Post: #1 Title: عود لينا ياليل الفرح Author: خالد المحرب Date: 03-03-2012, 00:18 AM Parent: #0
يا سلام هديه منى فى هذا الليل الساكن جدا فى هذه اللحظه شباك غرفتى فاتح على الشجر ونسمه خفيفه تداعب اغصانه منظر بديع وانا استمع الى اغنية ليل الفرح فحبيت ارسلها عبر منبر بكرى ابوبكر الله يديه الصحه والعافيه لمن يجد هواه فيها
Post: #2 Title: Re: عود لينا ياليل الفرح Author: خالد المحرب Date: 03-03-2012, 00:25 AM Parent: #1
Post: #3 Title: Re: عود لينا ياليل الفرح Author: خالد المحرب Date: 03-03-2012, 01:00 AM Parent: #2
Post: #4 Title: Re: عود لينا ياليل الفرح Author: خالد المحرب Date: 03-03-2012, 02:48 AM Parent: #3
الاغنيه اهديها لى د احمد خالد المحرب
Post: #5 Title: Re: عود لينا ياليل الفرح Author: خالد المحرب Date: 03-03-2012, 05:39 AM Parent: #4
Quote: بفتكر بعد الاغاني دي مش عاد ليل الفرح الليل زاتو فرح واصبح صـبـاح تسلم وسلموا ليك كل البفرحوك مودتي
استاذى العزيز السنى ات عارف انا لما كنت بستمع فى هذه الاغنيه كنت فى غاية السعاده اسبوع ملى جدا بالتعب وكنت فى بين الاولاد فى قمة السعاده ولكن كنت شايل هم وطن هل انا كنت محق ؟؟؟؟؟؟
Post: #28 Title: Re: عود لينا ياليل الفرح Author: خالد المحرب Date: 03-09-2012, 08:58 AM Parent: #7
مكرر
Post: #9 Title: Re: عود لينا ياليل الفرح Author: خالد المحرب Date: 03-03-2012, 09:35 AM Parent: #6
الزول الوسيم فى طبعو دايما هادى لى الزول الجميل اسماعيل محمد احمد عباس
تمشي خطاي كتير فوق الدروب عتاره وسيوف اقداري دايما للفرح بتاره كان الدنيا بتسعد والظروف ختاره ماكان عيني لجت والدموع قطاره
انا حزينة يا خالد
ومجروحة من ناس بحبهم وبعزهم
جرح المنى واوجعنى وجعلنى ابكى كثيرا
Post: #13 Title: Re: عود لينا ياليل الفرح Author: محمد عبدالرحمن محمد Date: 03-03-2012, 04:37 PM Parent: #12
إسماعين، وحاة الله وصِفاتو، لي زمن كايس انداخل معا زولن متلك نضيييييف، موك فشان انك صاحب نسيبي اللدود اب اصبع، فقطن فشان الخليقي الهني في الحوش مَجْمعي إنك من العامرات دواخلن بالسمح والسماح.. إلى حين تاني، هاكا مشتاقين، آداء محمود أخو النعام:
Quote: إسماعين، وحاة الله وصِفاتو، لي زمن كايس انداخل معا زولن متلك نضيييييف، موك فشان انك صاحب نسيبي اللدود اب اصبع، فقطن فشان الخليقي الهني في الحوش مَجْمعي إنك من العامرات دواخلن بالسمح والسماح..
ولو لاقيتو ها تكون من اسعد الناس لانك بتعرف زول زي سمعة ده
عارف يا محمد سمعة ده من الناس الاول ما تشوفوا تحس بانك فرحان وطوالي تضحك من غير سبب
انسان راقي وفاهم وحنين وطيب ولو حاولت اكتب اكتر ها اقصر في حقو عشان كده كفاية
عارف يا محمد اسماعيل ده طوالي بزكرني الخال بشير عبد القيوم في وجاهتو وطيبتو وظرافتو
إنت زول أصيل والله وأشكرك على مشاعرك الجميلة.وأشكرك على الهدية القيمة...ويا أخى صاحبى أبوحسين ده من الزمن الجميل وزادت قيمتو عندى لما لقيتو ليك ما شاء الله عندو زوجة تتوزن بالدهب ..ربنا يحفظها وعيالها يارب.
أم حسين الله يديك العافية يارب وأتمنى أن أكون عندكم كما تظنون..
أها خلونا نرجع للفرح وأبو أحمد...تقديرى الشديد للجميع.
Post: #16 Title: Re: عود لينا ياليل الفرح Author: فيصل محمد خليل Date: 03-03-2012, 08:49 PM Parent: #15
وسط الدايرة أجمل نايرة خلي قلوبنا تطير وارحلي بينا فراشة حنينة بين زينات وعبير ولما الخصلة تدور طربانة تبقي حرير في حرير
فرحي خلق الله واتّنّي ياشبه القمرة وارقصي رشي عبيرك فينا وفتحي يا زهرة
أرقصي زيدي الساحة سماحة نحن معاك نشيل
نغني غناوي ..نحكي حكاوي لما ندوب في الليل
لا ترتاحي لا تريحينا لسة الوقت طويل
عمرك كل فرح يا زينة شيلي من الأفراح وادينا
راقصي البسمة راقصي النسمة خلي الموجة تدور بينا
أوعي تهدي كمان اتحدي
يلا جميلك تمي علينا علينا
Post: #17 Title: Re: عود لينا ياليل الفرح Author: فيصل محمد خليل Date: 03-03-2012, 08:49 PM Parent: #15
مكرر المعذره
Post: #18 Title: Re: عود لينا ياليل الفرح Author: فيصل محمد خليل Date: 03-03-2012, 09:08 PM Parent: #17
هـديــه الـى شـيـخ الـعــرب ود الـمـحــرب
مــن الـعـم كـمــــــــــــــــال
مـع اطـيــب الامــانــــــى
Post: #19 Title: Re: عود لينا ياليل الفرح Author: عفاف أبو حريرة Date: 03-04-2012, 06:15 AM Parent: #18
Quote: وين الفرح مع الدنيا البتسرق منك اجمل لحظات الفرح
تمشي خطاي كتير فوق الدروب عتاره وسيوف اقداري دايما للفرح بتاره كان الدنيا بتسعد والظروف ختاره ماكان عيني لجت والدموع قطاره
انا حزينة يا خالد
ومجروحة من ناس بحبهم وبعزهم
جرح المنى واوجعنى وجعلنى ابكى كثيرا
Quote: أأأأأأأأأأأأأأأأأأأأأأأأأأأه يا خالد
سلامتك من الاهه ياوضاحه صدقيني ما تهتمي لي الايام ظروف بتعدي طبيعة الدنيا زي الموج تشيل وتودي الدنيا زي مافيها البجرح في ناس كتار بتداوي كوني بخير
يا ربيع الدنيا في عينيا يا نور قلبي يا معنى الجمال يا كل روحي يا أماني هواي
بابا انت الفرح كله ليل ونهار كل ما بسمع الاغنية دي بفتكر لما كنت بتقول لينا انا قبل ما اعرس امكم كنت بشتغل النهار كله وبليل ما بنام كنت بسمع لي عثمان حسين وافكر فيكم قبل ما كان تجو للدنيا وفي امكم .. ما ظنيت في ليالي فرح بتكون بي نفس النكهة دي تاني الله يخليكم لينا .
Post: #23 Title: Re: عود لينا ياليل الفرح Author: خالد المحرب Date: 03-05-2012, 04:41 AM Parent: #22
كل الناس الزينين وسمحين والله اجيكم واحد واحد انا شرحت كتير حتة مضغوط فى العمل بقيت اخجل منها لكن قطع شك مع هذا الفرح والتواصل لازم اجى اعرض معاكم فى الداره دى وبى مزاج اللله يخليكم جميعا ادونى فرصه القا لى فرقه لكم كل التقدير واحبكم جميعا نساءا ورجال يا انبل ناس ....... محمد عبد الرحمن تلفونى 00966542431919
Post: #24 Title: Re: عود لينا ياليل الفرح Author: ismeil abbas Date: 03-05-2012, 07:48 AM Parent: #23
اخى اسماعيل مرات الزول بكون عندو هموم تانيه يعبر عنها بكلمات اذا كان شاعر مثلا ليس بالضروره ان يكون الهم يعنيه هو انا عندما انذوق هكذا اغانى اجد فيها سلوى لما يدور فى خاطرى تجاه وطن نزع منى دى كانت الفكره وانا من احى صديقى د عبدالله شاعر الاغنيه
Post: #30 Title: Re: عود لينا ياليل الفرح Author: خالد المحرب Date: 03-09-2012, 09:09 AM Parent: #12
Quote: خالد عود لينا يا ليلى الفرح
وين الفرح مع الدنيا البتسرق منك اجمل لحظات الفرح
أأأأأأأأأأأأأأأأأأأأأأأأأأأه يا خالد
وضاحه المداخله بتاعتك جد حزينه ولكن انا فى راى اضربى عرض الحايط بكل الذى كان سبب فى هذا الحزن اذا كان شى خاص اما العام فكلنا حزن انا عندما فتحت هذا البوست كنت اعنى الشأن العام
Post: #29 Title: Re: عود لينا ياليل الفرح Author: خالد المحرب Date: 03-09-2012, 09:02 AM Parent: #11
Quote: الاخ خالد .. تحياتي ان شاءالله دايما فرحان يا رب
تحياتي لعفاف والحلوين العندك
اهلا يا ام السهورى وزاد الفرح بطلتكم الجميله دى والله
Post: #27 Title: Re: عود لينا ياليل الفرح Author: خالد المحرب Date: 03-09-2012, 08:55 AM Parent: #10
شكرا خليل الله يديك العافيه اسف جدا للتاخير فى ردودى على الاحباب وكثيرا ما اتردد فى فتح البوست لانى اقصر دايما فى الرد بسبب المشاغل والناس قد تفهمنى غلط ودى ضربه كبيره لى ان اكون مزعل منى زول فى هذه الفانيه
