) .. ديل النشطاء و اعضاء في الكونغرس قالوا للأولانيين و التانيين: إنتو مجانين و لّ شنو؟ ... ديل ناس مجرميييييين .. بل صعاليك المجرمين ... مكانهم السجن و العقاب ... بتتعاملوا معاهم ليه في المقام الأول ....
و إستعان الأولانيين ببريطانيا ....
مشكلة بريطانيا أنها تري الخرطوم و السودان القديم كتركة بريطانيّة .... و تريد ان تري ذلك الطفل المسخ المشوّه الذي تركته بعد أن فصلته من مصر .. أن يستمر الي الشيخوخة ... لكن هناك إنشقاق في داخل بريطانيا ... فجناح البارونة كوكس تقف مع الناس التالتين (النشطاء و الكونغرس) في أن نظام الخرطوم نظام عف عليه الزمن و ان قادته مجرمون و يجب أن يعاملوا علي ذلك المنوال .....
قصة المؤتمر في أسطنبول هي قصة وعود جزء من ليل الكلام العسل و الوعود التي قطعتها أمريكا (الأولانيين) و بريطانيا (جناخ ناس أليكس دي وال و متسودني الخارجية البريطانية) ... بمساعدة نظام الخرطوم علي البقاء إن أوفي بإستقلال الجنوب و التعاون في مجالات أخري تزكم الأنوف (قذرة ) ....
مشكلة نظام الخرطوم ... أنه يريد أن يتعامل مع العالم بعقلية تاجر القطاعي .... أو الجزّار (البشير) ... كل شئ كوم براه ..... و يلعب نظام الخرطوم دور المتغابي فيرسل تيكنوقراطيين و بيرقراط و رجال من الإنقاذ حاملي درجات عليا يتقنون الإنجليزية علي الطريقة الأمريكية (الطريقة التي خدعوا بها قريشن) ... فيتحدثون بحذاقة و إنفصام مدهش و مربك عن كل شئ عدا المذابح التي تدور في دارفور و جنوب كردفان و النيل الأزرق .....
الآن .... أمريكا ملاوزة حتي من أن تكون في غرفة واحدة مع أي مندوب من الإنقاذ ... لأن الصحافة الأمريكية و أعضاء من الكونغرس الآن في جبال النوبة يرسلون صور و فيديوهات (و ليس فقط كلام إنشائي) يبين وحشية نظام البشير .....
لكن نظام البشير يريد أن يقول لأمريكا: نحن والله أديناكم أي حاجة و ما فضّل لينا شئ من قروشنا و كرامتنا .. بغض النظر عن جنوب كردفان .. رأيكم شنو تدونا حاجة من الوعدتونا بيها؟؟!!
مثل ذلك الصحفي الذي سأل أرملة أبراهام لينكولن بساعات من مقتل زوجها: بغض النظر عن حادث الإغتيال لزوجك ... إنتي رأيك شنو في المسرحية من ناحية فنية ؟؟!!
مع أطيب التحايا يا دينا و زوار البوست .
ء
|
Post: #12
Title: Re: الشمار كاتـلـنا يا Mohamed Suleiman !!
Author: دينا خالد
Date: 03-04-2012, 05:04 PM
Parent: #11
اوووووووووووكى يا محمد ..
وها انت تجيب النجيضة ..
هو مؤتمر المانحين الزماااان داك الجد جد
قالوا لى هسه ما استلموا .. خليك من واحد يكون
اصلا ملكلكين ,, بعدين ذى ما قلت هو مؤتمر وكلام ووعود
يعنى مافى زول بجى شايل قروشو معاه !
حتى لو المؤتمر طلع بقرارات دفع ...
الدفع بكون تحت شروط .. كسر رقبه بس!
ــــــــــــــــ
الاتراك والصينين ديل الله لينا منهم !
بقوا مؤتمر وطنى عديييل ... لووووب
بوظو لينا الثورة من هسه .. قالوا اشجع
ناس حاليا هم كماسرة الحافلات البكوركو الثورة ... الثورة !
|
Post: #13
Title: Re: الشمار كاتـلـنا يا Mohamed Suleiman !!
Author: حافظ انقابو
Date: 03-04-2012, 06:04 PM
Parent: #12
خلينا من دا كلــــــــــــــــو
دايرن نعرف النجيضة
البشير ماشي ولا لا؟؟
وتركيا عضوفي الجنائية ولا لا؟؟
تحايا
كتاااااااااااار يا لووووووووووب
|
Post: #14
Title: Re: الشمار كاتـلـنا يا Mohamed Suleiman !!
Author: دينا خالد
Date: 03-04-2012, 07:24 PM
Parent: #13
احمد التجانى !
جنننك بنات ...
ما عندك لى افكار اولاد ياخ !
مااااا طلعتو عينا بالغبا دا ...
عاصم فقيرى !
انت ما سمعت بالحكومة العريضة ؟
جزء بى توب جزء بناطلين جزء تابيتا وهكذا ...
البرلوم انقابو !
هى الوزيرة قالت ليك ما عارفاهو يمشى ولا ما يمشى
تجى تسالنى انا ...
تركيا كان عضو .. بقدروا يخمجوا كدا ؟
قال دعم قال !
|
Post: #15
Title: Re: الشمار كاتـلـنا يا Mohamed Suleiman !!
Author: حافظ انقابو
Date: 03-04-2012, 07:39 PM
Parent: #14
السنيرة دينا
طبعاً لازم اسالك
واتحداكم
لو البشير مشى تركيا
احلقو شنب دينا خالد
|
Post: #16
Title: Re: الشمار كاتـلـنا يا Mohamed Suleiman !!
Author: احمد التجانى احمد
Date: 03-05-2012, 05:33 AM
Parent: #15
اهل الانقاذ اتضح انهم اغبى من تقلد الحكم فى السودان
الامريكان طبقوا فيهم مسرح العرائس
اخدوا منهم كل حاجة , استدرجوهم لنيفاشا وصولا للانفصال
مارسوا معهم سياسة اللين (قريشن) حتى يضمنوا الانفصال
السلمى لتحتفظ الدولة الجديدة بتماسكها ومكاسب الفترة الانتقالية
الان السودان فى محك حقيقى لا اعتقد ان قادة الانقاذ فى استطاعتهم
التعامل معه , تركيا والنرويج وماليزيا ديل ناس معارض وبزنس
ومؤتمرات ساى , ناس الحل والربط خلاص اختاروا مع من
ستكون وقفتهم .
Quote: ما عندك لى افكار اولاد ياخ !
مااااا طلعتو عينا بالغبا دا ... |
الابنة دينا
عارفين حامد مرضه كعب
لكن قسمتك بتجيك
بس عليك بالمهارات الرفيعة والباصات القصيرة
|
Post: #17
Title: Re: الشمار كاتـلـنا يا Mohamed Suleiman !!
Author: دينا خالد
Date: 03-05-2012, 06:46 AM
Parent: #16
ههههههههههههههههههه حريف والله !
اشهد بان مهاراتك رفيعه وباصاتك طووويلة
ــــــــ
شنو ياااا ماقلتو نوبة !
|
Post: #18
Title: Re: الشمار كاتـلـنا يا Mohamed Suleiman !!
Author: حافظ انقابو
Date: 03-05-2012, 01:05 PM
Parent: #17
Quote: لو البشير مشى تركيا
احلقو شنب دينا خالد |
|
Post: #19
Title: Re: الشمار كاتـلـنا يا Mohamed Suleiman !!
Author: دينا خالد
Date: 03-06-2012, 09:39 PM
Parent: #18
لو عزموا بمشششششى !
|
Post: #20
Title: Re: الشمار كاتـلـنا يا Mohamed Suleiman !!
Author: Mohamed Suleiman
Date: 03-07-2012, 11:46 PM
Parent: #19
أوكي يا دينا ...
الشمار إتحول لخبر مؤكد :
نجحت الولايات المتحدة في إفشال (أو تأجيل) مؤتمر مساعدة حكومة الإنقاذ للخروج من ورطتها المالية ..
( عصر شديد خلف الكواليس علي كل من بريطانيا و تركيا و النرويج) ....
هذه الأيام اوباما منبرش للناشطين ....
هناك إجتماع مرتقب في غضون يومين بالبيت الأبيض : بين الإدارة و الناشطين و منظمات الإغاثة ......
و عصِر شديد ....
|
Post: #21
Title: Re: الشمار كاتـلـنا يا Mohamed Suleiman !!
Author: دينا خالد
Date: 03-09-2012, 10:38 AM
Parent: #19
فعلا يا محمد
فقد تاكد فى صحف اليوم خبر تاجيل
مؤتمر استانبول المزمع لدعم حكومة البشير.
شكلو هو الجزره والعصا هناك مرفوعة لوقف الحرب
فى جنوب كردفان والنيل الازرق وعدم مناوشة الجنوب
ـــــــــــ
لو العصا نفعت ح ياكلو الجزره
ازر واييز ح ياكلوا نييم !!
|
Post: #22
Title: Re: الشمار كاتـلـنا يا Mohamed Suleiman !!
Author: Mohamed Suleiman
Date: 03-09-2012, 01:29 PM
Parent: #21
نعم يا دينا ... لقد طرشق المؤتمر .... (الحكومة تسميه خجلا تأجيل) ... لذلك يهرول البشير الآن بين الرياض و الدوحة :
Quote:
الخرطوم 8 مارس 2012 — رجحت تقارير صحفية نشرت فى الخرطوم تأجيل مؤتمر اسطنبول المخصص لدعم السودان والذى كان مقدرا التئامه فى اواخر الشهر الجارى بتركيا بعد قرار الادارة الامريكية بعد المشاركة فيه.
وربطت المصادر متطابقة التأجيل بالموقف الامريكى المتحفظ من المشاركة فى المؤتمر بعد وضع عدة شروط لمشاركتها فيه أهما تحسن الاوضاع فى النيل الازرق وجنوب كردفان، وأشارت الى ان تركيا رأت افضلية تأجيل المؤتمر.
وأعلنت وزارة الخارجية السودانية عن اجراء اتصالات مكثفة بين الخرطوم وجوبا وبين انقرا ومجموعة الترويكا النرويج بريطانيا امريكا للوقوف على الترتيبات لخاصة بانعقاد المؤتمر
وقال المتحدث باسم الخارجية السودانية العبيد مروح ان الدول المنظمة للمؤتمر ستعلن اليوم رسميا عقده في الموعد المحدد او تأجيله.
وابلغ الناطق الرسمي للخارجية مراسلي الصحف أمس بان اتصالات اجريت لتقييم نتائج الاستجابة والدعوات التي وصلت للدول المشاركة ومدي فرص نجا ح المؤتمر.
ونفي بان يكون هنالك طرف لدية رغبة في افشال المؤتمر ،وقال "ما في طرف لديه رغبة في افشال المؤتمر لكن في نقاش وتباين في وجهات النظر في التقييم الاولي لنتائج الاتصالات والترتيبات المعمولة "، وأضاف ان الاستجابات ستجعل الاطراف يقررون بان المؤتمر سيقوم ويكون ناجح او التأجيل او الارجاء.
وترفض الخرطوم السماح للمنظمات الدولية بالعمل في المناطق الخاضعة للحركة الشعبية لتحرير السودان في مناطق جبال النوبة بجنوب كردفان بحجة ان التمرديين سيستفيدون من المعونات الغذائية بينما تقول واشنطن ان المنطقة مهددة بمجاعة في حال عدم وصول المساعدات اليها قبل شهر مارس المقبل.
|
و الغريق قدام ...
عااجل: الكونغرس يطرح مشروع عقوبات و يطالب بإعتقال البشير
|
Post: #23
Title: Re: الشمار كاتـلـنا يا Mohamed Suleiman !!
Author: دينا خالد
Date: 03-13-2012, 08:26 PM
Parent: #22
طرشق عديييل كدا يامحمد .؟؟
انت كمان ما تديها كوز موية ...
قالوا هو محض تأجيل ..
|
Post: #24
Title: Re: الشمار كاتـلـنا يا Mohamed Suleiman !!
Author: Kostawi
Date: 03-13-2012, 09:29 PM
Parent: #23
| Quote: شعب و حكومة و كونغرس ويانكي و كابويات هنود حمر .. قنابير ساااي!! |
يا زول هوي
نحن شعب
حسن ألفاظك
إعتذر سريع
|
Post: #25
Title: Re: الشمار كاتـلـنا يا Mohamed Suleiman !!
Author: دينا خالد
Date: 03-14-2012, 06:21 AM
Parent: #24
الكرمبا انت بتكووت من وين ؟؟
بتاع اشاعات اصللى
قالوا مطلع ليك اشاعه
ان البشير ما ماشى للقمة العربية !!
|
Post: #26
Title: Re: الشمار كاتـلـنا يا Mohamed Suleiman !!
Author: Asim Fageary
Date: 03-14-2012, 06:39 AM
Parent: #25
Quote: لو العصا نفعت ح ياكلو الجزره
ازر واييز ح ياكلوا نييم !! |
يا دينا
الجزرة دي كان أكلوها ف ناس بيبكوا بدموعهم
لأنو في ناس عاوزين الجزرة تكون موجودة سالمة وغيابها ببهدلم
|
|